https://www.facebook.com/116735324764533/

Vero

Casa
Italia
Turin
Vero

نمدلك الحقيقة المرة ، جامي نخمم نديرلها ليزيپيس.

23/03/2024

عادات الناس افي أيام السنة العادية .. تختلف عن رمضان .. كاين لي يولي يتقلق بزاف في رمضان .. كاين لي ما يوليش يرقد بزاف .. كاين لي يحبس العادات السيئة .. أمر عادي و مقبول .. بصح لي يسمان في رمضان .. شغل يتحدى الطبيعة .. وشغل راك تڤسر معاه يرميهالك فوسط الهدرة .. " انا في رمضان نجيب روحي " .. شغل مام فالوزن يحب يكون مختلف .. عالزوج تاع لعشية صايم يضحك و يهدر بلعياط .. تاع انا لست مثلكم .. جينيرالمون هاد العيباد لوكان تبعو واش يدير في اليوم كيما نتا كيما هو .. يخرج يشري صباح عادي .. يطلع دروج يركب فالبيس .. بصح كي يدخل لدارهم ما تدخلش معاه .. هو كي يدخل للدار ياكل .. خاطر سيبانورمال .

21/03/2024

الذي لا أحبه في اللمة العائلية برمضان .. الناس لي يكوفو روحهم .. شغل كامل قرينا .. و ماشي صعيب عليك دير عملية قسمة .. قعدت لقيت عشر حبات بوراك فالطابلة .. علابالك بلي كاين خمس عيباد تسما كل واحد زوج .. ماشي حاجة واعرة .. مقبيل راني ناكل .. شفت يد خويا راحت كاش ثلاث مرات للبوراك .. ما حبش بحبس .. الرابعة زاد هربلي .. الخامسة شغل شحطتلو يدو .. ناض الشيخ يعيط .. و شغل جامي كليتو .. و تضاربولي على الماكلة .. تخلطت .. وليت انا الغالط .. وانا لكبير .. و خلي خوك ياكل .. وقفت هاديك تاع داني النيف والله ماناكل .. اومبعد عاودت قعدت بلخف .. ما تحلبوليش بلي زعفت .. كوفتها رفدت قرعة ڤازوز و عاودت قعدت .. لوكان طولت شوية زيادة نولي نبان بهلول .. شغل تزعف اومبعد ما تكملش فيها .. اللمة لعائلية مليحة .. مع باباك و يماك و مرتك .. خوك لالا .. ملعيد للعيد و بزاف .

قمجة.

14/11/2023

هذا هو لي ماتفهموا لاطالع😅 لا هابط😁
حياتي في فوطو 😂😂

14/11/2023

كون يبقى الوضع هكذا راح نولو نشرو اللحم بلوردونونص

12/11/2023

واعرة كي تكون خايف على بلاصتك🥺 ومن بعد ديكوvري بلي انت اصلا معندكش بلاصة 💔
ولي صعيبة انت راقد بالزعاف من واحد ⁦☹️⁩ وهو مفرح ناس خلاف😔

12/11/2023

حياته كومپلي و هو يجري فالتالي لقاها مع واحد:

🐣

12/11/2023

واعرة بزاف كي طيح بيك ولد الدار يقلهم هات تخطي راسي
والبراني يقلهم انا ندبر راسي

25/07/2023

الحقيقة فأي حاجة فهاذي الدنيا باينة ، بداها مالدين و كملها فالقناعات و المبادئ و ما إلى ذلك ، برك كاين لي ينكرها بلعاني ، كاين لي ينكرها puisque ڨلبه مريض ، كاين لي يتسولاجا كي ينكر ، و كاين لي ينكر الحقيقة لخاطرش ما تمشيش مع شذوذه و انحرافاته و منعرف شا.. مثلا فموضوع النساء لي fidèle و كيفاه لازم t'évité صاحبة الماضي و هذوك الدروس لي رانا ألف مرة نهدروا عليهم ، شغل باينين صحاح 1000% بصح الله أعلم علاه ينكروهم شي بنات و شي أشباه الرجال ! تلقاه يڨولك نعرف بنتي كيدايرة و نعرف ختي! و نحطهم بين ألف راجل ما يصرا والو و تلقاه يحكي ب confiance تاع Zidane كي تيرا هذيك paninka على Buffon ! كون بلاك هذي لي راه يدافع عليها تكون حاضرة و هو يدافع تضحك عليه فوجهه و تڨوله راك كثرت على ما وصاوك! نأمنك نتا و نكذب الرسول صلى الله عليه و سلم لي ڨال يخنن العشير؟ كان قادر يڨول الرجل يخون العشير بصح ما ڨالهاش ! مراكش تشوف أمثلة فالواقع ول نتا أعمى ول تتعامى؟ نعطيك مثال صغير ! أي رجل هنا بداها مني و روح نسبة 99% محال يڨول لمدامته mama ول لأي وحدة هذا الاسم puisque عارف قيمته ! لازم ألف تاست باش ينطقه و قادر ما ينطقهش راني نحكي على الاسم حرفيا مش على مثلا حنا فالغرب وحدة كبيرة تڨولها "Ma" كإحترام هذيك ما تتحسبش! بصح فالجهة المقابلة الأنثى تلقا باباها تعب عليها سبعمية عام يهمبر علجالها فأول فرصة تتكوبلا مع واحد زوج أيام تڨوله "أبي ، بابا ، أبتي ، daddy .." و تكون قاصدتها حرفيا و بلاك تڨول ما كثر بسهولة ! و صراتلي شخصيا ، لدرجة تعرفك فسمانة تسقسيها تڨولها تبغيني أنا ول باباك تڨولك نتا نبغيك كثر ! نكرت عايلتها بسرعة ول لا؟ سقسي روحك ! مالا خطيك م la confiance الزايدة تديك للواد و دير حسابك maximum باش اذا قدر ربي و ضربك فاس للراس ما تندمش ، تڨول درت لي عليا والله غالب.. مش ترسل بنتك للبار و كي جيك بالحمل بتوأم تڨول للدولة عاونيني نشكي بالوحوش البشرية لي ڨعروها ! كونك logique ! و قس على ذلك.

25/07/2023

يديروا أي حاجة على جال الشهرة والله 🤦🏻‍♂️🤦🏻‍♂️

25/07/2023

‏اللَّهُمَّ إِنِّا نعُوذُ بِكَ مِنْ الْهَمِّ وَالْحَزَنِ، وَنعُوذُ بِكَ مِنْ الْعَجْزِ وَالْكَسَلِ، وَنعُوذُ بِكَ مِنْ الْجُبْنِ وَالْبُخْلِ، وَنعُوذُ بِكَ مِنْ غَلَبَةِ الدَّيْنِ، وَقَهْرِ الرِّجَالِ.

25/07/2023

حنا malgré زعما جيل من عايلات محافظة و Old school غي تاع حرمة و حشمة و دين هكاك و خرجنا جيل داير كي jبي ما نصلحوا لوالو لا تربية لا نجاحات دنيونة لا دين ينفعنا فالآخرة ! فما بالك الجيل الجاي لي غادي يربوه عايلة الأب فيها كان h24 يتفرج في les lives تاع ياجورة و هكذا ستبنى و التوحيد هو انك تنصح واحد فالسر ، و الأم فيها طالعة غي تبع فحياة أميرة ريا و نوميديا لزول و ڨاعرتلها جد باباها بالتكبيس ف tiktok تاع المتحول ريبيكا ول tunnel دنيا السطايفية! ولادهم كي غادي يخرجوا يا ربي سترك ! الله يجيب الخير.

24/07/2023

يا خويا أنا نستعرف من بكري بلي أنا إنسان كي الخرا هاذي لا غبار عليها بصح عندي قناعات و des principes و أفكار قادر ندافع عليهم بدمي normale إذا تحتمت ! تحكيلي على الفقر؟ ڨاع رانا عايشين الفقر فالجزاير بدرجات متفاوتة برك أصلا même الغني و عايش الفقر هنا برك بطريقة أكثر أناقة ! الفقر يحتمني نروح للعسكر؟ لا انسى تبرا! الفقر يحتمني نخدم بنص السومة؟ لا انسى تبرا! يا خويا أنا vrai ما تساعدنيش ندخل العسكر و نخدم بربع ملاين على العام ڨاريطة صاري فيا الباطل و منبعد زيد كاش مهبول سكران فالصيف يحرڨ الغابة بقرعة heinken يخرجوني أنا بصدري ليها نطفيها ب بالة شغل رومبو و منبعد كي نموت يخسروا عليا نشيد وطني وطني غالي الثمن !! فأول Virage مستعد نهرب منه و منعاودش نولي ليه حياتي كامل ، صحيت.

24/07/2023

المهم باش نتفاهموا على وحد النقطة.. هي صح ما تحكمش على الكتاب من غلافه ، و compte فيسبوك فأغلب الأحيان ما يعكسش شخصية ول ذكاء صاحبه ، puisque كاين لي عنده جمهور و آراء فالموقع ، mais فالصح مجرد عڨون.. mais صح le compte يعطيك نظرة و لو صغيرة ! مثلا كيفاه باغيني ناقش واحد داير photo de profil تاع رسوم متحركة؟ كيفاه ناقش وحدة كاتبة ف bio تاعها طلاسم كيما INTP - FCB !! و كيفاه ناقش وحدة مسمية الفيسبوك "سكغة بب'ه" ! كاين لي غي م bio تاعه يفتحلك ڨلبك بش تناقشه ، تلقاه داير آية قرآنية الله يبارك ول كاش حكمة صحيحة ول مقولة ! و كاين لي العكس ال bio تاعه معمرها غي بإسماوات ماداماته و maman avant tout ! كاين فرق كبير.

23/07/2023

علبالك بلي كاين شي عيباد أغبياء لدرجة يڨولك خطيك من قطر و الخليج puisque فيهم الحمان كثر مالجزاير 🤦🏻‍♂️

22/07/2023

شا رايك كون نڨولك وين نسكن أنا الماء ما سالش من قبل العيد بيومين ، حتى لليوم سال نص ساعة و زيد مخروض تحسب جاي مالواد ، و ماغاديش يسيل منا على شهر 🙆🏻‍♂️🙆🏻‍♂️

22/07/2023

أمطار غزيرة في قريتي الملعونة حاليا و الحمدلله ، غيثا نافعا يا رب. 🥰🥰

19/07/2023

ليلة سعيدة و هادئة و جميلة ، كجمال وجه فراهاني.. تصبحون. ❤️

19/07/2023

Voilà.

18/07/2023

بلادنا من كثرة لي ڨاع الشعب فكاجة وحدة تحسب مقانن و مقريينا نفس التخمام و نفس العادات و نفس كلش و تخمامنا ڨاع basique ، كي الذكي كي الغبي تلقا عندهم نفس les buts و نفس كلش ، حلمي نشوف واحد فالجزاير دا معدل شباب و ما خيرش طب !

18/07/2023

شحال م9ودة تتغاشا كي تدي ول تخسر باك فبلاد الجامعات تاوعها مكلاصيين ورا جامعات أوغندة و مدغشقر و جزر الشمس هههههههههههههههههههههه

18/07/2023

القنوات التلفزيونية الجزائرية tellement ما عندهم حتى محتوى ضروك يدوها سمانة و و هوما غي يحطوا فالزيارات لصحاب أعلى معدل فالباك ، شغل كل قناة تزور 48 ولاية و دير على كل ولاية روبورتاج على أهزل امتحان في تاريخ البشرية

18/07/2023

واااااااااي جبتو

18/07/2023

كون مثلا يقدر ربي و نتتزوج و نجيب ولاد
ولدي صح منخليهش يبطل لقرايا صغير mais كي يلحڨ أولى ول ثانية ثانوي إذا ماكانش excellent و يجيب فوڨ 14 ! أنا نقتارح عليه يحبس لقرايا ! و اذا كان ما يقراش غايا و بغا يحبس ف أولى ول ثانية ثانوي والله ما نزعف منه ما نعطيه دعوة شر ما دعوة نم ، اذا كنت بخير عليا نشوفله حل بعيد على لقرايا و إذا كنت طايحة بيا نشوفله حلول و هو يطبقهم .. مختصر القول ولادي منخليهمش يحسوا بلي هذا الباك حاجة عظمى و نهاية العالم و jبي ، بل هو مجرد امتحان هزيل يخرج غي على الاغنياء باش يروحوا يلعبوا في la fac و يرندفوا و يدوروا و يخسروا دراهمهم ، أما الطبقة الكادحة مهمتها البحث عن حلول بعيدا عن هاذا الثقب الأسود تاع القرايا و النظام الكلاسيكي .. و طبعا بنتي même كون جيب المعدل 40 ماغاديش نخليها تقرا ورا الباك ، تسما تبانلي الاحسن ليها تدخر جهدها و تحبس قبل ما تلحڨ ليه ، تروح تتعلم حاجة تفيدها فظينها ول كوزينتها ول كش حرفة منزلية تعمر بيها وقتها.

18/07/2023

لي ستوري تاع الباك و البارود و أغاني مبروك مبروك تحسب زواج مش شهادة هزيلة ناkولي راسي جابولي التقية 🤢

17/07/2023

كاسب قلوب الناس موسيقى و فتاوي ! شكون 9واد خليدة شكون لي دار التاويل!

17/07/2023

وحدة من la famille تاعي ناkتلها مها لبارح بتصاور ال gâteaux و الأغاني و الأدعية ف les stories ، ليوم résultats صابت روحها جابته 8 ههههههههههههههههههههههههههههه

17/07/2023

هاذوا هوما les captures لي يطلعولنا المورال حنا الصعاليك 😍
و يا ربي الشيرات لي داو الباك و ناويين يق7بوا يموتوا ب accident قبل ما يروحوا la fac ، آمين.

17/07/2023

و طبعا كون جيت ولي أمر تاع كاش عائلة ول أب ، إذا ولدي جاب تحت 14 المعدل نحبسه direct مالقرايا و نرسله يهمبر ول يشوف حل لعمره مش شغلي puisque صح متساعدنيش نعطي مصاريف دراسة لواحد يقرا حقوق ول علوم سياسية و اجتماعية و ما جاورها وزيد داي لباك ب 10.00 ، و طبعا بنتي même تدي الباك ب 35 رحلتها تاع الدراسة تنتهي فهذا الطور هذا إذا كانت excellente ، أما اذا كانت تطلع بالدمير و جيب 10 و 11 maximum تاعها غادي يكون bem ، نخليها مع ماماها تتعلم طيب و دير شغال الدار و كشما تحفظ قرآن فوت الفراغ ول دير كش حرفة منزلية ول حاجة تنفعها كي تروح لدار راجلها.

16/07/2023

مقران الشرير tellement شاف حكام هذا البلد التعيس أغبياء و ڨاع يشكموله و خايفين منه تحسب mafia تاع Napoli مش مجرد مرتزقة هزيلي ال IQ الحاجة الوحيدة لي يعرفوها هي يشربوا heinken ، ول بلاك مين ڨاع الحكام مالدشرة تاعه ، حريق الغابات رجعه صنعة .. كل عايلة قبايلية تغرس بلعاني شجرة ول زوج تاع زيت الزيتون لي عيفوهلنا فراس جبل منسي و مين يلحڨ الصيف يشعل فيهم زالاميت يحرڨهم و يلعبها يبكي و يدير فالخلايع و j'ai pleure ma kabyle و عزازڨة تحت القصف ! أيا جي الدولة لي تفهم بقاعها أول و آخر حل تخمم فيه هي تعويض قد نم العود ، لي عنده شجرة تعطيه مليار و لي عنده ربعين تعطيه ربعين مليار ، مقران يزيد يتسلطن و يغنا و يطغا ، و أنا العربي كحل الراس تنkت عايش فبقعة هزيلة جاية فحفرة كيما attack on tittan درجة الحرارة فيها 70° و الما يسيل فالربع أشهر نص ساعة ! هكاك و الدولة عطاتنا اسم مناطق ظل تتمنيk بينا malgré علبالها الظل و ما عندناش كالناس و كون ڨاع تحترق هاذي القرية الظالم أهلها ما يعوضوناش puisque صرات من قبل و ما عوضوش ! ندعوا ربي يعوضنا بهجرة فالدنيا ول يدخلنا الجنة فالآخرة ، السيل صح صح بلغ نمي مش غي الزبى !

16/07/2023

حمان مش normale ، راڨد فالحوش زعما و رانا نص الليل راه يظرب هواء حامي تحسب ني فڨلب الصحرا ! الحمد لله على كل حال.

Indirizzo

Turin

Sito Web

facebook.com

Notifiche

Lasciando la tua email puoi essere il primo a sapere quando Vero pubblica notizie e promozioni. Il tuo indirizzo email non verrà utilizzato per nessun altro scopo e potrai annullare l'iscrizione in qualsiasi momento.

Video

قبل 36 و سنة تولدت أسطورة jamais كان كاين كيما هي و jamais غادي يكون كيما هي.. ڨلع منها 6 سنين لي تعلم فيهم يمشي و داواوه فيها.. الباقي ڨاع شر و رفد و ردخ على لرض ، الباقي ڨاع إنجازات.. الباقي ڨاع تاريخ jamais يتمحا ول يلحڨه وحدوخر.. البرغوث المونغول ليونيل ميسي ، أعظم واحد كرويا توشا البالون عبر التاريخ ، كنت محظوظ بزاف كي عشتله بزاف لحظات شابين رغم أني مش مشجع لناديه ، آخرتهم لحظة لوسيل.. عيد ميلاد سعيد للأسطورة. ♥️✨

لي ضحكتني كثر قرعة الريحة و الزرودية تلعب بيهم بسرعة 100 كم فالساعة من كثرة لي موالفة ، بصح السبحة مين خاطيها ليك كيراها تجبد غي بالحبة عرض بطيء و زيد تغلط 😂😂😂