ያሆዴ - Promotion and Events

27/02/2023

የኢትዮጵያ ልማት ባንክ የ4ኛው ዙር የመጀመሪያ ባች ስልጠና ተጠናቋል።

በስልጠናው የተገለጸው :-

፩) የልማት ባንክ የማምረቻ መሣሪያ በብድር ኪራይ ያቀርባል።

፪) ተበዳሪው ሠርቶ ኪራይ እየከፈለ በመሣሪያው ይጠቀማል። ኪራይ እስከሚጨርስ የመሣሪያው ባለቤት ልማት ባንክ ነው።

፫) ተበዳሪው ብድሩን በኪራይ መልክ ከፍሎ ሲጨርስ መሣሪያው የራሱ ይሆናል።

፬) የኪራይ ግዢ ብድሩን ለማግኘት ከጠቅላላው ካፒታል 20% የሚሆን የሥራ ማስኬጃ ካፒታል ተበዳሪው እንዲያቀርብ ይጠየቃል።

፭) ተበዳሪው ለማሽኑ በልማት ባንክ ስም የመድን ዋስትና እንዲገባ ይጠየቃል።

፮) ተበዳሪው ለመረጠው መሣሪያ ግዢ 3 የዋጋ ማቅረቢያ እንዲያቀርብ ይጠየቃል። ለአገልግሎት ዘርፍ ከሆነ 1 በቂ ነው።

፯) የልማት ባንክ የሚያበድረው ብድር ትንሹ 2 ሚሊየን ብር፣ ትልቁ ደግሞ 60 ሚሊየን ብር ነው።

፰) ብድሩን ከፍሎ የማጠናቀቂያ ጊዜ እጅግ ቢበዛ 7 ዓመት ነው።

፱) ለህብረት ሥራ ማህበራት፣ ለሴቶች፣ ወጣቶችና ለአካል ጉዳተኞች ቅድሚያ ይሰጣል ተብሏል።

፲) የብድር ዓመታዊ ወለድ ከ7% - 11% ይደርሳል። 7% ለግብርና ነው።

፲፩) ለሚሠራው ሥራ መሬት ማግኘት፣ ገበያ መፈለግና እንዴት እንደሚያተርፍ አጥንቶ መሥራትና ሥራውን በትርፋማነት መሥራት/መምራት የተበዳሪው ፋንታ ነው።

፲፪) ለሥራ ማስኬጃ የሚያስፈልገውን 20% ይህም ማለት ከ500 ሺህ ብር እስከ 15 ሚሊየን ብር ማዘጋጀት የተበዳሪው ኃላፊነት ነው።

____________

አሁን እንግዲህ እንዴት እንደሚሠራ ሁሉም በስልጠናው የተገለጸውን ሃሳብ ተጠቅሞ መሥራት አለበት።

1) በቅድሚያ የምትሠማራበትን ዘርፍ ምረጥ። የሥራ ዘርፍ እንዴት ትመርጣለህ? የምትሠማራበትን ዘርፍ ታውቀዋለህ? ሠርተህበታል? ተመሳሳይ ሥራ የሚሠራ ድርጅት ዓይተሃል? ያተርፋል? እንዴት?

2) ተቋሙን ከእነማን ጋር ትመሠርታለህ? ወይንስ ለብቻህ ትሮጣለህ? ለምን? አጋሮችህን/ሸሪኮችህን እንዴት መረጥካቸው? ምን ይዘው ይመጣሉ?

3) የቢዝነስህን ህጋዊ የአደረጃጀት ተቋም መርጠህ ወስንና የንግድ ፈቃድ አውጣ። ህጋዊ የድርጅትህን ዓይነት እንዴት ትመርጣለህ? PLC, S. Co., Coop, Sole Propeitirship, ... የቱ ይሻልሃል? ለምን?

4) የት ቦታ ትሠራለህ? የራስህ ህጋዊ ቦታ አለህ? ወይንስ ትከራያለህ? ከየት? ለምን ያህል ጊዜ? ቢያንስ የ2 ዓመት የኪራይ ውል ባንኩ ይጠይቃል።

5) የድርጅቱን የእለት ተእለት ሥራ ማን ይመራዋል? ማን ይሠራዋል? ገበያ ማን ያፈላልጋል? ማን ጥሬ-ዕቃ ይገዛል? ማን ያመርታል? ማን ይሸጣል? ማን ሂሳብ ይመዘግባል? ማን ሠራተኞችን ይመራል?

6) ተቋሙ በገበያ ላይ ከሌሎች ብልጭ ለማግኘት እንዴት ይወዳደራል? ምን የተለየ ነገር ይዞ ይቀርባል?

7) ትርፍ መቼና እንዴት ይከፋፈላል? ድርጅቱ ቢከስር ምን ታደርጋለህ? ተጨማሪ ካፒታል ማመንጨት ትችላለህ? ወይንስ ምን ታደርጋለህ?

__________
ወዳጄ ልብ በል :-

ገንዘብ ወይም መሣሪያ ብቻ ስኬታማ ቢዝነስ አይፈጥርም። ስኬታማ ቢዝነስ የብዙ ጉዳዮች ቅንብር ውጤት ነው።

በተለይ ግን ከላይ የተቀመጡት 7 ነጥቦች ለስኬታማ ቢዝነስ እጅግ ወሳኝ ናቸውና ከአሁኑ ተዘጋጅበት።

***
👉 የሥራ ማስኬጃ ገንዘብ ለሌላቸው የአክሲዮን ኩባንያ እንዲያቋቁሙ ባንኩ ያግዛል።

👉 አዲስ ሃሳብ ላላቸው ባንኩ የተወሰነ % ባለድርሻ ሆኖ ሃሳቡን ሙሉ በሙሉ ፋይናንስ ያደርጋል።

በሉ ተዘጋጁ!

ከዚህ ሁሉ ሰልጣኝ መካከል፣ የዛሬ 10 ዓመት ወደፊት ሲታይ 1000 ሰው የሚቀጥሩ 10 ትልልቅ ኩባንያዎች ተመሥርተው ከተገኙ ለሀገር ትልቅ ነገር ነው።
ከ https://www.facebook.com/100000511141487/posts/6716212265072412/?mibextid=cr9u03

06/02/2023

22/01/2023

አዲሱ የብሔራዊ ባንክ ገዥ ማን ናቸው?

በቅርቡ የብሔራዊ ባንክ ገዥ የሆኑት አቶ ማሞ እስመልአለም ምህረቱ ከመጀመሪያ ደረጃ ትምህርታቸው ጀምሮ እስከ ሁለተኛ ደረጃ ትምህርታቸው የደረጃ ተማሪ ሲሆኑ አዲስ አበባ ዪኒቨርስቲም ገብተው በህግ ትምህርት የወርቅ ሜዳሊያ ተሸላሚ ሆነው ነበር ያጠናቀቁት ።
አቶ ማሞ ትምህርታቸውን በመቀጠል ከአምስተርዳም ዪኒቨርስቲ በንግድና ኢንቨስትመንት ፖሊስ የማስተርስ ድግሪን ያገኙ ሲሆን በአለም አቀፍ ደረጃ ስመጥር ከሆኑት ዪኒቨርስቲዎቸ ውስጥ አንዱ በሆነው ሀርቫርድ ዪኒቨርስቲ በኢኮኖሚ ልማትና አመራር ላይ ተጨማሪ ማስተርስ ዲግሪ በማግኘት በንግድ ፖሊሲና በኢኮኖሚ ላይ የተሻለ እውቀት አዳብረዋል ።
፨ አቶ ማሞ በስራቸውና በተሠማሩበት ሁሉ ሙያዊ ሀላፊነታቸውን በብቃት በመወጣት በአለም ባንክ ውስጥ በሀገር ውስጥና በወጭ ሀገር ለ10 አመታት በሲኔር ባለሙያነትና በኢኮኖሚ ጉዳዮች አማካሪነት በመስራት አለም አቀፍ የኢኮኖሚ ጉዳዮችን ላይ በቂ ልምድ አዳብረዋል ።
፨ አቶ ማሞ ባለፍት አራት አመታት በሀገራችን በተከናወኑ የኢኮኖሚ ማሻሻያ ስራዎች ላይ በመሣተፍና ሀሣብ በማመንጨት ኢኮኖሚው እንዲረጋጋ የቻሉትን አድርገዋል።
፨ አቶ ማሞ ከሌሎች ባልደረቦቻቸው ጋር በመሆንም የሀገራችን ባንኮችና የኢኮኖሚ ተቋማት የአሠራር ስርዓታቸው እንዲያዘምኑና ማሻሻያ እንዲያደርጉ በትኩረት ሠርተዋል።
፨ አቶ ማሞ በሚኒስትር ማዕረግ የጠቅላይ ሚኒስትር አብይ የኢኮኖሚ አማካሪ በመሆን ሀገራቸውን ሲያገለግሉ ቆይቷዋል።
፨ አቶ ማሞ የሀገሪቱን ኢኮኖሚ 60% የሚያንቀሳቅሰው የኢትዮጵያ ንግድ ባንክ የቦርድ አባል በመሆን ከሌሎች የቦርድ አባላት ጋር በመሆን ባንኩ ገጥሞት ከነበረው ችግር ተላቆ በኢኮኖሚ ውስጥ መሪ ሆኖ እንዲቀጥል አቶ ማሞ ብርቱ ስራ ሠርተዋል።
፨ አቶ ማሞ በሚኒስትር ማዕረግ የኢትዮጵያ ንግድ ዋና ተደራዳሪና የሀገር በቀል ኢኮኖሚ ፕሮግራምን በመምራት ስኬታማ ጉዞ አድርገዋል ።
፨ ገና በወጣትነታቸው ባለፍት 4 አመታት በሀገራችን ኢኮኖሚ ላይ ሠፊ ተሳትፍ እያደረጉ የሚገኙት አቶ ማሞ የኢትዮጵያ የማክሮ ቲም አባልና ጽሃፊ በመሆን የላቀ ተሳትፎን እያደረጉ ይገኛሉ።
፨ አቶ ማሞ በቅርቡ የተቋቋመውን የኢትዮጵያ ኢንቨስትመንት ሆልዲግን እንዲመሠረት ሀሣብ በማቅረብና በመመሥረት እንዲሁም በሚኒስትር ማዕረግ መሪ በመሆንም ለብሔራዊ ባንክ ገዥነት እስከተመደቡበት ቀን ድረስ እየሠሩ ነበር።
፨ ባለፍት አመታት በተለይ ሀገራችን በጦርነት ውስጥ ሆናና አለም አቀፍ ተጽእኖዎች በበረቱበታት ጊዜ የገጠሙ የኢኮኖሚ ፈተናዎችን እንዲቀለበሱ የቻሉትን አድገዋል ።
በሙያቸው ምስጉን የሆኑት አቶ ማሞ ለረጂም አመታት በንግድና በኢንቨስትመንትና በኢኮኖሚ ፖሊሲ ላይ ያካበቱትን ልምድ ይዘው ወደ ብሔራዊ ባንክ ገዥነት አቅንተዋል ።በተለይ ብሔራዊ ባንክ የፖሊስ ባንክ በመሆኑ አቶ ማሞ በልምድም በትምህረትም ካከበቱት እውቀት አኳያ ለቦታው ትክክለኛ ተተኪ ናቸው ብየ አስባለሁ ።

Tewachew Derso

21/01/2023

ቀደም ሲል የኢትዮጵያ ልማት ባንክ ያዘጋጀውን የአነስተኛና መካከለኛ ኢንተርፕራይዝ አንቀሳቃሶች ስልጠና የወሰዳቸሁ በሙሉ፣

በግላችሁ ለመስራት የምትፈልጉ የቢዝነስ ፕሮፖዛላችሁን እንድታቀርቡ፣ ከሌሎች ጋር በጋራ የምትሰሩ ደግሞ በአክሲዮን ልትሰማሩበት የፈለጋችሁትን የቢዝነስ አማራጮች እና የምትሰሩበትን ከተማ በአቅራቢያችሁ በሚገኝ የባንካችን ቅርንጫፍ በመገኘት ከአንደኛ እስከ አራተኛ ደረጃ ምርጫችሁን እንድታስመዘግቡ እናስታውቃለን።

በተመሳሳይ በ4ኛው ዙር ለመሰልጠን የምትመዘገቡ በሙሉ በቀጣይ ለመሰማራት የምትፈልጉበትን የአክሲዮን የቢዝነስ አማራጭ እንድታስመዘግቡ በዚህ አጋጣሚ ጥሪያችንን እናስተላልፋለን።

በተጨማሪ ለምዝገባ የትምህርት ዝግጅት ወይም የንግድ ፈቃድ እንደ ዋና መመዝገቢያ መስፈርት ማስቀመጣችን ይታወሳል፣ ይሁን እንጂ አንዳንድ ተመዝጋቢዎች በተወሰኑ የምዝገባ ቦታዎች ሁለቱንም መስፈርቶች አንድ ላይ ካላመጣችሁ በሚል መጉላላት እንደደረሰባቸው ሪፖርት አድርገዋል።

ባንካችን ከሁለት አንዱን ብቻ ያሟላ ለምዝገባ ብቁ እንደሚሆን በመስፈርትነት ያስቀመጠ በመሆኑ ሁለቱንም የምዝገባ መስፈርት በአንዴ ማቅረብ ግዴታ አለመሆኑን በድጋሚ ለማሳወቅ እንወዳለን፡፡

በዚህ ምክንያት ሳትመዘገቡ የቀራችሁ እና መጉላላት የደረሰባችሁ ተመዝጋቢዎች በአቅራቢያችሁ በሚገኝ የምዝገባ ማዕከል እየቀረባችሁ እንድትመዘገቡ እያሳወቅን መሰል ችግሮች ካጋጠማችሁ በሚከተሉት የስልክ ቁጥሮች፡-

1. 0904374444 ወይም
2. 0904357735
3. 0904364436 በመደወል ያሳውቁን፡፡

ለተጨማሪ መረጃ የባንካችንን የማህበራዊ ትስስር ገጾች እንድትከታተሉ እንጋብዛለን፡፡

የኢትዮጵያ ልማት ባንክ
የልማት አጋርዎ!
https://m.facebook.com/story.php?story_fbid=671932634721919&id=100057155662256&mibextid=Nif5oz