Hljómey

24/02/2025

Við kynnum með stolti - eightís konunginn og ljúflinginn, Herbert Guðmundsson! Herbert á einstaka smelli í ferðatöskunni og ætlar að rífa þá alla upp á Hljómey. 🤩

21/02/2025

Við kynnum til leiks stelpuhljómsveitina Þögn! Hljómsveitin er úr Vestmannaeyjum og tók ma. þátt í úrslitakvöldi Músíktilrauna á síðasta ári. Þögn er annað atriðið sem við kynnum sem kemur beint frá býli í Eyjum. Komið fagnandi!

Þögn er sjöunda atriðið sem við kynnum á Hljómey og erum við þá formlega hálfnuð með kynninguna á listamönnum - bara sjö eftir. 🥰 Við erum með gæsahúð yfir dagskránni í ár. Nóg eftir!

19/02/2025

Derhúfu og hvíta skó takk!

Við kynnum til leiks eðalpjakkinn, stór-rapparann og ljóðskáldið Blaz Roca - stundum kallaður Erpur. Rottweilerhundur og gefur aldrei tommu eftir í lifandi flutningi. Það verður ekkert rólegt og rómantískt þar sem Blaz mun koma fram og við lofum einstakri framkomu! Gefum Blaz Roca sérstaklega gott Hljómeyjar klapp! 😎

15/02/2025

Við kynnum fyrsta listamanninn út Eyjum - Guðný Emilíana Tórshamar! Guðný er 23 ára gömul Vestmannaeyingur og hefur síðastliðin 8 ár verið að syngja á jólatónleikum sem heita jólahvísl, spilað tvisvar á þjóðhátíð, sungið á böllum, goslok og tekið lítil gigg hér og þar um eyjuna ásamt því að koma fram á eyjatónleikunum í Hörpu.

Tónlistin sem Guðný ætlar að taka eru ljúfleg, þægileg og skemmtileg, allt af öllu. 👌🥰

12/02/2025

Jæja, áfram gakk! Við kynnum fjórða listmanninn - hinn eina sanna, einstaka og einlæga Bjartmar Guðlaugs!

Bjartmar er kannski kominn yfir fermingaraldurinn en hann fær sér enn súrmjólk í hádeginu og cheerios á kvöldin - og er lifandi goðsögn í íslensku tónlistarlífi! 😎

10/02/2025

Síðastliðinn föstudag kl. 10:00 fór miðasala á litlu krúttlegu hátíðina okkar í Vestmannaeyjum í gang – og viðbrögðin voru hreint út sagt ótrúleg. Við áttum von á miklum áhuga, en okkur óraði ekki fyrir því hversu margir myndu vilja tryggja sér miða strax við opnun.

Það sem gerðist næst var eitthvað sem við gætum kallað lúxusvandamál – miðasölukerfið réð einfaldlega ekki við þessa gríðarlegu eftirspurn.

Klukkan 12 ákváðum við að stöðva miðasöluna á meðan við færum yfir stöðuna, en það var ljóst að hátíðin var löngu uppseld. Upphaflega ætluðum við að selja rúmlega 250 miða, en klukkan 10:00 voru yfir 1.200 IP tölur að reyna að kaupa miða samtímis. Fimmföld eftirspurn.

Þeir allra duglegustu létu þó ekki deigan síga og atvinnulífið lamaðist að hluta til. Seinnipart dagsins kom svo loks í ljós að hátíðin verður tæplega helmingi stærri en við höfðum í fyrstu gert ráð fyrir – og við fögnum því að fá að taka á móti enn fleiri gestum í ár!

Þó þetta hafi ekki verið upphafleg áætlun okkar, ætlum við að setja Hljómey-vélina í sjötta gír, og aðlaga hátíðina þannig að allir fái að upplifa sanna Hljómeyjar-stemningu þann 25. apríl. Við erum ótrúlega þakklát fyrir þennan mikla áhuga og getum ekki beðið eftir að deila með ykkur enn fleiri spennandi nöfnum hér á síðunni.

Hljómey 2025 verður stórkostleg! TAKK! 😘

ps. ef þið hafið spurningar um miðakaupin þá sér midix um alla miðana og hægt að senda á [email protected] ef eitthvað er varðandi kaupin.

07/02/2025

Á meðan við bíðum eftir samkeyrslum í kerfinu og náum okkur niður eftir súrsætan morgun þá er í lagi að henda inn einni risastórri tilkynningu. Eftir miklar samningsviðræðum kynnum við með stolti Brennukóng hátíðarinnar í ár - Kjartan Vídó! Kjartan er björgunarsveitarmaður og því öllu vanur og engum meira treystandi fyrir því að kveikja "bál" þegar við ljúkum hátíðinni saman fyrir utan Brothers þann 25. apríl nk. Hann hefur lofað ekki síðri sýningu en þeir frábæru tónlistarmenn sem stíga á stokk á hátíðinni.

07/02/2025

Jæja. Kerfið á að vera í standi núna.

Það er orðið uppselt - en við ætlum að halda miðasölunni opinni í til klukkan 12:00 fyrir þá sem vilja gera eina tilraun í viðbót.

Ef þú átt greiðslukvittun- þá áttu miða. :)

Það þarf að samkeyra kerfið upp á nýtt og allir munu fá miða senda sem náðu í gegn. Ef fólk lendir í vandræðum þá bara sendið á okkur og við leysum málið og tryggjum að allir sitji sáttir.

Við erum mjöög þakklátir samt! Það mun allt leysast og þetta verður flottasta Hljómey hingað til!

Takk - við elskum ykkur!

07/02/2025

Okkur skilst að fólk sé að ná í gegn. Við vitum í raun bara ekkert nema að kerfið hrundi vegna álags. Takk fyrir þolinmæðina og þennan mikla áhuga á litlu hátíðinni okkar. Nú sitjum við bara með snúð og vonum að við náum í gegnum þessa öldu 🫠

07/02/2025

Miðasalan er komin upp! ❤️

Edit: hrundi aftur 🫠

07/02/2025

Það er álag á miðasölukerfinu - biðjum alla að sýna biðlund 🥰

07/02/2025

Það eru 26 mínútur sléttar í að miðasala hefjist. Við ætlum að fá okkur snúð og kaffi kl 10 þegar miðasalan opnast og anda djúpt. Meira gaman! Meira stuð! 😘

MidiX

06/02/2025

Það verður engin rauð viðvörun á Hljómey! Miðasalan hefst á morgun kl 10:00 og við iðum hreinlega af spenningi. Við minnum á að það verður takmarkað framboð af miðum og færri hafa komist en viljað sl. tvö ár. Það er ágætt og gott fyrir sálina að horfa á samantektina frá því í fyrra og ylja sér!

Sjáumst í fyrramálið! 🤩😎

Hljómey er tónlistarhátíð sem haldin er árlega, síðasta föstudag í apríl, í heimahúsum í miðbæ Vestmannaeyja. Hátíðin er óhagnaðardrifið samfélagsverkefni og...

03/02/2025

Þau sögðu að ég væri þorparinn! Við kynnum þriðja listamanninn sem ætlar að stíga á stokk á Hljómey í ár. Pálmi Gunnars! 😍

Pálma þarf ekki að kynna fyrir Hljómey-ingum, en hann hefur verið einn ástsælasti tónlistarmaður Íslands í hálfa öld. Pálmi ætlar að taka alla sína slagara og sýna sínar bestu hliðar með bassann að vopni. Þórir Úlfars, hinn eini sanni, ætlar að spila með honum og er óhætt að lofa töfrum og töffaralátum.

Miðasalan hefst eftir einungis 4 daga! Takmarkað framboð af miðum og því mikilvægt að vera klár kl 10:00 á föstudaginn næsta.

27/01/2025

Við kynnum með miklu stolti næsta listamann á Hljómey; Árný Margrét! Við erum sérstaklega stoltir af því að hafa landað þessari stórkostlegu listakonu á Hljómey. Árný er að gefa út nýja plötu í mars nk. og mun í kjölfarið fara erlendis á tónleikaferðalag, en ætlar að setja Eyjarnar sem hluta af tónleikaferðalaginu. Árný er þegar orðin stór erlendis og við erum handvissir um að hún verði næsta stórstjarna Íslands. 🏆

wow! 😍

21/01/2025

Miðasala á Hljómey 2025 hefst á slaginu kl 10:00 þann 7. febrúar nk. Síðast seldist upp á 6 tímum og eins og venjulega er takmarkað framboð á miðum. Þrátt fyrir verðbólgu og vaxtavexti höldum við miðaverði óbreyttu, einungis 10.990 íslenskar krónur, sem er gjöf en ekki gjald fyrir allan þennan fjölda af listamönnum. 🥰

Miðasala mun fara fram á MIDIX - engin forsala.

Látið alla og ömmur ykkar vita!

MidiX

20/01/2025

LETS GO! 🥳🥳Fyrsti listamaðurinn sem við kynnum til leiks á Hljómey 2025 er hin eini sanni Friðrik Dór. Friðrik er risastór smellavél, sjarmerandi og einstakur listamaður. Hann ætlar að sjálfsögðu að taka alla sína helstu smelli og stefnir á "brjáluð fagnaðarlæti".

Gefum Friðrik Dór gott klapp!

Live music venue