11F Sport

16/11/2024

San Marino virum Opstig an Liga C🫡

Wann San Marino e Méinden géint Liechtenstein gewënnt, ass den Opstig perfekt!
Bei engem Gläichspill, kéint een am Barrage ënnert anerem op Lëtzebuerg treffen.

15/11/2024

Lëtzebuerg verléiert géint Bulgarien🥲

Mat 1:0 mussen sech d' Jongen vum Luc Holtz geschloen ginn. Lo gëlt et fir e Méinden géint Nordirland den Ofstig an d' Liga D ze verhënneren.

Wat sot dir zum Match?

15/11/2024

Iwwerraschung am Gol!
De Ralph Schon fénkt NET un an dat als kloer Nummer 2 hannert dem Moris.
Op den Trainer hei richteg entscheed huet oder graat dat nächst Faass opmecht?

TEAM NEWS📋🔴🦁

13/11/2024

>> 🇧🇷 - De weite Wee no ënnen vum "Imperator" 😔

2000er Joren assoziért een bei Inter niewt Zlatan Ibrahimovic, Diego Milito a Ronaldo virun allem mat engem Stiermer...dem Adriano Ribeiro Leite. E Mann, deen een opgrond vun senger Schnellegkeet a sengem Kierperbau quasi guer net stoppen konnt & deen e Schoss hat dass Netz am Gol futti gefuer ass. Säin Talent gouf réischt am spéiden Jugendalter vun Flamengo erkannt, wou en seng zweete Saison guer net méi fäerdeg gespillt huet. Inter hat den Telefon an de Grapp geholl an et sollt Richtung Europa goen.

Do huet hien sech awer mat Ronaldo a Vieri staarker Konkurrenz géint iwwer gesinn an sou ass hien verléint ginn. Souwuel bei der Fiorentina a beim AC Parma wees hien ze iwwerzeechen. Bei Parma huet hien e mega Duo mam Adrian Mutu geformt, e weidere Spiller, deen spéider ofstierzen sollt. Inter hëlt den Adriano als komplette Stiermer zeréck.

Och an der brasilianescher Nationalekipp bombt den "Imperator" alles wech a suergt fir den Titel an der Copa America am Joer 2004. "Deen Titel ass fir mein Papp", seet den Adriano mat Tréinen an den Aen virun den TV-Kameraen. An do wiere mer bei sengem wonne Punkt ukomm mee fir de ganzen Kontext ze verstoen musse mer an Joer 1992 zeréck, dat Joer wou dem Adriano säi Papp an eng Schéisserei tëscht dem Militär an der Drogemafia geréit. Hien gëtt vun enger Kugel am Kapp getraff mee hien iwwerlieft. 2004 bréngt dës Kugel hien awer nach ëm: fir den Adriano, deen grad am Himmel ukomm ass, wäert et e ganze wäite Wee no ënnen ginn. "Hien huet den Telefon an den Eck gehäit, gebrëllt a gekrasch, dat kann sech kee Mensch virstellen. Mir leeft et haut nach äiskal de Réck rof", gëtt de fréiere Kapitän Javier Zanetti zitéiert.

Leeschtungen am Klub an an der Nationalekipp stëmmen no dësem Schock nach eng Zäitchen mee ëmmer méi gëtt den Alkohol säi beschte Frend. E stierzt of, kënnt no enger Lännerspillpaus net méi zeréck bei Inter a gëtt vum José Mourinho aus dem Kader gehäit. Och hunn Biller am Internet kurséiert, wou hien zesummen mat engem Mafia Boss mat engem Maschinnegewier poséiert. 2016 war seng Karriär no ville Partyen bei Miami United eriwwer. "Ech hunn ze spéit verstanen dass de wierkleche Probleem Läit ronderem mech waren", seet den 53-Joer ale Brasilianer.

2021 gëtt et e kléngt Happy End: hien däerf sech um Maracana Walk of Fame veréiwegen, do wou och Pele, Zico, Romario, Ronaldo a Ronaldinho hir Féissofdréck hannerlooss hunn. Wéi hien dës Noricht krut, huet e gekrasch mee dës Kéier waren et Tréinen vum Gléck, vun engem Fussballer dee vu sengen Dämonen an Knéien gezwongen gouf...

📷 IG / supercampeosfc

08/11/2024

Lëtzebuerger Basketdammen dreemen vun der EM2025🏀🙌

Drëtt Victoire am drëtte Match vun der EM-Quali a wat fir eng!!!

Mat 71 op 49 huet een ënnert dem Impuls vum Anne Simon an Amanda Cahill de Weltranglëschten 22. Montenegro auserneen geholl.

Eenzech d' Stëmmung an der Coque huet e wéineg ze wënschen iwwreg gelooss, dat geet e Sonndeg géint Schwäiz besser😉

07/11/2024

Luc Holtz: „Hei ass eng Linn iwwerschratt ginn“🚨

De Luc Holtz äussert sech zum Maxime Chanot an seet kloer: „Hei ass eng Linn iwwerschratt ginn, mei Staff an ech sinn attackéiert ginn an deem Communiqué….Am Oktober wollt ech den Chanot um Lännermatch géint Bulgarien op Bänk setzen, heen wollt dat awer net an huet dat refüséiert. Säin Fitnesszoustand war net gutt. No baussen hunn mer kommunizéiert, dass hien ee Probleem mam Knéi hat, dat huet net gestëmmt. De Maxime ass zréck op New York geflunn, wëll en net wollt bei senge Kolleegen bei der Nationalekipp bleiwen. Doropshinn hunn ech heen net fir dës Lännermatcher selektionnéiert. An doduerch koum dee Communiqué eraus. Ech sinn iwwerrascht iwwert dat wat so dra steet. Ech wäert hien net méi nominéieren!“

Meenungen dozou?
Beim Gerson Rodrigues war den Nationaltrainer net sou konsequent, wat mengt dir?

05/11/2024

Sporting schéisst ManCity of an Real verléiert!🔥

Spektakel puer an der Championsleague!
Sporting Lissabon gewënnt doheem mat 4:1 géint Manchester City. Den Gyökeres huet dräi Goler geschoss an ass den Mann vum Match.

Eng Iwwerraschung gouf et och zu Madrid!
Hei huet de Real mat 1:3 géint den AC Mailand verluer, déi ee super Match am Santiago Bernabeu gemaach hunn.

Liverpool setzt géint Leverkusen ee Statement! Si gewannen mat 4:0 géint dem Xabi Alonso seng Ekipp. Den Luis Diaz war hei mat dräi Goler den Mann vum Match.

05/11/2024

Maxime Chanot mat Kritik Richtung FLF!🇱🇺

Wat ass dann hei lass?
De Maxime Chanot huet matgedeelt am November net am FLF Kader wëllen dobäi ze sinn.
De Grond: Hien ass enttäuscht vun der Organisatioun an dem Emgang vun der FLF, souwuel um wéi och nieft dem Terrain. De Spiller nennt selwer awer keng Nimm, wouduerch mir also just spekuléieren kënnen ween hien mengt.

Meenungen dozou?

Foto:ig/chanotmaxime

01/11/2024

⚽️👹 Offiziell: Amorim als neien Trainer bei Manchester United virgestallt.

Déi lescht Deeg gouf vill ronderem dat Thema geschwat, elo as et vun den Red Devils konfirméiert gin.

De Sporting Coach Ruben Amorim iwerhëllt ab dem 11. November bei United an huet Vertrag bis Juni 2027. Bis dohinner bleiwt den Ruud van Nistelrooy Interimstrainer.

As dat de richtegen Coach fir den momentan 14. vun der Premier League?

28/10/2024

Vinicius Jr. gewënnt NET den Ballon d‘Or!🚨

Iwwerraschung!
Den Rodri vu Manchester City wäert den Ballon d‘Or dëst Joer gewannen, dowéinst huet Real Madrid mol keen Offiziellen op d‘Ballon d‘Or Verleiung geschéckt. De Spiller selwer wäert och mol net présent sinn.

Schlechte Verléirer oder wéi gesitt dir dat?

28/10/2024

Game Over! Ten Hag ass raus!🚨

Manchester United reagéiert op Defaite géint West Ham an geheit den Erik Ten Hag eraus.
United steet aktuell op Plaz 14 an der Premierleague.

Den Van Nistelroy iwwerhëlt mol als Interimstrainer.

Richteg Entscheedung?

Foto:manchesterunited

27/10/2024

Spektakel an der Serie A!🔥🔥

Am Topmatch tëscht Inter Mailand an Juventus Turin steet et um Enn 4:4!!

Inter war 4:2 fir éier den Yildiz zwee Goler geschoss huet an der Juve nach ee Punkt gerett huet. Domadder bleift Inter Mailand zweeten hannert Napoli an Juve bleift ee Punkt hannert Inter op der drëttet Plaz.

Meenungen zum Match?

27/10/2024

Barcelona mat perfekter Woch👏👏

Et leeft momentan fir Barça ennert dem Hansi Flick! No der Gala Virstellung géint Bayern hunn d‘Katalanen geschter Owend zu Madrid mat 4:0 gewonnen.

Barcelona steet lo mat 30 Punkten no 11 Matcher souverän op der éischter Plaz a hunn schonn 6 Punkten Avance op Real Madrid.

Wéi gefällt iech Barcelona momentan?

23/10/2024

Barcelona mat Léierstonn fir Bayern!🚨

Wat war dann do lass?
Barcelona iwwerrennt Bayern mat 4:1 an der Championsleague. Den Raphina huet Bayern quasi alléng ofgeschoss mat dräi Goler.

Domadder mussen d‘Münchener sech no zwou Defaiten hannerteneen an der Championsleague soulues Suergen maachen op der nach duergeet fir an Top 8.

Meenungen zum Match?

22/10/2024

Real schwaach, dunn weltklass!🔥

Wat ee Match am Santiago Bernabeu! Nodeems Dortmund an der Paus verdingt mat 2:0 gefouert huet, huet Madrid an der zweeter Halschennt e puer Gäng eropgeschalt an Dortmund mat 5:2 nach ofgeschoss.

Den Vincius Jr. war alt nees de Mann vum Match.

Meenungen?

Foto:realmadrid

15/10/2024

BREAKINGNEWS🚨😱

Den Thomas Tuchel gëtt neien Coach vun den Three Lions!✍️

Nach dëst Woch gëtt et offiziell.

Meenungen dozou?

10/10/2024

BREAKINGNEWS🚨

Den Rafael Nadal hält op! Dat huet den Spuenier selwer virunn e puer Minutten annoncéiert.

Wat eng Karriär, wat ee Spiller👏

Foto:ig/rafaelnadal

09/10/2024

Jürgen Klopp bei Red Bull!🚨😨

Den Hummer!
Ab Januar 2025 wäert den Jürgen Klopp Fussball Chef vun Red Bull ginn (Leipzig, Salzburg, New York, an sou weider).

An sengem Kontrakt steet anscheinend drann, dass heen di däitsch Nationalekipp an der Zukunft kéint iwwerhuelen.

Meenungen dozou?

Foto: ig/kloppo