Xa nos imos coñecendo así que como moitos saberedes, somos xóvenes da parroquia de Candeán e arredores, por iso nesta ocasión imos aproveitar para presentarnos un pouquiño máis a fondo. Somos xóvenes si, iso non mudou, pero sobre todos somos a xeración a quen non lle deixan traballar, e que cada vez ten máis dificultades ata para estudar, somos os que non se poden independizar nin pensar no seu fu
turo, somos a nova emigración precaria que ten que escapar da súa terra en busca do pan e da dignidade que lle negan. E nesta fartura démonos conta de que a cultura é o gran poder que temos como pobo para defendernos e denunciar o saqueo ó que nos someten. E isto que ten que ver con "O Son Das Mámoas"? Pois xa que a cultura de masas coa que nos bombardean é inoperante e nos trata de ocultar a verdadeira problemática actual, nós queremos poñer o noso graniño de area para sumar na procura de inventir esta situación. Por todo isto a nosa labor é a de crear unha plataforma para os verdadeiros artistas, e para esa xente que ten ganas de festa, de pasalo ben e de liala parda. Esta é a nosa forza, a nosa aportación, para que entre todos, empurrando forte e xuntos poidamos mellorar o mundo que se está a crear e o que deixaremos ós nosos fillos e netos. Só nos queda convidarvos a que vos acheguedes e disfrutedes con nós deste día de ledicia e unión, porque o camiño é máis bonito cantos máis sexamos percorrendoo. Unha aperta de toda a organización de "O Son Das Mámoas”.
