24/02/2024
🌹សូមអនុមោទនា 🪷បុណ្យមាឃបូជា🪷 ថ្ងៃនេះថ្ងៃសៅរ៍ ១៥ កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៤ ខែកុម្ភៈ ឆ្នាំ២០២៤
ពិធីបុណ្យមាឃបូជា (Meak Bochea)🙏 ប្រារព្ធឡើងដោយហេតុ៣យ៉ាងធំៗ មានដូចជា៖
🪷១. ចតុរង្គសន្និបាទ ប្រជុំ ឬការជួបជុំប្រកបទៅដោយអង្គ៤ ហើយអង្គទាំង៤នោះមានដូចជា៖
ក. ជាថ្ងៃ១៥កើត ខែមាឃ
ខ. ភិក្ខុ១២៥០ជួបជុំគ្នាធម្មតាដោយគ្មានការណាត់ទុក
គ. ភិក្ខុទាំងនោះសុទ្ធតែជាព្រះអរហន្តសម្រេចអភិញ្ញា ៦
ឃ. ភិក្ខុទាំងនោះសុទ្ធតែជាឯហិភិក្ខុ បួសដោយព្រះពុទ្ធផ្ទាល់
🪷២. សំដែងឱវាទបាតិមោក្ខ បានដល់សិក្ខាបទរបស់ភិក្ខុ២២៧ កាលនោះទ្រង់សម្តែងជាភាសាបាលីមានសេចក្តីដូចនេះថា៖
សព្វបាបស្ស អករណំ កុសលស្សូបសម្បទា សចិត្តបរិយោទបនំ ឯតំ ពុទ្ធានសាសនំ។ ខន្តិ បរមំ តបោ តីតិក្ខា និព្វានំ បរមំ វទន្តិ ពុទ្ធា ន ហិ បព្វជិតោ បរូបឃតី សមណោ ហោតិ បរំ វិហថយន្តោ អនូបវាទោ អនូបឃាតោ បាតិមោក្ខេ ចសំវរោ មត្តញ្ញុតា ច ភត្តស្មឹ បន្តញ្ច សយនាសនំ អធិចិត្តេ ច អាយោគោ ឯតំ ពុទ្ធានុសាសនំ។ 🙏
🪷៣គាថានេះឈ្មោះថាឱវាទបាតិមោក្ខ ជាព្រះឱវាទមានសេចក្តីវិសេស១១ប្រកាដូចខាងក្រោមនេះ៖🙏
១. ការមិនធ្វើនូវអំពើបាបទាំងពួង
២. ការបំពេញកុសលឱ្យបរិបូណ៌
៣. ការញ៉ាំងចិត្តរបស់ខ្លួងឱ្យផូរផង់
៤. ខន្តីគឺសេចក្តីអត់ធន់ ជាតបធម៌ដ៏ឧត្តម
៥. ព្រះពុទ្ធទាំងឡាយតែងសម្តែងថា ព្រះនិព្វានជាធម៌ដ៏ឧត្តម
៦. បុគ្គលដែលសម្លាប់សត្វដទៃ មិនឈ្មោះជាបព្វជិត បុគ្គលដែលបៀតបៀនសត្វដទៃ មិនឈ្មោះថាសមណៈឡើយ
៧. ការមិនពោលតិះដៀល ការមិនបៀតបៀន អ្នកដទៃ
៨. ការសង្រួមក្នុងបាតិមោក្ខ
៩. ភាពជាអ្នកដឹងប្រមាណក្នុងភត្ត
១០. ទីដេក ទីអង្គុយដ៏ស្ងាត់
១១. ការបំពេញការព្យាយាមក្នុងអធិចិត្ត
🪷៣. ទ្រង់ដាក់អាយុសង្ខារ ក្នុងវស្សា៤៥ ទ្រង់បានពោលថាតទៅបីខែទៀតតថាគត និងបរិនិព្វានហើយ។
ហេតុធំៗទាំង៣នេះប្រារព្ធនៅក្នុងវត្តវេឡុវន។
(រយៈពេល៤៥ព្រះវស្សាទ្រង់ផលិតបាននូវធនធានព្រះសង្ឃ១២៥០ជាធនធានគ្រឹះ ដែលនឹងទទួលយកនូវឱវាទរបស់ព្រះអង្គទៅចែកចាយបន្ត ទើបសាសនាគង់វង្សមកដល់ពេលនេះ)🪷🙏🌹
