العرس الليبي

Name: العرس الليبي
Address: Tripoli/, Tripoli, 00218, LY
Telephone: 0918101704
Rating: 4.6

Home
Libya
Tripoli
العرس الليبي

www.3rs.ly أفضل دليل لخدمات العرس بليبيا للاطلاع أو اضافة اعلانكم زورونا
(22)

07/08/2023

صبحكم بالخير والرزق والأفراح🩷🩷
هادوا الصور وصلوني على الصفحة 🤫
تحبوا التقديم هكي يكون في الحفلة او اتحبوه زمني؟؟🙂
عندكم اقتراحات أحلى🎆🎀

💥ترا العشي من وين؟!!................................................................................... 🤍💙وإن شاء الله ديما أفراح 💙🤍

26/02/2023

صباحكم فل وعسل حبيباتي ...
انكملووا بقية عادات وتقاليد الأعراس في مدننا الجنوبية ...
كملنا من يوم الثلاثاء اللي لبست فيه عروستنا الفيلوا وقاعدت في حوش اماليها 😄
يوم الإربعـــــاء ...يكون زي يوم القفة ويسموا فيها الجهــــاز ..يجيبوا للعروس ملابس واردوات بدلة كبيرة واصغيرة ومور وعطور وبخور وذهب ...إلخ علي حسب المقدرة ...وطبعا الزكرة اتكون حاضرة بقوة وبالنسبة لنوع الأكل في الاغلب يديروا في فتات ياا في العشي يا في الغدي علي حسب 😀😀
لو عندكم صور لليوم هدا ابعتولي على الخاص ننشروهم في صفحتنا ياحلوات

21/02/2023

صباح الخيرات حبيباتي ...يومكم مبرووووك
نجوا لي الجزء الثالث من تقاليد وعادات العراس في جنوبنا الحبيب
يوم الثلاثــــــاء :
تلبس عروستنا الفيلووو متعها وتنزف هي وعريسها او من غير عريسها عادي علي حسب كل عيلة ويحتفلوا بيهم لكن اخر الحفلة كل حد يروح مطراحه هههههه (صححولي لو غالطة) ....

18/02/2023

صباح الخير عليكم سبهاويات اوباريات وكل الجنوبيات الغزالات 😍
انجوا انكملوا الجزء الثاني من رحلة العروسة بدينا السبت ..الاحد رااااااحة ...الاثنين لبس البودري نبدوا بسم الله
يوم الاتنين تنوض عريستنا وتحني يديها ورجليها وتلبس البودري ويجوها صاحباتها واحبابها يلتموا عندها لكن طبعا اهل العريس مهناش .....
تقعد لابسة البودري اليوم كله ويقدمولهم واجب الضيافة الغدي يكون مقطع زي الرشتة او الرشدة ( اي حاجة مقدور عليها ...) وطبعا العصير والحلويات الزمنية زي المقروض والغريبة والكعك المالح والشاهي حاضرات بقوة
تقريبا هدا هو كامل في اليوم التالت ...
لو فيه تفصيل معين انسيته اكتبهولي في التعليقات ..منورات حبيباتي 😘

16/02/2023

حبيباتي صباحكم سعيد ويومكم مبارك 😄 اليوم حنتكلموا علي عادات الأعراس في المنطقة الجنوبية زي سبها وأوباري وضواحي أوباري زي تكركيبة وقرارة وبنت بيه وفخفاخة وغريفة وكل بوست حنتكلموا علي كل يوم بالتفصيل ...👍✌️
ونبدوا بأول يوم 👀اللي هو في العادة يكون السبت ويسموه (الاعداده) واللي نفسه يقروا فيه الفاتحة وهدا اليوم يبدأ من بعد العصر يجوا امالي العريس ويجيبوا معاهم سبيزة (مواد غدائية ، مواد تنظيف ، فواكه) لأهل العروس ويضيفوهم شاهي وحلويات وموالح على المقدور عليه ..وطبعا امتى انقولوا أهل العريس معناها أمه وخواته وخالاته وعماته ونساوين العم ..يعني كللهم كللهم 😄
بالنسبة للعروســــــة👰‍♀️ تكون مقعمزة في غرفة الجلوس أو الضيافة لابـــــــسة ردي
وهدا هو بالنسبة لليوم الاول 😄...اللي عنده تفصيل يعرفه بزيادة يكتبلنا في التعليقات 😘

11/02/2023

حبيباتي عريساتي في المنطقة الجنوبية أجدع واطيب ناس 😍..زي مانعرفوا انه الفيس بوك قرب علينا المسافة بين المدن 😃 فلذلك صفحة العرس الليبي متميزة بأنها تعرفنا علي عادات وتقاليد جميع المدن الليبية في الاعراس 💍فلوعندكم صورة لأي تقليد تمارسوا فيه في اعراسكم تبعتوه للصفحة نعرضوه فيها وتفاصيل هذا التقليد 😌 متورات حبيباتي

28/01/2023

مساءكم جميل 😊
فيه أحلى من المنسف في التقديم ؟😍
العشاء : مطعم تقسيم

23/01/2023

يسسسسلام علي كراسة التبريكات 😍
أكيدة مارين عليكم عراس مطبقينها الفكرة هادي💕
فكرة حلوة فعلاً ومش مكلفة 💰🔻

22/01/2023

النزاكة في التقديم 😍 هادوا شوية افكار يساعدوكم للي عرسها قريب 🩷
مافيش احلى من🪴🌺

17/01/2023

العشي من مطبخ أطباق وأذواق🍽
الحلو من هلا كيك🍰☕️
ألف مبروك للعرسان 🤵‍♂️👰‍♀️

14/01/2023

اللهم اجعل لنا مع كل قطرة مطر تفريجاً وسعادةً ، ورزقاً ، وعافيةً وستراً ، وتيسيراً لكل عسِير❤️🤲

13/01/2023

اللّهم يا حي يا قيوم يا ذو الجلال والإكرام، اهدنا في من هديت، وعافنا في من عافيت، واقضِ عنّا برحمتك شرّ ما قضيت، إنّك تقضي بالحق ولا يقضى عليك.🤲
جمعتكم مباركة أحبائي .. هدا صورة الحلو من أسبوع في صالة لازورد في حي دمشق 🩷👼

10/01/2023

فيه أحلى من الزمني فوق تقديم 😍
مبروك للعرسان ربي يهنيهم ويسعدهم 🤲🤵👰‍♀️

08/01/2023

وهذا عرسنا لليوم 💘 ربي يهني العرسان ويسعدهم 💕وعقبال للي مازال 💍

08/01/2023

الكالامار المحشي أكلة راقية وجميلة لعشاق الأكل البحري🐬🦈🪼🦑 لو اتقدم في عرس هل تتوقعوا المعازيم حيعجبهم أو لا؟؟👀

08/01/2023

يومكم مبروك 🌻 إن شاء الله أيامكم كلها خير وفرح وسرور وهلبا خييير 🌹🪷🌷 أ
شن رأيكم في فستان العرس امتى يكون من غير طرحة تاج بس ويكون ستايله زي في الصورة ؟؟

Address

Tripoli/
Tripoli
00218

Telephone

0918101704

Website

http://www.3rs.ly/

Alerts

Be the first to know and let us send you an email when العرس الليبي posts news and promotions. Your email address will not be used for any other purpose, and you can unsubscribe at any time.