Arakkha Calendar - ရက္ခိုင် ပက္ခဒိန်

Home
Bangladesh
Chittagong
Arakkha Calendar - ရက္ခိုင် ပက္ခဒိန်

ရက္ခိုင်ပက္ခဒိန် - Arakkha Calendar
(1)

06/10/2024

ရက္ခိုင်ပက္ခဒိန် ပညာသျှင် ဆရာကြီး ဒေါက်တာ ဦးအောင်ချစ် ကွယ်လွန်

အောက်တိုဘာ ၆ ၊ ၂၀၂၄

မြန်မာနိုင်ငံ ပြက္ခဒိန်အကြံပေးအဖွဲ့၏ ဒု-ဥက္ကဋ္ဌလည်းဖြစ်၊ ရက္ခိုင်ပက္ခဒိန် ပညာသျှင်လည်းဖြစ်သော ဆရာကြီး ဦးအောင်ချစ်သည် အောက်တိုဘာ ၅ ရက်နေ့က ရန်ကုန်မြို့မှာ ကွယ်လွန်သွားပါကြောင်း သတင်းရရှိပါသည်။

ရက္ခိုင်ပက္ခဒိန် ပညာသျှင် ဆရာကြီး ဒေါက်တာ ဦးအောင်ချစ် (ဆရာချစ်-စစ်တွေ) သည် ကွယ်လွန်အနိစ္စရောက်ချိန်မှာ အသက် (၉၁) နှစ်ရှိပြီလို့ သိရပါသည်။

ဆရာကြီးသည် အောက်တိုဘာ (၅) ရက်နေ့ ညနေ ၇ နာရီ ၄၅ မိနစ်က ရန်ကုန်မြို့၊ သင်္ဃန်းကျွန်း ဆေးရုံမှာ လူကြီးရောဂါဖြင့် ဘဝတပါးသို့ ကူးပြောင်းသွားပြီးဖြစ်ကြောင်း သိရသည်။

ဆရာကြီးသည် နှစ်စဥ်ထုတ်ဝေနေသော ဓညဝတီ ရက္ခိုင်ပက္ခဒိန်ကို အဓိက ဦးစီးထုတ်ဝေပေးနေသူ တစ်ယောက် ဖြစ်သလို၊ စာပေပညာ/နက္ခတ်ဗေဒင်ပညာ/ပက္ခဒိန်ပညာနဲ့ ဆေးပညာတို့ကိုလည်း ဆယ်နှစ်သားအရွယ်ကပင် စတင် လေ့လာခဲ့ပြီး ရခိုင်နဲ့ ပတ်သက်တဲ့ နက္ခတ္တဗေဒ ဆောင်းပါးများ၊ ရက္ခိုင်ရှေးဟောင်း ဆေးပညာဆောင်းပါးများ အပါအဝင် ရခိုင်သုတ အဘိဓာန်နဲ့ သုတေသနဆောင်းပါးပေါင်း မြောက်များစွာကိုလည်း အစဉ်တစိုက် ရေးသားနေခဲ့သူ ဖြစ်ပါတယ်။

ဆရာကြီးသည် မြန်မာနိုင်ငံပြက္ခဒိန် အကြံပေးအဖွဲ့ ဒု - ဥက္ကဋ္ဌ ၊ မြန်မာနိုင်ငံ တိုင်းရင်းဆေးဆရာအသင်း (ဗဟို) အလုပ်အမှုဆောင်ဟောင်း ၊ မြန်မာနိုင်ငံ စာရေးဆရာအသင်း သက်ကြီး ကန်တော့ခံ စာပီပညာသျှင် ၊ ရခိုင်မဂ္ဂဇင်းကော်မတီ၏ နာယက ၊ တန်းခိုးဆရာထွန်း စာပီဆု "တသက်တာ စာပီဆုသျှင်" တစ်ဦးလည်း ဖြစ်ပါသည်။

ဆရာကြီး၏ ကြွင်းကျန်လိုက်သော ရုပ်ကလပ်အား သင်္ဂြိုဟ်ဖို့ နေ့ရက်ကို ထပ်မံ အသိပေးသွားမှာဖြစ်ကြောင်း မိသားစုဝင်များက ပြောဆိုပါသည်။

#ရက္ခိုင်ပက္ခဒိန်
#

26/09/2024

စက်တင်ဘာ ၂၉ ရက်ကစပြီး ကမ္ဘာမှာ လနှစ်စင်း ထွက်တော့မယ်

ဝါရှင်တန်၊ စက်တင်ဘာ-၂၆-၂၀၂၄
မျိုးဆက်(VOM)

လာမယ့် စက်တင်ဘာ ၂၉ ရက်ကစပြီး နိုဝင်ဘာ ၂၅ ရက်ထိ ကမ္ဘာမှာ လနှစ်စင်းထွက်မယ်လို့ သိပ္ပံပညာရှင်တွေက အတည်ပြုပြောဆိုလိုက်ပါတယ်။

သေးငယ်တဲ့ ဂြိုဟ်သိမ်တခုဟာ ကမ္ဘာမြေဆွဲငင်အားကြောင့် ယာယီလအဖြစ် မြင်တွေ့ရမှာဖြစ်ပြီး လအနည်းငယ်ကြာတဲ့အထိလည်း တွေ့မြင်နိုင်တယ်လို့ သိပ္ပံပညာရှင်တွေက ပြောပါတယ်။

ဒီဂြိုဟ်သိမ်ဂြိုဟ်မွှားကိုတော့ နာဆာရဲ့ Asteroid Terrestrial-Impact Last Alert System (ATLAS) စနစ်က ဩဂုတ် ၇ ရက်မှာ ပထမဆုံး ရှာဖွေတွေ့ရှိခဲ့တာဖြစ်ပါတယ်။

2024 PT5 လို့ပညာရှင်တွေက အမှတ်သညာပြုထားတဲ့ အဲဒီဂြိုဟ်သိမ်ဂြိုဟ်မွှားဟာ ကမ္ဘာနဲ့အတော်လေးဆင်တူတဲ့ ပတ်လမ်းရှိတဲ့ အာဂျူနာဂြိဟ်သိမ်ခါးပတ်ကနေ ပဲ့ထွက်လာတာဖြစ်ပါတယ်။

တခါတရံ အဲဒီလို ဂြိုဟ်သိမ်ဂြိုဟ်မွှားတွေဟာ ကမ္ဘာဂြိဟ်ကနေ မိုင်ပေါင်း ၂ ဒသမ ၈ သန်းအကွာထိ ရှိနေတတ်ပါတယ်။ သုတေသီတွေရဲ့အဆိုအရ ဂြိဟ်သိမ်ဂြိုဟ်မွှားဟာ တနာရီ မိုင် ၂၂၀၀ ဝန်းကျင်နဲ့ နှေးကွေးစွာ ရွေ့လျားနေမယ်ဆိုရင် ကမ္ဘာမြေဆွဲငင်အားဟာ ဒီအပေါ်ကို ယာယီသက်ရောက်စေဖို့ လုံလောက်တယ်လို့ လေ့လာမှုမှာ ပါဝင်တဲ့ သုတေသီတွေက ပြောပါတယ်။

ဂြိုဟ်သိမ်ဟာ ခန့်မှန်းခြေအားဖြင့် လနဲ့ယှဉ်ရင် အလွန်သေးငယ်တဲ့ အရွယ်အစားဖြစ်ပြီးတယ်ရီစကုပ်နဲ့ကြည့်မှသာ မြင်နိုင်မှာဖြစ်ပါတယ်။ ဒီဂြိုဟ်သိမ်ဟာ ၂၀၅၅ ခုနှစ်မှာ ကမ္ဘာပတ်လမ်းအတွင်း တဖန်ပြန်လည်ရောက်ရှိမယ်လို့ သိပ္ပံပညာရှင်တွေက ခန့်မှန်းထားကြပါတယ်။

Ref; BBC
Photo: Sourceone

#ကမ္ဘာဂြိုဟ် #လနှစ်စင်း #ဂြိုဟ်သိမ်ဂြိုဟ်မွှား

16/09/2024

ခေတ်ဟောင်း ရုပ်ရှင်

15/09/2024

အလေးပြုပါရေ
ထွန်းအောင်ကျော်(ကြီး)

သီခြင်းတရားဟာ အားလုံးသူ ကြုံရဖို့ဆိုကေလည်း သီပန်းလှရေ၊ သီပန်းမလှဆိုရေ စကားကိုတော့ ပြောကတ်တေ။ သူရေ ဘဝနိဂုံးမလှရေ ရခိုင့်တော်လှန်ရေး ခေါင်းဆောင်တစ်ဦးပါ။

သူ ငယ်စဥ်က ပီးဆပ်ဖြတ်သန်းခရေ ကာလတိကိုဘဝ၏ နောက်ဆုံးအချိန်မှာ သတိသံဝေဂ ကကောင်းရလီဖို့ထင်ရေ။ မအောင်မြင်ရေ တော်လှန်ရေးသမားတစ်ယောက်၏ နေဝင်ချိန်ကာလကား ရင်ထဲမှာမရှိအောင် ခံစားရင်းနဲ့ အသက်ထွက်ပြောင့်လီဖို့လားတောင် တွေးကြောက်မိရေ။

၂၀၁၄ ခုနှစ် ရခိုင်အမျိုးသားညီလာခံသို့ တက်လာရေခါကပင် သူရို့ကျင်လည်ကျက်စားရာ နယ်ပယ်သို့ ပြန်မရောက်နိုင်။ အားအင်ကုန်ခမ်းလာရေ ခြင်္သေ့အိုကြီးကို ကျားမြီးပေါက်တိ ဝိုင်းဆွဲဖို့ကြောက်လို့ သူမကျွမ်းရေ တောကြီးထဲမှာ စိတ်နှလုံးမရွှင်စွာနဲ့ ကျင်လည်လားရရေ။

နှစ်ပေါင်းလေးငါးဆယ် ဝါးတောထဲမှာ ဝါးတုတ်ကိုစားလို့ ခံယူချက်ဖြင့် ဘဝကို စတေးခရေလူတိ။ မိသားစုဆိုရေစကားကို ရဲဘော်ရဲဖက်နဲ့အစားထိုး။ ဘဝဆိုစော် ကြောပိုးအိတ်၊ ကိုယ့်အတွက်၊ မိသားစုအတွက်ဆို ငါးပြားတခတ်ဖို့ မစဥ်းစား၊ အိမ်ပြန်လမ်းမလှရေ တာဝန်မကျီသည့် ဖခင်တယောက်အဖြစ်ဖြင့် အိုးမင်းမစွမ်းအချိန်မှာ သားသမီးတိကျွေးရေ ထမင်းလုပ်တောင် မျိုကျလီဖို့မဟုတ်။

"ငါ ကကောင်းရှက်တေ" တတိုးချေပြောရေစကား။ ယင်းအချိန်ကပင် တောရှုံးကြက်ပိုင် ပွဲမတိုးယာ။ အပြင်မထွက်ယာ။ လူကြားထဲမျက်နှာမပြဝံယာ •••••
••••• ဦးထွန်းအောင်ကျော်(ကြီး)ကို မင်းပြားမြို့နယ် သစ်ပုတ်တောင်ရွာမှာ ရွာကမိတ်ဟောင်း ဆွေဟောင်းတိနဲ့ စကားပြောနီရေအချိန်မှာ လာဖမ်းရေ။ စစ်တပ်က ဖမ်းစော်မဟုတ်၊ ကျော်မကောင်း ကြားမကောင်း တော်လှန်ရေး ရဲဘော်ဟောင်းကြီးလို့ အသိအမှတ်ပြု မခံရသည့်အပြင်
တော်လှန်ရေး ရဲဘော်အချင်းချင်း ဖမ်းရေ။ နောက်ပြန်ကြိုးတုတ်လို့ ရွာလမ်းအတိုင်း ခေါ်လားရေ။ တောင်ရှည်ပြင်ရွာက ပြန်လွှတ်လိုက်တေ။

သက်ကြီးပိုင်း ရပ်သူရွာသားတိ ပါးစပ်အဟောင်းသား။ ဇာပြောရမှန်းမသိ။ ဝင်ပြောကေသူရို့ပါ မလွယ်မှန်းသိလို့ အံကြိတ်ပနာ အောင့်ခံလိုက်ကတ်တေ။ ယင်းခါကပင် သီအချိန်ထိ လောင်းကြတ်တောင်မော်ရွာမှ မည်သည့်အရပ်ကိုမှ ခရီးမဆန့်တော့ပါ။

အသက် ၁၇ နှစ်လောက်ပင် တိုင်းလူငယ်ကျောင်းသားဘဝနဲ့ တောခိုလားရေ ဦးသိန်းဖေ(ဦးစိုးနီ) ACP အတွင်းရေးမှူး၊ အသက်ခုနစ်ဆယ် ကျော်မှ မြို့ပြသို့ပြန်လည် ခြီချလာရေ။ စစ်တွေမှာ ဆုံးလားရေ။ ဗိုလ်မှူး-မောင်ဟန် ACP ဥက္ကဌ၊ စစ်တွေဆုံး၊ အဂု ဦးထွန်းအောင်ကျော်(ကြီး) နောက်ပိုင်း DPA ဥက္ကဋ္ဌ၊ စစ်တွေမှာနီခါ သူရို့နဲ့ စကားပြောဖြစ်တေ။ လက်တလုံးမလျှော့ရေ တော်လှန်ရေး ခံယူချက်ကို သိခွင့်ရလို့ လေးစားမိရေ။

ရဲဘော်ကြီးရို့ ထုဆစ်ခရေ တော်လှန်ရေး မအောင်မြင်ခကေလည်း မျိုးစိတ်က ရှင်သန်နီပါရေ။ အစွယ်ကျိုးလားရေ ဆင်အိုကြီးတိပိုင်ဖြစ်လားကေလည်း တောအထပ်ထပ် တောင်အစွယ်စွယ်မှာ ရဲဘော်ကြီးရို့၏ ဖြူစင်ရေ နှလုံးသား၊ ရဲရင့်ရေစိတ်ဓာတ်နဲ့၊ မာကြောရေ ခံယူချက်တိရေ အတိက်၊ ပစ္စုပ္ပန်၊ အနာဂါတ်တိမှာ ပဲ့တင်ထပ်နီပါဖို့သိမ့်။

ကောင်းရာဘုံဘဝသို့ ရောက်ပါစီ
အလေးပြုလျှက်

Cred: Khine Pray Soe

#ရက္ခိုင်_ပက္ခဒိန်

14/08/2024

ဩဂုတ် ၁၃ဆန်ပြဿနာနေ့အခမ်းအနား ရခိုင်မှလွတ်မြောက်နယ်မြေမှာ ပထမဆုံး အကြိမ်ကျင်းပ

ကြိုင်ဟိန်းလင်း၊ နိရဉ္စရာ၊ ဩဂုတ် ၁၃/ ၂၀၂၄

ဩဂုတ် (၁၃) ရက်နေ့မှာ ကျရောက်တဲ့ ၅၇ နှစ်မြောက် စစ်တွေဆန်ပြဿနာနေ့ အထိမ်းအမှတ်အခမ်းအနားကို ရက္ခိုင်ပြည်ကျောင်းသားသမဂ္ဂက ဦးဆောင်ပြီး ရခိုင် လွတ်မြောက်နယ်မြေတနေရာမှာ ကျင်းပခဲ့ကြတယ်လို့ သတင်းရရှိပါတယ်။

ရက္ခိုင်ပြည်ကျောင်းသားသမဂ္ဂမှ တာဝန်ရှိသူတစ်ဦးက "ဒီနေ့ဟာ မေ့ပျောက်လို့ရနိုင်တဲ့ နေ့တစ်နေ့မဟုတ်ဘူး။ မြန်မာစစ်တပ်ရဲ့ယုတ်မာမှုတွေကို ကျနော်တို့ဘယ်လိုမှ မေ့ဖျောက်လို့ မရဘူး။ ပြီးတော့ ဒီနေ့မှာ အသက်ပေးလိုက်ရတဲ့ ပြည်သူတွေကို ဝမ်း‌နည်းအောက့်မေ့တဲ့ အနေနဲ့ ဒီအခမ်းအနားကို ကျင်းပရတာဖြစ်တယ်" လို့ နိရဥ္စရာကိုပြောပါတယ်။

၁၉၆၇ ခုနှစ် ရခိုင်က ဆန်စပါးတွေကို အစိုးရက နိုင်ငံခြားကို တင်ပို့တာကြောင့် အဲဒီနှစ် မိုးရာသီမှာ ရခိုင်ပြည်အတွင်း ဆန်ရှားပါးပြီး အငတ်ဘေးကျရောက်ခဲ့ပါတယ်။ ဆန်စပါးရှားပါတဲ့အတွက် အဲဒီနှစ် ဩဂုတ် ၁၃ ရက်နေ့မှာ ပြည်သူထောင်နဲ့ချီပြီး စစ်တွေမြို့ပေါ် လမ်းမပေါ်ကို ချီတက်ကာ ဆန်ရရှိရေးအတွက် တောင်းဆိုဆန္ဒပြခဲ့ကြပါတယ်။

ဆန္ဒပြလူအုပ်ကြီးကို မြန်မာစစ်တပ်က နေရာကောင်းက အသင့်စောင့်ဆိုင်းပြီ သေနတ်တွေနဲ့ ပစ်ခတ် လူစုခွဲခဲ့တဲ့အတွက် လူပေါင်း ၃၀၀ ကျော် သေဆုံးခဲ့ရပြီး အများအပြား ဒဏ်ရာရကာ ပျောက်ဆုံးနေသူများလည်းရှိခဲ့တယ်လို့ သမိုင်းမှတ်တမ်းတွေအရ သိရပါတယ်။

အဲဒီနေ့ကို ရခိုင်အမျိုးသားတွေက သွေးစွန်းခဲ့ရတဲ့ ဩဂုတ် ၁၃ ဆန်ပြသနာနေ့အဖြစ် သတ်မှတ်ပြီး နှစ်စဉ်နှစ်တိုင်း အထိမ်းအမှတ် အောက်မေ့ဖွယ်နေ့အဖြစ် ကျင်းပလာခဲ့ကြတာ ဖြစ်ပါတယ်။

ဒီဩဂုတ် ၁၃ သွေးစွန်းခဲ့ရတဲ့ စစ်တွေဆန်ပြသနာနေ့ကတော့ ဒီနှစ် ဩဂုတ် ၁၃ ရက်နေ့မှာဆိုရင် ၅၇ နှစ် ပြည့်မြောက်ခဲ့ပြီဖြစ်ပါတယ်။

မြန်မာအာဏာပိုင်တွေကတော့ အဲဒီနေ့ကို ပြည်တွင်းမှာ ကျင်းပခွင့်ကို တင်းတင်းကျပ်ကျပ် ပိတ်ပင်တားမြစ်ထားပါတယ်။

20/07/2024

၁၂ နာရီ၊ AM - PM နဲ့ ၂၄ နာရီ
ဘာကို သုံးသင့်ပါသလဲ မေးကြတော့....

၁၂ နာရီ AM - PM ကိုသာ သုံးသင့်ပါသည်။
ကမ္ဘာတစ်ခုလုံး၌ နာရီ တစ်ခုလည်းကိုသာ သုံးကြမည်ဆိုပါက ၂၄ နာရီကိုသာ သုံးသင့်သည်ဟု ဆိုရပါမည်။

ဂင်းနစ် စံတော်ချိန်သုံးသူများက ၂၄ နာရီကိုသာ သုံးကြပါသည်။

္ခိုင်ပက္ခဒိန်

26/06/2024

၁၃၈၆ ခု၊ ၂၀၂၄ ခု
ဝါတွင်းကာလ ရုံးပိတ်ရက်များ

12/06/2024

#ထန်းရွက်တစ်ရွက်နဲ့ လုပ်ထားတဲ့ ထီး
--------------------------------------

ပိဋကတ်ထဲမှာ ဧကပဏ္ဏဆတ္တ- ထန်းရွက်တစ်ရွက်နဲ့ လုပ်ထားတဲ့ ထီးကို မြို့ရွာထဲမှာ သုံးစွဲကောင်းတယ်လို့ ပြောတယ်။

ရဟန်းတော်များက ဝိနည်းတော်အရ မြို့ထဲ ရွာထဲမှာ ထီးမဆောင်းကောင်းဘူး။

ဒါပေမယ့် "ဧကပဏ္ဏဆတ္တ" လို့ ခေါ်တဲ့ ထန်းရွက်တစ်ရွက်နဲ့ လုပ်ထားတဲ့ ထီးဆိုရင်တော့ ဆောင်းကောင်းတယ်လို့ ဆိုတယ်။

သိရီလင်္ကာမှာ "ဧကပဏ္ဏဆတ္တ" ထန်းရွက်တစ်ရွက်နဲ့ လုပ်တဲ့ ထီးဆိုတာ သီးသန့်ကို ရှိနေပါတယ်။

ပေရွက်လို အရွက်မျိုးတွေကို ဆက်စပ်ချုပ်ထားပြီး ကျုံ့နိုင် ချဲ့နိုင်အောင် လုပ်ထားပါတယ်။ လက်ကိုင် တစ်ခုလည်း ပါဝင်ပါတယ်။

မြင်ဖူးအောင် ပုံနှင့် တကွ ပူးတွဲ ဖော်ပြပေးလိုက်ပါတယ်။

credit
potho credit

23/05/2024

ရက္ခိုင်အမျိုးသားနေ့
ကဆုန်လပြည့်ကျော် တစ်ရက်

15/05/2024

၁၃၈၆ ခု၊ ကဆုန်လပြည့်ကျော် (၁)ရက်၊ မေလ ၂၃ ရက်၊ ရခိုင်အမျိုးသားနေ့ လာပါတော့မည်။

17/04/2024

လူကြီးသင်္ကြန်
*************

လူငယ်တွေ ပျော်ပါးနေကြချိန် လူကြီးတွေက ဥပုသ်သီလစောင့် ရှောင်တိမ်းနေခဲ့ကြတယ်။
လူကြီးတွေ ဥပုသ်ထွက် အိမ်ပြန်ရောက်လာကြရင် သူတို့ လူကြီးအချင်းချင်း ရေလောင်း အိုးမဲသုပ် ကခုန်မြူးထူး သတိုးသား/သ္မီး ခုနစ်ရက်လည် ပျော်ကြမှာပါ။
သားသမီး မြေးမြစ်တွေက "ဆံပင်ဖြူ သွားကြိုး သင်္ချိုင်းကို ခြေတစ်ဖဝါးလှမ်း ခေါင်းဝင်တော့မည်"ဟု ပြောခဲ့လျင် နောင်လာမည့် နှစ်ပေါင်း လေးဆယ် ငါးဆယ်ကြာလာရင် သင်တို့လည်း ထပ်တူ အပြောခံလာကြရမှာပါ။

ရှေး ပေါရာဏ ကဗျာသစ်
***********************

အကြို - သပ္ပါယ် ၊ ပြီးကေ ရီလောင်း

ကျဝယ် - ဆွမ်းကပ် ဆောက်တည်ကတ်
ဆွမ်းကပ်ပြီးအလာ ရီလောင်းပါ

အကြတ် - မြို့ပတ် ရီလောင်းကတ်

အတက် - ရက်သား ကျောင်းကိုလား
ကျောင်းကအပြန် ရီလောင်းခံ

ဆန်းတစ်ရက်မှာ - တရားနာ
ဥပုသ်ထွက်လို့ ပြန်အလာ
လူကြီးသင်္ကြန် ကပ်လို့ပါ
အိမ်ရောက်ဝတ်လဲ ကစုံတွဲ
ခုနစ်ရက်လည်ဗျာ အလှူခံကျွေး

17/04/2024

နှစ်သစ်ကူးကာလ ဂြိုဟ်နေဟန်
၁၃၈၆ ခု၊ Happy new year
အလယ်စန္တာ တနင်္ဂနွေဂြိုဟ် နေမင်းဆီမှ မိန် ရာသီ တပေါင်လ ငါးနှစ်ကောင်အရုပ် ထွက်ခွါပါတော့မည်။ မကြာမီ မိဿရာသီ တန်းခူးလ ဆိပ်အရုပ် ဝင်လာပါတော့မည်။

02/04/2024

ထူးဆန်းသည့် နှစ်
ကုသိုလ်ထူးတဲ့ ဒီနှစ် အခါ

ဒီနှစ် အခါသမယသည်....
ဘုရားဖြစ်သည့်နှစ်နှင့် လထပ် ရက်ထပ် တူညီနေသည့် နှစ်ကာလပင်ဖြစ်သည်။

Credit: https://www.facebook.com/share/p/1J2Y69uHTJ7Ldh5Z/?mibextid=oFDknk

09/03/2024

ချင်းမိုင်တွင် အပြည်ပြည်ဆိုင်ရာအမျိုးသမီးများနေ့ကျင်းပ (ဓာတ်ပုံသတင်း)

နိရဉ္စရာ၊ မတ် ၈/၂၀၂၄

ထိုင်းနိုင်ငံ၊ ချင်းမိုင်မြို့တွင် အပြည်ပြည်ဆိုင်ရာအမျိုးသမီးများနေ့ကို ကျင်းပခဲ့သည်။

ချင်းမိုင်မြို့တွင် ယနေ့ မတ် လ ၈ ရက်နေ့ ညနေ ၅နာရီတွင် အပြည်ပြည်ဆိုင်ရာ အမျိုးသမီးများနေ့ အထိမ်းအမှတ်အဖြစ် ထိုင်းနှင့် မြန်မာအမျိုးသမီး အင်အား ၂၀၀ခန့် သည် Tha phae gate တွင် လမ်းလျှောက်ပြီး အခမ်းအနားကို ကျင်းပခဲ့ကြသည်။

မတ်လ ၈ ရက်နေ့သည် အပြည်ပြည်ဆိုင်ရာအမျိုးသမီးများနေ့ (International Women’s Day) ဖြစ်ပြီး ကမ္ဘာတစ်ဝန်း အမျိုးသမီးကဏ္ဍကို ကျယ်ပြန့်စွာဖော်ထုတ်ရန် အခမ်းအနားများ ကျင်းပလေ့ရှိသည်။ (NN-9,11)

14/02/2024

ATMOSPHERE OF Mars, Earth

14/02/2024

အမုန်းစကား ဝါဒဖြန့်နေမှုကြောင့် အဝေးရောက် ရခိုင်တွေ နီးစပ်ရာ PDF ဒေသကာကွယ်ရေးတပ်တွေဆီ ဝင်ထားကြဖို့နဲ့၊ PDF တွေ အနေနဲ့လည်း အနီးရှိ ရခိုင်များကို အကျိုးရှိရှိ အသုံးချတတ်ဖို့ လိုလာပါတယ်။

တိုက်ပွဲ စစ်ရေး အောင်မြင်နိုင်ရေးအတွက် အမုန်းစကား ပြန့်ပွားနေသော မန္တလေး ရန်ကုန်စသော နေရာဒေသများ၌ အနီအနားရှိရခိုင်များကို ဒေသကာကွယ်ရေးတပ် PDF တွေအနေနဲ့ အသုံးချတတ်လျင် များစွာ အကျိုးရှိနိုင်ပါသည်။

္ခိုင်ပက္ခဒိန်

12/02/2024

ဘုရားအနေကဇာတင်ခြင်း စတင်ဖြစ်ပေါ်လာရာ သမိုင်းနောက်ခံများ
**************************

မဟာစန္ဒသူရိယ ရခိုင်ဘုရင်မင်းလက်ထက်တော် အခါကပင် ဘုရားရှင် ကိုယ်တော်တိုင် ရင်ငွေ့တော် ခုနစ်အုပ် ထည့်သွင်းကာ မဟာစန္ဒသူရိယမင်းမြတ် ကိုးကွယ်ဆည်းကပ်ရန် အနေကဇာတင် ခေါ် ကိုယ်ပွား ဘုရားကို (အသက်သွင်း) ပေးခဲ့ဖူးပါသည်။

အဲ့ဒီအချိန်ကစပြီး အနေကဇာတင်ခြင်း ခေါ် "ဘုရား အသက်သွင်းခြင်း"ဟု စတင် ခေါ်ဝေါ်လာကြပါသည်။

နောက်ပိုင်းကာလများ၌ အနေကဇာတင်ခြင်းသည် ဘုရားကို အသက်သွင်းခြင်း မဟုတ်ဟု ဝေဖန်ဆန်းစစ်လာကြပြီးနောက် "ဘုရား အနေကဇာတင်ခြင်း"ဟု ရိုးရိုးသာ ခေါ်ဝေါ်လေ့ ရှိလာကြပါသည်။

***************************

တိပိဋကမြန်မာပြန် ဖေ့ဘုတ်အကောင့်မှ ကူးယူဖော်ပြချက် 👇👇👇

ဘုရား အနေကဇာတင်ခြင်းနှင့် ဖြစ်ပေါ်လာပုံ သမိုင်းစုံ

+++++++++++
အနေကဇာတင်ခြင်းသည် မြတ်စွာဘုရားကိုယ်တော် အစားပြု၍ ကိုးကွယ်ရန် ထုလုပ်အပ်သော ရုပ်ပွားတော်၊ ဆင်းတုတော် ဟူသော ဥဒ္ဒိဿကစေတီကို “အနေကဇာတိသံသာရံ”စသော ဂါထာတို့ကို အစပြု၍ ရွတ်ဆိုပူဇော်ကာ တင်ခြင်းကို ခေါ်သည်။

အနေကဇာ
အနေကဇာ ဟူသော မြန်မာစကားသည် အနေကဇာတိဟူသော ပါဠိစကားမှ ဆင်းသက်၍ လာသောစကားဖြစ်သည်ဟု မှတ်ယူသင့်၏။ အနေကဇာတိသံသရံ စသောဂါထာတို့ကား ဥဒါန်းဂါထာ တို့တည်း။ ဥဒါန်းဟူသောပုဒ်သည် ဥဒါနဟူသော ပါဠိစကားမှ ဆင်းသက်လာသဖြင့် နှစ်သက်ဝမ်းမြောက်ခြင်းအနက်ရှိသည်။ မြတ်စွာဘုရားသည် ဘုရားအဖြစ်သို့ ရောက်၍ ဆန္ဒပြီးမြောက်တော်မူသဖြင့် နှစ်သက်ဝမ်းမြောက်ခြင်း ပီတိအဟုန်သည် ဖြစ်စေအပ်သော ဂါထာများဖြစ်၍ ထိုဂါထာတို့ကို ဥဒါန်း ဂါထာဟုဆိုသည်။ အနေကဇာတင်ခြင်းကို နားလည်နိုင်ရန် ရှေးဦးစွာ စေတီအပြားကို သိသင့်ပေသည်။

စေတီသုံးမျိုး
ဇာတ်အဋ္ဌကထာ ကာလိင်္ဂဗောဓိဇာတ်၌ စေတီသည် သာရီရိကစေတီ၊ ပရိဘောဂစေတီ၊ ဥဒ္ဒိဿကစေတီ ဟူ၍ သုံးမျိုးလာ၏။ ထိုသုံးမျိုးတို့တွင်-

မြတ်စွာဘုရားခန္ဓာကိုယ်၏ အစိတ်အပိုင်းဖြစ်သော ဓာတ်တော်၊ မွေတော်၊ ညှပ်ရိုးတော်၊ နဖူး သင်းကျစ်တော်၊ စွယ်တော်၊ သွားတော်၊ ဆံတော်၊ မွေးညှင်းတော်၊ ခြေသည်းတော်၊ လက်သည်းတော်သည်၎င်း၊ ယင်းတို့ကို ဌာပနာသွင်း၍ တည်ထားသော စေတီတော်သည်၎င်း သာရီရိကစေတီ မည်၏။
ဘုရားလောင်း၏ အသုံးအဆောင်ဖြစ်သော ဝတ်လဲတော်ပုဆိုး၊ ဆံတော်စသည်လည်းကောင်း၊ မြတ်စွာဘုရား၏အသုံးအဆောင် ဖြစ်သော ဗောဓိပင်၊ ကျောင်းတော်စသော အဆောက်အဦသည်၎င်း၊ သပိတ်တော်၊ သင်္ကန်းတော်၊ တောင်ဝှေးတော်စသော ပရိက္ခရာသည်၎င်း၊ ယင်းတို့ကို ဌာပနာသွင်း၍ တည်ထားသော စေတီတော်သည်၎င်း ပရိဘောဂစေတီမည်၏။
ရွှေ၊ ငွေ၊ ကြေး၊ သံ၊ ခဲ၊ ကျောက်၊ အုတ်၊ အင်္ဂတေ၊ မြေ၊ သစ်သား စသည်တို့ကို ထုလုပ်ထားသော ရုပ်တုတော်ဆင်းတုတော်သည် ၎င်း၊ ဆေးမင်တို့ဖြင့် ရေးသားရိုက်နှိပ်ထားသော ဓာတ်ပုံဓာတ်ကားသည်၎င်း၊ ယင်းတို့ကို ဌာပနာသွင်း၍ တည်ထားသော စေတီတော်သည်၎င်း ဥဒ္ဒိဿကစေတီမည်၏။
သာရတ္ထဒီပနီဋီကာ ဗာဟိရနိဒါန်း၌ကား− သာရီရိကစေတီနှင့် ဓာတုစေတီဆိုသည် မှာ သဒ္ဒါသာကွဲ၍ အနက်မှာ အတူတူပင်ဖြစ်သည်။ ဓမ္မစေတီတစ်ခုသာ ထူးသည်။ မြတ်စွာဘုရား ဟောကြားတော်မူအပ်သော ပဋိစ္စသမုပ္ပါဒ် စသော ပိဋကတ်တော်သည်၎င်း၊ ယင်းပိဋကတ်တော်ကို ရွှေပြား၊ ငွေပြား၊ ကြေးပြား၊ သံပြား၊ ခဲပြား၊ ကျောက်ပြား စသည်တို့၌ ရေးထွင်းကာ ဌာပနာသွင်း၍ တည်ထားသော စေတီတော်သည်၎င်း ဓမ္မစေတီမည်၏။

အနေကဇာတင်အပ်သော စေတီဆိုအပ်ခဲ့ပြီးသော ဥဒ္ဒိဿကစေတီတစ်ခုကိုသာ အနေကဇာ တင်လေ့ရှိသည်။ ကြွင်းစေတီများကို အနေကဇာ တင်လေ့မရှိချေ။ ဥဒ္ဒိဿကံ အဝတ္ထုကံဟု ကာလိင်္ဂဗောဓိဇာတ် အဋ္ဌကထာ၌ လာရှိသည့်အတိုင်း ဥဒ္ဒိဿက စေတီမှာ အခြား သာရီရိကစေတီ၊ ပရိဘောဂစေတီ၊ ဓမ္မစေတီများကဲ့သို့ မြတ်စွာဘုရားနှင့်စပ်လျဉ်းသော ပူဇော်ဘွယ်ဝတ္ထုဟူ၍ တစ်စုံတစ်ရာ မရှိ။ မြတ်စွာဘုရားကို ရည်ညွှန်း၍ ကိုယ်စားတော်ပြုထားအပ်သော စေတီမျှသာ ဖြစ်သည်။ ထို့ကြောင့် ရှင်ဘုရင်များကို ဘိသိက်မြှောက်ခြင်းကဲ့သို့ အလေးဂရု အထူးပြုရန်အတွက် အနေကဇာတင်ခြင်းဖြစ်သည်ဟု ယူဆဘွယ် ရှိ၏။

ဖြစ်ပေါ်လာပုံ
အနေကဇာတင်ခြင်းကို မည်သည့်အခါကာလကစ၍ ဖြစ်ပေါ်လာသည်ဟု အတိအကျဖော်ပြနိုင်ရန် ကျမ်းဂန် အထောက် အထား မတွေ့ရချေ။ သို့သော် ရုပ်တုတော် ဆင်းတုတော် ဖြစ်ပေါ်လာပြီးနောက် သဒ္ဓါတရား ထက်သန် တိုးပွားစေရန် ရှေး ပညာရှိကြီးများ တီထွင်ထားသော နည်းစနစ်ကောင်းဟု ယူဆဖွယ်ရှိ၏။ သို့ဖြစ်၍ ရုပ်တုတော် ဆင်းတုတော် ဖြစ်ပေါ်လာ ရာကာလကို စိစစ်သင့်ပေသည်။

မြတ်စွာဘုရား လက်ထက်တော်အခါကာလမှစ၍ ရုပ်ပွားတော် ဆင်းတုတော် ထုလုပ်ကိုးကွယ်လာကြောင်း ဝဓင်္ဂုလိ ရာဇဇာတ် စသည်တို့၌ ဆို၏။ ဝဓင်္ဂုလိရာဇာတ်၌ ကောသလမင်းကြီးသည် မြတ်စွာဘုရား၏ခွင့်ပြုတော် မူချက်အရ စန္ဒကူး နံ့သာကို ရုပ်တုတော် ထုလုပ်ကိုးကွယ်ကြောင်း အဆိုရှိ၏။ ဆကေသဓာတုဝင်၌လည်း မြတ်စွာဘုရား လက်ထက် ရဟန္တာအရှင်မြတ်ကို မိန့်ကြားတော်မူချက်အရ သမုဒ္ဒရာနှင့် မနီးမဝေးသော ပစ္စန္တရစ်အရပ်၌ မြတ်စွာဘုရား၏ရုပ်တုတော်ကို သိကြားမင်း ဖန်ဆင်းကြောင်း အဆိုရှိ၏။

သတ္တနာဝိကထူပဝင်၌လည်း လှေသူကြီး ခုနစ်ဦးနှင့် ကျေးလူမျိုးကုန်သည်တို့သည် ဆံတော်ဓာတ်ဌာပနာတိုက် အတွင်း ဝယ် ဘုရားဆင်းတုတော် ထုလုပ်၍ ဌာပနာသွင်းသည်ဟု အဆိုရှိ၏။

ယခုပြဆိုချက်များမှာ သင်္ဂါယနာတင်ကျမ်းစာများလာ စကားမဟုတ်၍ အခိုင်အမြဲ စွဲယူမှတ်သားရန် သင့်လျော်မည် မထင်ပေ။ သမန္တစက္ခုဒီပနီ၌လည်း ဝဓင်္ဂုလိရာဇဇာတ်နှင့် စပ်လျဉ်း၍ ယင်း ဝဓင်္ဂုလိရာဇဇာတ် စကားမှာ ယွန်းပဏ္ဏာသ ဇာတ်စကားဖြစ်သောကြောင့် တကြောင်း၊ သင်္ဂါယနာတင်ကျမ်းထွက်စကားမဟုတ်သောကြောင့် တကြောင်း ပညာရှိတို့ အမြတ်တနိုး မပြုကြကုန်ဟု မုံရွေးဆရာတော် ဝေဖန်ထားသည်။

မြတ်စွာဘုရား ရုပ်ပွားတော်များနှင့် စပ်လျဉ်း၍ သုတေသန ပြုလုပ်ကြသော ကျောက်စာဝန်များက ရှာဖွေ လေ့လာခဲ့ရာ ဘုရားလက်ထက်က ထုလုပ်သော ရုပ်ပွားတော်ဟူ၍ တစ်ဆူကိုမျှ မတွေ့ရကြောင်း ဆိုကြ၏။ မြတ်စွာဘုရား ဒေသစာရီကြွတော် မူခိုက် ဘုရားကိုယ်စားတော် ပူဇော်အပ်သော စေတီအဖြစ်ဖြင့် ဇေတဝန်ကျောင်းတော်တံခါးမှာ ဗောဓိပင်စိုက်ခွင့်ပြုတော်မူ ကြောင်းသာ ကာလိင်္ဂဗောဓိ ဇာတ်အဋ္ဌကထာ၌ လာ၏။ သီရိဓမ္မာသောကမင်း လက်ထက်ကလည်း ဘုရားရုပ်ပွားတော်များ ထုလုပ်ကိုးကွယ် ရိုးထုံးစံ မရှိသေးဟု ထိုသုတေသန ပြုလုပ်သော ပညာရှိများက ဆို၏။ သီရိဓမ္မာသောကမင်းကြီးသည် မြတ်စွာဘုရား၏ ရုပ်သဏ္ဌာန်ကို ဖူးမြင်လိုသောကြောင့် ကာဠနဂါးမင်းကို မင်းအာဏာဖြင့် ခေါ်ယူ၍ ထီးဖြူမိုးကာသော ရတနာပလ္လင်တွင် နေစေပြီးလျှင် မြတ်စွာဘုရားကို သင်ကိုယ်တိုင် မြင်ဖူးရသည်။ ငါမူကား မမြင်ရပါ။ ထိုဘုရားသဏ္ဌာန်ကို ငါ့အား ဖန်ဆင်း၍ပြပါလောဟု ဆို၏။ နဂါးမင်းလည်း ဘုရားနှင့်တူအောင် ဖန်ဆင်း၍ မပြနိုင်ကြောင်း ဆိုသောအခါ အလုံးစုံ တူအောင်မပြစွမ်းနိုင်လျှင် တစ်စိတ်တစ်ဒေသမျှပင် ပြပါလောဟုဆိုရာ နဂါးမင်းသည် ဘုရားအသွင် ဖန်ဆင်းပြ ကြောင်း မဟာဝင် စသည်၌ လာရှိ၏။

ရှေးအခါ မဇ္ဈိမဒေသတွင် ဗုဒ္ဓဝါဒီ သူတော်စင်တို့ မြတ်စွာဘုရား၏ကိုယ်စားတော် ဗောဓိပင်ပုံ၊ စေတီ ပုထိုးပုံ၊ ဓမ္မစကြာ ပုံစသော အမှတ်လက္ခဏာများကိုသာ ထုလုပ်ကိုးကွယ်လေ့ရှိကြ၏။ ယင်းသို့ရှိခဲ့ရာ အိန္ဒိယ အနောက်မြောက်ပိုင်းမှ ဂန္ဓာရ တိုင်းသားတို့ ဗုဒ္ဓဝါဒီများဖြစ်လာကြသည်။ ယင်းတို့အထဲတွင် မိလိန္ဒမင်းကြီးသည် ထင်ရှားသောပုဂ္ဂိုလ်ဖြစ်၏။ ထိုဂန္ဓာတိုင်း သားတို့သည် ကျောက်ဆစ်အနုပညာရပ်၌ အလွန်လိမ္မာ၏။ သူတို့လက်ထက်ကျမှပင် ဘုရားရုပ်ပွားတော်များ စတင် ပေါ်ပေါက်လာသည်ဟု သုတေသနပြုလုပ်ကြသော ပုဂ္ဂိုလ်တို့ ဆိုကြသည်။ ယင်းသို့ ရုပ်တုတော် ဆင်းတုတော်များကဲ့သို့ ဤအနေကဇာတင်ခြင်း အလေ့အထမှာလည်း ဇင်းမယ်ပြည်မှစ၍ ဖြစ်ပေါ်လာပြီးလျှင် ထိုမှတစ်ဆင့် ဤမြန်မာနိုင်ငံသို့ ရောက်လာဟန်တူသည်ဟု ပညာရှိများဆိုကြသည်။ ဘုရားကိုးဆူ

အနေကဇာတင်ပုံ
အနေကဇာမတင်မီ ဘုရားဒါယိကာ ဒါယိကာမတို့သည် အနေကဇာတင်မည့် ဥဒ္ဒိဿကစေတီတော်အား ဆွမ်း၊ ခဲဘွယ်၊ ပန်း၊ နံ့သာ၊ ဆီမီး၊ ထီး၊ တံခွန်၊ ကုက္ကား၊ မုလေးပွားစသည်တို့သည် လှူဒါန်းပူဇော်ကြသည်။ ပင့်ဖိတ်ထားသော သံဃာတော် တို့အား ဆွမ်း၊ ခဲဘွယ်၊ ဘောဇဉ် စသော အထူးထူးသော လှူဖွယ်ဝတ္ထုတို့ကို လှူဒါန်းပူဇော်ကြသည်။ ပင့်ဖိတ်ထားသော မိတ်သင်္ဂဟတို့အားလည်း ဧည့်ခံကျွေးမွေးကြသည်။

ထို့နောက် သံဃာတော်တို့သည် ပန်း၊ နံ့သာ၊ ထီး၊ တံခွန်၊ ကုက္ကား၊ မုလေးပွား စသည်တို့ကို ကိုင်ဆောင်ကာ အနေကဇာ တင်မည့် ဥဒ္ဒိဿကစေတီတော်ကို ရှိခိုးလျက်-

အနေကဇာတိသံသာရံ၊ သန္ဓာဝိဿံ အနိဗ္ဗိသံ။
ဂဟာကာရံ ဂဝသေန်တော၊ ဒုက်ခာ ဇာတိ ပုနပ်ပုနံ။
ဂဟကာရကဒိဋောသာ ဒိဋ္ဌောသိ၊ ပုနဂေဟံ နကာဟသိ။
သဗ္ဗာတေဖာသုကာဘဂ္ဂါ၊ ဂဟကူဋံဝိသင်္ခတံ။
ဝိသင်္ခါရဂတံ စိတ္တံ၊ တဏှာနံ ခယ မဇ္ဈေဂါ။ ဟူသော ဥဒါန်းနှစ်ဂါထာကို ရွတ်ဖတ်သရဇ္ဈာယ်ကြ၏။
ထိုနှစ်ဂါထာအဓိပ္ပာယ်ကား-

အဖန်ဖန် ပဋိသန္ဓေ နေရခြင်းသည် ဆင်းရဲလှသောကြောင့် ခန္ဓာအိမ်သည် ဆောက်လုပ်တတ်သူ တဏှာလက်သမားကို ရှာသော ငါသည် ထိုတဏှာလက်သမားကို မြင်နိုင်သောဉာဏ် မရသေးသဖြင့် ဘဝများစွာ သံသရာပတ်လုံး ကျင်လည်ပြေးသွားခဲ့ရလေပြီ။ ခန္ဓာအိမ်ကို ဆောက်လုပ်တတ်သော ဟယ် တဏှာလက်သမား၊ ငါသည်သင့်ကို ပညာမျက်စိဖြင့် ယခု မြင်အပ်ပြီ။ ခန္ဓာအိမ်ကို နောက်တစ်ဖန် သင်ဆောက်လုပ်ရတော့မည်မဟုတ်၊ သင်၏ကိလေသာတည်း ဟူသော အခြင်းအရာ နယ်အားလုံးတို့ကို ငါချိုးဖျက်အပ်ကုန်ပြီ။ အဝိဇ္ဇာတည်းဟူသော အိမ်အထွတ်ကို ဖျက်ဆီးအပ်ပြီ။ ငါ၏ စိတ်သည် ပြုပြင်ခြင်း ကင်းရာ နိဗ္ဗာန်သို့ ရောက်ပြီ။ တဏှာကုန်ရာကုန်ကြောင်း အရဟတ္တဖိုလ်ကို ငါရပြီဟု ဆိုလိုသည်။
ထို့နောက်−

ပဋိစ္စသမုပ္ပါဒ် အနုလုံ ပဋိလုံ၊
ယဒါဟဝေ ပါတုဘဝန္တိဓမ္မာ စသော ဥဒါန်းဂါထာများ၊
ဇယန္တော ဗောဓိယာ မူလေ စသော အဘိသေက ဂါထာများ၊
ဘုရားဂုဏ်တော်များ၊ ဇယော ဟိ ဗုဒ္ဓဿသိရီ မတောအယံ စသော နဂါး ဂဠုန် နတ်ဗြဟ္မာတို့ ဝမ်းမြောက်ဝမ်းသာ ဟစ်အော် ကြွေးကြော်ကြသော ဥဂ္ဃေါသန ဂါထာများကို ရွတ်ဖတ်သရဇ္ဈာယ်ကြ၏။

ထို့နောက် သုနက္ခတ္တံ သုမင်္ဂလံ စသော အာသီသ ဂါထာများကို ရွတ်ဆိုပူဇော်ကာ အနေကဇာတင် ကြသည်။ အချို့လည်း စုပေါင်း အနေကဇာတင်ပြီးသောအခါ ရဟန်းသံဃာ တစ်ပါးပါးက အမွှေးနံ့သာရည် ထည့်ထားသော ဖလားကိုကိုင်၍ သပြေခက်ကို အမွှေးနံ့သာရည်တွင် နှစ်ကာ ရုပ်တုတော်၊ ဆင်းတုတော်၏ အထက်၌ ဇယန္တော ဗောဓိယာမူလေ စသော အဘိသေကဂါထာတို့ကို ရွတ်ဆိုလျက် အမွှေးနံ့သာရည်ဖြင့် ပက်ဖျန်းကာ ဗုဒ္ဓါအဘိသိက် သွန်းလောင်းကြသည်။ ဤသို့ပြုလုပ်ခြင်းမှာ ရာဇဘိသိက်၊ မင်္ဂလာဘိသိက်၊ သိရိပဝေသနာ ဘိသိက် သွန်းလောင်းခြင်းတို့ကို နည်းယူ၍ ပြုလုပ်ကြဟန် တူသည်။ (ဤအနေကဇာတင်ခြင်းကို ရဟန်းသံဃာတော်များသာ ပြုလုပ်လေ့ရှိကြသည်။ သို့သော် လူပုဂ္ဂိုလ်များလည်း တင်ကောင်းကြသည်ဟု မှတ်ရမည်။)

အနေကဇာတင်ခြင်း အကျိုး
အနေကကဇာတင်ခြင်းမှာ မြတ်စွာဘုရားကို ပူဇော်ခြင်းဖြစ်၍ ယခုပစ္စက္ခဤဘဝ၌ပင် ကျက်သရေမင်္ဂလာ တိုးတက်၍ အသက် ရှည်ခြင်း အဆင်းလှခြင်းစသော ကောင်းကျိုးချမ်းသာ အဖြာဖြာနှင့် ပြည့်စုံပြီးလျှင် နတ်ပြည်နိဗ္ဗာန်ရောက်နိုင်ခြင်း အကျိုးရှိ၏။ သာမန်ဖြစ်သော ရုပ်တုတော် ဆင်းတုတော်ကို အနေကဇာ တင်ပြီးသောအခါ သက်တော်ထင်ရှား ဘုရားကဲ့သို့ အလွန် တန်ခိုးအာနုဘော်ကြီးမားလာသည်ဟု စိတ်တွင် ထင်မှတ်လာရသည်။ ရုပ်ပွားတော် ဆင်းတုတော်ကိုလည်း သက်တော် ထင်ရှား ဘုရားနှင့်မခြား လေးစားကြသည်။ ယင်းသို့ သက်တော်ထင်ရှား ဘုရားနှင့်မခြား စိတ်စေတနာ အညီအမျှထား နိုင်မူ အကျိုးအာနိသင်လည်း အညီအမျှပင် ရနိုင်၏။ ထိုကြောင့် အနေကဇာတင်ခြင်းသည် များမြတ်သော အကျိုး အာနိသင်ရှိသော ကောင်းသော အလေ့အထတစ်ခုဟု မှတ်ယူသင့်ပေသည်။

ကိုးကား
မြန်မာ့စွယ်စုံကျမ်း၊ အတွဲ(၁၄)
https://www.facebook.com/share/p/af133sMdVaD2M2GL/?mibextid=2JQ9oc

08/02/2024

တရုတ် နှစ်သစ်ကူး

နှစ်စဉ် - တပို့တွဲလဆန်း

01/02/2024

2024 အားလပ်ရက် ရက္ခိုင်ပက္ခဒိန်
******************************

2022 Arakkha Calender
https://m.facebook.com/story.php?story_fbid=3243769582519895&id=2152578614972336

2021 - Arakan Event Calendar
https://m.facebook.com/story.php?story_fbid=2967978380099018&id=2152578614972336

2020 - Ārakkha Events Calendar
https://m.facebook.com/story.php?story_fbid=2652683964961796&id=2152578614972336&mibextid=Nif5oz

2020 ARAKAN EVENTS CALENDAR
Photo>>>https://arakancalendar.wixsite.com/rakhine/copy-of-calendar
PDF>>https://8afc4c8d-394c-4104-8911-d0c2eb480039.filesusr.com/ugd/fd74bc_6cd24388e2974d3ab35600e666adf8b7.pdf

-------------------------------------------------------------------

2020 Arakan Calendar
https://8afc4c8d-394c-4104-8911-d0c2eb480039.filesusr.com/ugd/fd74bc_da0b6041ad9a47cba1af8ae64fcd2a79.pdf

01/02/2024

ပြသိုလ်ရောက်တိုင်း သွေးမျက်ရည်ယို
*********************************

ကဗျာဖတ်သူ - မြတ်သဇင်
ကဗျာစပ်သူ - မယူနတ်

လလည်းကွယ် ပြည်လည်းဆုံး - ရင်နာနေတုန်း ခံစားချက် ကဗျာတစ်ပုဒ်

ငါတို့ရဲ့ အဖိုးအဖီး အဇူအဇာတွေ အေးချမ်းနေတဲ့ လရာသီမှာ ရင်အပူ မီးအပူနဲ့ ပြည့်နေ ခံစားခဲ့ရတာတွေကို ငါတို့ မြေးမြစ် တီတွတ်တွေ မျှဝေခံစားကြစေချင်.....

Credit: original uploader
္ခိုင်ပက္ခဒိန်

30/01/2024

လလည်းကွယ် ပြည်လည်းဆုံး
မြောက်ဦး နန်းရာကုန်း လူသတ်မှု

27/01/2024

လလည်းကွယ် ပြည်လည်းဆုံး

မြောက်ဦးနန်းရာကုန်း လူသတ်မှုကြီး

12/08/2023

ရခိုင် ပြက္ခဒိန် ဝါထပ်လနှင့် မြန်မာ ဝါထပ်လ ဘာက အမှန်ဆိုတာ သိချင်ရင် သမိုင်းကိုလေ့လာပါ

၁၉၀၁ ခုနှစ်က မြန်မာ အင်္ဂလိပ် ပြက္ခဒိန်ကို A.M.B.Lrwin က Burmese Calender အမည်နဲ့ စာအုပ်ထုတ်ခဲ့တယ် ။အဲစာအုပ်ကို အိုင်ယာလန်မှာ ရေးသားခဲ့ပြီး အဲစာအုပ်ဟာ မပြည့်စုံဘူးလို့ စာအုပ်ရေးသူကိုယ်တိုင် ဝန်ခံထားတယ်

၁၉၀၆ခုနုစ်တွင် (မြန်မာ) လက်ထပ်ရက်ငင်အကျဥ်းတွက်ပုံစာအုပ်ငယ်ကို ဦးကျော်ရန်ကမန္တလေးမြို့ဗုဒ္ဓဘာသာ သာသနပြုအသင်းသတင်းစာပုံနှပ်တိုက်မှ ထုတ်ဝေခဲ့သည်။ ထိုစာအုပ်ထုတ်ဝေပြီးနောက်မှ ၁၉၀၉ ခုနုစ်တွင် မြန်မာနေ့ရက်ကို အင်္ဂလိပ်ခု-လ-ရက်-နေ့ အလွယ်သိအောင် မြန်မာလက်ချိုး ပြက္ခဒိန်ပုံနှိပ်ဖြန့်ဝေခဲ့ကြသည်။

ရခိုင် အင်္ဂလိပ်ပြက္ခဒိန်ကို ဦးစံထွန်းတို့က 1905 ခုနှစ် မှာ Arakan News ပုံနှိပ်တိုက်မှ ပြည့်ပြည့် စုံစုံ ပုံနှိပ်ထုတ်ဝေခဲ့တယ်

1909 ခုနှစ်မှာ Burmese Arakanese Calender ကို A.M.B.Lrwin က ဟံသာဝတီပုံနှိပ်တိုက်က ထုတ်ဝေခဲ့တယ်

A.M.B.Lrwin က ရခိုင်ပြက္ခဒိန်ကို ထုတ်ဝေတဲ့ ဦးစံထွန်းရဲ့ ပြက္ခဒိန်ကို အခြေပြုလို့ ထုတ်ဝေ ခဲ့သည်ဟု သူ့မှတ်တမ်းမှာ ဖော်ပြခဲ့တယ်

ဒါဆို တကာတို့သဘောပေါက်ပေါ့ ရခိုင်တွေက AD-1905 ခုနှစ်မှာ ရခိုင်ပြက္ခဒိန် ထုတ်ပြီးမှ မြန်မာတို့က AD-1909 မှာထုတ်တယ် 1909 မှာ ပြက္ခဒိန် ထုတ်တဲ့ သူကိုယ်တိုင်က 1905 ခုနှစ်က ထုတ်တဲ့ ရခိုင်ပြက္ခဒိန်ကို အခြေပြုခဲ့တယ်လို့ ပါတယ်

မြန်မာ့နိုင်ငံ သမိုင်းမှာ ပြက္ခဒိန်ဆိုတဲ့ ဝေါဟာရကို ဘယ်သူတွေက ဘယ်နှစ်ခုနှစ်မှာ စသုံးလဲဆိုတာ လေ့လာလိုက်ပါ

မြန်မာဝါဒပြက္ခဒိန်တွင် ဝါထပ် ရက်ငင်ကိစ္စသည် မရှင်းမလင်းလာခဲ့သောကြောင့် မြန်မာမင်းလက်ထက်မှစ၍ ဝိဝါဒကွဲပြားကာ အင်္ဂလိပ် လက်ထက် အရောက်တွင် ပို၍ ရဟန်းရှင်လူတို့ ပြဿနာကြီးစွာ ဖြစ်ပေါ်လာခဲ့ကြရကြောင်း ဦးကုဏ္ဍလ ဆရာတော်၏ အာကနသဘာ၀စိန္တာကျမ်း နောက်ဆက်တွဲမှ သက်သေခံ အထောက်အထား၊ စာတမ်းမှတ် တမ်းများအရ လေ့လာသိရှိနိုင်ပေသည်။ (အာကနသဘာဝစိန္တာကျမ်း ကို ဖတ်ပြီးလေ့လာလိုက်ပါ မြန်မာပြက္ခဒိန် ဝါထပ်လ မှားမမှား သိချင်ရင်)

ဘာသာရေးအရ ဆိုရင် မြန်မာ ဝါထပ်လဟာ မဟတ်စပ်ဘူးဆိုတာကို တချို့သော ဆရာတော်ကြီးတွေပင် လက်ခံထားကြတယ်

တချို့ဆရာတော်ကြီးတွေက ရခိုင် ဝါထပ်အရ ယူတယ်

မြန်မာတို့ အုပ်ချုပ်ရေး ယန္တရားမို့ အများနည်းတူ မြန်မာ့နည်းနဲ့ လိုက်လျောညီထွေပဲ သီတင်းသုံးကြတာပဲရှိတယ်

နောက်ဆုံးပြောချင်တာက ဗမာသမိုင်း သီးသန့် ဖတ်ပြီး စော်ကားမနေနဲ့

တခြားအပြင် ကမ္ဘာကို လေ့လာဦး

မှတ်ချက်။ A.M.B.Lrwin ဦးသိန်းထွန်းဦး၊ဒေါက်တာသန်းထွန်း နှင့် မြန့်မာ့ပြက္ခဒိန် ထုတ်ဝေကြတဲ့ သူတွေကိုယ်တိုင် ရခိုင်ပြက္ခဒိန်ကို ကျန်ထားလို့ မရအောင် ဖြစ်တာကြောင့် နှစ်စဥ် ရခိုင်ပြက္ခဒိန်ကို ချန်မထားပဲ ထုတ်ကြတယ်။

Credit:

11/08/2023

ကြယ်တွေအများကြီး ကြွေကျမည့်နေ့

ဩဂုတ်လ ၁၃ ရက်၊ ည ၁၀ နာရီမှ နံနက် အရုဏ်တက် ၅ နာရီအထိ ခေါင်းခင်မှ ကြယ်အမြောက်အများ ကြွေကျပါမည်။

မြန်မာနိုင်ငံတစ်ဝန်းလုံးမှ မြင်တွေ့နိုင်ပါသည်။

Address

Ancient Arakan Kingdom
Chittagong

Website

https://arakancalendar.wixsite.com/rakhine

Alerts

Be the first to know and let us send you an email when Arakkha Calendar - ရက္ခိုင် ပက္ခဒိန် posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Arakkha Calendar - ရက္ခိုင် ပက္ခဒိန်:

Videos

ခေတ်ဟောင်း ရုပ်ရှင်

ပြသိုလ်ရောက်တိုင်း သွေးမျက်ရည်ယို ********************************* ကဗျာဖတ်သူ - မြတ်သဇင် ကဗျာစပ်သူ - မယူနတ် လလည်းကွယ် ပြည်လည်းဆုံး - ရင်နာနေတုန်း ခံစားချက် ကဗျာတစ်ပုဒ် ငါတို့ရဲ့ အဖိုးအဖီး အဇူအဇာတွေ အေးချမ်းနေတဲ့ လရာသီမှာ ရင်အပူ မီးအပူနဲ့ ပြည့်နေ ခံစားခဲ့ရတာတွေကို ငါတို့ မြေးမြစ် တီတွတ်တွေ မျှဝေခံစားကြစေချင်..... Credit: original uploader #Arakkha_Calendar_ရက္ခိုင်ပက္ခဒိန်

လလည်းကွယ် ပြည်လည်းဆုံး မြောက်ဦး နန်းရာကုန်း လူသတ်မှု

နဂါးရိပ်၏ အတိုင်းအတာ

ကမ္ဘာ နှင့် စကြာဝဠာ တည်ရှိပုံ လေးကျွန်း တစ်မြင့်မိုရ်လျင် စကြာဝဠာ တစ်ခု။ စကြာဝဠာပေါင်းများစွာကို နတ်တို့ ဘုံဗိမာန် Galaxy Nebula အဖြစ် ဖွဲ့စည်း၏။ Galaxy Nebula ပေါင်းများစွာကို ဗြဟ္မာဘုံတစ်ခုအဖြစ် ဖွဲ့စည်း၏။ ဗြဟ္မာဘုံပေါင်းများစွာသည် စကြာဝဠာ အနန္တမည်၏။ #Arakkha_calendar_2022_12

နေကြတ်မည် 2022 ခု အောက်တိုဘာလ 25 ရက် 1384 ခု၊ တန်ဆောင်မုန်းလဆန်း 2 ရက် မြန်မာနာရီ ညနေ 5 နာရီ 43 အိန္ဒိယနာရီ ညနေ 4 နာရီ 43 နေဝင်ချိန် 5 နာရီ 15 မြင်နိုင်ခြေရှိသော နိုင်ငံများ အိန္ဒိယ ပါကီစတန် ရာရှား ဘူတန် နီပေါ #Arakkha_Calendar_10_25_2022 #Eclipse_2022

ရခိုင်အမျိုးသားနိ ကြေညာချက် စာစောင် ဖတ်ကြားခြင်း https://ucandakumara.wixsite.com/canda/copy-of-library-1

သင်္ကြန် ကျချိန်

သင်္ကြန် ကျချိန် ၁၃၈၃ ခု၊ တာကူးလဆန်း ၁၄ ရက် (၁၄/၀၄/၂၀၂၂) သောကြာနေ့

တန်ဆောင်မုန်းလ လကြတ်ခြင်း၊ ၁၃၈၃ ခု။ 19/11/2021

တန်ဆောင်မုန်း လပြည့် လကြတ်ခြင်း """""""""""""""""""""""""""""""" *********** လပြည့်ချိန် နိုဝင်ဘာလ ၁၉ ရက်၊ မြန်မာစံတော်ချိန် (၃) နာရီ ၂၇ မိနိ လကြတ်ချိန် - စတင် - ည (၅) နာရီ ခွဲ အချိန် လကြတ်ချိန် - ပြီးဆုံး - ည (၆) နာရီ ၃၃ မိနိ လကြတ် ပြီးဆုံးချိန်တွင် မြေမြက် သစ်ပင် ဆေးဖက်ဝင်ပါသည် လမင်းကြီးသည် ရာဟုခံတွင်မှ လွတ်မြောက်သောအချိန်၌ ရ,ထား ဆွဲယူထားလိုက်ရာ အရာဝတ္ထုမှန်သမျှသည် အနှောင်အဖွဲ့မှ လွတ်မြောက်ခြင်းစသော ဆေးဖက်ဝင် သိဒ္ဓိပြီးပါသည်။🌑🌕🌑🌕

#ဒီဝါလီနေ့မြတ်မဟာ ^^^^^^^^^^^^^^^^^^^ ဒီဝါလီနေ့ဟု လူသိများသော ဒီပါဝလီနေ့ကို ဗုဒ္ဓဘာသာ ဟိန္ဒူ သိက်ခာ နေဝါ ဂျိန်းဘာသာတို့က ကျင်းပကြပါသည်။ #ဒီပ၊ ဆီမီး။ #အာဝလိ၊ အစဉ်အတန်း။ ဟု အဓိပ္ပါယ်ရသည့်အတွက် #ဒီဝါလီ နေ့သည် မီးထွန်းပွဲတော်နိပင်ဖြစ်ပါသည်။ နှစ်စဉ်နှစ်တိုင်း ဝါကျွတ်လကွယ်နေ့တွင် ကျင်းပသော ဒီဝါလီနေ့သည် 27-10-2019 14-11-2020 04-11-2021 အောက်တိုဘာလနှင့် နိုဝင်ဘာလတွင်ကျရောက်တတ်ပြီး၊ မြန်မာတို့ရဲ့ ဒီဝါလီအဖြစ် ဘုရားရှင်တာဝတိံသာမှ ဆင်းသက်ရာ ဝါကျွတ်လပြည့်နေ့ကဲ့သို့ ကမ္ဘာအနှံ့ရှိလူတို့သည်.. မီးပူဇော်ခြင်း မီးကွင်းဖြင့် က ခြင်း မီးရှူးမီးပန်းဖြင့် ပူဇော်ခြင်း ဆုတောင်း,မေတ္တာပို့ခြင်း လက်ဆောင်ပစ္စည်းပေးခြင်း အလှူဒါနပြုလုပ်ခြင်း ဘာသာရေး သာသနာရေးကိစ္စကြီးငယ် ဆောင်ရွက်ခြင်း စားသောက်ဖွယ်ရာများကို ဧည့်ခံကျွေးမွေးခြင်း ပျော်ပွဲစားထွက်ခြင်း ချစ်ရေးဆ