https://www.facebook.com/286557922116782/

Hadi, Kabul (2024)

04/04/2024

”دې لیکنې زما د سترګو نه اوښکې روانې کړې“😓💔
د مشهورې فرانسوي ماډلې مارين الحمير څخه چا پوښتنه وکړه چې ته کومې خبرې متاثره کړې چې اسلام دې قبول کړ؟
هغه ځواب ورکړ ډيرې مطالعې او څيړنې تر څنګ چې ما خپل نفس ته مراجعه وکړه او همدارنګه مې خپل ژوند ته لومړيتوب وټاکل نو زه مسلمانه شوم هغه زياتوي دغې واقعې زه ډيره متاثره کړې يم ،‌ د رسول الله صلی الله عليه وسلم مجلس کې ډير خلک ناست ول، يو شخص پاڅيد او غوښتنه وکړه چې يا رسول الله ما ته دعا وکړه زما ماشوم ځوي له څو ورځو راهیسي بې درکه دی نه موندل کيږي!
مخکې لدې چې محمدﷺ هغه ته دعا وکړي مجلس کې ناست يو بل شخص اوچت شو او وويل: يا رسول الله ص زه اوس د فلاني باغ تر څنګ تيريدم دا ماشوم مې له نورو ماشومانو سره يو ځای وليد چې لوبې کولې!
کله چې ماشوم پلار دا خبره واوريده په خوشحالۍ او په مڼډه هغه باغ لورې ته روان شو.
رسول الله صلی الله عليه وسلم ورته وفرمایل: ايسار شه او هغه يې بيرته راوغوښت!
هغه شخص رسول الله صلی الله عليه وسلم ته وويل: يا رسول الله ته ښه پوهېږې چې د يوه پلار احساسات څرنګه وي؟
رسول الله صلی الله عليه وسلم وفرمايل: ښه پوهيږم ليکن ستا د رابللو مقصد دا دی او بيا يې وفرمايل: کله چې باغ ته ورسيدې د ځويه! ځويه! غږ پرې مه کوه بلکې پخپل نوم يې راوبوله!
هغه شخص وويل: يا رسول الله ص هغه زما ځوي دی د ځوي وينا کې څه حرج دی؟
رسول الله صلی الله عليه وسلم ورته وفرمایل: د څو ورځو بې درکۍ له امله ستا په لهجه کې هغه ته د مينې او درد کيفيت دی او ته پوهيږې چې لوبو کونکو ماشومانو کې به کوم يتيم هم وي که چېرې ستا لهجه کې هغه ته خوږوالی زيات وي هغه يتيم زړه ته صدمه رسيږي او ارمان کوي چې اي کاش زما پلار ژوندی وای چې ما ته يي هم زويه! ويلي وای، کور ته ماشوم بوزه خپل شوق هلته تر سره کړه.
رسول ص وفرمايل: د بل چا ميرمن پر وړاندې خپلې ميرمنې سره محبت مه کوﺉ، همدارنګه رسول ص خلک منع کړي چې د غريب پر وړاندې خپل دولت نمايش مه کوﺉ، د خپل کور د غوښې خوشبويي څخه همسایه مه تنګوﺉ.
محترمو ورونو: اختر ورځې راروانې دي که هر يو دا فکر وکړو چې اقلاً يو يتيم ځان سره په خوشحالۍ کې څرنګه شريک کړو کيداي شي دا عمل مو د بخښنې سبب شي هيڅ نده معلومه کيداي شي زمونږ د ډيرو دا اخرنۍ اختر په دنيا کې وي....

29/03/2024

د غصب پر مځکه له جوړ مسجد څخه تر تراوو وروسته خپل هغه کور ته داخل سو چي، نیم د خویندو حق و او نیم د تاریاکو په پیسو جوړ سوی و.
یو دم ئې د ماینې او اولادونو بغاري تر غوږ سوې، د هغو خوراکي توکو د ګدامونو مسؤل زوی ئې اپنډکس سوی چي، خوراکي توکي ئې د روژې په خاطر ذخیره کړي وو.
دې هلک پر روژه مات درې رقمه کباب‌‌، روښ او لس رقمه نور خواړه خوړلي وو.
د لسو عمرو او درو حجونو کس له جېبه د لور په ولور رانیول سوی هغه ایفون را و ایستی او یوه روغتون ته ئې زنګ وواهه چي، تازه ئې دوهمه لور په ۹۰ لکه کلدارو خپل د نشه یي توکو قاچاقبر ملګري ته ورکړې وه.
په ځغاسته ئې د هغه GXR دروازه خلاصه کړه چي‌، تازه ئې روژه کي په اوړو کي د زیاتي ګټي په پیسو رانیولی و.
زوی ئې موټر ته پورته کړ، د سرای دروازې تر پرانستلو وروسته ئې د موټر تېزي بټۍ د هغي کونډي د کور پر زنګ وهلي دروازې ولګېدې چي، ۱۸ روژې ئې په وچه ډوډۍ او چای نیولي وې.
روغتون ته نژدې پر یوه نانوايي ئې ناستو ښځو ته پام سو، مېرمني ته ئې مخ ور واړوئ؛ (دا ناستي ښځي وږي نه دي‌، دا په دې پلمه نور ... کارونه کوي...)
پای
بسم الله وطن دوست

18/03/2024

د لمانځه تصدیق؛

خلکو ويل چي مکتب هلکان کافران کوي، ښايي د مکتبيانو پر لمونځ نه کولو به خلک شکيان وه چي د مکتب ادارې زموږ څخه د لمانځه تصديق غوښتی، موږ به د خپل مسجد له ملا څخه تصديق وروړی. زياتره شاګردانو له دغې مسلې سره مشکيلات درلودل، ځکه زياتره ملايانو خط نه سو ليکلای خو زموږ ملا په فارسي ښه خط ليکي، په لوړو صنفو کي زه په لمانځه کي سوست سوم، نو د تصديق په اخيستلو کي مي ستونزه پيداکړه، خو هغه مي داسي حل کړه چي کله به د ادارې د تصدیق وخت را ورسیدی، نو به څو ورځي ټينګ ټينګ د سهار او ماخستن لمانځه لپاره ورتلم، ملا به ډير خوښ وو، څو ورځي وروسته به مي له ملا څخه تصدیق و غوښتی، ليکن کله‌ چي دا ډول تصديق غوښتل تکرار سول، نو به ملا راته ويل هلکه د تصديق وخت خو دي نه دی رانژدې سوی چي ټينګ ټينګ لمونځونه کوي.🫣

د نيمي پيړۍ خاطرې

14/03/2024

د کوچني سرای له دوهمي خوني د نجلۍ د ژړا ږغ تر موږ تېر و
شاهدان ورته ولاړ و چي نجلۍ وکیل وټاکي، خو د هغې ژړا وار په وار لوړېده.
د نجلۍ د مور ږغ تر موږ تېر سو (سکوت رضا ته وایي) د نجلۍ وکیل خپل پلار دی.
په څو دقیقو کي (در کړې مي وه، درکړې مي ده/ ورته قبوله مي وه/ ورته قبوله مي ده) درواغجني او د زور جملې تاوبالا سوې؛ د زوم پلار نکاح تړونکي ته زر پنجابۍ ورکړې او هغه د مخ په جېب کي په داسي وخت کي اچولې چي ویل ئې: لمونځ د الله حق دی او (د ماځیګر د لمانځه وخت دی‌، د ماځیګر لمونځ بېخي زیات ثواب لري، ځکه چي الله ج د والعصر په سورت کي په ماځیګر قسم اخلي).

14/03/2024

هغوی چي د خپل ویښ وجدان سره ویده دي، اصلاً دوي انسانان نۀ بلکي اهلي حیوانات دي.

19/02/2024

ورور د سختي ورځي یار دی

د غره په لمنه کي یو کوچنی کلی ودان و، په همدې کلي کي یوه څاه و چي ټول کلیوالو به استفاده ځیني کوله، کليوالو ښه خوشحال او با اتفاقه ژوند درلود یوه ورځ د کلي خلکو له څاه څخه اوبه وړلې چي ناڅاپه سلواغه په څاه کي ورکه سوه کلیوالو بله سلواغه پر سرۍ وتړله او څا ته ئې شوه کړله دا هم هم ورکه سوه خو درې نور سلوغې هم ورکې سوې کلیوالو دا فکر وکړ چي په څاه کي پیریان دي،
کیلوالو یو ځوان ته وویل ته و څاه ته ور تا سه او وګوره چي په څاه کي داسي څه دي چي سلوغې ورکیږي، ځوان وویل، په یوه شرط څاه ته تاکیږم چي ورور مي راسي دلته د څاه پر غاړه ولاړ وي.
ورور ئې راغلی، ځوان په رسۍ ځان کلک وتړی، څاه ته ور تا سو اوبو ته نا رسیده په یوه غار کي بیزګۍ ناسته ده، بیزوګۍ چي په څاه کي ډېره نفس تګه سوې وه ، ژر د ځوان د ځوان اوږو ته وغورځیدله ، ځوان خلک خبر نه کړل چي په څاه کي څه روان دي، ځوان دا نور خلکو ته ور ږغ کړل چي رسۍ کښ کړئ کله چي د څا سر ته نیږدې سو، د خلکو بیزوګۍ تر سترګو سوه، ټول دا فکر وکړ چي دا پیری دی، له ډېري بیري څخه ټولو رسۍ ایله کړله او وتښتیدله خو ورور ئې رسۍ کلک نیولی و چي ورور ئې څاه ته ونه لویږي او مړ نه سي.

که د یاد ځوان ورور نه وای، ځوان به هم نه و.

الله پاک هم موسی علیه السلام ته وویل، په ورور به دې مټ غښتلی کړم.
په سخته ورځ به دي ټول پرېږدي، یوازي به ورور درسه ولاړ وي.
نو د خپل ورور درناوی وکړئ د مور او پلار وروسته ورور ډېر حقدار دی.

18/02/2024

د چرسي سړي عجیبه کیسه!😢😞

یو چرسي راغلی او راته وویل د چرسو لپاره لږي پیسې راکړه.
ما ورته وویل چي، راسه خواړه درکوم موړ به سې؛ خو د چرسو لپاره پیسې نه درکوم.
چرسي راته وویل، رزق ورکونکی بل دی، که د چرسو لپاره پیسې راکوې، راکړه کنه ولاړم درڅخه
ما یو څو پیسې ورکړې او چرسي روان سو، زه هم ورپسي روان سوم تر سو تعقیب ئې کړم چي چیري ځي،
په یوه کوڅه کي واده وو یو سړي غټ پتنوس را خستی و چي د وریجو تر څنګه دوه ډوله غوښي هم پکښې وې چي، نا ناڅاپه پتنوس ځیني ولویدۍ وریجي او غوښي پر مځکه چپه سول
چرسي دغه پاشل سو ورجو او غوښو ته کښینستئ او خوراک ئې شروع کړ؛
یو دم ئې شاته وکتل زه ئې ولیدلم،
ماته ئې یوه جمله وویله چي، هغه جمله به زما ټول عمر په یاد وي،
راته ئې وویل، دا وخت له الله تعالی ج سره مي اړیکۍ خرابي دي، کنه نو ماته به ئې په لوښي کې رزق راکوه؛ خو زما رب دومره مهربان دی چي، له چا څخه خفه هم وي، بیا ئې هم وږی نه پریږدي ځکه د رزق قول ئې له ټول سره کړی دي ❤️

27/01/2024

دوهمه برخه

د غرمې سيوری ړنګ و، د کلا تر مخ د مېلمنو اوږده کوټه له کليوالو ډکه وه، ټولو لونګۍ تړلې وې، لمر سوځولې
خړې څېرې يې درلودې. په غولي ليکي ليکي ګيلم )ټغر( هوار و، يوه له اوبو ډکه بدنۍ او دوه تُفدانۍ ايښې وې..
نور غلي ول، يواځي په بل سر کې ناستو سپين ږيرو خبرې کولې...دوي په پسونو کې د ټک ناروغی يادوله، يوه
شکايت درلود چې په درې شواروزه کې يې يوولس پسونه مردار شول، بل ټک يوه ساري ناروغي بلله، ويل يې چې
مړه پسونه بايد تر خاورو الندې شي، خو درېيم د دې خبرې مخالف و، ده هر څه د خدای له خوا ګڼل....
داوخت په وره کې يو سړی ودرېد، کليوالو ورته وکتل، د سړي څېره نېولې وه، ويل يې چې ملک عطا الدين په
خپله خسر ګنۍ کې هم نه و.
کليوال په اندېښنه کې ول، د کلي ملا وټوخل، په زامت يې وويل:
_زړونه غټ ونيسئ، ملک صيب د بدو سړی نه دی، چېرته به تللی وي، پر الله يې وسپارئ! پيدا به شي.له دې سره يې دېوال ته ولاړې لکړې ته لړزانده لاس ور وغځاوه، په زوره يې وويل
_يا الله! د خدای د يادولو وخت دی.
شېبه وروسته په کوټه کې يواځې يو سړی پاتې شو، ده کږه پزه درلوده، په ږيره کې يې سپين تارونه لیدل کیدل سړی يوه شېبه ناست و، بيا ولاړ شو، په تګ کې يې کيڼه پښه درنه پسې اخيسته، له کوټې ووت، د کلا لويه
دروازه يې بنده کړه، غوټۍ منډه ور واخيسته، پيچلي تور ويښته يې پر تندي پراته ول، وړې سترګې يې سرې
ښکارېدلې...په زوره يې وويل:
_کاکا! د پلارجان مې کوم درک ونه لګېد؟!
د سړي سر وځړېد، ورو يې وويل:
_هر ځای مو پسې ولټاوه، خو...
يوه تېره چيغه يې په غوږو کې ننوته:
_په څه باله دې وخوړ؟ هه!
د کتار خړو کوټو تر مخ په عمر پخه ښځه والړه وه.
سړي وويل:
_چټياټ مه وايه!!!!
ښځې يودم کوکه کړه، نجلۍ منډه ور واخيسته، ښځه يې تر مټ ونيوله، ورو يې وويل:
_مورې! رسوايي مه جوړوه! رابه شي!
ښځې سړي ته وکتل، چيغه يې کړه!
څه ټکه دې پرې واچوله؟! تر کوم پاڼ دې لاندېکړ، هه؟!
دوې زړې ښځې له کوټې راووتې، په عمر پخه ښځه يې تر مټ ونيوله، په وره يې ننه ايسته.
غوټۍ بېرته سړي ته ورنږدې شوه، په ژړغوني غږ يې وويل:
_کاکا! پلار مې بيګا له تا سره و؟ نه؟!!!
سړي په خپله پزه لستوڼی تېر کړ، شونډې يې وخوځېدې:
_هو! موږ تر ناوخته ناست وو، د اوبو پر سر نه سره جوړېدو، وروسته مو د ځمکې د ويش کاغذونه رامينځته کړل،
ښکاره ليکل شوي وو، چې پلار دې د کاريز په اوبو کې دوه شواروزه حق لري، خبره له جنجاله پرته خلاصه شوه، دې ماخستن ناوخته زموږ له کوره ووت.
نجلۍ وويل:
_پلارجان به چېرته تللی وي؟
د سړي سر وځړېد:
_نه پوهيږم. کليوالو هرځای پسې ولټاوه، خو...
کړپ شو، د کلا د لويې دروازې دواړه پلې پرانيستل شوې، پر يوې خرې د شوتلو غټ بار تړلی و، د بار پر سر يو
لوی لور ټومبلی ښکارېده، د خرې له دواړو خواوو د شوتلو شنې پاڼي ځړېدې. په خرې پسې يو خيرن ځوان ګامونه
اخيستل هډور سړی و، مړه ږيره يې درلوده، سترګې يې غټې وې، پر تندي يې د کالدانې لوی داغ ښکارېده.
سړ يور ږغ کړ:
_جانکو!
ځوان، بار پرېښود، ورغی، سړي ته مخامخ ځوړند سر ودرېد.
سړي وويل:
_ته د شپې په باغ کې وې؟
ځوان د )) هو (( په نښه سر وخوځاوه.
د سړي شونډېوخوځېدې:
_د باغ د ېوال ته نږدې عمومي لاره ده، کوم غږ، ټوخی يا د دروازې کړپ دې وانه ورېدئ؟
ځوان د )) نه(( په بڼه سر وخوځاوه.
سړي خرې ته وکتل، په اخور کې يې خوله وهله...دواړو خواوو ته تړلو غواوو غړۍ ورغځولې وې، په خپلو اوږدو
ژبو يې له بار څخه ځړېدلې شوتله ور ټولوله...

د دوهمي برخي پای

27/01/2024

يو عرب د خپل کور په انګړ کي دځان لپاره قبر جوړ کړیدی، هره پنج شنبه پکښې پرېوزي او دا کليمات وايي:
خدايه! ما د دوهم ځل لپاره دنيا ته وليږه ترڅو نېک عملونه وکړم او له بدو اعمالو ځان وساتم.
بيا ځان ته خپله مخاطب کيږي او وايي:
پورته سه! دوباره دنيا ته ولاړ سه او ښه عملونه وکړه، وروسته په ډېر شوق او خوښۍ له خپل قبر څخه راپورته کيږي او ښه عملونه کوي.
دېته د ځان اصلاح وايي.
د لا جالبو معلوماتو لپاره زموږ فیسبوک پاڼه خوښه کړئ.

18/01/2024

لومړۍ برخه
که ئې په ثبتي بڼه غواړئ نو په ښه کندهارۍ لحجه ثبت ده ؟

سپوږمۍ وه، سړي منډې وهلې...ساه يې لنډه لنډه کېده، يو ځای ولوېد، بېرته پورته شو، پښې يې بېسېکه وې،
پر وچو پاڼو وخوت، زړه يې ولړزېد، شا ته يې وکتل، پر اوږه کې يې نریدرد تېر شو، الس يې ورووړ، ګوتې يې په
وينو لندې شوې، څو ګړندي ګامونه يې واخيستل، پښه يې د دوو تيږو تر منځ بنده شوه، پړمخي پرېووت، له
خولې يې الړې وبهېدې، د والړېدو سېکه يې نه ليده، يوې ټيټې ونې ته ور وښوېد، د ونې تنې ته يې څنګ
ولګاوه، غوږونه يې څک کړل، چوپه چوپتيا وه، چرچرک نارې وهلې....
سړي سړه ساه واخيسته، پورته يې وکتل، يوه ستوري منډه کړه، تر يوه ځايه سپينه رڼا ورپسې وه، وروسته ورک
شو.
سړی ښه شېبه غلی ناست و، بيا يې ګېډه توده شوه، الس يې ورووړ، ټټر يې پر وينو لوند و. ورو والړ شو، زړه يې
سستي ورکوله...خوا يې راګرځېده...ټوخي واخيست، خو لې ته يې الس ونيو، ساه يې تر پزې راووته. څو ګامه يې
واخيستل، پښې يې درنې وې، وينه يې ورانه ته ورسېده، وروسته يې ښی بوټ هم لوند شو، ټول بدن يې لړزېده....
ځنګنونه يې پر تيږو ولګېدل، باڼه يې سره ور وستل، د کورنۍ غړي يې سترګو ته ودرېدل، السونه يې پر ځمکه
ولګول، سترګې يې رڼې کړې، پورته يې وکتل، ستوري د اوښکو له السه تت ښکارېدل...
سر يې وځړېد، زړه يې ولړزېد، السونو ته نږدې يې تور بوټونه ښکارېدل، د يوچا لمن يې پر مخ ولګېده، پاس يې
وکتل، بنيادم و، سپوږمۍ د يوه تبر د څوکې پر سر والړه وه، تبر په شدت ټيټ شو، د سړي په غاړه کې څړيکه
شوه، پر سترګو يې تياره راغله، کيڼ اړخ ته ړنګ شو، وينو داره وکړه، يوه ليکه لندې تيږې د سپوږمۍ رڼا ته
وځلېدې

يوه پيغله له کال ووته، باغ ته والړه، يوه سپينه جنت کوکۍ ) شب پرکه ( پر سره ګل ناسته وه، د نجلۍ ګرده لمن له
بوټي سره ولګېده، ګل وښورېد، جنت کوکۍ خپل سپين وزرونه ورپول، والوته، په هوا کې له يوه بل پتنګ سره يو
ځای شوه، وروسته په شنو پاڼو کې تر سرو مڼو پټ شول.
نجلۍ د لښتي پر ژۍ کېناسته، پالستيکي چوټې ) چپلکې ( يې پر شنه چمن کېښودې، لښتي ته يې پښې
وروغځولې، اوبه سړې وې
(
www.Larawbar.net 6
يو دم يې د ښۍ پښې بټه ) غټه ( ګوته وتخنېده، اوبو ته يې وکتل، يوه کوچني خړ کب يې د دوو سپينو ګوتو په
مينځ کې خوله وهله....نجلۍ پښې ته ټکان ورکړ، کب په اوبو کې مخ پورته الړ.
نجلۍ ښي لور ته وکتل، د شنو پاڼو له چولو څخه د تاکونو په مينځ کې خړه کوټه ښکارېدله، چوپه چوپتيا وه،
يواځي مرغۍ چوڼيدلې....
نجلۍ مخ ته څو لپې اوبه ورواچولې، اوبه وڅڅېدې، سپينه غاړه يې لنده شوه، خوند يې ورکړ، بيا يې لپه ډکه
کړه، اوبو له پاسه د مرغۍ خړ چوچوڼی ) بچی ( راووړ، نجلۍ ور پورته کړ،د مرغۍ د چوچوڼي نوې راوتلې بڼکې
لندې وي...نجلۍ د مرغۍ چوچوڼۍ پر شنو وښو کېښود، سهارنی لمر ښه پرې ولګېد، وزرې يې پرانيستې، غلی
پرېووت.
نجلۍ يوه شېبه کېناسته، لنډه، لنده زنه يې ځليدله...وروسته د کال په دېوال کې باغ ته پرې شوې وړه لرګينه دروازه
پًرانيستل شوه، يوه په عمر پخه ښځه په وره کې ودرېده، يوې، بلې خواته يې وکتل، په زوټه ) زوره ( يې وويل:
_غوټۍ!
نجلۍ والړه شوه، ورغله، ښځې ته يې وکتل، د هغې څيره نيولې وه.
نجلۍ وويل:
_ولي خپه يې؟!!!
د ښځې شونډې وخوځېدې:
_پالر دي ال نه دی راغلی.
_څه؟!
_هو لورکۍ! تير ماخستن ستا د تره کره و، له هغه سره يې دکاريزه د اوبو په ويش خبرې کولې، ويل يې چې ناوخته
راځي.
نجلۍ يوه شېبه غلې وه، وروسته يې شونډې وخوځېدې:
_ما ويل چې په کوټه کې به وي.
ښځې تندی تريو کړ
_نه!
نجلۍ وويل:
_زړه مه خوره! جانکو د تره کره ور ولېږه، درک به يې مالوم شي.
ښځې وويل:
_ښه ده، زه به ورته ووايم.
نجلۍ د ونو په مينځ کې والړې خړې کوټې ته وکتل، په خشکه يې وويل:
_هغه خو ال تر اوسه ويده دی.

د اولي برخي پای، مخ ته ئې شير کړئ ملګرو

18/01/2024

د ښځي په نامه الله ج موږ ته یوه ستره تحفه راکړې ده چي یو شمېر سر زوره نارینه ئې په قدر نه پوهیږو، ځیني وخت ئې لتکوپ کړي او ځیني وخت د مینځي کار ځیني اخلي له خپلو میرمنو څخه حال دا چي میرمنه له نازونو څخه جوړه ده ناز اړ ادا ورسه زښت خوند کوي،
تاسو لږ و دې ته فکر وکړئ، که په نړۍ کي ښځه نه وي ایا دا دنیا خوند، ښایست، سکون، لرئ؟
ښځه مور ده، ښځه میرمن ده، ښځه خور ده🥰
ټوله ئې لایک کړئ چي سو کیږي.

18/01/2024

خپله خوښه بدنامي ده؛

سهار لمر لا د غره پرڅوکه وو، نازو په لمن کي د چرګانو وړه ډوډۍ راوړه، چرګان هم له خپلو ځایو څخه ډوډۍ ته په سيالي را روان وو، د نازو پزه راوتلې وو د لستوڼي ژی يي پر پزه راتيره کړه، سرمت خان هنداره خلاسه کړه شين نسوار يي تو کړ هنداره يي بنده کړه، ګلمينه لا په خونه کي ناسته وه، له ماښام راهيسي يي هيڅ نه وو خوړلي، تابه ويل چي له ډوډئ سره يي دښمني راخيستې ده، سرمست خپلي مايني ته ورږغ کړل، ها شاتريني! راسه پياله راډګه که.

شاتيرینه رانه غله چرګانو ته يي اوبه هم راوړلې، لمر ورو ورو پر دېوالو سر راښکاره کوی، شاترينه ورغله د ګلميني پرسر يي لاس ورتير کړ ورته ويي ويل: لورکۍ ژاړه مه همدا به دي نصيب وي، اوس چي تا په ټول کلي کي د ميراجان اکا زوی خوښ کړی دی، دا په موږ کي ډير لوی پيغور دی، سرمست خو ستا دښمن نه دی، هغه نه غواړي چي ته بدنامه سي، بيابه په کلي کي اوازه وي چي ګلميني په خپله خوښه کوزده وکړه، د پلار او نيکه پزه دي مه ور پرې کوه، ګلميني هيڅ نه ويل، د خبرو په منځ کي به يوار و سوڼيده، په خپل پلو به يي اوښکي پاکي کړې، شاترينه راغله سرمست ته يي پياله ور ډګه کړه، سرمست له ځان سره و سوڼیدی، شاترينه يي بغل ته کينستله.

سرمست لکه نوم چي يي سرمست وو، بس همداسي سرمت وو، ګلمينه د ۱۹ کلو وه د خپلي کوزدې لپاره يي د ميراجان اکازوی خوښ کړی وو پلار چي يي خبر سو پر لور يي سر وګرزوی، سپکه سپانده يي کړه، ول زه به ژوندی يم ته به په خپله خوښه واده راڅخه کوي زما د پلار او نيکه نوم به دغسي مرداري شرموي، زما لونګوټه دي راسپکه کړه، ښځه مي نه ليده په خوښه کوزده مي نه لیده.
ګلميني همداسي ژړل، دکور هيڅ کار ته يي لاس نه ور وړی، له هرڅه يي روژه وه، سرمست ډيره سپکه کړي وه، اخير يي پلار يو سپينږیری ته ورپه نکاح کړه لور يي خبره نه وه، وروسته وړاندي لور يي خبره سوه چي پلانکي سپينږيري ته يي دپيسو په تاله ورکړي يم، په هغه ګړي يي د موږکانو دوا وخوړه او ځان وژنه يي وکړه...

12/12/2023

اتمه برخه
ليکنه پيوند خان 🥀

بازی به هره ورځ د سرک په غاړه ناست وو او د هغه دوه ځوانانو لاره يې څارله
مشر ئې هم وخت په وخت احوال اخیست ..
يو مازديګر يې يوه رنجر موټر وليده چې له ښار څخه د ظکلي په طرف روانه وه
بازی ځان يوې خواته کړ هغه يې ښه دقیق وليدل چې همغه دوه نفر پکې وو او ځان سره ی څه د سودا هم راخيستې وه چې د موټرپه ډالې کې ښکاريده
ماښام پوري بازی همدلته ورته منتظر وو چې پوهه شول ځوانان بيرته نه راځي
نو مشر ته يې زنګ وکړ او ويې ويل چې نن دغه ځوانان ختموو مشر ئې ورته وويل چې زه کسان درليږم ته منتظر شه
بازی د شپې ناوخته را ووت څو شيبې د کور مخ ته يې په چټکۍ سره قدم وهل شروع کړل
وروسته يې يو ورو غږ تر غوږو شو شاته يې وکتل دوه ببر ځوانان وو په لاس کې يې زيړه بوشکه هم وه
شاته يې ټوپکونه اچولي وو چې ان د ټوپک ميلونه يې تر پښو رسيدل
دری واړه سره ملګري شوو او د پولچک په لوري يې حرکت وکړ ...
بازي مخکي له مخکي يو مهم پولچک په نښه کړی وو
هلته لاړل بازي پيره کوله ځوانان لګياشوو يو يې په بوشکې پسې پيچکش را واخيست زيړ شنه او سره تارونه یی سره ښکته او پورته کوله وروسته يوه سره اشاره ولګيده هغه بل ملګري يې تر پله لاندې يو کوچنی کډی ويست
بيا يې غږ کړه ابو زره ! خلاص نشو ؟
له دې خوا غږ وشو بس خلاص ده
بوشکه یې هلته انتقال کړه تارونه يې ليږ بلې خواته وغزول بيای کوچنی ساده مبايل له جيبه را ويست هغه يې خلاص کړ سیم کارت يې کار کاوو بيا يې په يو پلاستيکي کڅوړه کې تاوو کړ د بوشکې په خواکې له تارونو سره يې کيښود
ملګري يې په بوشکه خاوري اړولې بازی پورته قدم واهه
ورسته يې په ګډه وويل يا الله خير بازی خانه نور به ځو راځه کار خلاص سو
له هغه ځايه را روان شوو سبا لپاره يې بازي ته وويل دغه نمبر واخله تيار يې په ټلفون کې واچوه کله چې رنجر په پله را وختله تا بايد نمر ډايل کړی وي کله چې زنګ ورشي ماين چاودنه کوي
بازي وويل سمه ده بس ماته يې پریږده
په سبا بازي ټوله ورځ په کنده کې ورته تيره کړه خو هيڅ رنجر ښکاره نشوه ان تر مازديګر پوري څو ځله یې مشر زنګ ووهه او ويل به يې څنګه سو
خو دبازي هم‌دا يو ځواب وو لا نده راغلی
شيبه وروسته د موټر غږ شو بازی مبايل کټ کړ سر يې را پورته کړ رينجر وه ...
ژر يې مبايل کې هغه نمبر را واړول چې ده ته ورکړل شوي وو
رينجر نور تر پله را رسيدلې وه زنګ يې ډايل کړ
څو ثانيو کې درز شو د خاورو سره د رینجر ټوټې هم په هوا شوې
د بازي څيره وغوړېده خو پام یې شو چې با يد ځان له دې ځايه وباسم ...
په منډه شو د کور تر دروازې یې ځان‌ لا نه وو رسولی چې د رينجرو او امبولانسونو غږونه يې تر غوږ شول ګامونه یې ګړندي کړل ...
د کور دروازه ټيل وهله بنده وه په زوره يې وټکوله ځواب يې ونه موندل دا ځل يې لغتې ورته بندي کړې
پاڼې غږ کړل درغلم پلاره ...
دروازه خلاصه شوه سړی په بيړه کورته ننوت ..
پاڼې دروازه وتړله بيا يې وويل پلاره لکه چې بيا ماين وچاوده ..
هو لورې ډير غټ ماين وو رينجر يې ووهله ...
سړي په منډه کوټې ته ننوت مبايل ته يې پرلپسې زنګونه را روان وو ‌...
کوټې چې ورسيده مبايل يې اوچت کړ له واره يې وويل
وشو قوماندانه زما شيرني به څه وخت راکوي
مشر ئې وويل سبا د ملک په حجره کې سره غواړو ...
مبايل یې قطع کړ ...
باز ګل سهار وخته پاڅیدلی وو راډيو يې نيولې وه
تر ټولو مخکې پکې دغه خبر راغی ...
«د .(.....) ولايت مرکز( ....... )سره نيږدې په يو کلی کې يو رينجر موټر د ماين په چاودنه کې له منځه تللی
نور حال زموږ د همکار په ريپورټ کې ...
همکار يې له سلام کلام څخه وروسته خبره تاید کړه او زياته يې کړه دغه چاؤدنه د مرکز سره نږدې د (.......) په نوم کلي کې رامنځ ته شوې چې د دولتی عسکرو د ملې امنیت دوه سربازان پکې شهيدان شوي
خبريال زياته کړه دغه دوه ځوانان چې تازه یي په هند کې خپلي نظامي زده کړي سرته رسولې وي اوس يې د ملي امنیت د ۴ نمبر قطې امريت تر لاس لاندي وو
د يو عيني شاهد په خبره دغه ځوانان چې جمال او اکبر نوميدل د جمال د کوژدې په مراسيمو کې د ګډون په موخه کلي ته راغلي وو او د دښمن په ماين کې یی خپل ژوند له لاسه ورکړ »
باز ګل په چورت کې لاړ ځان يې خجالت احساس کړ
بيا يې وويل د جمال کوژده وه ؟🤔 اوس به يې د مور او ميرمنې څه حال وي ؟
بيا يې راډيو بنده کړه د پيسو بنډلونه يې تر سترګو وګرځيدل وي ويل ځاااا مړه بلا می ورپسې ....
وخته یې چای وڅښه او ځان يې د ملک تر حجرې ورساو د ډلي مشر لا نه وو راغلې
ملک وويل آفرين بازی خانه مشر دی له تا ډير خوشحاله ويل يې چې د کار سړی ده
هو ريښتيا يو بل کار يې هم راته وويل ...
بازي وويل څنګه کار ..
ملک وويل دا يو څه اسانه‌ ده
مشر دی وويل چې يو څه اندازه وسلې او مهمات دي هغه به ستاسو ځای کې کېږدو ځکه چې دلته زموږ په ځای کې د حکومت لخوا چاپې ډيري وهل کيږي
ملک وويل مشر خو ماته وويل چې دا به ستا ځای کې کيږدم هره مياشت به دي ښه نازوم خو ما ورته وويل زه دومره مجبور نه يم که دا پيسې باز ګل واخلې ډيره به ښه شي او بله دا چی دلته هر رقم خلک راځي ستا ځای يو څه محفوظ هم ده
بازی په زړه کې خوشحاله شو بيا يې ملک ته وويل اول خو مننه چې زما دومره خيال ساتې‌ الله دی اجر درکړي
بيا زما په ريښتيا هم ښه ځای ده هلته څوک کار نه لري
همدې وخت کې د تالبانو مشر هم را ورسيده ..
دی په کرولا موټر کې وو خو تر شا يې يو لکسس هم و او په ډاله کې يې کارتنې ايښی وي په سر يې شين ټاټ تړلي وو
لنډه دا چې ټول را ښکته شول ملک له چاي ورکولو وروسته وويل قومندان صاب بدرالدينه اول خو بازی ښه ونازوه قومندان له جيبه دوه بنډله را وويستل بازی ته يې ونيول بازی وويل ټولي زما دي ؟
قومندان وويل خود ستا دي بازګل خانه دا خو فقط زما لخوا دی د حقانی صاب شيرني خو لا پاتي ده ستا په اړه مي ورته ويلي راتلونکی کی به دي ښه ونازوي
ملک وويل ديمه د وسلو خبره ده هغه می د باز ګل سره خلاصه کړې موټر دی اوس دلته وي د شپې به يې هلته ويسو په دې خبره سره مجلس ختم شو ...
بيګا ناوخته موټر هارن وکړ ..
بازی په منډه ورغی دروازه یې خلاصه کړه
څلور نفره له موټره ښکته شول بيا يې له بازي پوښتنه وکړه چې سامان چيرته کیږدی هغه د کباړ يو کوټه ورته وښودله چې دروازې سره نیږدی وه او يوڅه زاړه کباړ شيان پکې پرا ته وو
لاندي يې دړې کيښودې بيا یې ورباندي کارتنې کیښودې
وروسته یی همغه ټاټ پرې وتاړه ..
نيم ساعت پس موټر له سيمې ورک شو بازی کوټې ته راغی
پري وويل دا څوک وو دا چيشي یې را وړل
بازي وويل ملګري مي ده يوڅه مالونه يې دوکان ته اخيستې وو ورباندي ناوخته شوي موټر یې خراب وو ځکه يې دلته کيښول څو ورځي وروسته یی بيرته وړي ..
دری ورځې وروسته د شپې ناوخته د دولتی ټانکونو او رينجر موټرو غږ اورېدل کيده شيبه په شيبه را نيږدې کيده پاڼه په ځای کې ويښه پرته وه غوږ يې نيولی وو
وروسته یی د دروازې غږ واوريده چې ټکيږې
مور يې را ویښه کړه دروازه بيا وټکيدله
دواړه په منډه د باز ګل تر کوټې ورغلې ور او کړکۍ يې ور‌وټکول باز چې ور خلاصوه دي سره دروازې د ماتيدو غږ شو په څو ثانيو کې حولۍ له حکومتې عسکرو ډکه شوه څو خو یې لا په بام هم ولاړ وو.....
د ټوپکو د قيدونو کړچ شو پري چيغه کړل .....😥
نور بيا ....

11/12/2023

د واده شپه

زوم د ناوي خوني ته داخل سو ډېر خوشحاله و ځکه د ژوند یو مهمه برخه ئې پوره سوه،
دا شپه په ټول ژوند کي یو بیله شپه وي،د زوم ناوي ته چي فکر سو میده میده ژړیږي زوم فکر وکړ چي پخپله کورنۍ پسي ژاړي ځکه له ټول فامیل څخه بیله سوې ده او یو نابلده کورنۍ ته راغلې ده، زوم د تسلیت په ډول ورته وویل ژاړه مه ستا کور اصلي همدا دی د پیغلي لپاره د پلار کور د سفر غوندي وي یو وخت نه یو وخت د خاوند کور ته ځي،
ناوي په ژړغوني ږغ چي له اواز سره ئې سلګیو هم ملتیا کوله و زوم ته وویل زه په دې خاطر نه ژاړم چي د پلار له کوره څخه را واده سوې یم یا په مور پسي ژاړم،
زوم حیران سو بیا پوښتنه ځیني وکړه نو بیا ولي ژاړې؟
ناوي ورته وویل زه پر بل چا مینه یم مور او پلار تاته در واده کړمه،
زوم د ناهیلۍ په ډول ورته وویل نو ولي دي له هغه سره واده ونه کړ چي زما سره دي واده وکی؟
ناوي ورته وویل ما له هغه سره واده کوئ خو زما و د هغه کورنۍ سره خوښه نه وه
زوم ناوي ته وویل هغه هم درباندي مین و که یوازي ته پر مینه وې؟
ناوي ورته وویل هغه هم ډېره مینه راسره کولي ماته ئې ویل په ټوله دنیا کي بیله تا له بل چا سره واده نه کوم
زوم ورته وویل نو تاسو چي دونه سره مینان واست نو بیا ولي د خپل مین کور ته نه ورتللو هلته به ورته کښنیستلې وای تاته قانون او اسلام اجازه درکړې ده
ناوي ورته وویل دا زما د کورنۍ لپاره د رنګ زردۍ سبب کیدله کنې ماته هم دا لاره معلومه وه
زوم ورته وویله هغه ته چي پر مینه ئې ستاسو قریب دی؟
ناوې ورته وویل هو زما ده اکا زوی دی
زوم ورته وویل نو اوس زه سه وکم ؟
ناوي ورته وویل ماته تلاق راکړه چي زه ستا له پنجرې څخه خلاصه سم او د خپل مین سره واده وکړم،
زوم ډېر هوښېا و، ناوي ته ئې وویل د هغه هلک شمېره لرې ؟
ناوي ورته وویل هو ولي ئې نه لرم هغه زما ژوند دی،
زوم ورته وویل ښه سمه ده زما خبري ته غوږ سه دا سي فکر وکه چي ما تاته تلاق در کړی دی زه هغه هلک ته زنګ ور وهم ته خبري ورسره وکه ورته ووایه چي ما له خپل خاوند څخه تلاق اخستی دی، زه ستاسره واده کوم، ناوي هم ورسره منله
زوم مبایل را واخستی ناوي شمېره چي ئې په یاد زده وه زوم ته ئې وویل او زوم هغه هلک ته زنګ ووالی، مبایل ئې ناوي ته ورکی زنګ اوکي سو له هغې خوا څخه ږغ وسو بلې زما ږغ اورئ
ناوي ورته وویل هو ایمل جانه ستا ږغ اورم زه هوسۍ یمه
هلک ورخطا سو په لړزیدلي ږغ ئې وویل نن شپه خو ستا د واده اوله شپه ده تا ماته څنګه زنګ ووالی،
ناوي ورته وویل هو زما د واده اوله شپه ده خو ما د خپل خاوند څخه تلاق واخستي زه غواړم ستاسره واده وکړم زه بیله تا ژوند نه سم کولای،
هلک ورته وویل دا دي ډېر غلط کاری کړی دي،
د خپل خاوند څخه باید تا تلاق نه وای اخستی د تلاق اخیستلو ترمخه تا باید زما سره صلاح کړ وای،
ناوي ورته وویل زه چي ستا په نامه سمه دا ماته هر څه دي هم ستاسره صلاح هم ستاسره ژوند، اوس ته راسه ما خپل کورته بوزه، غواړم ستاره واده وکړم ځکه زه ستاسره مینه لرم زه بیله تا ژوند نه سم کولای،
هلک ورته وویل ما که ستا سره واده کولای ایا ما به ستاسو کورته مرکه نه وی در استولې ما نه غوښتله چي واده درسه وکړم زما کورنۍ په دي ګرسره خبره نه ده چي ته زما خوښه ئې یانه داچي زما کورنۍ ستا و زما واده نه غواړي دا خبره درواغ ده په اصل کي غواړم چي ستاسره واده وکړم
اوس چي ته واده سوې ئې بیا تلاقه سوې ئې اوس زه واده درسره وکړم ؟ په ټول ژوند به واده درسره ونه کړم داسي ډېرو نجونو ته مي د واده قولونه ورکړي دي،
له دې خبري سره هلک مبایل بند کړ،
ناوي په سلګو سلګو ژړله نور صبر ئې ونه کړ خپل خاوند په غیږه کي ولوېدله په ژړا ژړا ئې خپل خاوند ته وویل تا زما سترګي را خلاصي کړلې په اصل کي ته زما ژوند ئې زه به ستاسره د یو غلامي غوندي ژوند وکړم
د زوم په سترګو کي هم اوښکي ځلیدلې خپله نازولې او بې وسه ناوې ئې تر اوږ ونیوله له خپلي غیږي څخه ئې را پورته کړله سترګي ئې د هغې په سترګو کي ونیولې او ورته ئې وویل ته زما غلامه نه بلکي زما ملکه زما شهزادګۍ ئې ته به د شهزادګۍ په څېر ژوند وکړي ته زما د ټول ژوند هم سفره ئې زه نه غواړم چي زما ټوله ژوند د یو غلامي سره تیر سي باید زما ژوند له یو شهزادګۍ سره تیر سي،

خویندو تاسو باید ډېر هوښیاري ووسئ پر هر ټګمار او چمباز باندي باور ونه کړي په خبرو ئې ونه غولیږئ،
دا یوه کیسه وه تاسو داسي فکر وکړئ چي دا کیسه ستاسو سره پیښه سوې ده،
د نن سبا مینه او ملګرتیا تر مطلبه پوري ده د مطلب د ترلاسه کولو لپاره خلک زر درواغ وايي ان قسم لا درته اخل تر ټولو لوی قسم.

که مو کیسه خوښه سوې وي نو مخ ته ئې شیر کړئ

لیکونکی: فضل الحق هادي

05/12/2023

پاڼه

اوومه برخه 🥰

بازی حیران شو ويل دا څوک ده چې زموږ له کوره را ووت او داسې په غوصه ده
چې ليږ ورنيږدې شو نو وې پيژانده رحمت وو ..
رحمت د امير ګل کاکا زوی وو چې بازي یې له پلاره پيسې په قرض واخيستې وي خو وخت يې لا یوه میاشت مخکې پوره وو اما بازي نه وي ورکړې
نن ورپسې راغلی وو او ګواښونه يی کول چې که پيسې مو رانکړې غوا درڅخه ولم ....
بازی چې ښه ور نيږدې شو نو په رحمت يې غږ وکړ
رحمت ودریده له څه خبرو وروسته رحمت روان شو او بازی کورته ننوت
پري له واره خوله پرې خلاصه کړه
وه سړيه دا ته چيرته ورک وي د امير ګل زوی راغلی وو
پيسې دې ورنه قرض اخيستې هغه يې غوښتلې
سړي وويل ما وليده بيرون ...
نور روان شو او کوټې ته لاړ شيبه وروسته پري هم ورپسې ورغله ګوري چې کوټه کې شنې لوخړي جوړي دي پری حيرانه شوه په زوره يې وويل دا دي څه حال جوړ کړی
سړي په درانده غږ وويل په ما کار مه لره خمار يم
ښځې په منډه کړکۍ خلاصې کړې
سړی په توشکه پروت وو وضيعت يې خراب معلوميده
ښځه وار خطا شوه را منډه يې کړل خبره يې پاڼې ته وکړه ...
پاڼی وويل اوس به څه مخ تورو وروسته يې فکر شو چې شا محمود کاکا را وغواړي
شامحمود د بازګل مشر کاکا وو ډير د خير سړی وو خو دا چې باز ګل بد عمله وو نو هغه يې هم خفه کړی وو او دوي سره دومره نه پالل خو په داسې واقعاتو کې هغه ډير د‌کار سړی وو
پاڼې په منډه ددروازې خواته منډه کړل شا محمود کاکا په کرونده کې لګيا وو
بيرته يې را منډه کړل اقبال او سارا يی وروليږل
هغه هم په منډه ورغلل ...
د بازګل وضيعت نور هم په خرابيدو وو زګيروي يې کاوو او وروسته خو يې استفراق هم شروع شو
نيم ساعت پس شا محمود کاکا راغی د باز ګل په ليدو يې سترګې رډې را وختلې
په منډه يې هغه را پورته کړ ...
اوبه یې ورکولې خو هغه هيڅ شي نشول تيرولای
بيرته په منډه ووت څه وخت پس يې موټر راووست
بازګل يې په موټر کې واچاو او د ښار په لوري ولاړل ...
ماذديګر نا وخته بيرته راغلل د بازګل وضيعت ښه شوی وو ډاکټرانو ورته ويلي وو چې له حده زياته نشه او تشويش يې کړی
دغه شپه هم تيره شوه بازګل په کور کې وو
په سبا شامحمود کاکا بيا راغی له پوښتنې وروسته يې بازګل ته د نصيحت په ډول څه خبري شروع کړی خو بازی غوسه شو او کاکا ته يې وويل چې زما له کوره ووځه ...
شا محمود کاکا د خير سړی وو جنجالونه يې نه خوښېدل پټه خوله له کوره ووت ...
پرې په خبرو او غوسه کې وويل چې هغه دي ولي خفه کړ که هغه نه وايې اوس به ته مړ وي ...
خو بازګل چيغه کړه بس يې کړه نور يو شاماموتی مو بس نه وو چې اوس تا هم شروع وکړه ...
څو ورځې په همدې ډول تیري شوې
يوه ورځ بيا دروازه ټک ټک شوه او معلومه شوه چې د ملک پيغام ده چې بازی یې بیا غوښتی وو
پر سبا بازګل هلته د تللو نيت وکړ خو يو ځل بيا دروازه ټک ټک شوه چې وي کتل يو بل پوروړی وو
چې بازګل به ورنه د کور سودا راوړله ...
له هغه سره يې هم خبري ګرمی او سړې کړې او د څو ورځو په وعده يې غلط کړ خو بلاخره ولاړ ..
بازی د ملک د کور په طرف روان شو
په لاره کې يې پريکړه وکړه چې که د وسله والو سره د مرستې خبره وه منم يې ځکه نور له پوروړو څخه تر پوزې را غلی وو
هلته په رسيدو ريښتا هم همغه خبره وه
دا ځل د ملک هغه ملګری کې په دې ساحه کې یې فعاليت کاوو. او د يوې کوچنۍ ډلې مشر وو هم راغلی و
له خبرو اترو ورسته دې نتیجې ته ورسيدل چې
بازګل به په ساحه کی د دولتی کسانو په اړه د معلوماتو د راټولو او د ماين ايښودونکو سره د مناسب ځای په پيدا کولو کې مرسته کوي او هم به د اړتيا په وخت کې ځينې مهمات په خپل کور کې ساتی
بازی خبره قبوله کړه او د پيسو په اړه يې وويل چې ډيره اړتيا ورته لري
قومندان جيب ته لاس کړ يو بنډل يې را وکښل ټول پنج هزاري وو يو لک يې باز ګل ته ور وشمېرلې
داسې نوې لوټونه‌ وو چې تابه ويل همدا اوس يې له چاپه را ايستلي
خو خبري دلته ختمې شوې بازی هم کلي ته تر راتلو ورسته د ځينو خلکو چې کمي کمې پيسې وې هغه يې ورکړې او ځان يې تر يو وخته بې غمه کړ...
بازی بيا هم خپلو فعاليتونو ته دوام ورکړي وو
کله کله به د شپې زنګ ورته راغی د ډلګۍ ملګرو ته به يې کوم نوي معلومات چې درلودل ورکول به يې ..
د دوي د کلې سره نيږدې يو بل کلې کې دوه نوي ځوانان چې دواړو په هند‌کې نظامي زده کړي بشپړې کړې وي تازه په حکومت کې دنده اخيستې وه
يوه ورځ د بازي ور‌پام شو نو ځان سره یی وويل چې دا هم ولا ښه ښکار ده
د شپې يې مشر ته زنګ ووهل ورته وې ويل چې يو ښه خبر لري هغه وويل مهرباني
بازی هم د هغه ځوانانو په اړه پوره معلومات ورکړل
او دا یې هم ورته وويل چې په مياشت کې يو ځل حتمي دوي کورته راځي نو که غواړئ ويې نيسئ نو زه کومک کووم
هغه وويل سمه ده زه بيا خبر درکووم
دوه ورځې ورسته مشر زنګ وکړ چې هغه دوه نفره زموږ لپاره ډير خطرناک دي که يې يو څه وخت پریږدو نو سم سرخوږی به راته جوړ کړي.
اوبل دا چې زموږ کوم مشر چې ده په پاکستان اکوړه مدرسه کې تدريس کوي هغه سره مې هم دا خبره شریکه کړه هغه وويل چې که دا کسان مو ختم کړل ډیر غټ انعام به درکړم ځکه چې دا کسان په هند کې روزل شوي او ډير پياوړي تمرينات يې ترسره کړي دي
بازی خوشحاله شو اوس یې هغه خبري هيرې وي چې د ملک په حجره کی یې کولې
اوس د انسان مرګ هيڅ هم نه ورته ښکاریده
بس همدا ځوانان يې خپل هدف وګرځول .... 😥
نور بيا..🙏

30/11/2023

شپږمه برخه لیکونکی پیوند خان

پاڼې شاته وکتل ....
پلار يې وويل د المارۍ په سر يو قطی ايښی هغه راکړه
پاڼې د المارئ سر ته لاس ور وغځاوو ايله يې قطی را واخيست سپک وو خو کوم خاص څه پرې ليکلي هم نه وو پلار يې وويل ژر شه څه سپږې پکی غواړې
پاڼې ونه پيژنده خو په حيرانۍ سره يې قطی پلار ته ورکړ بيا يی وويل دا څه دي پلاره ؟
پلار يې وويل دا يو رقم سګريټ دي نن ډير خسته يم
چې دا وڅکوې انسان قوي او تندرسته کيږي ..
پاڼې وويل پلاره تا خو پخوا سګريټ نه څکول
او سګريټ څکول خو ډیر زيان لري ....
پلار یې وويل نه لورې دا هغه شي سګريټ نده
بيا يې قطی خلاص کړ يو دانه يې را ويست وويل وګوره څنګه ښه بوی يې ځي
پاڼې سګريټ خپلې پوزې ته نیږدې کړ
په ريښتيا یې هم ښه بوی تلو
بيرته يې پلار ته ورکړ پلار يې وويل ورته خو مور ته دی ونه وايی هغه ليونۍ ده اوس به بيا ژاړي
پاڼه ووتله له کړکۍ نه يې پټ پټ کتل پلار يې له جيبه يو کوچنۍ خلته را وويستله کوم څه پکې وو د سګريټ له منځ څخه يې ميده شيان تويه کړل وروسته يې هغه د خلتې شيان په رغوي کې واچول سګريټ يې ورنه ډک کړ او را جګ شو پاڼې منډه کړل سړی ور قيد کړ بيرته کښيناست شيبه وروسته کوټه له شنو لوخړو ډکه شوه
مياشت وروسته بازی لا ډير مصروف وو هره ورځ به خلک راتلل د کوکنارو معاملې روانې وي يو نيم به پکې سودا هم وکړه د باز ګل ښه کار جوړ وو د ملک هم
خيټه ورسره ډکه وه ځکه بازګل ښې پيسې ور ته ګټلې
د ژمی موسم را نيږدې وو د کوکنارو کښت نور ختم شو او باز ګل يو ځل بيا په کور شو فقط د ملک حجرې ته به ورتلو او د کوکنارو پيسې به يې هملته بربادولې کله به يې جيب ډک وو او کله تش يو وخت يې مکمل پیسې ختمې کړې او بيا د پولۍ ټک ته کښيناست
ملک ته چې پته ولګيده بازی د کار سړی ده نو یوه ورځ يې څوک پسې را وليږل چې د ملک صیب پکار يې
پاڼه ددې خبري په اورېدو ډيره وويريده
پلار یې لاړ خو پاڼې یې د‌ مور سره خبره شريکه کړه
او دا يې وويل چې د‌ملک نیت ماته سم نه ښکاري
که خبره زما مربوط وه ته به زما ملاتړ کوې
مور یې هم ډاډ ورکړ...
بازی چې د ملک حجرې ته ورسيده يو څو نور کسان هم ناست وو ده ونه پيژندل خو له څيرو او د ليرې کليوالي سيمو ښکاريدل ببر ويښتان اوږده کالي يې درلودل ټولو يې يو ډول بوټان لرل (سرويس ) ....
بازي له ټولو سره پوښتنه وکړه بيا د ملک خواته کښيناست ...
ملک وويل بازیه! دغه ځوانان چې وينې زما د يو ملګري کسان دي غواړم له تاسره يې معرفي کړم د هغو نومونه يې ورته وښودل بيا يې وويل دوي ټول د تالبانو سره کار کوي خو دوي په ښکاره ډول د‌هغو په ليکو کې ندي بلکې دوي د هغو مخفي کسان دی
ددوي دنده جاسوسي ، د وسلو انتقال او د ماينونو ايښودل دي ...
بازی هغو خلکو ته حيران حيران کتل د ټولو خولې ښورېدې کوم څه يې ځان سره ويل
بيا يې ملک ته مخ واړاوه ويې ښا ملک صيب نو زه اوس څه خدمت وکړم
ملک وويل زموږ په ساحه کې له يو وخته کیږی چې د حکومت کسان ډير ځي راځي اکثرو خو يې دلته کورونه هم راوړي دي ځکه دا ساحه ښار ته نيږدې ده
او هر یو چې را تيريږي نو لومړی ستا د دروازې تر مخه راتيريږي خو ستا د کور مخې ته دوه لاري دي يوه یې ستا د ديوال سره نيږدې ده او بله يې ليږ لري ده
هغه ليرې چې ده هغې کې ډير پلچکونه هم دي او ليږ اواره ده نو ځکه اکثره موټر په همغه لاره ځي ...
ما دی کسانو ته تيرځل هم هغه ځای ښودلی وو چې ماين پکې کيږدي خو دوي چې نابلده وو ستا د دروازې خواته يې ايښی وو
د بازګل رنګ سور شو ملک ته يې په کرکه وکتل
ملک زياته کړه ته می ددې لپاره را وغوښتې يې دوي سره به د لارو په ښوولو کې کومک کوی ځکه دوي دلته نابلده دي او چې ډير ګرځي را ګرځي خلک شک ورباندي کوي ..
برعکس په تا باندي دلته څوک شک نه کوي
زما ملګری او ددوي مشر چې ستا په اړه واوريدل خوشحاله شو ....
ملک لا خبري نه وي خلاصی چې باز ګل پکې ور ولويده
(ګوره ملک صاب ډيرې نارواوي مې کړې خو زنا غلا او کتل مې نده کړی ) دا کار زه نشم کولای ملک وويل خير ته قت.ل مه کوه مازی دوي ته ځايونه ښېه دا خو په قت.ل کې نه راځی بيا يې د بازی غوږ ته خوله ور نيږدې کړه
سوچ وکړه هسي هم بي کاره يې ستا په خوښه پيسې درکوي سپين لاس سپینې پښې به ناست يې او پيسې به درته راځې
باز ګل په سوچ کې ولاړ ملک ناستو کسانو ته وويل تاسو ځئ زه بيا احوال درکووم ...
خلک ووتل د کور مخې ته زاړه موټرسایکونه ولاړ وو
چالان يې کړل او په سرعت له ساحې ورک شول
بازی په سوچ کې ناست وو ملک وويل ګوره بازیه
په ځان دې رحم وکړه ايل درپسې ده ستا څه کمیږی
بازی وويل ملک صاب ته خو د حکومت لخوا د ولایتې شورا ريس يې او دلته زموږ د ټول قوم استازی یې ته څنګه داسې کار کوي ؟
ملک وخندل بيا يې وويل بازی خانه پيسې داسې شی ده لکه باد چې کوم خواته زياتې شوې هر څه په هغه طرف ورسره وړي
تالب ماته د حکومت دری چنده راکوي زه خو ليونی نه يم چې کار ورته ونه کړم
بيا يې وويل که سبا دا حکومت او هرڅه ختم شي نو ووايه بيا به څه کوم ؟
ملک سوچونو کې غرق شو
وروسته يو دم را جګ شو بيا يې وويل
ملک صاب ته چې هر شی کوې خو زه دا کار نه کووم ..
نور را ووت ...
کور ته لا نه وه رسيدلې چې وې ليدل چې يو سړی يې د له کوره وا ووت غوسه معلوميده ........
نور بيا ......🤏🙏

Hadi

04/04/2024

29/03/2024

18/03/2024

14/03/2024

14/03/2024

19/02/2024

18/02/2024

27/01/2024

27/01/2024

18/01/2024

18/01/2024

18/01/2024

12/12/2023

11/12/2023

05/12/2023

30/11/2023

Address

Website

Alerts

Videos

Shortcuts

Share

Category

Other Event Videographers in Kabul

You may also like