04/12/2023
البوست ده 👇👇
للناس الجديده اللي معانا 😍
اللي مش فاهمين يعني ايه #صحبجيه🤔
لو دورت في المعجم او في اي حته علي كلمه #صحبجيه مش هتلاقي غير اسم فرقه سمسيه كانت بتحارب الاحتلال بالاغاني ودي جت صدفه مش اكتر لكن لما اخترنا الاسم ده كان علشان الصحبه 🚗 🤭
نيجي بقا لمحتوي الجروب 🤗
احنا شله اصحاب اتجمعنا ع حب العربيات وعايز اعرفكم ان الشله دي بدأت ب ٢ اصحاب ومع مرور الوقت الشله دي كبرت وبقينا نعرف ناس من كل محافظه في الجمهوريه مكنش فيه سابق معرفه بس بقي في كل حب واحترام وتقدير وكلنا متجمعين علي حب العربيات ومساعده بعض ونقف مع بعض في الفرح وفي الحزن 🙄☺
ومتقوليش انك لازم يكون معاك عربيه عشان تكون معانا اغلبنا مكنش معانا وفينا ناس لغايه دلوقتي لسه مش معاه فموضوع العربيه ده حاجه مش اساسيه الاساسي انك تكون بتحب المجال حابب تتعلم حابب تفيدنا بحاجه تعرفها حابب تقدم خدمه او مساعده كده انت في المكان الصح 👌
انا مش هقولك احنا هنا اخوات والكلام ده انت هتشوف بنفسك ويبقي احكم ولو لقيت حاجه ضايقتك قول متنسحبش ولو كلامك صح هيتعمل بيه 😇
كل اللي هتحتاجه من مراكز صيانه ومغاسل محترمه ومحلات اكسسوار ومحلات قطع غيار هتلاقيهم موجودين وبخصومات محترمه لينا وانت هتشوف بنفسك 😱
وعشان نعرف بعض واحنا ماشيين لازم يكون لينا علامه مميزه عشان كده لينا لوجو خاص بينا لكل انواع العربيات وكل الموتسيكلات ماعدا التكاتك وموجود منه حجم للموبايل
يعني كل اللي هتطلبه موجود 😛
وعشان نقدر نوصل لكل الناس احنا معانا #اورجانيزر في كل حته انت بس اكتب منطقتك وهتلاقي حد جمبك هيوصلك اللوجو ويساعدك في اي حاجه انت محتاجها 🤝
وكل فتره بنتجمع مع بعض عشان نتعرف بالناس الجديده
وفي شات لكل منطقه للهزار والضحك وفي شات طوارئ لو لا قدر الله حد عطل 🙈
احنا اتكلمنا عن الجروب نتكلم بقا علي شويه قوانين او خطوط حمراء لينا ⛔⛔
اللوجو متاح في اغلب الاماكن 🤑
ممنوع طباعه اللوجو نهائي للحفاظ ع شكل الطبعه والخامه
لو حابب تنزل صوره قفشه لعربيه لازم تخبي النمر
مفيش لوجو علي توك توك او تروسيكل ⛔
مفيش اي تجاوزات لفظيه في الكومنتات او علي الخاص للاعضاء⛔
مفيش اي بوست هيتقبل عليه لينكات او شير من جروبات تانيه عشان نحافظ علي ريتش الجروب ⛔
اي بوست لبيع عربيه نرجو كتابه التفاصيل والسعر غير كده البوست مش هيتقبل ⛔
محدش ينسي يكتب هاشتاج الجروب ع اي بوست
🌹
اخيرا وتقريبا دي اهم حاجه الادمن والاورجانيزر دول ناس عندهم مسؤؤليه وشغل وظروف فمنحملهمش فوق طاقتهم ده غير ان ده عمل تطوعي مفهوش اي عائد مادي ولو حد حابب يجرب يشرفنا فياريت نعاملهم باحترام ونلتمس ليهم الاعذار الا اذا كانت مكرره 🤩
تقريبا كده البوست ده في رد علي كل الاسئله 🤦♂️
اللي محتاج لوجو يكتب كومنت بمكانه 🎅 😃
اللي عنده اي مركز او محل وعايز يقدم خصم للجروب احنا تحت امره والجروب مش بياخد اي فلوس من اي حد كل اللي محتاجينه معامله محترمه وخصم حقيقي 🤚
🚗
👌🏻
💪🏻
🫶
🚨
🫵
