Faris Aljahim

21/12/2023

لما أعلنت عن مسألة اعتزال علوم #السحر و #الروحانيات بشكل عام ،
بعض @متابعين الصفحة كانو بيبعتولى رسايل بيسألوني فيها عن شخص يكون بديل ليا وذو ثقة عشان يتابعوه ،
وقتها كنت بجاوب إني معرفش حد ومش بتعامل مع حد ( وده حقيقي لأن مجالنا حساس جدا وفيه نسبة كبيرة من الاستغلال والاحتيال )
ولكن وقتها مكنش عندي #علم إن الاستاذ ( ᎠᎡᎯ ᎶᏫᏁ ᎰᎥᎡᎬ ) المشرف السابق للمنتدى والجروب.
إن عنده صفحة على الفيس بوك ، وبالصدفة شفت الصفحة بتاعته انهارده ، وكل المتابعين القدامى يعرفوا إنه إنسان محترم واخلاقه عاليه وصاحب علم وخبرة ومعرفة ،

والدليل علي كده إنه مطلبش مني أعمل دعاية أو إعلان لصفحته رغم علمه بمسألة اعتزالي ، ومحاولش ولا مره يحط رابط لصفحتة كنوع من الدعايه عندي أو عند غيري ،

عشان كده أنا هسيب لكم رابط صفحتة في الكومنتات للي حابب يتابعه ويستفيد من العلوم دي ،

والسلام ختام

16/12/2023

إلي كل من يحب ويتابع #الحجامة و الطب البديل و #الاعشاب
هسيب ليكم رابط جروب محترم جدا على الفيس بوك في المجال ده ، مع العلم إن الجروب ليس ملكي وليس لي أي دور فيه انما هي مجرد منفعة تأكدت من صحتها وأحببت إن انشرها إلى كل من يهمه الأمر ، والسلام ختام.
@متابعين
- رابط الجروب 👇
https://www.facebook.com/groups/725348617637163/?ref=share&mibextid=NSMWBT

17/10/2023

هيتم حذف الصفحة دي بشكل نهائي بعد 3 شهور ، وهيتم حذف الجروب على الفيس بوك والموقع على الانترنت ، وده اعلام للجميع عشان إللي محتاج ياخد حاجه في الصفحة أو من أعضاء الجروب ، يتفضل.

عشان لما احذفهم محدش يجي يسأل عليهم أو على أي حاجه تخصهم ، لأني توقفت تماما عن كل ما يخص علوم السحر والعلم الروحاني ،

وقبل حذف أي شئ هيتم الاعلان عن صفحة جديده تماما خاصة بيا هيكون محتواها علم الطاقة وكل ما يخصه ( بالتقنيات الحديثه ) وليس المتداول حاليا بين الناس.

بمعنى إللي كان متابع علم السحر أو العلم الروحاني بهدف علاج أو تحصين أو محبة أو قبول أو قضاء حوائج أو غيره من الامور المتعارف عليها ، هتلاقيها موجوده تماما واكتر واحسن واسرع واسهل في محتوى علم الطاقة إللي هنقدمه ، بس بدون شبهات الحرام ، وبدون جن ، وبدون شياطين ، وبدون عفاريت ، ولا أي كلام من ده ، فيه تفاصيل آكتر هقولكم عليها على كذا منشور عشان المنشور ميبقاش طويل وممل لكل @متابعين الصفحة.

والسلام ختام ❤️

13/03/2023

هل #انثى #الجن ( #الجنيات ) شكلهم جميل ؟
ولا شكلهم #مرعب ومخيف ؟!

من الأسئلة المتكررة دايما إللي كانت بتجيلي من كتير من #الناس ، وطبعا فئة من #المجتمع بيعتقد إن شكلهم جميل وفاتن ، بناء علي عدة عوامل ( حسب وصف بعض #الكتب / حسب #تصوير بعض #الافلام والمسلسلات التي تتحدث عن الجن من الجانب #الطيب / حسب #المراهقة )

وفئة أخرى من المجتمع إللي بيتصور إن الشكل أكيد ( مرعب ) وده بيكون بناء على #ثقافة أو #تربية بطريقة معينه ، أو بعض #القصص والروايات ، أو الخوف بشكل #عام من كل ما هو مجهول وغير #مرئي.

اما بالنسبة للاجابة المبنية على #الواقع والتجارب فأحب أوضح للجميع إن المعتقدين باطلين للأسف!.

#ربنا قال ( وما فرطنا في الكتاب من شئ ) والكتاب هنا مقصود بيه #القرءان طبعا ، والقرءان لم يصف لهم شكلا محدد ( انما وصف لهم بعض #الصفات الشخصيه والطباع ) " منا #الصالحون ومنا دون ذلك... وكذلك باقي #الرسالات السماوية ، لم تأتي رساله بذكر وصف واضح لاشكالهم ، والسبب بسيط جدا ومنطقي!.

وهو إن كل ما تم ذكره عنهم في الكتب والروايات الصحيحه إنهم مخلوقات ( غير مادية ) بمعنى إن أجسامهم لا علاقة لها ولا تتشابه مع أجسام البشر من حيث التكوين ومن حيث المادة الأساسية ( هم من نار ، والانسان من طين ) ( هم اثيريين ، روح ونفس ، اما الإنسان ، روح وجسد ونفس ).

المذكور عنهم كمان إن لهم المقدرة على التشكل في أي هيكل أو ، أي صورة ، وطبعا هذا منطقي جدا طلاما إنهم غير خاضعين لقوانين المادة والهيكل ، الذي يخضع لها الإنسان.

وعشان التفسير يكون أوضح لك ، تعالى نفرض إن الارواح الأخرى ( جان / شيطان ) مثل الغاز مثلا ، فهل نقدر نحدد الشكل الأساسي للغاز من حيث الهيكل وثباته على شكل معين ؟!
الإجابة مستحيل ، لأن الغاز سوف يتشكل حسب الوعاء الذي يتم وضعه فيه ، بمعنى اننا إذا وضعنا الغاز في ( أسطوانة ) هيكون شكله اسطواني ، وإذا وضعناه في وعاء مربع ، هيكون شكله مربع ، وهكذا.....

ونفس الفكرة بالنسبة للجن أو الشياطين ، أجسامهم لا يحكمها هيكل مثل البشر ، فلهذا يمكن أن يتشكلون كيفما يريدون ، اما بالنسبة للخلقة الأساسية التي خلقهم الله عليها ، فلا يعلمها إلا الله وحده ، ولا يجب أن نفتي بالباطل في هذا الشأن ، طلاما إنه لم يرد مستند قوي واضح وصريح في هذا الجزئ.

يعني أنته قصدك يا فارس إن كل ما ذكر عنهم من وصف في بعض الكتب أو المخطوطات أو الوصفات ( كذب ) ؟!
لاء طبعا أنا مقصدش كده ، ولكن ده وارد إن يكون دي الهيئة إللي هما حضروا عليها لمن تعامل معهم ممن ذكر تفاصيلهم ، ولكن من الخطأ إن نعتقد إن هذه قاعدة عامة ويجب أن يراها كل من يطلبهم بنفس الهيئة المذكورة في الكتب أو المخطوطات.

اما الهيئة البشعة التي تتكلم عنها الافلام وبعض الروايات فهي أيضا لا أساس لها من الصحة لأنها مجرد تخيلات للكاتب أو للمخرج ، والهدف منها فقط هو تصويرهم للمشاهد بأنهم الجن أو الشياطين المرعبين ، عكس البشر الطيبين طبعا 🤣

والخلاصة والشئ المضمون إنهم مستحيل يظهرو ليك بشكل بشع أو سيئ في حالة إنك لم تعتدي عليهم ، لأن زي ما إنت عندك أهداف ومنافع من تعاملاتك معاهم ، هما كمان عندهم أهداف من تعاملاتهم معاك ، ومش من المنطق ولا العقل إنهم يرعبوك ، لأن وقتها لن يتعامل أحد معهم إلى نهاية الارض.
والسلام..ختام ❤️

09/03/2023

لو عندي سحر أو مس أو عوارض أو حسد ، هل ممكن أنجح في أي طريقة روحانية أنا عاوز أعملها ، سواء كانت عمل أو تحضير أو خدمة ؟


من الأسئلة إللي كانت بتيجي كتير ومن الواجب وضع اجابتها بشكل عام ، عشان تكون معلومة لكل من يهمه الأمر ، وقبل الإجابة لازم نفهم أولا إن اغلب الناس المصابة للأسف مش بيكون عارف إنه مصاب من الاساس ، أو بيكون فاهم اصابته بشكل مختلف ، يعني مثلا يكون عنده حسد ، ولكن هو يعتقد إنه سحر ، أو يكون عنده مس ، وهو يعتقد إنه حسد او سحر ، الخ...

والسبب في مسألة التخبط دي ، وإن كتير من الناس مش بيكون فاهم حقيقه اصابته ، هو بسبب اعتماده بشكل دائم على الغير ، سواء من يدعون إنهم أصحاب علم وشيوخ ، أو الناس المحيطين به وإللي دايما عندهم مبدأ " الفتي " ، بمجرد ما تقعد مع حد من جيرانك أو قرايبك أو معارفك أو أصدقائك ، وتحكي له عن مشكله غريبه بتحصل معاك ، يبدأ هنا ينزل عليه روح العبقري الفاهم في كل حاجه ، ويبدأ يحاول إقناعك إنك بتعاني من كذا أو كذا ، وبيستشهد علي كلامه ده ، بقصص وروايات وحكايات حصلت مع أصحابه أو معارفه ، وانهم كانوا بيعانوا من نفس الأمر ، لحد ما راحوا للشيخ أبو المعجزات الفشيخ وقلب حياتهم جنة!

وأنته طبعا لا حول لك ولا قوة ، بتكون مضطر تصدق لأنك عامل زي الغرقان إللي بيحاول يتعلق بقشة ، لحد ما تقابل شيخ المعجزات ، وشيخ الحركات ، وشيخ الوهم إللي جاي وإللي فات ، وكل واحد فيهم يلعب بيك شويه ، لحد ما تفقد الامل وتدخل في حالة يأس وتقرر إنك هتسيب كل حاجه على وضعها ، بلا علاج ، بلا وجع دماغ ، أنا هدخل في التعليم علطول ، ولما أتعلم أكيد هعرف مشكلتي وهحلها بنفسي بعدين ، بس أكون اتعلمت.

وتبدأ رحلة المحاولات عشان تنفذ بعض الطرق أو تتعلم ، وتلاقي نفسك كل ما تاخد خطوه ، مفيش نتيجة!
تحاول تآني وتالت ورابع ، من كتب ومن مخطوطات ومن مواقع ومن صفحات ، بلا نتيجة!
لحد ما تفقد الامل كليا وتدخل في حالة اكتئاب كامل وتقول إن كل الناس جهلة ونصابين ومفيش حاجه اسمها روحانيات ، وكل ده كلام فاضي ، وتستسلم لمصيرك السئ.

طولت عليكم معلش ، بس عاوز اقولك إن كل إللي فات ده مش صدفة ولا هو حظ سيئ ، دي خطة ممنهجة بتعملها نوع الاصابة بتاعتك عن عمد ، عشان توصلك للنهاية الأخيرة إللي كلمتك عنها دي ، وده المفروض يغير مفهومك شوية ونظرتك عن عالم الجن و الشياطين ، وتفهم إنهم مش شوية أرواح ضالة هبله وعبيطه وبيضربوا في الناس بشكل عشوائي بلا عقل ولا مخطط ، لاء ، دول فاهمين كويس اوي بيعملوا إيه ، ونفسهم طوييييل آوي ، أكبر مما تتصور ، ومعندهمش مشكله أبدا يلعبوا معاك بالحيله والخداع لمدة سنين طويلة جدا ، لأن الموضوع في منظورك إنت مجرد إصابة ، انما في منظورهم هما حرب لازم يكسبوها.

وعشان مطولش عليك آكتر من كده ، الحل هو في الخطوات دي.

1 - أول حاجة لازم تعملها لو إنت حابب تتعلم أو حابب تعرف نوع مشكلتك أو حابب تعرف عندك مشكلة من الاساس أو لاء ، لازم تاخد أي طريقة من طرق ( الكشف المنامي ) وتشتغل عليها بشكل متكرر لحد ما تقدر توصل لليقين ، أنا مصاب ولا لاء ، ولو أنا مصاب ، نوع الاصابة إيه ؟

2 - إزاي اختار طريقة الكشف المناسبة ليا ؟
طرق الكشف المنامي اغلبها صحيحه سواء الموجودة في كتب أو مخطوطات أو مواقع أو صفحات وإللي هي بردو بتكون منقوله من كتاب أو مخطوط في الاساس ، اختار الطريقة المناسبة لمنهج حياتك ( يعني لو إنت مسلم وملتزم ، اختار طريقة يكون ليها علاقة بالسور والايات وإللي بنقول عليها علوية أو ربانية ، ولو إنت علي ديانة تانيه وملتزم ، اختار طريقة تناسب منهجك الديني لو دورت هتلاقي ، وبلاش استسهال أو كسل ، ولو إنت صاحب ديانة ما ، ولكن عايش حياتك كأغلب الناس ، يعني مش ملتزم ، وسطي أو أقل من الوسطية ، وقتها ممكن تختار أي طريقة سواء تابعة لديانه أو لاء مش هتفرق ، المهم تداوم عليها لحد ما توصل لليقين.

3 - بعد ما تعمل الكشف بنفسك لنفسك وتعرف مشكلتك ، وقتها تختار طريقة العلاج بنفس النمط إللي شرحته في موضوع الكشف ، ومرحلة العلاج دي مهمة جدااا ، لازم تداوم وتتحدي أي عقبات هتقابلك سواء نفسية أو ظروف لحد ما تتيسر أمورك وتحس إنك بتفوق من الغيبوبة إللي كنت فيها ، وساعتها بس تقدر تبدأ مرحلة التعليم أو تجربة الطرق والفوائد الروحانية ، وقتها هتاخد نتيجة مرضية ليك.

واياك ثم إياك إنك تعتمد علي حد في موضوع الكشف عشان تعرف مشكلتك ، صدقني أنته ساعتها بتساعد نوع الاصابة بتاعتك في تنفيذ خطتهم ، إنهم يتوهوك ويوصلوك للنهاية إللي اتكلمنا عليها في أول الحديث.
والسلام ختام ❤️

08/03/2023

هل قراءة العزائم ، من الكتب أو الورق ، بشكل مباشر اثناء العمل ، أو التحضير ، يكون نافع أم لاء ؟


سؤال من ضمن أسئلة كتير كانت بتجيلي من بعض #الأعضاء والمتابعين ، وكنت بجاوب عليه بشكل مستمر ، فحبيت إني أعمل #فقرة من وقت لأخر ، اطرح فيها نوعيات #الأسئلة دي مع #الاجابات الخاصة بها ، عشان تكون محط #مرجع للجميع بشكل #عام ولكل من يهمه الأمر.
( الإجابة )
مفيش أي شك إن بتقابلنا كتير من العزائم أو #الاقسام أو #الأسماء ، الخاصة ببعض #الدعوات أو الأعمال أو #التحضيرات ، إللي بتكون صعبه علي اغلبنا من حيث الحفظ من أول مره ، أو #النطق الصحيح من أول مره ، والاسباب بتكون إن العزيمة دي اما #طويله بعض الشئ ، أو الأسماء الموجوده فيها غير متداوله في #حياتنا اليوميه ومش سهل علينا نطقها بشكلها الصحيح من أول قراءة أو من أول يومين أو تلاته أحيانا.
والعالم الروحاني كله ( #علوي / #أرضي / #سفلي ) متفهمين جدا للمسألة دي ، لإنهم اغلب الوقت بيحكتوا بالمجتمعات #البشريه وعندهم خلفية #كبيره عن طريقة حياتنا ومقدرتنا وتصرفاتنا ، بمعنى إن مفيش مشكلة ومفيش مانع أبدا لو حضرتك هتقرى من #كتاب أو من #ورقة أكثر من مره ، أو أكثر من يوم ، لحد ما توصل لمرحلة الحفظ.
والامر ده لا يفسد عملك أو تحضيرك ، ولكن الافضل والاحسن هو #الحفظ وعدم #الاعتماد على كتاب أو ورقة للقراءة ، والسبب إن الحفظ هيخلي الأسماء أو الطريقة في ذهنك وبالتالي ده هيدي مساحة أكبر للتركيز وصفاء #الذهن وقت العمل ، وهو من الاسباب الهامة جدا للنجاح أو لرفع مستوى #النجاح.
( #الخلاصة )
لو إن مسألة الحفظ هتعزز من شأن النجاح وسرعة الوصول لهدفك ، على سبيل المثال...
لو أنته هتقرى من كتاب أو من ورقة ممكن تكون نسبة نجاحك وسرعة وصولك لهدفك مثلا
75٪
اما لو أنته حفظت إللي بتقراه وبقيت بتقرى من ذهنك وقتها النسبة دي ممكن ترتفع مثلا إلى
90٪
والسلام ختام ❤️

07/03/2023

#السحر في #رمضان ، والاعمال في رمضان ، و #الشياطين في رمضان ، #الموضوع المتداول في كل #عام قبل رمضان 👇

🟠 المتابعين : إيه ده يا فارس ؟! أنته جاي تكتب لينا موضوع يخص رمضان بعد ما رمضان خلص بأكتر من أسبوع!.
🔴 فارس الجحيم : معلش يا جماعه متزعلوش.. أصل أنا اتكلمت في الموضوع ده قبل كده آكتر من مره ووضحت نقط كتير بخصوصه ورغم كده كل سنه قبل رمضان واثناء رمضان الناس بتعيد نفس الأسئلة تآني وكأن مقولناش حاجه!.. عشان كده أنا هتكلم في الموضوع ده المرادي بإستفاضة وبشكل أوضح شويه عشان تكون آخر مره نفتح فيها الموضوع ده وإن شاء الله قبل رمضان من كل سنه هبقى أعمل إعادة نشر للموضوع ده عشان ارتاح بقا من نوعية الأسئلة دي.
🟠 المتابعين : إستفاضة ؟! اااه يعني مش هيكون موضوع.. ده هيكون جرنال زي عوايدك في كتابة مواضيعك.. مين إللي عنده دماغ يقعد يقرى كل ده ؟!.
🔴 فارس الجحيم : لا متقلقوش يا جماعة أنا هرضي كل الاطراف.. اللي مش حابب يقرى كتير هكتبله الخلاصه في الأول.. واللي حابب يقرى ويفهم ويتعلم هيكون فيه شرح بعد الخلاصة.
🟠 المتابعين : إذا كان كده ماشي.. يلا قول إللي عندك.
" الخلاصة "
◾مفيش حاجة إسمها الشياطين بتتسلسل أو بتصفد أو بتقيد في رمضان ( بالمفهوم البشري إللي في دماغك ).
◾مفيش حاجة إسمها الأعمال الروحانية بكل أنواعها ومشتقاتها لا تصلح في رمضان.. بالعكس دي بتصلح وبقوة كمان ( بتكلم عن إثباتات وادلة وليس مجرد أقوال ).
◾الفصيل الوحيد من الأعمال الروحانية هو إللي ممكن يكون ضعيف أو غير مستجاب في رمضان هو فصيل الفوائد الروحانية ( الربانية.. وبعض العلوية ) ده في حالة إذا كانت روحانية الفوائد دي ( مسلمين بكل ما يحمله الدين من معنى ) لأن وقتها بيكون اغلب انشغالهم بالعبادة والتقرب لله خصوصا في شهر رمضان كما فرض عليك إنت في دينك كأنسان.. لان الدين الإسلامي نزل للثقلين ( الانس والجن ) اما الفصيل الروحاني المسلم بالوراثة فقط كحال كثير من البشر.. وقتها حالهم كحال أي روحانيات أخرى.. بمعنى مجيبين لك في رمضان بشكل طبيعي كباقي الشهور الأخرى.
🔴 فارس الجحيم : أنا كده قلت الخلاصة للناس إللي عاوزه تاخد المعلومة وتجري بدون تركيز وتعليم وقرايه.. يلا بقا مع السلامه أنتم عشان الشرح هيبدأ للناس إللي فعلا محتاجه تفهم وتتعلم 👍

" الشرح "
🔶 المتابعين : إستنى بس يا فارس إيه إللي بتقوله ده ؟! شياطين مين ياعم إللي مش بتتسلسل ولا تتصفد ولا تتقيد في رمضان ؟! أنته بتقول أي كلام وخلاص ؟! ده ربنا قال في القرءان.....
🔷 فارس الجحيم : هسسسسسسس... بلاش تكمل الله يكرمك يا شيخ لأنك بالشكل ده هتاخد ذنب ربنا وحده هو العالم بحجمه.. لان للأسف ده بقى الطبيعي بالنسبة للناس إنهم ينقلوا الآيات ويردو بيها بمعناها الحرفي دون النظر في معناها الفقهي والجهوهري والتفسيري و المقصود .. واهل علم الدين نفسهم بيجتهدوا ليل نهار في تفسير كل كلمة مش اية بس.. وفي الاخر بنسمع منهم كلام كتير جداا غير كلمة حرام وحلال.. زي.. جائز.. غير جائز.. مقبول.. مكروه.. مستحب.. غير مستحب.. مؤكد.. شبهات.. الخ الخ من الكلمات التي يقولونها بكل حرص وعناية محاولة منهم بكل الاشكال إن يقدمون للناس أقرب فتوى للصواب بدون ما يقعوا في ذنب.. وحضرتك تاخد آيات كاملة وتنقلها لكل واحد بيقول كلام منافي لما تعودت عليه إنت من الحفظ.. وتقوم مصدر الآية وتكتبها بكل ثقة وكأنك النبي نفسه!!
لا وكمان تزايد على ما كان يفعله النبي!! نلاقي الناس بتها..جم وتع..نف وتغ..ضب واحيانا تس..ب في حالة إن حاولت تناقشهم في الأمر بالمنطق والعقل ؟!
احذرواااا فهذا النوع من الذنوب قد يكون عاقبته عند الله أكبر من الألحا..د نفسه.. لان المل..حد معروف للجميع إنه مل..حد.. اما إنت ؟ فمن الممكن بكلمة وآحده أو اية وآحده تنقلها وتحا..رب بها غيرك قد تسبب في فتنة جيل كامل من ضعفاء الفهم والعقل.. لان وقتها يكون شأنك كمن يقتص آيات من الدين ويأخذ معناها الحرفي ويرفع بها السلا..ح ويحا..رب ويق..تل بها الابرياء دون وجه حق.. لإنه فقط اعتقد إن فهمه هو الصحيح!.

- رأي علماء الدين في مسألة ( التسلسل و التصفيد ) مختلف ومتعدد ولم يتفقوا على فتوة وآحده.. بعضهم قال إن المقصود هو.. كبار مردة الشياطين فقط وليس الجميع.. والبعض الاخر قال إن المقصود هو.. قرين الإنسان فقط لإنه الموكل بالوسوسه.. وبعضهم قال إنه ليس تصفيد انما هو ( تقليل لنطاق التحرك ) أي بمعنى إنهم لا يتحركون لنفس الحدود التي كأنو يتحركون إليها قبل رمضان...بمعنى.. مثلا لو فرضنا إن هناك شخص كان يستطيع أن يذهب من الشرق إلى الغرب في أي وقت يريد فعندما يأتي رمضان لا يقدر إن يذهب أو يتحرك لكل هذه المسافة ( تكون حركتهم وحدودهم محدودة ).. والاقلية منهم قالو إن الأمر مقصود به ( سرعة التحرك فقط ) أي تكون حركتهم ابطأ في شهر رمضان عن دونه من باقي الشهور.. ومع كامل احترامي لكل هذه الاقاويل فلم يرد قائل واحد بنص ومستند وبينة وبرهان وقال التسلسل أو التصفيد أو التقييد الذي يعتقدوه الناس.. بمعنى إنه لا يتم ربطهم بسلاسل أو سجنهم كما يعتقد بعض البشر.

- وطلاما اننا لسنا من أهل علم الدين فلا يجوز أبدا إن نزايد على كلامهم أو نجتهد فيه لنخرج بفتوة تختلف عما قالوه أو تتكلم بإيضاح أكثر مما تكلموا به.. فهذا شأنهم وعلمهم ومهمتهم ومسؤليتهم وان فعلنا فعلهم وقعنا في ذنب عظيم.
🔶 المتابعين : طيب أنته بنيت كلامك على إيه بقا يا فارس طلاما إنك بتقول مينفعش نزايد على كلامهم والمفروض كمان اننا منقولش ما يخالف كلامهم.. لإنهم أهل علم الدين زي ما أنته قلت صح ؟
🔷 فارس الجحيم : فعلا مينفعش نزايد أو نستفتي ولكن ممكن نعارض كلامهم ( بالدليل و المستند إذا وجد.. او بالحجة والعقل و المنطق والبرهان إذا كان يختلف عما قالوه ).. وبطلوا تقاطعوني بقا عشان الموضوع بيطول بسببكم أنتم أهو 😜

" الاثبات و المنطق والعقل والحجة والدليل"
- أنا كنت بميل في البداية إلى اعتقاد إن القرين فقط هو إللي بيتم تقييده كنوه من ( التلجيم ) ولكن مؤخرا اكتشفت إن ده غير حقيقي بعد ما مجموعة من المتابعين بدأو العمل بطريقة ( وشوشة ) القرين في رمضان.. ورغم إني طلبت منهم إن ينتظروا إلى ما بعد رمضان كي لا يضيع مجهودهم هباء ( حسب اعتقادي ) ولكن بعضهم أصر وبالفعل حدثت معهم الإجابة وكل الاعراض وكل شئ!! وتأكدت من صدق كلامهم بعدة طرق مختلفه.. مما بدل على بطلان مفهوم إن القرين يتم لجمه أو تقييده في رمضان.

- أنا وكثيرين غيري يعملون في مجال ( السفليات ) نعمل بدعوات محدده بشكل دائم لقضاء كافة أمورنا.. وهذه الدعوات ملوكها يكونوا من كبار الشياطين أو المردة.. وعن نفسي لم أجد أي اختلاف في رمضان عن غيره ولم يحدث أي خلل لا من قبلهم ولا من قبل أعوانهم بل وحتى لم ارى عليهم ذات مره إنهم مثلا يشعرون بضيق!! انما تسير الامور بشكل طبيعي جدا بدون أي مشاكل.. مما يدل على بطلان مفهوم إن كبار الشياطين هم من يتم تقييدها أو تصفيدها.. إضافة إلى أن فكرة تصفيد كبار الشياطين أو المرده لا تثمن ولا تغني من جوع.. لان العالم الروحاني يسير بشكل ممنهج ومنظم ونادرا ما يتطلب الأمر تدخل من الملوك أو الحكام الكبار سواء كأنو سفليين أو غيرهم.. بمعنى إنه لا منفعة للبشر من الاساس من تصفيد كبار الشياطين أو عدم تصفيدهم! لأن كل من يتوكلون بالاعمال و المنافع الروحانية يكونو من الخدام أو كحد أقصى الاعوان.. الملوك أو المردة لا تقوم بالاعمال بنفسها لأن لهم شأن آخر ومهام أخرى.

- وانظروا في رمضان إلى حال أي إنسان كنتم تعرفونه قبل رمضان إنه مثلا مصاب بسحر أو مس.. ستجدون حاله هو نفسه كما كان قبل رمضان ( يعاني ويتألم ومتأثر بنفس سحره أو مسه أو مشاكله الناتجة عن السحر أو المس ) بل اغلب الحالات تكون اشد ضررا في رمضان عن باقي الشهور الأخرى.

- و المنطق الاخير هو انظروا إلى حال البشر في رمضان تجد عجب الاعجاب.. من كان يسب.. أصبح أكثر غضبا وشرا.. ومن كان يسرق ومن كان يفعل أي فعل محرم قبل رمضان تجده أقوى في شره وقت رمضان.. بل و الأكثر سخرية هو إنك تجد وكأن قيامتهم قامت قبل أذان المغرب بساعة أو أقل 😅.

- اما آخر جزئية وهو مسألة إن ( بعض الروحانيات الربانية أو العلوية هي التي من الممكن إن لا تجيب في رمضان ) والسبب كما ذكرت في أول الأمر.. فلو كأنو مسلمين كحق.. وقتها سينشغلون بالعباده لله عن الاشغال معك إنت.. فليس لمخلوق سلطان فوق سلطان الخالق.. اما إن كانوا يجيبوك في رمضان فهذا أكبر دليل على إنهم مثل اغلب البشر.. أصحاب دين اسماً فقط وليس جوهر و يتظاهرون امامك بأنهم أهل التقوى والايمان والصلاح 😉

◾اما عن المقصود من الآيات والتفسيرات لأهل علم الدين فهذا ليس شأني.. فمن افتى بغير علم فقد كف..ر فلا أحب إن أتدخل في مسائل فقهية لنا أصحابها وهم اولى مني بها.. فقط تكلمت عن ما تأكدت منه بالادلة والبراهين و المنطق والعقل والحجج لا أكثر ولا أقل.. والى هنا تنتهي الجريدة 🤣 وكل عام وإنتم بخير 😘

13/11/2022

وشهد شاهد من أهلها 🤣

12/11/2022

دعوة " فرسان المعبد السفلية "
تجربة نجاح متميزة 😍
كل التوفيق للجميع ❤️

22/10/2022

خليه ينفعك 🤣

19/10/2022

هو إحنا خلصنا من تنزيل الأموال عشان ندخل في تنزيل البشر 🤣

10/10/2022

بص يا شيخ حسان.

أنا والله مش فارق معايا كل ( المنيو ) إللي أنته حاطه ده... خلاص مبقتش اتفاجئ ولا اتصدم من عينات البشر دي 😅

ورغم إن المنيو بتاعك أكبر من منيو ( كنتاكي + ماكدونالز ) في حالة اضافتهم على بعض 😂 يعني مجرد عك ( سمك لبن تمر هندي ) بس بردو ماشي مش مهم كل ده.

أنا إللي حرق دمي بس إنك كاتب ( جلب زبائن ) وأنته مش عارف تعمله لنفسك حتى ومنزل "كومنت" في صفحة تخص الهندسة.. عشان تعرض فيها خدماتك وإللي مفيش مخلوق حتى عملك لايك واحد حتى على الكومنت 😂

أنا مش متخيل إن ممكن يكون فيه فضيحه أكبر من كده... لما تبقي نصاب وعارف من جواك إنك نصاب وبتحاول تدحك على الناس إللي هما عارفين إنك نصاب... مع العلم إنك بردو عارف من جواك إنهم عارفين إنك نصاب.. بس برافوا صراحه الاجتهاد في الفشل حلو بردو 🤣

08/10/2022

اهلا وسهلا...
اليوم موعدنا مع فائدة من علم الطاقة
بعنوان: طرد الطاقه السلبية

فائدة اليوم بسيطه للغاية ولكن قويه جدا وتلك الفائدة تقوم بطرد الطاقه السلبيه من المكان المستخدمه فيه ومن تأثيرات الطاقة السلبية هو :-
عدم الشعور براحه في المكان ، أو الاحلام المزعجه بالاخص في تلك الاماكن التي تكون فيها طاقة سلبية ، كثرة الشجار والمشاكل القوية على ابسط الاسباب ، حالات الخمول وكثرة النوم بلا مبررات وأسباب ، عدم الرغبة في الطعام أحيانا لفترات كبيرة ، بعض حالات الاكتئاب و الاحباط... الخ من باقي الامور المتعلقة بالطاقة السلبية.

بعد استخدام الفائدة ستجد كم كبير من الراحة والشعور بالطمأنينة وتحسن كبير فيا اغلب ما تم ذكره من مشاكل.

👈ملحوظه مهمه ، لو شخص يعاني من مس قد يعاني من قلق وعدم راحه مضاعف اول يوم الي ثلاث أيام... وبعد المداومة على الطريقة سيبدأ بالشعور بالتحسن تدريجيا.

💥 الاغراض المطلوبة 💥
- رغيف خبز دائري من نفس النوعيه التي تباع في المخابز وافران الخبز .
- ملح ابيض خشن مقدار اربع ملاعق اكل كبيرة.
- سكين نظيفة .

💥 الكيفية 💥
توجه وجهك ناحية الشرق وتضع الاغراض امامك
وتقسم الخبز بالسكين الي أربعه اجزاء متساوية.
ثم تضع علي كل جزء من رغيف الخبز مقدار ملعقة كبيرة من الملح الابيض الخشن.
ثم تأخذ كل جزء من الخبز وتضعه في كل ركن من أركان الغرفة... او المكان الذي تريد التخلص فيه من الطاقة السلبية.

وتظل في مكانها لمده اسبوع ليس أكثر بعد ذالك تتخلص منهم .

يمكنك تكرار العمل لمده اربع مرات بالشهر بمعنى مرة كل أسبوع بعد ذلك يكفيك عملها مرة واحده كل اول شهر .
--------------------------------
الموضوع من طرح مشرف جروب
( اكاديمية النور والنار )
الاستاذ " Dragon Fire "
تعديلات واضافات بسيطة " "

07/10/2022

بعض أعراض سحر التفريق والبغضة والكراهية والطلاق بين الزوجين : -

1- صداع متكرر كل فترة وتساقط للشعر .
2 - وجود بقع زرقاء او حمراء او سوداء او خرابيش او هرش او حكة بالجسد .
3 - العزلة .
4 - عدم انتظام الدورة الشهرية للمرأة او تعب بالمعدة او وجود دم داكن بالدورة و رائحته كريهة او وجود افرازات بشكل متكرر للنساء .
5 - ضيق الصدر وقت المغرب و الخنقة و البكاء بدون سبب .
6 - اوجاع في الظهر والمفاصل و الأطراف .
7 - عدم الرغبة فى الحياة او الاحساس بالانتحار .
8 - رؤية احلام غريبة وبشعة وقطط وكلاب تهاجم في المنام .
9 - وقف الحال .
10- الخلافات المستمرة بين الزوجين على اتفه الأسباب .
11- ترك العبادة .
12 - خمول وارهاق .
13- عدم اتمام الخطوبة او الزواج .
14- الطلاق بدون سبب .
15- وجود امراض ليس لها علاج لدى الأطباء .
16- تأخر الانجاب او عدم الانجاب .
17- عدم القدرة على التركيز .
18- النسيان المتكرر .
19-عدم وجود توافق بالحياة .
20- الحزن والكآبـة بأستمرار .
21 - كراهية الزوج لزوجته أو العكس بدون سبب .
22 - شعور الزوج بالغضب والغثيان عند اقتراب زوجته منه او العكس .
--------------------------------------
الموضوع من كتابة مشرف جروب
( اكاديمية النور والنار )
الاستاذ :- " احمد العراقي"

07/10/2022

بشر ولاد شياطين فعلا 😅

02/10/2022

لما حد يحاول يقنعك إن فيه حاجة إسمها ( تنزيل أموال )!

حاول تقنعه أنته كمان إن الشرطة ممكن ترجع لك ( المخ*درات ) لو ضاعت منك 👇😅

30/09/2022

معلومة عن (( ألاثر )).

ما هو الاثر ؟؟ // هو شي مادي ملموس يخص الانسان
و الاثر له عدة انواع و هي كالتالي :-

= الملابس جميعا (شرط ان يكون قد استعملها ) ولا يتم غلسها.. ولا يكون مر عليها أكثر من 7 أيام عند استخدامها في العمل

= الشعر.

= الاظافر.

= المنديل او الكلينكس الذي مسح به عرقه شرط إن لا يكون مر عليه أكثر من 3 أيام عند استخدامه في العمل.

= صورة الانسان الشخصية تعتبر نوع من أنواع الأثر ولكنه اثر ( غير مادي ) وهو أضعف أنواع الأثر واقلهم في المستوى.

= الماء النازل بعد الجماع ايضا اثر وهو ثاني أقوى اثر بالنسبة للإنسان.

= الدماء تعتبر هي أقوى أنواع الأثر وهي مصنفة رقم واحد من حيث الفاعليه حتي وإن كانت دماء جاف في قماش أو منديل.

= التراب الذي لامس قدم الانسان ايضا يعتبر نوع من الاثر شرط إن يكون وقف عليه مدة دقائق حتى تختلط رائحته بالتراب.. اما إن كان يسير عليه فقط وهو مار.. فلا يعتبر اثر.
---------------------------
جميع هذه الاشياء تستخدم في اعمال السحر بكل أنواعه وهذه الامور هي ما تسمى ( الأثر / الاتر ).
-------------------------
الموضوع من طرح مشرف الجروب الاستاذ
( سامي البابلي )
( تعديلات واضافات بسيطه فارس الجحيم )
والسلام ختام.

29/09/2022

معلومة روحانية تخص الكحل وحصريا على اكاديمية النور و النار .

عند عمل اي فائدة للمحبة او الجلب او التهييج او القبول العام و بالاخص الفوائد الارضية استخدموا قلم الكحل في كتابة العمل ولاحظوا الفرق الكبير في نتيجة العمل ..

الكحل من الاشياء التي تحبها الروحانية

ملاحظة // لابد ان يكون قلم الكحل من خشب وليس بلاستيك هذا شرط ...

بالنسبة للمراة تستخدم قلم الكحل الذي تتكحل به مفعولة رهيب و قوي بالاخص بمواضيع الجلب و التهييج
((ستكون كالقمر في عين زوجها ))

بالنسبة للرجل تشتري قلم كحل جديد و تستخدمة في الكتابة .

و ان شاء الله لاحقا سانشر موضوع عن استخدام الكحل في الروحانيات
====================
الموضوع من كتابة مشرف جروب
اكاديمية النور والنار
الاستاذ ( سامي البابلي )

27/09/2022

حارب من أجل هدفك ... و إياك إن ترضى بالبديل 🤨😅

26/09/2022

حقيقة الخواتم الروحانية و الأحجار الكريمة!
اعداد الفيديو الاستاذ ( محمود الشرقاوي )
اعداد المحاضرة والصوت ( )

24/09/2022

دعوة إللي تم نشرها من حوالي سنه أو آكتر..
بعض الحالات ( الفردية ) حصل معاهم الاتي لما استخدموها كورد بشكل عام.

شافوا أحلام عباره عن ( غراب ) أو مجموعة من ( الغربان ) تهاجمهم أو تنظر لهم بغضب!

أنا مجاليش أي حاله من الحالات إللي كنت بتابعها حصل فيها أمر مشابه لده.. ولكن إللي لفت انتباهي هو مشرف الجروب المحترم الاستاذ ( دراجون فاير )..

أتكلم معايا خاص وكان بيسأل عن حاله أو حالتين حصل معاهم أحلام من النوع ده.. فكان ردي ( الأول ) المبني على تقديرات نظرية هو..

إنه ربما يكون أحدهم لديهم إصابة ما وتأتي له الاصابه في هذا الشكل لكي تخيفه ويتوقف عن الدعوة.. لان من خصائص الدعوه هي العلاج الروحاني من أي مشكلة مهما كانت.. فالعلاج يكون كالحرب.. العدو يحاول إدخال روح الخوف داخل المتعالج لكي يوفقه عن هذا المسار ليسكب هو الحرب..

واتناقشت معاه بخصوص الموضوع ده بشكل مطول ولكن لما راجعت تجاربي وتجارب من كنت اتابعهم فيما يخص العلاج تحديدا.. اللي كان بيحصل هو... إن المريض خلال الفتره الأولى من العلاج ممكن يكون أحلام فيها اعتداء ولكن من ( قطط ) أو من ( كلاب ) وفي هاتين الحالتين.. الحالة الأولى ( القطط ) تعني إن اصابته من الجن بشكل عام.. والحالة الثانية ( الكلاب ) تعني إن اصابته من الشياطين.

اما مسألة ( غراب ) أو ( مجموعة من الغربان ) فهذا أمر جديد ولم يحدث ؟!

وكان من ضمن الاحتمالات التي وضعتها أنا في محادثتي معه هو ( إنه الاحتمال الاكبر إن يكون المستخدم للدعوة لا يتبع المنهج السفلي قلبا وقالبا... او إنه يتسلى أو لا يعرف قدر الدعوه ويستخف بها سواء بشكل مقصود أو غير مقصود ).

وطبعا كلامي له كان عباره عن ( احتمالات وترجيحات ) لأن الموضوع ده محصلش قبل كده.. وكان الترجيح الأقوى عندي هو ما ذكرته مؤخرا.

ولكن بصرآحه الأمر شغلني جدا وحبيت افهم المعنى و المقصود من مسألة الغربان.. بالشكل الحقيقي المؤكد تماما.. وطبعا الوسيله الوحيده إللي كان ممكن أخد منها الجواب الصحيح والأكيد هو من أصحاب الدعوة نفسهم ( فرسان المعبد )... قمت بعمل كشف وتواصل مع ملوك الدعوه بالسؤال عن المعنى لهذا الأمر وإن كان ذو أهمية ويجب الانتباه له أم إنه مجرد اضغاص أحلام وأمور أخرى ؟.

وجاء منهم الرد الصادم! الرد الذي كان وضوحه لي مثل وضوح الشمس في النهار!
والرد كان يتلخص في الاتي ( إن رمز الغراب أو مجموعة من الغربان.. إن شاهدها أحد المشتغلين بالدعوه فهذا يعني غضب كبير وانذار هام جدا من ملوك الدعوه له وتهديد بالهلاك )!!

وكان تفسيرهم.. او الاسباب لحدوث هذا الأمر هو كالاتي... في حالة إن شخص ما يعمل بالدعوه ورأي غراب ( واحد ) ينظر له بغضب.. فهذا دليل على إن هذا الشخص المشتغل بالدعوة لا يتعامل معها بقدرها من القوة ( ينظر لها كأنها أمر روحاني عادي ) كنظرته لأغلب الامور الروحانية.. بمعنى إنه يجرب من باب الفضول أو حب الاستطلال أو الفراغ أو التسلية.. وده بيكون إنذار منهم إنه في حالة استمراره بهذه الطريقة سوف يتعرض لضرر من خلال العون الذي يرافقه نتيجة استخدامه للدعوة.

وإذا شاهد الشخص المشتغل بالدعوة ( غراب يهاجمه ) أو يعتدي عليه.. فهذا دليل على إن هذا الشخص أخطأ في حقهم وقام بدمج امور الدين مع الدعوه.. مثل من يصلي أو يقرأ في كتابه المقدس أو يقوم بعمل اذكار أو تحاصين أو يخلط مع الدعوة أمر آخر حتى ولو روحاني.. وهذا إنذار منهم إنه بينه وبين تعرضه للضرر منهم ( شعرة ) وسيكون الضرر كبير ومبالغ فيه إن لم يرتجع عن ما يفعله.

وإذا شاهد ( مجموعة غربان ) تعتدي عليه.. فهذا تفسيره إنه اقترف عدة أخطاء منها الإستخفاف بهم كما ذكرت في البداية ومنها أيضا مسألة الخلط بين الدعوه وبين امور الدين أو أمور روحانية أخرى.. ومنها الاشتغال بالدعوة وتركها عدة مرات.. وهنا يكون المقصود إنه أصبح مرفوض من ملوك الدعوه نفسهم وتعرض لضرر بالفعل.. وسوف يزيد هذا الضرر إن استمر في العمل بالدعوه.. وقد يصل هذا الضرر إلى نهاية حياته!.

حبيت انقل لكم الأمر نظرا لاهميته.. ولكي يكون التحذير الاخير مني للفئات التي سبق ذكرها إن ما يفعلوه هذا قد يدمرهم كليا.. ونظرا لأني تعودت معكم على الصدق والامانة وعدم إخفاء العلم أو المعلومة.. وايضا كنوع من ضرب المثل والعبرة ( لمن يعتبر ) إنه لا يوجد كبير في العلم مهما وصل.. جميعا نتعلم ونرتقي ونتقدم طلاما نبحث ونجتهد ونسعى دائما للوصول...

المتابعين القداما لي سوف يعرفون إني نادرا ما اطرح دعوة أو فائدة سفلية بشكل عام ( رغم إن مذهبي العلمي سفلي ) ولكن لا أقوم بطرح هذا النوع من العلوم بشكل كبير نظرا لأني أعرف إن لكل منا عقل وفهم وإدراك يختلف عن غيره.. وقد يأتي شخص واحد فقط ولا يتعامل مع السفليات بقدرها الحقيقي فيتعرض لضرر بالغ نظرا لإنه كان ( يتسلى ) أو لا يعرف مقدرته الحقيقيه.. او لإنه نظر للامر بإستخفاف.. وانا لست من النوع الذي يحب إن يتسبب في إن يتعرض شخص للضرر من خلفي حتى وإن كان ( جاهل ).

ولهذا حبيت انبه على الجميع واكرر... السفليات مثل ( الم/تف/جرات ) العبث معها بجهل أو استخفاف قد يكتب لك نهاية حياتك في لحظة!
والسلام.. ختام

18/09/2022

تعلن إدارة صفحة
وإدارة جروب اكاديمية النور والنار
عن اخلاء مسؤليتهم بشكل كامل عن أي عضو من أعضاء الجروب يملك ( صفحة )
أو ( جروب ) أو حتي ( حساب شخصي )
ويقوم من خلالهم بترويج لعمل
( دورات روحانية ) أو تقديم أي شئ
( بمقابل مادي )

وننبه على الجميع إن هذه الامور لا علاقة لنا بها نهائيا ولا تمثل صفحة فارس الجحيم ولا تمثل جروب الاكاديمية بأي شكل من الاشكال.. انما كل من يقوم بهذا فهو يمثل نفسه فقط.

ولا نمانع أبدا في إن يكون أي شخص له صفحة أو جروب أو يكون صاحب علم ويقوم بتقديم ما يريد بمقابل مادي
( خارج حدود جروبنا وصفحتنا ) انما هذا أمر راجع له هو وراجع لسياسته هو.. ولسنا مسؤلين عن أحد ممن يفعلون هذا.. ولا نضمن أحد ولا نسيئ لأحد.

وجميع الأعضاء أيضا أحرار في إن يتابعون من يفعلون هذا أو يرفضون.. فهذه حرية شخصيه.. فقط عليكم الانتباه لامرين..

الامر الأول إن كل من يقوم بهذا لا يتكلم بإسم الصفحة أو الجروب.. و الصفحة والجروب غير مسؤلين عنه وعن ما يقدمه.

وثاني أمر هو لجميع متابعين الصفحة و لأعضاء الجروب.. عليكم توخي الحذر جيدا ولا تقدمون علي خطوه إلا عندما تكونو على يقين منها ولا تسألون إلا صوت عقولكم فقط... فليس كل ما يلمع يكون ذهبا..
والسلام.. ختام

16/09/2022

الكتلة و الكمية.. نقطة مهمة جدا للأسف بيغلط في تقديرها ناس كتير من المشتغلين بالعلم الروحاني عموما ( علوي / أرضي / سفلي ).

بنلاقي شخص قدر ينجح في عمل ( محبة ) أو عمل ( عداوة ) أو حتى ( علاج ) أو ( كشف ) أو أي أمر من مشتقات العلم الروحاني عموما.. ولكن بتكون المفاجأة بالنسباله لما بيحاول يكرر نفس العمل بنفس الطريقة مع أشخاص تانيه غير إللي نجح معاهم وهو متوقع إنه المفروض ياخد نفس النتيجة إللي أخدها قبل كده.

ولكن بتكون الصدمة بالنسباله إن النتيجة بتكون ضعيفه أو بدون نتيجة أصلا!
ساعتها بيكون مستغرب جدا ومش فاهم ليه وايه الاسباب.. او ممكن يرجح الاسباب من اعتقاده.. إن مثلا الحالات الجديدة إللي إشتغل عليها دي عندها ( عوارض ) سواء ( سحر ) أو ( مس ) هما إللي اثروا على النتيجة... ورغم إن دي ممكن فعلا تكون من أسباب عدم النجاح أو ضعفه.. إلا إنها مش الاسباب الوحيده!

سبب من أهم الاسباب هو مسألة عدم تقدير ( كم الطاقة ) هل هو مناسب واكبر من ( كتلة المادة ) أو لاء ؟
وده هو نفسه إللي بيخلينا نشوف أوقات إن فيه شخصين ممكن يكونوا بيشتغلوا بطريقة روحانية وآحده.. سواء عمل أو دعوة.. ولكن واحد فيهم وصل لمستوى ممتاز ممكن يتوصف إنه بيعمل معجزات.. والشخص التاني يادوب بيعمل بنفس الطريقة حاجات بسيطه.. رغم إن هما آلأتنين ممكن يكونو بيعملوا نفس المجهود من حيث القراءة والبخور و الطقوس.. بل بالعكس أحيانا الشخص إللي عنده نتيجة أكبر ممكن يكون بيعمل مجهود أقل!

والسبب في النقطه دي امرين..
الأمر الأول هو ( إن الشخص إللي بياخد نتيجة ضعيفه عنده كتلة المادة في جسمه أكبر بكتير من كم الطاقة )
والامر التاني هو ( عدم التقدير الصحيح لكتلة المادة الخاصة بالطرف الاخر.. المطلوب... وهل كمية الطاقة الخارجة منك أكبر ولا لاء )

اما الشخص إللي بيعمل معجزات ده عنده العكس ( كم الطاقة الخارج من عقله أكبر من كتلة المادة إللي في جسمه )

وعشان تفهم المعادلة دي وتعرف تحلها.. فحابب اقولك إن ( كتلة المادة ) هي عبارة عن الحواجز إللي بتعيق تحرك ( كمية الطاقة )
والحواجز دي ليها عدة اشكال.. زي مثلا نظرتك للحياه و للواقع وللعوامل المؤثرة عليك.. زي مثلا المنطق والفكر والظروف والضغوط النفسيه والعصبيه... وأنته إنسان واقعي وعقلاني ومنطقي بنسبة كام ؟!
ومنظورك للأمور الغير واقعيه وتصديقها وتقبلها عندك في عقلك بنسبة كام ؟!

وده هو السر في إني دايما بقول ان الأنثى هي ( الاعلى في النجاح ) في مجال العلم الروحاني.. لان الأنثى بطبعها خياليه وتعلقها بالواقع و المنطق والاسباب والثوابت أقل بكتير من الرجل.

وطول ما حضرتك مش قادر تسيطر على الجزئ المادي في عقلك.. هيفضل نجاحك محدود مهما كانت الطريقة إللي أنته بتشتغل بيها قوية وصحيحه.. المشكلة عمرها ما بتكون في الطريقة ولا في مدى صحتها بقدر ما هي فيك أنته في المقام الأول.

عقلك عبارة عن جزئين... جزئ مادي.. اللي بتتعامل بيه في حياتك مع المجتمع.. وجزئ غير مادي ( العقل الباطن ) وهو ده أساس نجاحك أو تميزك في أي علم غير مادي.. زي العلم الروحاني.

اما الناس إللي ممكن تنجح بعض المرات في بعض الطرق وبعدها ممكن ميحققش نجاح فطبعا الموضوع له عدة اسباب.. ولكن اهمها هو زي ما قلنا هو.. ميزان الكتلة و الكمية.

أنته ممكن تكون في حالة أو حالتين أو حتي عشرة تكون قادر تسيطر علي عقلك وترفع من شأن كمية الطاقة اعلي من كتلة المادة فيك إنت.. ومن شدة وقوة كمية الطاقة عندك ده يأثر علي حواجز كتلة المادة عندك و كمان عند الطرف التاني ( المطلوب )... ولكن بعض الحالات أنته ممكن متعرفش تعمل كده لأسباب خاصة بيك أنته.. زي ( انشغال / عدم اهتمام جيد / عدم تركيز كافي / توتر وتشتيت نتيجة لعوامل خارجية مؤثره عليك ) أو غيرها كتير من الاسباب.

عشان كده دايما بقول للناس ( اجتهدوا.. وحاول تآني وتالت ورابع وخليك ورا هدفك لحد ما توصل ) لأنك لما بتعيد وتفضل مصمم وتحاول تآني في نفس هدفك.. مع الوقت حاجز الكتلة بيبدأ ينخفض نظرا لارتفاع كمية الطاقة.. ساعتها تحقق النجاح.

واياك ثم إياك ثم إياك والثقة في النفس المبالغ فيها لأن دي بقا كافية تقلب كل الموازين عندك وتخليك بعد ما نجحت بسرعة الصاروخ.. تفشل وتسقط بسرعة البرق!
زي المثال الموجود في صورة المنشور ده 👇

دي قصة حقيقية زي عشرات القصص إللي حصلت قبل كده بشكل مشابه... إن شخص ما قدر ينجح في بعض الامور وإللي دفعته بعد كده إنه يغتر في نفسه.. ويعتقد إن كمية الطاقة عنده ممكن تتغلب على أي كتلة من المادة مهما كان حجمها أو وزنها.. وللأسف كانت الحسبه غلط وكان ثمن الغلطة هي حياته!

عشان كده دايما بقول لكل واحد داخل يقول عاوز حاجه سريعه وسهله ( معنديش ومفيش ) لأن ده علم له حسابات كبيرة جدا.. أكبر من مجرد طريقة تمشي بحسابات عقلك أنته إللي شايف العلم ده غلط.
والسلام ختام ❤️