27/08/2023
بفيلم One day
حكت البطلة جملة بالفيلم غريبة كتير
" I love you so much
I just don't like you anymore"
" أحبك كثيراً، لكنني لم أعد معجب بك "
هالشي خلاني فكر ، أنو كيف ممكن حدا بيقدر يحب حدا بس مايعود يعجبو ! كنت شايفة انو هالجملة كتير غبية ومو منطقية
بس من خلال تجربتي بعلاقات اجتماعية مختلفة ، تأكدت وصرت أعرف أنو حكت حكي كتير مرينا فيه وحسيناه جواتنا
إنك تكون بتحب حدا كتير ، بس الأيام و التصرفات اللي بتبدر منو خلتو مايعود عاجبك
خلتك تحس انو حتى لو كنت بتحبو كتير وما بتقدر تعيش من دونو بس هو حدا مو مناسب يكون موجود بحياتك بعد الي شفته والي سببلك ياه
قرايب رفقات حبايب
ناس مو قادر تبطل تحبهم وبنفس الوقت مو عاجبينك
من جواتك عارف أديش غاليين عليك بس تصرفاتهم منعتك تعبر عن مشاعرك ، الصفات الي حبيتهم عشانها تغيرت
إحساس كتير معقد ومو مفهوم لدرجة انو فعلياً مابتعرف تشرحو ، صراع ما بين حبك الهم وتصرفاتهم معك لهيك بتكتفي بالجملة يلي بتلخص كل هالحكي اللي جواتك ..
" I love you so much, I just don't like you anymore"
لخصت كل شي 👌💙
