Zero.mn

06/03/2024

Хуулийн дагуу үзээд болохгүй бол… Хуулиас гадуур үзнэ…
Zura III “Цэвэрлэгээ” УСК -ны урьдчилсан захиалга нээгдлээ.

Авлигал хээл хахуульд идэгдсэн шүүхийн өмнө Прокурор Ганзориг хүчин мөхсөдөж шударга үнэний төлөө хуулиас гадуур тэмцэлдэхээр шийднэ. Харин энэ удаад тэдний шуда...

17/02/2024

19/01/2024

Үнэний өгүүллийг өргөн дэлгэцнээ тунхаглагч П.Золжаргал

Storytelling redefined. Igniting action. Unread is a hybrid media company that empowers the next generation through disruptive storytelling and experiences.

14/01/2024

Баавгай болохсон МУСК(2023)
Dir. П.Золжаргал

Хичээвэл болно. Ус уу. Дасгал хөдөлгөөн. Ном унш. Зөв хооллолт. 8 цаг унт. Бясалга. Доллар. Тэтгэлэг. Валют. Бирж. Хувьцаа. Бизнес. Арилжаа. Хичээвэл болно.
Манай зөв дадал зуршилт гайхал сайхан амьдралын хэв маяг, маянд сэт, хувь хүний хөгжлөө ярин урам өгөгч нөлөө бүхий хүмүүсийн ярьдаг зүйлс. Мэдээж хичээвэл болно. Гэхдээ эхлээд хүнээс царай алдахаа болиод ганц усны тэрэгтэй болчих юмсан. Ганц л байхад болно оо. Тэгвээс эхлээд өдөрт 2 литр ус... ус гэснээс усны мөнгө байгаа бил үү. За тэр яах вэ ус авчих хэдэн цаас бол бий. Манайх гэдэг айл түлэх нүүрсгүй болохоор гэр нилээн жавар даасан байна. Ядахнээ манай орон өвөл хахир байхыг яана. 2 литр ус уух ч дүүрч халуун юм ууж дулаацах минь гэсэн чинь тог тасалчихсан. Зуух түлэх түлээгүй юм хойно юу гэж халахав. Хэдэн дүү нараа осгоод хулжихаас нь өмнө хулгайгаар модонд явахгүй бол болохгүй. За тэр байгаль эх минь ч яахав. Эх дэлхийгээ хайрлаад дүү нараа алдалтай нь биш. Бас нээрэн зөв хооллох ч яахав эхлээд голоо зогоох жаал юм олж ирэхгүй бол ч. 8 цаг унтахад 24 цаг маань хүрдэггүй ээ. Тэтгэлэг аваад гадаадын сургууль дүүргээд ажил төрөл хийгээд муу ээж, дүү нараа жаргаачих юмсан. Байг гэхэд ходоод дүүрэн, дулаахан байлгах юмсан. Даан чиг хичээл номоо хийе гэвч ард минь хоосон хөргөгчтэй, хүйтэн оромжинд минь буй дүү нар намайг баяжихыг хүлээж дөнгөхөөргүй нөхцөлтэй. Ай
Тэр хувь хүний хөгжил, эрүүл зөв амьдралын хэв маяг яах вэ эхлээд амьд үлдчихвэл тэд нарыг дараа болъё.

Энэ кино ердөөс дэндүү гэмээр хөрсөндөө буучихсан. "Байвгай болохсон"-г үзэхээс өмнө ажаад байхнээ хүмүүсийн яриа, дурдсан бүхэн нь дийлэнхдээ л хөрсөндөө буусан, байгаа байдлыг үнэн бодитоор харуулсан гэх мэт үгсийг шууд зоочихсон үгүй гэхэд тийм утгатай зүйлс бичсэн байлаа. Тиймээс миний эл киног хамгийн эхэнд өөрийн мэлмийд буулгахаас урьтаж дүгнэсэн дүгнэлт нь "хөрсөндөө буусан". Тэгтэл би хөрсөндөө буусан гэдгийг чамин ганган зүйлсгүй, 4-н довны голд буй тосгонг маань гоё сайхан мэт үзэмжээр зураглаагүй, сүртэй ухаалаг харилцан яриа, хэтрүүлсэн жүжиглэлт, зовлон жаргалын хязгаарыг тааруулсан гэж бодож киногоо эхлүүлсэн. Гэсэн ч кино эхлэхэд л бидний ойр тойронд өөрөө хэлдэггүй гэхэд сонсогдож л байдаг 'писда, ална шүү' гэдэг үгээр жаахан бацаан гэрийнхнээ хараан миний хөрсөндөө буух гэдэг ойлголтыг давуулан биелүүлсэн нь тэр. Цаашлаад 10 жилийнхэн тэр дундаа дунд ангийнхан шилтэй архи тойруулан ууж ид хөлчүүрхээд хөгжим тавиад бүжиглэнэ. Тэр нь Roockie-ийн "Uuriinhuuruu" байх жишээний. "Баавгай болохсон" эхлэх цагаас дуусан дуустлаа Монгол улсын амьжиргааны түвшин тааруу айл өрх Улаанбаатар хотын үнэн бодит төрхийг шүүлтүүргүйгээр харуулсан маш сайн бүтээл. Ийм уран бүтээлийг бид хүссэн кино театрдаа очоод үзэж болохоор нөхцөлд байгаа нь том завшаан.

Өлзийбат/гол дүр/ маань анхны мөн хотын олимпиаддаа амжилттай оролцож зорилгодоо хүрэх зам нь нээгдсээр гэвч үнэн хэрэгтээ дээрдэж байгаа юм огт үгүй. Хичээж байгаа атал улам л дордоод ээж нь мөнгө төгрөг явуулахгүй, дүү нь ханиад хүрч халуураад, хичээлээ бэлдэх ч завгүй болон амьдрахын тулд ажил хийн хичээлээ салгардуулаад, охин дүү нь хийсэн бугуйвчаа зарчих гээд хүн амьтан царайчилж байгаатай учраад, нохой нь ч осгон улам л доройтон хат нь мохох шиг. Яалт үгүй нохойгоо оршуулчихаад нулимс унагаж эхлэх нь тэр. Би бээр улам л кинондоо ороод уйлдаг хэсэг дээр өмнөөс нь бүхнийг хаяаад зугтчихмаар санагдаж байтал уужуу сайхан сэтгэлтэй өвөө дотроо онгойтол уйлчих гэхэд нь "би уйлмааргүй байна, тэгвэл ялагдчих юм шиг санагдаад байна" гэхэд нь их гайхсан. Мань хүн бууж өгөх нь бүү хэл энэ талаар бодоочгүй гэлтэй. Би бол Өлзийбатыг сэтгэл зүйн хувьд нас гүйцсэн эр хүн гэж хэлнэ. Тэрэнд өвөөгийн хэлснээр одоо үнэхээр зүгээр тусламж л хэрэгтэй. Тэр яаж хийгээд болгоно, бүтээнэ.

Киноны төгсгөлийг би яах бол хэмээн хүлээж суулаа. Мэдээж ээж нь хүүхдүүд дээрээ ирээд энэ киног кино гэдгийг нь сануулах гэж байгаа юм шиг найруулагч нь "хөөе киногоо төгсгөх гээд байна чи нэг жаахан ухаараад ажил төрөл хийгээд мөнгө төгрөгтэй болоод төгсөөдөх" гэсэн юм шиг ямар нэг дэндүү жаргалтай төгсгөл нь чөлөөт уналт байх болно. Эсэргээрээ үхэж үрэгдээд салж хагацаад уйлаан майлаан болоод төгсвөл бидний үзэж яншсан хорвоогийн дэндүү гэмээр зовлон зүдгүүрийг нуруун дээрээ үүрчихсэн, кино шүүмжлэгчдээс дандаа салаавч авдаг, юм мэдэхгүй үзэгчдээсээ хэдэн цаас хармаалаад Монгол кино үзэх итгэлийг нь сараачаад сарнидаг кинонууд шиг болчихно. Тийм болохоор энэ 2-ын дундуур л төгсөх ёстойг энэ киноны сайн нэрээс нь мэдэж байлаа. Гэхдээ яг яаж төгсөх нь сонирхол их татаж байсан. Тэгсэн чинь зүгээр л төгсчихсөн. Үнэхээр л хөрсөндөө бууна гэдэг нь энэ. Чингэхдээ би ерөөс хэтрүүлээгүй эл кино л дэндүү "хөрсөндөө буучихсан".

Энэ киноны хамгийн өр өвдмөөр зүйл нь манай гол дүрийн хүүгийн энэ амьдрал ганц түүнд байгаа юм биш өдгөө Монголд хэдэн мянган хүн нүүрсний мөнгө бодож амьдарч байгаа. Мөн энэ нь өнгөрснийг сөхөөгүй яг одоо бидний амьдарч буй газрын үнэнхүү байгаа байдал. Энэ кино угтаа бидэнд үнэнийг л сануулна. "Баавгай болохсон" бол ҮНЭН.

Миний анзаараагүй мөн дурдаагүй үгээр илэрхийлж чадаагүй зүйлс зөндөө байгаа учир угтаа та өөрөө л энэ киног үзэж мэдрэх хэрэгтэй. 24онд заавал үзэх дотоодын уран бүтээлүүдийн маань нэг шүү. Кино театруудаас буухаас нь өмнө амжиж үзээрэй.

13/01/2024

НAЙРУУЛАГЧИЙН ЗАХИДАЛ ✉️🐻

Намайг 13 настай байхад ээж дахин гэрлэснээр би Зүүнсалааны гэр хороололд амьдрах болсон юм. Ээж хашаандаа жижиг хүнсний дэлгүүр нээж, би хичээлгүй үедээ ээждээ тусалдаг байлаа. Манай дэлгүүрийн үйлчлүүлэгчид олонх нь тос, сахар граммлаж авдаг, цалингаа буутал түр талхнаас эхлээд ариун цэврийн хэрэглэл хүртэл зээлж авдаг тийм л хүмүүс байдаг байв. Шуудай нүүрсний мөнгө олоод, өнөө шөнө хэдэн бор хүүхдээ дулаахан хонуулах нь гээд инээгээд орж ирдэг аав ч тэдэн дунд бий.
Гэтэл 2017 онд “Утааг Устгая” уриатай жагсаал талбай дээр болсон юм. Түүнтэй холбогдуулан цахим орчинд “Хөдөө рүүгээ зайл”, “Оркууд биднийг хордуулж байна” гэх коммент, постууд олноор харагдах болов. Бодит байдал дээр арын энгэрт хэн ч дуртайдаа нүүрс, дугуй, гялгар уут түлдэггүй атал үүнийг ойлгохгүй чичлэх хүн олон байгаа нь намайг үнэндээ гайхахад хүргэсэн. Улаанбаатар хот маань байрныхан, гэр хорооллынхон гэж хоёр хуваагдаад, нэг нэгнийхээ шаналал эсвэл баяр хөөрийн шалтгааныг мэдрэхээ байгаад, хоёр өөр тийш хараад суучихсан хүмүүс шиг болжээ гэдгийг би тэр үед ойлгож, “Баавгай Болохсон” киноны санаа анх төрсөн.
Кино бол хүний сэтгэлгээ хандлагыг өөрчилж чадах хамгийн хүчтэй урлаг гэдэгт би итгэдэг. Энэхүү гэртээ түлэх түлээгүй, бүхнээ золиослон сайн боловсрол олохоор тэмцэж буй нэрэлхүү 15 настай хүүгийн түүхээр дамжуулан манай нийгэмд байгаа архидалт, хүчирхийлэл, агаар, хөрсний бохирдол гэх мэт асуудлууд бүгд зүгээр ЯДУУРАЛ гэдэг өвчний шинж тэмдэг болохыг, бид өвчний шинж тэмдэгтэй бус уг үндэстэй нь тэмцэх хэрэгтэй гэдгийг, ядуурлын занганаас хүнийг сайн боловсрол гаргаж чадах тул нийгмийн эмзэг бүлэгт тэгш сайн боловсрол олох боломжийг олгохын төлөө хөдлөх хэрэгтэй гэдгийг ойлгуулах зорилготой юм.
Мэдэх, мэдрэх хоёр тэс ондоо. Мэдсэн хүнээс мэдэрсэн хүн илүү бодитой өөрчлөлт гаргахаар хөдөлж эхэлдэг. “Баавгай Болохсон” уран сайхны киногоор дамжуулан буруу хараад суусан хотынхоо хүмүүсийг нэгийг нь нөгөөд нь мэдрүүлж, эвлэрүүлж, нэг нэгнээ илүү хайрладаг болгож өөрчлөхийг хүсч байна.

Найруулагч Пүрэвдашийн Золжаргал Zoljargal Purevdash

31/12/2023

Улаан Явар УСК 1 сарын 1 нээс бүх кино театрын дэлгэцнээ 🔥
📣Тасалбараа яг одоо захиалаарай 📣
🎉Шинэ жилийн мэнд хүргэе🎉
Urgoo Cinema Tengis Cinema Prime Cineplex Mongolia CinemaNext Gegeenten Entertainment Center Soyombo Cinema Zero.mn
#Улаанявар

21/12/2022

Оочирлож цагаа үрэх шаардлагагүй, шууд л апп-аасаа хүссэн кино театртаа хүссэн киногоо суудал, цагаа сонгоод захиалаарай! 🎬

Өндөр түвшний технологиор усан доорх зураг авалтыг авч, цэнхэр гарагийг төгс харуулсан бүтээл 🌊🐋 АВАТАР: УСНЫ ЕРТӨНЦ-ийг цаг алдалгүй, хамгийн хялбар захиалж үзэх боломжтой.

📌 MonPay апликейшн 👉 "Мини апп" цэс 👉 Zero.mn

Апп татах, шинэчлэх линк: https://monpay.mn/app.html

MonPay, "хялбар" байлаа.

21/09/2022

🚨ТОДРУУЛГА🚨

Avatar киноны 2009 онд гарсан анхны ангийг Дэлхий дахинаа 2022.09.23-ны өдөр кино театрт дуу дүрсний өндөр чанартайгаар дахин сэргээн гаргаж байгаа билээ.

Үүнтэй холбоотойгоор тус киноны тасалбар борлуулагдаж эхэлсэн бөгөөд 2022 оны 12-р сарын 26-нд нээлтээ хийх 2-р анги болох кинотой андуурч захиалга, худалдан авах хийх тохиолдлууд олон гарч байна.

Иймд үзэгч та бүхэн 9-р сарын 23-нд буюу энэ Баасан гарагт нээлтээ хийх Avatar кино нь тус киноны 2009 онд хийгдсэн анхны анги бөгөөд дэлхийн кино театрын зах зээлд сэргэлт авчирсан гэгддэг тус гайхамшигтай бүтээлийг эргэн сануулах, үзэж байгаагүй хүүхэд залуус болон киног кино театрын орчинд өндөр дуу, дүрсний чанартайгаар дахин мэдэрч үзэх боломжийг олгох зорилгоор кино театрын дэлгэцнээ дахин нээлтээ хийж байгааг анхаарч сонголтоо хийнэ үү.

👉 -ийг -ээр дахин үзэх бол...👇

☎Утсаар захиалга өгөх: 77117711
🌐Цагийн хуваарь харах, онлайнаар тасалбар худалдан авах: bit.ly/Avatar-IMAX

#ГайхамшигҮргэлжилсээр

21/04/2022