18/09/2024
Hallo, goeiedag eem, bonjour,
Meinsen van het goede leven, noa een enerveernde 11de editie, stut ok dit joar ut joarlukse riedeltien weer opt programma. Noa een pittige reeks van overleg mit wetsdienaarn, hebt we ok disse ronde weer gruun licht ukreegn. Dat holt in daw oons wederum drok maagn holdn mit ut umdoopn van de Halleweg tot an Heineken Boulevard. Uuteindelijk wet ok elk meinse weh dat iederene heelmoal dol wurt van die grune batterij'n. Ok disse ronde solln de 6 DJ's zich t zwiet weer inne bilnoad mun warken umme jong,old,dun en tientonner te veurzien van de mooiste museek. Denk hierbej an un mengelmoesie van Engelse tearjurkers, t Duutse wichtegemeimer opt Amiga Label, de toppers van toen en de treffers van now in oons moedertaal. Wej goat dr al met al vanuut dat die treffers van now zich solln beparkn tot un minumum. Behalve blikkendag natuulk. Af en toe sol Al Meixner nog em veurbie kom um eem t aander ter gehore te brengen op sien trekzak. En ach, aj dan zo simpel an t lulln komt ist ok allemoale zo weer terechte.
As wej de museek now regelt, en jullie als trouwe skare besuukers de sfeer maakt sol in feite alles goed mun kom. De boek vol ettn, en de mond vol mit wat te zoepn, as organisatie zult wej weer probeern jullie in alle behuuftes te veurzien. Over t algemeen, zwemt un vissie nie in un leug aqaurium dus de bakploeg sol dr veur goan zurgn daj den boek mit spek weer goed vol kriegt, dan dut de tapcommissie de rest weh.
Veur de rest stoan dr enkel en allent un paar kleine anpassings umtrent t feest te wochen, volg disse pagina, dan koom ie t allemoale te weetn.
Wej ziet jullie allemoale geerne weer t darde weekend van November in Thomas' Taveerne
Tot dan, Hennig an doen, en denk dr goed umme, sloap is belangriek, dus sloapn as een appeltien mit t steeltien noa boovn.
Groeten de feestcommissie van de TVDM
