ITEHK 香港國際旅遊展

Name: ITEHK 香港國際旅遊展
Address: Hong Kong, HK
Telephone: +85231550600
Rating: 5

Home
Hong Kong
Hong Kong
ITEHK 香港國際旅遊展

ITEHK 香港國際旅遊展每年的香港國際旅遊展匯聚世界各地旅遊供應商，包括旅遊局、旅遊社、酒店或民宿、景點或購物中心、戶外及綠色旅遊、旅遊書及相關配備、專家/旅遊達人講座、分享會、活動。

第38屆香港國際旅遊展
日期：13-16/6/2024(周四-周日)
周四：10:00-18:00 及周五：10:00-14:00 (只招待業界)
周五：14:00-18:00 公眾購票入場
周六：10:00-19:00 公眾購票入場
周日：10:00-17:00 公眾購票入場

地點：灣仔會議展覽中心Hall 1

28/01/2025

今年農曆新年去邊度過年😊? 無論大家喺邊到，只要「心在哪裡，家就在哪裡」🥰～
ITE仝人祝願大家身體健康，萬事如意，同摯愛嘅家人共度溫馨時光💕！

過年後，我哋會推出首輪送入場劵、旅遊書等活動，想參加嘅朋友，記得留意我哋FB/IG啦！

#香港國際旅遊展 #旅遊展 #香港旅遊展 #免費 #免費門票

24/01/2025

【喺香港過農曆新年有咩玩🥰？】

仲有幾日就農曆新年，大家會去邊到玩呢😊？喺香港過年嘅朋友有冇mark實邊到有賀年活動😆？1月30號(年初二)夜晚8點喺維多利亞港有煙花匯演，邊到係最佳觀賞位置🧐？

東方之珠維港遊嘅水上的士推出咗煙花匯演航班，唔旦止可以喺海上面睇煙花，仲可以享用新年限定嘅「吉祥迎春餐盒」😋！想一邊享用美食一邊飽覽璀璨十色嘅煙花，就留意下面嘅Post了解更多🤗～

東方之珠維港遊將會喺ITE 2025再次同大家見面，想知道佢哋到時有咩優惠就記得嚟啦😉！

#香港國際旅遊展 #旅遊展 #香港旅遊展 #香港水上的士 #年初二煙花匯演航班 #水上的士 #東方之珠維港遊 #煙花匯演

20/01/2025

【🏝️北馬里亞納群島 - 「熱辣辣」嘅度假天堂🌞】
馬里亞納觀光局又嚟啦🥳！舊年佢哋將北馬里亞納群島嘅海島風情帶到現場同大家分享，唔知今年會帶啲咩旅遊資訊同大家喺「ITE 2025國際旅遊展」見面呢？我哋拭目以待啦😆！

北馬里亞納群島除咗係「全球最穩定氣溫」的度假天堂，仲有咩特色🧐？大家有冇聽過天寧島辣椒🌶️？呢款被稱為”Doni Sali”嘅辣椒係天寧島特有，以獨特嘅味蕾刺激同辛辣程度聞名。天寧島更有一個獨特嘅節日——天寧辣椒節，期間會有辣椒品嚐比賽㗎🔥！仲會有充滿當地文化特色嘅食物、飲品、產品、娛樂等等。第21屆天寧辣椒節會喺2月14日至15日天寧島舉行，有興趣見識天寧島辣椒有幾辣、體驗呢個「熱辣辣」嘅節日就要將北馬里亞納群島放入你哋嘅travel list啦😉！

趕唔切參加今年嘅唔緊要，辣椒節一般都會喺每年2月中舉行，想計劃呢個旅程就記得follow馬里亞納觀光局FB: Visit The Marianas 同 IG: themarianas瀏覽官網: https://mymarianas.com.tw/ 同埋嚟ITE 2025了解更多🥰！

圖片來源: Visit The Marianas

#天寧島 #天寧辣椒節 #海島度假 #度假天堂 #北馬里亞納群島 #香港國際旅遊展 #旅遊展 #香港旅遊展

10/01/2025

【去阿富汗旅行安唔安全🧐？】

去年「旅遊達人」項明生喺ITE分享咗阿富汗同巴基斯坦嘅深度遊，仲舉辦咗「阿富汗的美麗與哀愁」相展。被問到阿富汗嘅旅遊安全問題，他指中國遊客去阿富汗基本上唔會有問題☺️。

近幾年，外國旅客去阿富汗旅行人次增加。由2021年只係接待咗外國遊客691人次，2022年至2024年期間接待遊客的總數達到約14500人次。昔日因為當地安全問題而令人卻步，依家可能當地暴力問題得到改善加上去冷門國家旅遊嘅趨勢，令人願意去親身了解呢個國家🚶🏻‍♀️🚶🏻。

最近有唔同機構公佈香港外遊調查數據，例如越來越多港人追求更獨特嘅旅遊體驗。另外，冷門國家係2025年其中一個旅遊趨勢。去年我地旅遊展新增咗超過20國家及地區，其中唔少係冷門國家🤗！ 2025年，除了熱門旅遊目的地，我哋將發掘更多深度遊、小眾目的地及更多冷門國家俾大家認識，記得繼續關注我們最新消息啦🥰！

圖片來源: ITE 2024香港國際旅遊展現場照片

#香港國際旅遊展 #旅遊展 #冷門國家 #阿富汗旅遊 #項明生

27/12/2024

【🥳今年泰國倒數有咩玩❓】

就嚟除夕啦，有冇人今年會喺泰國倒數呢😉？泰國旅遊局準備咗一系列精彩慶祝活動，例如喺曼谷ICONSIAM舉行嘅跨年倒數慶祝活動，今年仲邀請咗國際巨星Lisa出席㗎😍！

想知邊到有活動？睇吓呢條link啦:
https://www.amazingthailand.hk/news/2024/11/s/2024-dec-thailand-activities-plus-amazing-thailand-countdown-2025

另外，提提大家跨年期間去人多嘅地方，狂歡同時都要注意安全呀🫡！

#香港國際旅遊展 #旅遊展 #泰國旅遊 #倒數好去處

24/12/2024

又到聖誕啦🎄，聖誕節亦都意味住一年嘅結束，準備迎接新嘅一年🤗。ITE祝大家聖誕快樂，亦預祝大家新年快樂，願大家平安、喜樂💕！

多謝大家過去一年對ITE嘅支持，新嘅一年我哋會繼續為大家帶嚟更多旅遊資訊😉～記得留意我哋Facebook同Instagram啦！最重要係2025 ITE會喺6月12至15日灣仔會展中心舉行，到時見😆！

#香港國際旅遊展 #旅遊展

20/12/2024

【去旅遊嘅時候要注意啲咩🧐？】

嚟緊聖誕節，之後就農曆新年，大家會去邊到過呢兩個長假期呢？會去凍冰冰嘅地方過一個充滿濃厚氣氛嘅聖誕節🎄？定係會去內地過一個有傳統年味嘅農曆新年🎉？踏入旅遊旺季，ITE喺到分享香港入境事務署嘅外遊小錦囊，大家出發前做好準備，避免旅程中出現麻煩，仲要記低入境事務處協助在外香港居民小組24小時求助熱線:1868呀!🥰

詳細外遊小錦囊�https://www.immd.gov.hk/pdf/OTT_A4.pdf
更多旅遊提示及旅遊忠告，請瀏覽：https://www.immd.gov.hk/hkt/services/Travel_Tips_and_Advice.html

#香港國際旅遊展 #旅遊提示 #旅遊貼士 #入境處

13/12/2024

【🧐旅遊小知識：旅遊都可以為地球出一分力🫣！？】
上個月底漁護署喺大澳發現有鯨魚擱淺，而且係屬於比較罕見同生活喺深海嘅喙鯨，身上更帶有傷口。經解剖之後，鯨魚嘅傷口係曾經受船隻猛烈撞擊嘅痕跡，而且消化系統入面更有一個大型帆布袋。人類嘅海上活動為海洋環境帶嚟咗唔少嘅問題，海洋生物嘅受傷同擱淺完全反映到嚴重性😢。

其實去旅遊嘅時候大家都可以出一分力㗎😆！例如去享受陽光與海灘之餘都要自律：「自己的垃圾自己執走！」唔好亂拋垃圾落海，如果自攜水樽和食物盒唔用即棄用品就更抵贊啦☺️！記得仲要執返自己製造嘅垃圾先走～

2015年，聯合國宣佈咗「2030永續發展目標」包含17個核心目標。其實無論係旅行定係平時日常生活，都可以實踐到「2030永續發展目標」嘅17個目標，我哋每人做多一步，就會變成一份好大嘅力量，可以令呢個咁靚嘅地球得以長久🥰！

我哋一直支持「可持續旅遊」，明年亦會繼續同唔同嘅機構/團體合作舉辦更多可持續發展旅遊嘅活動，多多教育宣傳同推廣，希望大家都同我哋一樣多多支持「可持續旅遊」🤗！

更多「2030永續發展目標」變革世界的17個目標: https://www.un.org/sustainabledevelopment/

#香港國際旅遊展 #可持續旅遊 #聯合國 #保育海洋生態 #2030永續發展目標

06/12/2024

【🔊最新消息：ITE2025被選為香港盛事✨】

我哋非常榮幸收到通知2025香港國際旅遊展及商務會獎旅遊展(ITE)已被選為香港盛事，呢份榮譽對我地嘅意義，更多嘅係鼓勵我哋要走得更遠😊！我哋認為更應該同喺疫情期間支持或者參加ITE嘅展商、合作伙伴、觀眾、ITE粉絲等分享呢項榮譽🥰～

過去幾年嘅疫情各行各業都受到好大影響，旅遊業受到好大嘅打擊，ITE嘅復甦之路都充滿荊棘同挑戰😔。2020年我哋嘗試舉辦實體旅遊展，但唔成功。係各方嘅支持下，2021年成功復辦實體展，之後每年都繼續舉辦，雖然模較正常年份細，但仍保持質量😉，例如：境外同海外展商數目都係較本地多！2023年初香港與內地全面通關，境外買家及觀眾重臨ITE！今年2024已同疫情前2019年一樣以五個展廳展出，維持高度國際性，近一半嘅買家同業界觀眾來自香港以外地區，公眾觀眾入埸人次亦都恢復到疫情前約85%水平！

為維持旅遊熱度，我哋疫情期間都不曾停下步伐，堅持舉辦好實體展，以「復聯和復甦」為主題，冀望旅業界各不同持份者通過ITE呢個平台重新聯繫，加快復甦🙌🏻。

我們將一如過往，堅持繼續走一條有質量嘅復甦道路，「把世界帶來香港/亞洲、助香港/亞洲人走向世界」🏃🏻‍♀️🏃🏻🏃🏻‍♂️！

ITE衷心感謝香港政府同香港旅遊發展局喺疫情前、疫情期間同疫情後嘅大力支持！

2025香港國際旅遊展將是第39屆，會喺明年6月12至15號灣仔會議展覽中心（1A-1E 展廳）舉行，這亦是自疫情以來第5次舉行的實體展，設有專業日及公衆日各兩天。想發掘更多最新旅遊目的地資訊，記得嚟ITE啦🤗！

更多關於香港盛事活動資訊/年表，請瀏覽官方網頁: https://www.brandhk.gov.hk/en/mega-events/mega-events

#香港國際旅遊展 #香港盛事2025

29/11/2024

【✨冰島榮獲最安全旅遊國家/地區新排行榜1️⃣位！】

美國大型旅遊保險業者「Berkshire Hathaway Travel Protection」近日公布咗2025年15個最安全嘅旅遊國家排行榜，今年嘅冠軍係冰島🤗！冰島好少發生交通意外而且治安都好穩定，非常之安全，位居第一係實至名歸😆～

ITE2024嘅參展商Icelandeasy係專做冰島旅遊嘅旅行社，今年佢都有做講座同ITE粉絲分享冰島環島深度遊！佢哋下年會再次喺ITE同大家見面，想知佢哋又會發掘左D咩小衆旅游景點？要mark實下年6月12-15日ITE2025啦🥰！

Icelandeasy嚟緊有唔同嘅冰島旅行團，分別係冬季北極光冰洞環島之旅、夏季追蹤海鸚鵡 Puffin 之旅同埋金秋北極光 Katla 冰洞環島之旅。有計劃去冰島玩嘅朋友可以留意吓或者向佢哋查詢㗎😉！佢哋亦都會喺Facebook同Instagram分享冰島嘅旅遊資訊，而最新一則就係有關冰島Top 10必去地點，想知就答案就要Follow佢哋FB或者IG啦😊～

更多資訊請瀏覽
Facebook: 冰島・易遊
Instagram: icelandeasy
Website: https://icelandeasy.com
免責聲明: 閣下跟參展商之間作的交易如產生任何問題，匯眾概不承擔任何責任。

#香港國際旅遊展 #冰島旅遊 #冰島旅行團 #冬季旅遊 #旅遊資訊 #冰島易遊

08/11/2024

【雙11、黑五 - 歐、中東非當地旅行團優惠🤩！】

仲有一個月左右就聖誕，隔多個月就到農曆新年，大家計劃好點樣用呢兩個長假期未呢😉？十一月除有雙十一之外，仲有黑色星期五，唔少商店都推出優惠，連旅行社都唔例外🥳！

ITE參展商—開元周遊為咗迎接雙十一同黑五，準備咗一系列嘅當地優惠團，1天至10天嘅行程都有，啱晒鍾意半自由行嘅人士😆! 目的地包括土耳其、埃及、迪拜、東歐定西歐都應有盡有～大家要把握呢個機會以最優惠嘅價錢，報最心儀嘅旅行團啦😍！仲有，大家記得睇清楚活動日期，部分活動仲有幾日就完㗎啦🫣～

想知仲有咩優惠？請瀏覽：
https://www.kaytrip.com/activity/eleven2024

如欲查詢有關上述優惠/其他相關事項，請電郵至[email protected]
免責聲明: 閣下跟參展商之間作的交易如產生任何問題，匯眾概不承擔任何責任。

#香港國際旅遊展 #開元周遊 #雙十一優惠 #歐洲旅行團 #中東非旅行社 #半自由行

18/10/2024

【ITE旅遊小貼士🧳 - 一年四季都啱旅行嘅德島縣！】

計劃去旅行當然唔少得睇天氣，係最好嘅天氣下睇最靚嘅景色，咁先係最能夠治癒身心靈嘅旅程🥰！

位於日本四國嘅德島縣，四季分明，唔同季節去都可以睇到充滿驚喜嘅大自然景色。春天當然會有櫻花，被櫻花包圍嘅藥王寺絕對係一個絕美景點，順帶仲可以參拜一下消災解厄🙌🏻。而夏天踏入花季，十分推薦去善入寺島，日本最大的川中之無人島，7月係向日葵滿開、一片花海嘅時侯，猶如置身係一片正能量之中✨。

到秋天嘅紅葉季節，德島縣西部——大步危係一個唔錯嘅選擇。奧祖谷二重藤橋係以樹藤編成嘅吊橋，行上吊橋充滿刺激感，係吊橋上仲可以欣賞祖谷溪嘅紅葉景色🍁。雖然去到冬天無花花草草睇，但都可以到東部，觀賞世界三大潮流之一——鳴門漩渦，十分壯😉觀。

去日本除咗欣賞景色，點會少得特色美食！德島縣有好出名嘅鳴門金時蕃薯，當地有好多唔同嘅蕃薯食品，仲有好多蕃薯手信㗎🍠～

以上資訊由ITE2024參展商 - 德島縣提供。
更多德島縣旅遊資料，可瀏覽https://www.pref.tokushima.lg.jp/

#香港國際旅遊展 #香港旅遊展 #旅遊攻略 #旅遊貼士 #日本旅遊 #四國旅遊 #德島縣

10/10/2024

【ITE旅遊小貼士🧳 – 日本「山陰山陽地區」五縣特色景點推介】

大家乘直航去日本，無論係選擇到達東京、大阪或福岡，都可以去埋其他都道府縣😉。如似位於大阪同福岡中間嘅山陰山陽地區，集合5個縣，面向日本海、氣候較濕冷嘅鳥取縣同島根縣係「山陰」；而面向瀨戶內海、氣候較溫暖嘅岡山縣、廣島縣同山口縣就係「山陽」。

由大阪出發到鳥取縣，大約2個半鐘。而同樣係山陰地區嘅島根縣，就推薦到「玉造溫泉街」，參訪以結緣著稱嘅玉作湯神社！

亦有唔少人中意係福岡出發玩轉山陽地區，搭新幹線就大約30分鐘到山口縣。山陽地區面向瀨戶內海當然就唔少得食食食，山口縣嘅河豚、廣島縣嘅蠔、仲有岡山縣嘅白桃🤤！

如果你地已經玩轉「山陰山陽地區」五個縣，歡迎留言分享你嘅心得或必去打卡點🥰。

以上資訊由ITE2024參展商山陰、山陽提供。想了解更多山陰、山陽嘅旅遊資訊，可以到佢地嘅官方網頁: www.sanin-tourism.com

#香港國際旅遊展 #香港旅遊展 #旅遊攻略 #旅遊貼士 #日本旅遊 #山陰 #山陽 #鳥取縣 #島根縣 #岡山縣 #廣島縣 #山口縣

04/10/2024

【ITE旅遊小貼士🧳: 教你選擇適合自己嘅日本周遊劵！】

從關西機場往返大阪市區（難波）最短只需34分鐘，最舒適、唔洗轉嚟轉去就一定係「南海電鐵特急Rapi:t」。但去到市區，望住個鐵路圖，你又知唔知點揀搭邊一款鐵路呢🤔？

近鐵電車嘅服務範圍由大阪去到奈良、京都、伊賀、名古屋、三重，提供多種周遊劵，可以根據你想去嘅景點、玩法再去選擇☺️。

如果第一次去關西地區，可以選擇一日劵／兩日劵，除咗留係大阪市區行街購物，建議留一兩日去京都、奈良！造訪世界著名文化古都——京都之餘，仲要去奈良餵鹿！而兩日劵仲可以免費乘搭奈良巴士，除咗去奈良公園、東大寺、春日大社，仲可以參觀世界上最古老的木造建築—法隆寺。

如果去到悶，想試試新玩法就建議買5日劵配合open jaw機票，由大阪玩到名古屋😍！途中經過伊賀可以停留一下，乘搭忍者列車，了解忍者背後嘅故事。如果要去嘅景點離車站不遠，買5日劵絕對足夠，如果需要轉巴士去嘅景點就建議買5日劵plus，既慳錢又方便😉。

感謝ITE 2024日本參展商“南海・京阪・近鐵” 提供以上資訊。
想了解更多沿線觀光景點，可以瀏覽https://www.kintetsu.co.jp/foreign/chinese-han/sightseeing/index.html

#香港國際旅遊展 #香港旅遊展 #關西旅遊攻略 #旅遊貼士 #日本旅遊 #日本周遊劵 #南海電鐵特急 #近鐵電車

30/09/2024

【國慶7️⃣5️⃣周年優惠活動‼️】

聽日係國慶75周年，除咗有一日假期之外，港府同埋社會各界亦推出咗一系列嘅優惠同香港市民一同慶祝國慶🥳！

10月1日當日嘅特別優惠涵蓋公共交通、文化藝術、消閒娛樂及餐飲消費等。

交通方面🚌：只要用八達通搭港鐵、輕鐵同港鐵巴士都會有75折！仲有免費乘搭全線載客電車和多條渡輪航線。

文藝、消閒方面🎨：香港濕地公園以及所有康文署博物館展覽，包括香港科學館同香港太空館嘅常設展覽等免費開放。全港商業戲院國慶日戲票半價等等嘅優惠。另外，今晚喺西九文化區有慶祝國慶嘅無人機表演，想睇嘅朋友記得睇吓幾點開始啦😉～

更多國慶優惠活動，可以瀏覽https://www.nationalday75.gov.hk/tc/highlight.php

#香港國際旅遊展 #香港旅遊展 #旅遊攻略 #旅遊貼士 #國慶75周年優惠活動 #2024國慶

27/09/2024

【🤔尋找一個充滿濃厚嘅聖誕氣氛地方🎄 👉🏻 克羅地亞 - 薩格勒布！】

話咁快仲有3個月左右就到聖誕節，大家諗好去邊到過聖誕未啊🤗？想去歐洲過一個充滿濃厚聖誕氛圍嘅地方過聖誕? 今日就同大家介紹喺克羅地亞首都薩格勒布非常出名嘅聖誕市集Advent Zagreb😉！

Advent Zagreb係喺全歐洲同其他地區都非常之聞名嘅聖誕市集，亦都係連續三年被列入歐洲最佳聖誕市集🥳。除咗濃厚嘅聖誕氣氛，仲可享受當地美食嘅香氣同風味🤤。

由11月30日至明年1月7日，薩格勒布整個城市都會佈滿數以千計嘅燈飾，彌漫住只有Advent期間先有嘅溫暖同浪漫嘅氣氛，仲有節日嘅音樂圍繞住你😌！無論係街道、廣場、行人路、走廊定係公園，都會成為您同親朋好友或者另一半聚會嘅地方，一邊同重要嘅人傾計，一邊用一杯熱紅酒或者熱朱古力溫暖雙手，真係既浪漫又溫馨啊～心動不如行動，快啲計劃下啦☺️！

感謝薩格勒布旅遊局提供以上資訊。
更多關於薩格勒布旅遊資訊，可瀏覽他們的官方社交媒體/網頁：
Facebook: https://www.facebook.com/visitzagreb
Instagram:
官網: www.infozagreb.hr
查詢: [email protected] (只接受英文查詢)

#香港國際旅遊展 #香港旅遊展 #旅遊攻略 #旅遊貼士 #薩格勒布 #克羅地亞 #歐洲最佳聖誕市集

20/09/2024

【秋天去日本睇雲海】

天文台話下周初氣溫逐步下降，下周二氣溫會低至24度，終於feel到踏入秋冬啦🤗！呢個季節去日本宮崎縣，有幾個可以看到雲海嘅地點，其中將神祕嘅雲海景象與日本神話融合巳景點，就係 #國見之丘!️ 從國見之丘嘅展望台可以望見阿蘇五岳等九州地區嘅山地，喺無風嘅秋天早上，最能看到雲海景象。雲霧聚集於高千穗盆地，溫柔地繚繞於山巒間，突出嘅山頂就好似海面上嘅小島般夢幻🥰☁

🏞️ 溫度、濕度、風速等條件係左右雲海很大嘅因素，因此唔可以保證嚟呢到一定就可以見到到雲海，但是國見之丘嘅美景多次出現喺日本民謠同神話之中，即使冇見到雲海都非常推薦去感受神秘氣氛嘅薰陶！

📍國見之丘 https://maps.app.goo.gl/3cSnqH2if4bRoabn9
🚶交通方式 ■高千穗巴士中心開車約10分鐘。JR延岡站開車約50分鐘。東九州自動車道延岡交流道開車約40分鐘。熊本機場開車約80分鐘。
🔎 https://takachiho-kanko.info/tw/sightseeing/
雲海生成期間：9月下旬～12月上旬（須根據當日的氣候條件）

更多宮崎縣旅遊資訊，可瀏覽
Facebook: 宮崎縣香港事務所
Instagram: miyazaki.pref.hk
Website: https://zh-hant.visitmiyazaki.com/

如有任何查詢，可發送電郵至[email protected]

#香港國際旅遊展 #香港旅遊展 #旅遊攻略 #旅遊貼士 #日本宮崎縣 #宮崎縣 #睇雲海 #日本美景推介

Address

Hong Kong

Telephone

+85231550600

Website

https://www.itehk.com/Public

Alerts

Be the first to know and let us send you an email when ITEHK 香港國際旅遊展 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ITEHK 香港國際旅遊展:

Videos

【✈️ITE2024參展商 – L’Voyage奢華私人飛機之旅✨】唔一定係超級富豪先可以訂私人飛機去旅行，依家市場上都有供預訂私人飛機服務㗎🤫～例如ITE2024嘅參展商L’Voyage提供多個觀光行程🙌🏻！想同至愛、家人、帶埋寵物包架私人飛機嚟一個奢華之旅？一齊嚟睇睇下面條影片，睇吓佢哋有咩推薦嘅私人飛機之旅😍！ =越南自然奇觀5晚6天城市全包海上飛機之旅 (00:00 – 00:26) = 越南擁有豐富嘅自然奇觀，是一個迷人嘅目的地，同時擁有令人驚嘆嘅景色、豐富多彩嘅美食和熱情好客嘅人民，仲可以邊搭水上飛機邊遊覽聯合國教科文組織世界遺產下龍灣，絕對係一個chill遊勝地！ =沙地阿拉伯7天私人飛機探險 (00:27 – 00:53) = 踏上獨一無二嘅私人飛機探險之旅，從另一個角度發掘沙地阿拉伯王國。沉浸喺利雅德豐富嘅文化當中，探索阿爾烏拉嘅寶藏，體驗吉達嘅海岸魅力，喺利雅德 - 阿爾烏拉 - 吉達嘅旅途中創造難忘嘅回憶！更多關於L’Voyage嘅資訊，可以到瀏覽地嘅FB/IG/官方網站！ Instagram: lvoyage_aero Facebook: @L'VOYAGE Website: www.lvoyage.aero 如有任何查詢，請電郵聯絡[email protected]。免責聲明: 閣下跟L’Voyage之間作的交易如產生任何問題，匯眾概不承擔任何責任。 #香港國際旅遊展 #香港旅遊展 #ite2024 #ite2025 #travelexpo #旅遊攻略 #旅遊貼士 #越南旅遊 #沙地阿拉伯旅遊 #私人飛機 #奢華旅遊

【✈️ITE2024-公眾日講座-其他精選講座🗣️】

Yat Chun Choy，Watercolour Artist，係香港藝術家，同時都係韓國政府旅遊大使☺️。以藝術家角度分享如何使用HOVERAir 飛機相機，拍出藝術般嘅作品🤩。想透過相機記錄旅程嘅話，陣間三點半約定你演講廳C見🥰！ Watercolour Artist Yau Chun Choy - 分享 HOVERAir 飛機相機拍攝技巧時間：15:30-16:00 地點：演講廳C 呢兩日有近80場旅遊講座，想知更多，可以瀏覽我哋網站👇🏻 https://www.itehk.com/travelexpo/index.php?menuid=main&module=content&topLevel=1030&subLevel=40&item=item3&lang=en #香港國際旅遊展 #香港旅遊展 #ite2024 #travelexpo #旅遊講座