27/01/2023
Палаткада да той басқардық-ау. Радио микрофон деген бізде қайдан болсын, шнуры ұзыыыыыын микрофон аласың, оның шнуры топыраққа батады, шаң басу үшін жерге су себеді, оның балшығы микрофонның шнурына жабысады, шнурдағы шаң мен батпақ үстіңе жұқпасын деп бір қолыңмен микрофон, бір қолыңмен кабельді алысырақ ұстап палатканың ішінде жүресің айналып, келген ізіңмен кері жүріп, кабельді басып кетпесін деп. Сол кездегі дыбысты айтам, қандай тып тынық, қандай тап таза еді. Шағын ғана апаратура, үш жүз ваттан екі-ақ колонка. Қазір соның бәрі өтірік сияқты. Ініміз Әліби екеуміз Саина Жандосовада тұратын Шилман деген немістен арендаға апаратура аламыз. Бір күнге 3000тг. Ол әлем ақша. Олай дейтінім Тамада мен Музыкаға алатынымыз 50$ яғни 7000тг. Оның 3000тенгесін Шилманға әкеліп береміз, Шакеңде ескертіп жібереді, “тойдан кейін бірден әкелмесеңдер ақша қосасыңдар” деп. Таңға жуық тойды бітіріп, мас боп қалмаған біреуі көлігімен алып келеді, апаратураны өткіземіз. Қалтада төрт мың теңге және багаж толы сарқыт. Жалдамалы квартирамызға келеміз, сарқыт күтіп отырған балдар шетінен ояна бастайды. Таңға дейін тойдың әңгімесін айтып салатқа араласқан алма жеп немесе сок төгілген салатты жеп мәре сәре болатынбыз. Солай жүріп күнде той. Арманымыз қалада ресторанда той басқару. Ресторан болғанда қайбір ресторан дейсің, мектептің столовыйы, колледждің актовый залы дегендерде кәдімгідей дәу тойлар болатын. Жұлдыз, Дом приемов, Отырар, Жалын деген элитаның элитасы той жасайтын ресторандар болды. Ол жерлерде Амантай аға Берғалиев, Ілияс ағалар жүретін. Ол кіслердің қолын алу қиямет кезең. Қазір кейде ресторан таңдап, акустикасы нашарлау ресторанға той қабылдағың келмей тұрғанда, Аязбидің шапаны секілді, баяғыыыыы төрт мың теңгеге спорт залда басқарғаныңды ойлап қоясың…
Еске алатын әңгімелер көп екен, осыны циклды түрде жазсам қалай болар екен и а?!
