25/01/2023
حبابكم عشرة بلا كشرة
أنا هالة علي صيام خريجة دراسات تجارية جامعة السودان قسم السكرتارية ، أبتديت الشغل دا هاوية لمجال العمل الطوعي من وأنا صغيرة لما يسألوني لما تكبري عايزة تكوني شنو كنت بقول ليهم حبقي مسؤولة الرعاية الاجتماعية يعني مشاكلكم كلها محلولة عندي بكل براءة الدنيا لحبي لخدمة الناس ومساعدتهم ابتديت بشغل التسويق الإلكتروني وبعدها تنظيم المعارض والبازارات
بديت من الفيس بوك بالإعلان لصحباتي وللناس الحولي عن حاجات عايزين يبيعوها أو خدمة محتاجين ليها و أوفرها ليهم
بعدها بقيت بدخل أي قروب فالفيس لحد ما وصلت قروباتي قريب ألف قروب فالفيس بوك زمن الاعلان عبر القروبات وتشيل البوست بتاعك وتحوم بيهو من هنا لي هنا🤣
بعدها شاركت في بازارات وبقيت أعلن لنفسي ولشغلي والحمدلله بتوفيق من رب العالمين أكتسبت معارف وعلاقات حلوة
أي شغل كان بجيني بقول مكسبي الحقيقي فيهو العلاقات قبل المكسب المادي
بعدها أشتغلتا إعلانات لشركات ولتاجرات ولي أصحابي ومعارفي وحاليا شغاله في مجال التنظيم للمعارض والمؤتمرات وورش العمل وكل الفعاليات للمؤسسات والافراد ، والإعلان لبعض المراكز التدريبية والتعليمية.
دا جانب من الفعاليات النظمتها:
🔵بازار كنداكات بلدنا ٢٠١٩م (فندق ايواء)
🔵جناح الكنداكات معرض الخرطوم الدولي ٢٠٢٠م
🔵بازار الكنداكات الخيري رقم (٢) ٢٠٢٠م
🔵بازار الكنداكات رقم (٣) ٢٠٢٠م
🔵المشاركة في تنظيم معرض تجمع المنتجين الشباب ٢٠٢١م بمعرض الخرطوم الدولي
🔵بازار نادي التنس ٢٠٢٢م
🔵تنظيم برنامج عشاء عمل بالشراكة مع يلا نبدأ بيزنس
عملت الصفحة دي عشان عندي ليكم شغل حيعجبكم شديد
تابعوني اكيد✌️
