28/11/2024
Skjálftinn, hæfileikakeppni sunnlenskra ungmenna fór fram í fjórða sinn laugardaginn síðasta í íþróttahúsinu í Þorlákshöfn sem hafði verið breytt í glæsilegt menningarhús. Keppendur mættu frá Grunnskólanum í Vestmannaeyjum, Grunnskólanum í Þorlákshöfn, Grunnskólanum í Hveragerði, Sunnulækjarskóla, Vallaskóla og Reykholtsskóla.
Það var einstök tilfinning að sjá krakkanna stíga á svið og flytja sköpunarverk sín og var stemningin engu lík.
Aron Can mætti og flutti Skjálftalagið FLÝG UPP og ætlaði þakið hreinlega að rifna af húsinu!
Þegar að verðlaunaathöfn var komið, var ljóst að VALLASKÓLI bar sigur úr býtum við gífurleg fagnaðarlæti! Við óskum Vallaskóla hjartanlega til hamingju með verkið - Skref inn í myrkrið - og með stóra sigurinn!
Annað sætið hlaut Reykholtsskóli fyrir verkið Góða nótt.
Í þriðja sæti var Sunnulækjarskóli með verkið Aðskilnaður.
Allir hóparnir geta verið stoltir af sínum flutningi enda var kvöldið stórkostlegt! Allir þátttakendur lögðu hug og hjarta í undirbúning og var afraksturinn stórglæsilegur og eiga krakkarnir hrós skilið, hver einn og einasti!
❤ Án hæfileika ykkar væri Skjálftinn ekki mögulegur! Takk fyrir okkur! ❤
Áfram Skjálftinn og áfram barnamenning! ❤ 🙏
---
Enn og aftur þökkum við hjá KRÓMÍK fyrir okkur, fyrir traustið, við þökkum stórkostlegum þátttakendum, leiðbeinendum, tækniteymi hátíðarinnar, dómurum, kynnum, framkvæmdastjórn og öllum þeim sem komu til aðstoðar!
___
Kynnar keppninnar voru systurnar og hæfileikabúntin Hildur Magnúsdóttir og Regína Lilja Magnúsdóttir frá Hveragerði og dómnefndina skipuðu Unnsteinn Manuel Stefánsson tónlistamaður, framleiðandi og sjónvarpsmógúll, Dagný Sif Sigurbjörnsdóttir tónlistarkona og Sigyn Blöndal dagskrárgerðarkona og réttindaskólastjóri UNICEF.
LEIÐBEINENDUR: Hrefna Ósk Jónsdóttir fyrir Hveragerði, Benedikt Karl Gröndal og Kolbrún Guðmundsdóttir fyrir Sunnulækjaskóla á Selfoss, Íris Dröfn og Unnur Edda fyrir Vallaskóla á Selfoss, Arna Dögg Sturludóttir fyrir Þorlákshöfn, Kristín Ísabella fyrir Reykholtsskóla og Emma Bjarnadóttir fyrir Grunnskólann í Vestmannaeyjum.
Framkvæmdastýring: Ása Berglind Hjálmarsdóttir ásamt Halldóra Rut Baldursdóttir og Iris Hrund Þórarinsdóttir hjá KRÓMÍK - Framleiðsla og viðburðir (*og TÝRA verkefnastýring)
Tækni og hljóð: Sigurgeir Skafti Flosason og teymi
UNGRÚV: Hafsteinn Vilhelmsson og teymi
Hægt er að fylgjast með Skjálftanum á https://www.instagram.com/skjalftinn/ og https://www.facebook.com/sudurlands.Skjálftinn,
nánari upplýsingar er einnig að finna á skjalftinn.is.
Markmið Skjálftans er að efla sköpunargáfu, kenna ungmennum að hugsa út fyrir rammann, kenna verklag og þjálfa þau í markvissu, langvinnu hópastarfi. Skjálftinn er búinn til til þess að jafna tækifæri ungmenna til náms, óháð búsetu og gefa þeim kost á að kynnast ólíkum störfum innan sviðslista, þar á meðal þeim mikilvægu störfum sem eru unnin á bakvið tjöldin.
Skjálftinn
