Гола Планина колектив / Naked Mountain collective

06/03/2024

💮Дечки, ни требаа неколку дена да се собереме, одмориме, и сфатиме што направивме во недела..
Фала ви на сите што дојдовте и помогнавте да го оствариме ова!⭐
Планината веќе има стебла, уште повеќе ќе соработуваме за да ги зачуваме и да никнат нови.

🎆Огромна благодарност до:

mk shkola

кои помогнаа во целата организација!

📷Фотографии:
1-5:
6: Жарко Трајаноски
7-10:

Знамето ќе се вее!
Вашите голопланинци💙

Се гледаме на Синестетика.

03/03/2024

❗ИЗВЕСТУВАЊЕ❗
Бидејќи ЕВН не ни уклучија струја, ќе ни треба поголема поддршка за да го овозможиме фестивалот!
Се надеваме на вас, бидејќи немаме друга опција, а фестивалот ќе се одржи.
Кутиите за донации се тука!

Поради тоа настанот ќе се одложи и ќе почне во 13:00!

02/03/2024

🌌За добра ноќ, пред утрешниот настан го најавуваме нашиот другар М.И.К кој ќе не забавува денски со негова селекција на македонска музика.

👉Не заборавајте, 12:00-00:00, местото кое постарите го викаат нов дел, помладите стар дел, но точно на летната сцена Лепеза.

Се гледаме утре⭐

02/03/2024

💮Кокиче е трио со Филип Методиев на гитара, Дарио Циевски на тапани и електроника, Теодор Јуруковски на синтисајзер. Станува збор за импровизирана музика околу теми кои шараат од џез и класика до некаков си рок и ноиз. Сè уште млади како бенд, полека и сигурно го обликуваат својот звук, кој се сотои од детски мелодии, богати хармони и чудни звуци со шашави тапани.

📍Утре на Лепеза! 12:00📍

02/03/2024

🌀Conspiracy e треш/хеви метал бенд од Скопје основан во 2016 година, кога пројавува желба да твори своја музика и да навлезе во водите на брзи и хеви рифови. Големата упорност ги однесе по еден пат кој полека, но сигурно, ги доведе до студио за да го креираат својот прв албум „Dehumanized“ во 2019 година. Со желбата повторно да настапуваат со нов материјал, го издадоа својот прв сингл на македонски јазик наречен “Гнев”, заедно со видео спот. Моментално се во изработка на својот втор албум кој ќе биде издаден во 2024 година!

СЕПАК СЕ ВРТИ! Утре на Лепеза во 12:00🎆

01/03/2024

🌑Lost In Reverie е нов македонски бенд, формиран во декември 2022 година во Скопје. Последната година неуморно работат на создавање на нова, свежа авторска музика. 

Претставуваат мешавина на повеќе жанрови и музички стилови кои се движат од поп-панк до метал, со доза на прогресивни и shoegaze елементи, секогаш тврдо приземен во емо и пост-хардкор. Бендот работи на својот деби албум со нетрпение чека да го издаде подоцна во годината.

🚨Прв настап ќе им биде на СЕПАК СЕ ВРТИ во недела во 12!

01/03/2024

🌄Јоана Ристеска е соло-артистка и инструменталистка од Скопје која настапува под своето име, „Јоана“. Изведува и компонира музика за акустична и електрична гитара, а од неодамна, со помош на неколку клучни гитраски педали, ја истражува можноста за проширување на гитарскиот звук кон слоевита оркестарска димензија, потопена во реверб и корус. Се нурнува во екскурзии од долги лупови и беконечни, хипнотични делници кои се преплетуваат. Нејзиниот уметнички сензибилитет опфаќа различни жанрови, од класична-современа и филмска музика до експериментален рок, блуз и амбиентална музика, а инклузивноста и играта ѝ стојат како клучни елементи во креирањетo.

📢Вечер се загреваме во Буква .mk од 20:00!

29/02/2024

✨АТА е музички соло проект започнат од Атанасија Гулевска во 2021 година. Класифицирана од некои како darkwave, trip-hop, музиката на овој проект е впуштена во аванатурата на непрестаното спознавање низ звукот.

Во недела на СЕПАК СЕ ВРТИ! ⭐

29/02/2024

💥Ендемски Вид е експериментален „В.И.С." од Кавадарци, формиран во 2019 година.

Бендот започнал како собир на другари со заедничка цел на пост-работни џемови и кавер песни, а потоа прераснува во авторски бенд. Имаат настапувано на Гитаријада во 2022, како и на Лузер Фест во истата година, и моментално работат на авторски материјал.

📍03.03. // 12:00 // Градски Парк, Лепеза📍

28/02/2024

👁️Огнен Златанов е соло проект на истоимениот музичар од Скопје. Има остварено и повеќе колаборации со разноразни музичари - од скопските Луфтанза до белградските Тапан, a можеби е најпознат како поранешен член на состаовт Перија. На фестивалот„ Сепак се Врти“ ќе настапи премиерно со дел од композициите кои ќе се најдат на неговиот прв албум. Албумот ќе излезе наскоро под капата на The Deepest Purple Club, нова скопска издавачка куќа на која тој е основач заедно со Теа Шалдева, која ќе го придружува на сцената на 3-ти март.

28/02/2024

🍑PEACH VICE е пост-пандемски бенд, роден од бурата на пред-пандемскиот човек. Метафизичко дијалектички битија, со потреба за хаос и бес, ширење позитивен гнев и желба за развивање (не)свест, бендот се оформува во конечната форма
пред крајот на 2022 година. Првиот албум именуван„ EKIPIZZA“ им излегува на 31.01.2023 година и неговите хардкор-панк-метал-рокенрол-џез рифови уште ја тресат скопската сцена. Првото јавно излегување им е на фестивалот „Земјотрес 11“, а својот уметничко-бесен врв го достигнуваат на Д-фест.🔥

03.03. // 12:00 // Градски Парк, Лепеза ќе биде Пичвајс!

27/02/2024

📢Збунети и тврдоглави гитари кои тонат во река на меланхоличен вокал е најдобриот опис на звукот на Кенопсија - нов бенд кој расеано прескокнува конкретна жанровска определба, црпејки влијанија од разни музички и уметнички правци. Со еден албум позади себе, Кенопсија се спремни да ги преточат своите чувства во енергичен настап во недела на првото издание СЕПАК СЕ ВРТИ!

👉Купете си стикер-карта во Котур , Микропаб@micropubskopje , Буква .mk и Old School .shkola !

27/02/2024

🎆Дојдете да се запознаеме пред големата журка во недела! На 01.03 / петок вечер ќе се собереме во Буква .mk за СЕПАК СЕ ВРТИ pre-party. Голопланинците ќе пуштаат музика, чујте од кај се инспирираат, па во недела во парк видете дали добро научиле од неа!

PRE-PARTY:
01.03. // 20:00 // Буква

СЕПАК СЕ ВРТИ:
03.03. // 12:00 // Градски Парк, Лепеза

Планината е гола!⛰️

27/02/2024

🌄KЕМ се бенд кој во својата музика инкорпорира разни жанрови меѓу кои хип-хоп, инди, соул, RnB. Основани се во 2020 година во Скопје. Го издаваат нивниот прв сингл „Не си сам“, проследен со албумот „Columba Noachi“ во 2022 година. Нивното најново издание е синглот „ЗАВИСТ“ (2023), а снимија и лајв сесија со xotel music. Во меѓувреме го подготвуваат својот нов проект „КАМЕН ПЛАМЕН ТАТКО“.

📍03.03. // 12:00 // Градски Парк, Лепеза📍

26/02/2024

📢Време е за најмладите
♟️Црно собрание започна како школски бенд во скопската гимназија “Никола Карев”, но подоцна почнуваат да се бават со творење авторска музика надвор од училишните активности. Својот широк обем на стилови го имаат покажано на разни фестивали, вклучувајќи го и средношколскиот фестивал „Три дена култура“ како и претходните две изданија на „БГ Инвазија” во Белград каде имаат освоено награди.

Овој пат ги слушаме само со авторски песни!

📍03.03. // 12:00 // Градски Парк, Лепеза📍

⛰️⛰️⛰️

26/02/2024

🚨Корпорација Вагина се пост-панк и психоделичен-рок бенд од Скопје. Инспирирани од црнилата од својот град но и од непобедливиот ентузијазам на своите другари музичари, туркаат напред со експлозивни концерти кои ја повикуваат публиката на танц и на бес. Си играат и со нивниот визуелен пристап, чија кулминација беше 50-минутниот концертен филм „Дали ова е живо?“ кој неодамна го издадоа. Освежени од турнеја во Србија и Словенија, повторно во Скопје!

📍Фатете ги на 03.03. во 12ч. Парк / Лепеза📍

❗Фестивалот е потполно независен, затоа не заборавајте да си купите стикер-карта во:
/ .mk / / .shkola

24/02/2024

Благодарам Радио МОФ!

Во Градскиот парк во Скопје, во делот кај сцената „Лепеза“, на 3 март од 12 часот ќе се одржи првото издание на „Сепак се врти“, потполно независен DIY фестивал на кол....

24/02/2024

❗Дечки, уште едно потсетување каде може да си купите стикер-карта

Се гледаме на 03.03👋

23/02/2024

🌄Ви го претставуваме првото издание на „СЕПАК СЕ ВРТИ“, потполно независен DIY фестивал на Гола Планина, кој му пркоси на зачмаеното стоење во место со музика и другарство.
Додека градот се дави во сопствената статика, овој фестивал е тука да докаже дека светот не се врти околу скопската ентропија.

📢Присуството е бесплатно, но можете да го поддржите фестивалот со тоа што ќе си купите „карта-стикер“ денес после 18:00 часот во КОТУР, Old School, Mikropub како и со донации на самиот настан. На целодневниот фестивал ќе можете и да си купите мерч од сите бендови кои ќе настапуваат, а и другите бендови на Гола Планина.

📍03.03 // 12.00 // Градски Парк, Лепеза.📍

Настапуваат:
АТА
Црно Собрание
Conspiracy .mk
Ендемски Вид
Јоана Ристеска
Кокиче
Кенопсија .mk
КЕМ
Lost in Reverie
Огнен Златанов
Peach Vice
Va**na Corporation

Планината е гола! ⛰️

12/02/2024

🏔️ на турнеја!🏔️

Фатете нѐ каде и да ќе стигнете,
15.02. - Котур (Скопје, Македонија)
17.02. - Југошпед (Белград, Србија)
18.02. - Црна Куча 13 (Нови Сад, Србија)
22.02. - МЕНТ (Љубљана, Словенија)
23.02 - Авла КД (Железники, Словенија)

За повеќе настапи ќе ве известиме. Се гледаме!! 🏔️

06/02/2024

ЗАНАДУ : ХОТЕЛ .music

Еден топол летен ден, во 2 часот навечер, после еден цел ден поправање технички проблеми, снимивме уште една ХОТЕЛ сесија во .studio .

Гледајте .music . Планината е Гола!🏔️

07/12/2023

🏔️НАПРАВИ ЗАЕДНО!🏔️

Во петок (08.12.2023) на отварањето на .ratorium ние, Голопланинците и нашите другари од .mk организираме 3 работилници кои ги обработуваат темите поврзани со DIY (Направи сам) културата. Покрај нас, ќе поканиме различни активни луѓе од истата сцена, со што ќе имате прилика да се запознаете и позборувате.

Трите говорници кои ги имаме се сестрани, отворени луѓе, активно вклучени во случувањата на нашата музичка сцена. Дојдете да научите нешто, да дискутирате и да се дружите.

Планината е Гола!🏔️

28/11/2023

🏔️ПЛАНИНАТА Е ГОЛА НА !!

Скопје. Челик и бетон можеби го дефинираат неговиот физички пејсаж, но нашата музика вдишува живот во неговата суштина. Ќе ни биде чест да ни се придружите во славењето на овој брак на урбана цврстина и уметнички израз.

⚡️енергија, играње, нови пријатели...

Дојдете да видите и искусите, Планината е Гола!!

#2023

23/11/2023

🏔️ГОЛОПЛАНИНСКА САБОТА🏔️

Оваа Сабота (25.11.2023) ја оголуваме планината!! Куманово и Скопје, Планината е Гола секаде. Дојдете да се дружиме, да слушаме добра музика и играме.

⚡️.

20/11/2023

.music КЕМ: СОБА 047 OUT NOW!

Гола Планина колектив се труди на публиката да и го претстави новиот бран на музика, преку различни медиумски проекти како што е .music . Курирано од нас и со огромно задоволство ви ја претставуваме третата епизода од новата сезона. Линкот е во био. Планината е Гола!🏔️

studio

19/09/2023

🏔ГОЛА ПЛАНИНА STAGE🏔
На 15.09.2023, Планината го стави градот во сенка и му даде нова причина за живот. Звукот на скопските улици и приказни, со вас, нашите другари. Нема потреба од повеќе текст, ПЛАНИНАТА Е ГОЛА!🏔

фотки од

#голапланинаколектив

12/09/2023

🏔ПЛАНИНАТА Е ГОЛА!🏔

На 15.09.2023 (Петок) на фестивалот "Звуците на Скопје" во соработка со .informativen.centar 4 наши бендови ќе ја покажат енергијата на новата сцена, чисто и нефилтрирано.

На нашата сцена ќе се и , а на сцената на плоштадот Мајка Тереза ќе се . Повеќе од програмата можете да видите кај .informativen.centar , ние ви препорачуваме да видите сѐ!

Уште еден Голопланински петок, не застануваме тука! Се гледаме! 🏔🏔

#ЗвуцитеНаСкопје #голапланинаколектив

06/09/2023

Луфтанза во Прилеп, фотки од настанот што се случи на 26.08.2023. Планината е гола!! 🏔

31/08/2023

🏔ГОЛОПЛАНИНСКИ ВИКЕНД🏔

Ние сме овој викенд на тркала, дружби и спомени. Дојдете на сѐ, да го доживеете движењето со нас.

#ГолопланинскиВикенд

12/07/2023

Домашна работа, 18-21ч.

Заедно со Васил Буралиев, Бојан Станиќ, Јован Близнаковски, Леон Шумански и други.

се слушаме
http://radiostream.neotel.mk/kanal103
https://radio.spodeli.org/kanal103/
http://tunein.com/radio/Kanal-103-1030-s48037/

ВБУ Музички регистар Ponder Гола Планина колектив / Naked Mountain collective
Ишџан Твин - Ishjan Twin