29/07/2024
തിരുവല്ല: പമ്പ ബോട്ട് റേസ് ക്ലബിന്റെ പ്രഥമ മാനവ സേവ പുരസ്ക്കാരം രഞ്ജു ഏബ്രഹാമിന് നാളെ സമര്‍പ്പിക്കും.2024 സെപ്റ്റംബർ14ന് 2ന് നീരേറ്റുപുറം പമ്പാ വാട്ടർ സ്റ്റേഡിയത്തിൽ നടക്കുന്ന കെ സി മാമ്മൻ മാപ്പിള ട്രോഫിക്കു വേണ്ടിയുള്ള 66-ാംമത് ഉത്രാടംതിരുനാൾപമ്പജലമേളയുടെ ഭാഗമായി നാളെ 2ന് തലവടി സി.എം.എസ് ഹൈസ്ക്കൂൾ ഓഡിറ്റോറിയത്തിൽ നടക്കുന്ന ഭക്ഷ്യ സുരക്ഷ - കാർഷിക സെമിനാറിൽ മാനവ സേവ പുരസ്ക്കാരം സമർപ്പണം മുൻ കേന്ദ്ര ഭക്ഷ്യ പൊതു വിതരണ വകുപ്പ് മന്ത്രിയും കേരള സർക്കാർ പ്രതിനിധിയുമായപ്രൊഫ.കെവി.തോമസ് നിർവഹിക്കും.തോമസ് കെ തോമസ് എംഎൽഎ അധ്യക്ഷത വഹിക്കും. ജലോത്സവ പ്രേമിയും മികച്ച ജീവകാരുണ്യ പ്രവർത്തകനും പ്രവാസി വ്യവസായിയുമായ വല്ല്യടത്ത് കല്ലുപുരയ്ക്ക്ൽ രഞ്ജു ഏബ്രഹാം 2018 ലെ പ്രളയ കാലത്തും തുടർന്ന് നടത്തി കൊണ്ടിരിക്കുന്ന സമഗ്ര സേവന പദ്ധതികളെ പരിഗണിച്ചാണ് അവാര്‍ഡ് നല്കുന്നതെന്ന് വർക്കിംഗ് പ്രസിഡണ്ട് വിക്ടർടിതോമസ്,
സെക്രട്ടറി പുന്നൂസ് ജോസഫ്, ചീഫ് കോർഡിനേറ്റർ
അഞ്ചു കോച്ചേരി,പബ്ലിസിറ്റി കമ്മിറ്റി കണ്‍വീനർമാരായ
ഡോ ജോൺസൺ വി.ഇടിക്കുള, സന്തോഷ് ചാത്തങ്കേരി
സജി കൂടാരത്തിൽ എന്നിവർ അറിയിച്ചു
