Amharclann Chois Fharraige

18/02/2025

An bhfuil suim agat i gClár Sláinte na mBan? Bí i dteagmháil le Nórah.

30/01/2025

Tá na dátaí léirithe nua don dráma 'Faoi Dheireadh Thiar', a bhí orainn a chur ar ceal de bharr na stoirme agus easpa leictreachas, deimhnithe anois:

Má tá ticéad agat don léiriú a bhí le bheith ar siúl Dé hAoine 24/01, beidh an léiriú sin ar siúl anois Dé hAoine 7 Feabhra ag 8i.n.

Má tá ticéad agat don léiriú a bhí le bheith ar siúl Dé Domhnaigh 26/01, beidh an léiriú sin ar siúl anois Dé Sathairn 8 Feabhra ag 8i.n.

Má tá aon fhadhb nó aon cheist faoin méid seo, bí i dteagmháil linn trí ghlaoch ar (091) 399 199 nó ríomhphost chuig [email protected].

(Buíochas le Simon Boyle as ucht na bpictiúir)

26/01/2025

Faraor tá orainn an léiriú den dráma ‘Faoi Dheireadh Thiar’ a bhí le bheith ar siúl anocht a chur ar ceal toisc nach bhfuil aon leictreachas againn go fóill.

(Buíochas le Simon Boyle as ucht na bpictiúir)

24/01/2025

'FAOI DHEIREADH THIAR' AR CEAL ANOCHT! (Dé hAoine 24/01/2025)

De bharr an droch bhaill atá fágtha ag stoirm na hoíche aréir ar an gceantar agus an rabhadh aimsire atá fós i bhfeidhm, tá sé socraithe an dráma a bhí le bheith ar siúl anocht a chur ar athló go dtí Dé Sathairn 01/02/2025. Oibreoidh na ticéid céanna bhí faighte agaibh don oíche anocht don léiriú an tseachtain seo chugainn. Fanaigí slán!

(Buíochas le Simon Boyle as ucht na bpictiúir)

21/01/2025

DÍOLTA AMACH! Faraor tá na ticéid uilig díolta anois don dara oíche bhreise den dráma 'Faoi Dheireadh Thiar' a bheidh ar stáitse Dé hAoine beag seo. Bhí an-tóir orthu. Míle buíochas libh as ucht bhur gcuid tacaíochta le Scoil Gheimhridh Joe Steve i mbliana.

20/01/2025

Léirmheas an-dearfach ar an dráma 'Faoi Dheireadh Thiar' anseo ar shuíomh RTÉ!

Bhí seanscoil Sailearna in Indreabhán i gConamara lán go béal aréir agus an pobal féachana faoi dhraíocht ag aisteoirí áitiúla a thug faoin stáitse le ceann de dhrámaí Joe Steve Uí Neachtain a léiriú.

18/01/2025

Beidh an chéad oíche den dráma 'Faoi Dheireadh Thiar' ar siúl níos déanaí! Tá obair na gcapall curtha isteach ag an gcliar agus ag an gcriú le cúpla mí.

17/01/2025

Beidh an Mangaire Siúlach ag déanamh taispeántas leabhar sa Ríomharlann níos déanaí 📚

17/01/2025

Tháinig Iris Aniar ar cuairt againn maidin inniu! Tá muid an-bhuíoch le Raidió na Gaeltachta (Oifigiúil) as a gcuid tacaíochta i gcónaí.

16/01/2025

Tá muid ag fáil faoi réir anois tús a chur leis na himeachtaí ag Scoil Gheimhridh Joe Steve 2025!

Ag súil go mór le hAllagar na nGlúnta: ‘An Ghaeltacht, an Ghaeilge agus Mé Féin’, a thosóidh ag 8i.n. anocht. Buailigí isteach!

13/01/2025

Ár mbuíochas le Bridget Bhreathnach ag Tuairisc, a scríobh an t-alt thíos faoi Scoil Gheimhridh Joe Steve 2025.

Beidh Scoil Gheimhridh Joe Steve ar siúl i gCois Fharraige ón 16-19 Eanáir. Labhair Pádraig Ó Dubhghaill, Bainisteoir Tograí le Comharchumann Shailearna Teo., le Tuairisc faoi scoil na bliana seo

13/01/2025

De bharr éileamh, beidh an dráma 'Faoi Dheireadh Thiar' ar siúl anois Dé Luain 20/01 chomh maith!

Faigh do thicéad anois ar Eventbrite.

Mór-Léiriú na Féile, scríofa ag Joe Steve Ó Neachtain. Dráma curtha i láthair ag aisteoirí an cheantair agus léirithe ag Ciaran Ó Fátharta.

09/01/2025

Tá an-tóir ar thicéid do mhór-léiriú Scoil Gheimhridh Joe Steve 2025, 'Faoi Dheireadh Thiar'. Cuirfidh buíon aisteoirí áitiúla an dráma seo, scríofa ag Joe Steve Ó Neachtain, ar stáitse Dé Sathairn 18/01 agus Dé Domhnaigh 19/01 faoi stiúir an léiritheoir Ciarán Ó Fátharta.

Ticéid le fáil ar Eventbrite anseo: https://FaoiDheireadhThiarSGJS.eventbrite.ie

(Íomhá: Seán Ó Flaithearta)

08/01/2025

Tá an-áthas orainn go mbeidh ceardlanna drámaíochta don óige ar siúl mar chuid de Scoil Gheimhridh Joe Steve 2025.

Beidh dhá cheardlann d'aoisghrúpaí éagsúla ar siúl i Scoil Náisiúnta Shailearna ar Dé Sathairn 18 Eanáir faoi stiúir Fil Uí Dhubhghaill.

Is féidir clárú ach glaoch ar (091) 399 199 nó ríomhphost a sheoladh chuig [email protected].

07/01/2025

Is féidir ticéid don dráma 'Faoi Dheireadh Thiar', a bheidh ar siúl Dé Sathairn 18/01 agus Dé Domhnaigh 19/01 mar chuid de Scoil Gheimhridh Joe Steve 2025, a cheannach ar Eventbrite anois.

Mór-Léiriú na Féile, scríofa ag Joe Steve Ó Neachtain. Dráma curtha i láthair ag aisteoirí an cheantair agus léirithe ag Ciaran Ó Fátharta.

07/01/2025

Beidh Scoil Gheimhridh Joe Steve ar siúl ar feadh cheithre lá i gceantar Chois Fharraige - ón 16-19 de mhí Eanáir 2025.

Beidh réimse leathan imeachtaí ealaíne ar siúl le linn na féile atá dírithe ar na haois-ghrúpaí éagsúla - ócáidí drámaíochta, litríochta, filíochta agus ceoil. I measc na n-imeachtaí a bheidh ar siúl, beidh comórtas filíochta do dhaltaí bunscoile agus meánscoile, Allagar na nGlúnta, ceardlanna drámaíochta do dhaoine óga, 'Ómós' - saothar nua-chumtha ag an gceoltóir clúiteach Johnny Óg Connolly, ciorcal filíochta, seisiún drámaíochta neamh-fhoirmeálta le míreanna ó Bhaile an Droichid, ceoltóirí ag tabhairt cuairt ar Áras Chois Fharraige agus dráma mór na hÉigse le haisteoirí an cheantair - ‘Faoi Dheireadh Thiar’, scríofa ag Joe Steve Ó Neachtain agus léirithe ag Ciarán Ó Fátharta.

24/12/2024

Guímid Nollaig mhór mhaith oraibh uilig 🎅🎄

Send a message to learn more

20/12/2024