07/08/2023
أحنا كمان مش هنقدر ننساك في اليوم ده يا شاعر الغلابة شكراً لك 😍Yassen elsayed
" المعني الحقيقي لرهبة المسرح .. ✨️"
٨_ مش هطول عليكم أكتر من كدة .. لكن المفاجأة اللي كنت مأجلها والحلم اللي كنت بدعي بيه ربنا كل يوم في قيام الليل وبطلبه وأنا معرفش أمتي هيتحقق ، سعيت في محاولات وكانت تفشل ، أشتركت مرتين في مسابقة الجامعة وأخسر مش بتأهل ، وقتها كنت بقول الحمدلله أكيد ربنا شايل الأحسن وعشان كان ده ظني في ربنا حصل ، ربنا بيقول أنا عند حسن ظن عبدي بي ، مكنتش بزعل لما خسرت مرتين في المسابقة علي التوالي ولو كان في مجال ليا كنت هشترك السنة اللي بعدها وعادي لو كنت خسرت كنت هحاول رابع وخامس ... ما أنا إيه في أيدي غير أني أحاول ؟؟
قولت الحمدلله، وبرضو مكنش بيزعلني أي حد بيتريق علي طريقة ألقائي للشعر ونوعية الكلمات اللي بتعبر عني وقصايدي ، كنت باخد الحلو من الكلام وأسيب التحطيم .. بدون ذكر أسماء واحد صاحبي وصاحبي قوي وعرفنا بعض وكلنا عيش وملح مع بعض قالي فكك من الشعر وخليك في الجيم أحسن .. مهتمتش وكملت .. عدد المشاهدات علي قصايدي القليل .. مهتمتش كملت .. لأني عارف أني جوايا حاجة تتقدر بس هي عايزاني أحاول وبدون ملل وأفئفة ..
لحد ما جه 5/ 8 / 2023 التاريخ ده مش هقدر أنساه وهيفضل محفور في دماغي ، التاريخ ده تاريخ تحقيق حلمي وتاريخ أول سوكسيه وتاريخ أول صعود ليا علي المسرح لألقاء قصيدة طابور الصباح ، واللي لما كتبتها مكنتش أعرف أنها نقطة تحول من التسجيل في أوضتي برنج لايت مع الكام بوستر لأكتر شعراء بحبهم لألقاء القصيدة لايف قدام مسرح كبير بعدد أكبر ..
وأخيرا الشكر الأول لله والتاني لدكتور أسلام اللي كان الفرصة بعد ربنا في تحقيق حلمي وثق في كلماتي وسمح لي أكون جزء كبير من حفلة تخرجي ويكون ليا نصيب بفقرة كاملة من فقرات الحفل " الشعر " .. والشكر التاني لأحمد أخويا وده شاور لي علي الطريق من بعيد وسابني أثر فيا كتير فنياً وبتعلم منه كتير .. ف شكرا شكرا شكرا 🙏♥️
حاولت أسيب الأثر ليا قبل ما أخرج وأهدي حاجة من صنع يدي لكليتي وجامعتي والحمدلله حصل .
" المعني الحقيقي لرهبة المسرح والكالوس "
_ 5/ 8/ 2023
كان حلم وأتحقق .. تمت .
