23/02/2023
NDOTO ZENYE VIASHIRIA VYA KIFO.
1.Umeota mtu aliye kufa anakutokea katika ndoto.
Kutoka 33:14
“Akasema, Uso wangu utakwenda pamoja nawe, nami nitakupa raha.”
K**a usipo muomba Mungu ili utembee na uso wake basi shetani anaweza kutembea na uso wako au wa mtu fulani.
Mtu akifa hawezi kurudi,lakini pia kumbuka zile roho alizo kuwa nazo huyo mtu hazifi mfano roho ya mauti,uchawi,ugonjwa,kukataliwa,utasa n.k zenyewe zinaendelea kuwepo.
Mchawi anakufa lakini roho ya uchawi aliyo nayo haifi,
Eliya alitoweka lakini roho ya Eliya ya kufanya miujiza iliendelea kuwepo na kufanya kazi.
2wafalme 2:14
“Akalitwaa lile vazi la Eliya lililomwangukia, akayapiga maji, akasema, Yuko wapi Bwana, Mungu wa Eliya? Naye alipoyapiga maji, yakagawanyika huku na huku, Elisha akavuka.”
Kinacho fanyika ni kwamba adui anavaa sura ya huyo mtu ali aweze kupandikiza ndani yako roho ambazo huyo mtu alikuwa nazo,kama alikufa kwa ajari basi roho hiyo itakuingia nawe utakufa kwa namna ile ile,kama ni roho ya umasikini,kuachwa,mahangaiko itakuingia ndani yako.
Kuna mtu alimuota bibi yake aliye kufa akimpatia kitu fulani,baada ya miezi kadhaa akajikuta amekuwa mchawi,kumbe ile roho ya uchawi aliyo kuwa nayo bibi yake akiwa hai imemuingia yeye.
Adui anatumia njia hii ni kwasababu watu wanao ota ndoto ya namna hii wakistuka huona ni kawaida wakisema baba,au bibi alinitokea jana kwenye ndoto kumbe tayari adui amepandikiza roho za Giza.
Ombi.
roho yoyote ambayo adui ulipandikiza ndani ya maisha yangu kupitia ndoto ya namna hii chomoka kwa jina la Yesu.
