Draw Team

17/03/2023

اسكتش جديد لعيد الام

اسكتش جديد لعيد الام لكل المراحل

26/01/2023

مساء الخير
هنا هتلاقوا افكار العاب كتير
و ورش عمل
و اسكتشات
و اللي بيطلب اسكتش pdf بنبعتهوله free

كل اللي عليك :
لايك و شير و subscribe
و خلي الكل يستفاد
و اللي حابب اسكتش بهدف معين يطلبه و باذن ربنا نعرف نعمله.
ساعدونا ان القناه تكبر بيكم
🙏❤️

قناه فيها كل ما يخص من العاب للحفلات و الرحلات و الاتوبيس و المؤتمرات . اسكتشات متنوعه و كلها جديده . ورش عمل جديده للمناقشه

30/05/2022

هتلاقوا هنا العاب و مسابقات 👇👇👇
https://youtube.com/user/fibiefouad

Del dine videoer med venner, familie og verden

29/03/2022

صباح الخير للجميع.
ناس كتير سألت علي العاب للرحلات في الاتوبيس.
فإحنا فكرنا و جمعنا شويه العاب و نزلناها في الفيديو ده.
مسابقات تنفع للاتوبيس و للرحلات و للحفلات.
و لكل الاعمار كمان.
و علشان ما يبقاش طويل عليكم هنكمل في فيديوهات تاني بعد كده.
بس مستنين رأيكم و تشجيعكم.
و يا رب نكون عرفنا نفيدكم. و اللي عنده اقترحات يقولها.
و يا ريت ما تنسوش تشتركوا في القناه علشان اللي جاي يوصلكم بسرعه و تشيروا الفيديو لاي حد محتاج مسابقات و العاب.
https://youtu.be/-4uGIXPc6NI

مسابقات للاتوبيس و الرحلات و الحفلات لحضاته ابتدائي اعدادي ثانوي جامعه جريجين كبار السن

10/03/2022

كتير بنفتري
بنفتري علي اهالينا - علي اولادنا - علي اصحابنا
- علي اقرب الناس لينا.
نفضل ننقد فيهم و ندور علي النواقص و السلبيات و التقصير و نختلق المشاكل و نزعل و نبعد . و بننسي نكمل في طريقنا معاهم و نعذرهم و نشوف الايجابيات و نستمتع بيهم و بحلاوه العشره معاهم لحد ما في لحظه مش هنلاقيهم سواء بالبعد او بالموت و الانتقال من هذا العالم..
ساعتها بس هنفتكر قد ايه وجودهم كان بيحلي ايامنا و ما كانوش مقصرين... بالعكس كانوا شيلين كتير من احمالنا و اوجعنا و نبدأ ندور علي لحظه واحده ترجع معاهم من تاني.

بلاش نفتري علي اللي بين ايدينا.
بلاش ندور علي الزعل و نتلكك لبعض.
مين فينا مش بيجي له وقت و بيقصر في حاجات كتير؟
استمتعوا بيهم و افرحوا معاهم و فرحوهم .
فيه ناس ما تتعوضش مهما جه مكانها ناس تانيه. لا اب و لا ام و لا اخ و لا اخت و لا زوج و لا زوجه و لا اصحاب و لا قرايب و لا....
جربوا كده غمضوا عينيكم و تخيلوا.. تخيلوا للحظه واحده الحياه من غيرهم؟
هتبكوا... مش هتستحملوا ده... فما بالكم لما يبقي واقع...

19/02/2022

شكرا جدا ❤️

18/02/2022

Fun day 18 / 2 / 2022 🤸🏻‍♀️❤
يوم ممتع جدا مع اولاد و بنات ٣ و ٤ ابتدأئي
بالكاتدرائيه بالعباسيه الكبري
و كان الهدف : التنمر

18/02/2022

Fun day 18 / 2 / 2022 🤸🏻‍♀️❤
يوم ممتع جدا مع اولاد و بنات ٣ و ٤ ابتدأئي
بالكاتدرائيه بالعباسيه الكبري
و كان هدفنا التنمر

04/02/2022

الف مبرووووووووك لمصر 💪💪💪💪💪

27/01/2022

الاجازه جايه
و كلنا بنفكر في العاب و مسابقات و رحلات و حفلات سمر.
و المدارس جايه بعد الاجازه و اكيد هنحتاج نعمل العاب مختلفه لتميه مهارات اولادنا.

علشان كده قررنا اننا مش بس نكون فريق يساعد في رسم الفرحه لأ احنا هنطلع الالعاب بتاعتنا للي محتاجها من خلال الجروب ده :

https://www.facebook.com/groups/514294429938721/?ref=share

31/12/2021

❤️Draw team❤️
بيتمني سنه جديده سعيده مليانه افراح و خير و سلام لكل اعضاء صفحتنا الموقرين ❤️

12/11/2021

فيه بنوته جميله جدا في اولي جامعه. اتقابلنا معاها في يوم من ايام ال fun days بتاعتنا.
و اتعرفنا علي بعض و بصراحه فاجئتنا كلنا بإبدعها في الكروشيه. حقيقي روعه.
فقررنا نشجعها 💪
و انتم كمان شجعهوها ❤️
كملي يا مارينا ❤️💪
و ديه صفحتها
و ديه صور من شغلها ❤️🥰
M.K. Crochet
https://m.facebook.com/MK-Crochet-101591898974986

11/11/2021

Our new event ❤️
Draw team 💛
Happy birhday levay ❤️🌹
Thx Saint George لايجار الملابس التنكرية و العروض المسرحية

04/11/2021

بمناسبة عيد الحب ❤️

حصل الحوار ده مع ولد في إعدادي :
* مبسوط إنك كبرت؟
- لأ 🙁 ( و هو زعلان)
* ليه 😲؟
- لإني مستمتع جدا بحياتي🥰
أنا مش عايز أكبر.

علي قد ما صدمني الرد علي قد ما شفت وراه كميه حب و حنان و إحتواء من أهله.
هو ده الإستمتاع الحقيقي. الإستمتاع بحب الأهل.
القصه مش تلبيه طلبات و إحتياجات ماديه قد ما هي حب ❤️
كتير في السن ده بيتمني الخروج و الهروب من البيت و الكلمه اللي دايما بتتقال إمتي أكبر؟


غرقوهم حب ❤️
إستمتعوا بيهم و متعوهم بحبكم.
اللي شايف نفسه في الحوار ده
يمنشن لبابا و ماما و يقولهم شكرا علي الحب ❤️❤️
و كل بابا و ماما يمنشوا لاولادهم و يقولولهم بنحبكم وجودكم احلي حاجه في حياتنا ❤️❤️
و شكرا لكل بيت مليان بحب حقيقي يغني عن أي إحتياج خارجي.

Happy valentine's day ❤️🌹
💛Draw team 💛

02/11/2021

بعد ما كل فريق خلص تركيب البازل
كان فيه قطعه ضايعه.
بس كل فريق كان ليه ردود أفعال مختلفه :
*أول فرقتين لعبوها فضلوا يدوروا في كل مكان علي القطعه ديه. و في الآخر فهموا الهدف من اللعبه.

*الفرق اللي بعدهم فيه منهم اللي بدأ يدور تحت ضغط مننا.
*و فيه منهم بدأ يشك إن الفرق اللي قبلهم خبوها منهم علشان يخسروا.
*و فرق تانيه بدأت تشك إن الفريق اللي قدامهم هم اللي خبوها و بردو علشان يخسّروا.
*و فرق تانيه بدأت تفكر و تركز مين عدي من قدامهم و هم بيلعبوا و ممكن يكون اخدها منهم.
و في النهايه إكتشفوا إن القطعه المفقوده معانا🙂.

محتاجين نتعلم إننا ما نتسرعش بالإتهامات لغيرنا. مهما كانت درجه اليقين.
الإتهامات بتشحننا بطاقات سلبيه رهيبه.
و بتوصلنا للإنتقام.
طبعا هتقولوا ديه مجرد لعبه.... هينتقموا في لعبه يعني اخرهم هيخسّروا بعض.
ما هو حتي لو لعبه و هيخسّروها بس هيخسْروا بعض علشان ينتقموا من الموقف فين الهدف إننا بنلعب علشان نستمتع و ننبسط مع مش علشان نطلع مشحونين من بعض؟
و علي مستوي الحياه عموما هنفضل مشحونين بروح الانتقام و الدايره مش هتخلص و الكره هيبقي ليه مكان و الحقد و عدم الامان.
محتاجين نتعلم من المواقف مش نتعامل بردود أفعال سلبيه.
كلنا بنمر بالمواقف ديه في حياتنا بس يا تري رد فعلنا فيها ايه؟
و لو اكتشفنا إننا كنا غلطانين من الاول شكلنا هيكون إيه و خسرنا قد ايه؟
💛Draw team 💛

30/10/2021

من اكتر الحاجات اللي بتفرحنا مش بس اننا لعبنا معاهم و فرحناهم و رسمنا بسمه علي وشوشهم و قلوبهم.
لا ده احنا بنرجع اصحاب و بنعمل لبعض آد علي الفيسبوك ❤️❤️
حقيقي بنحبكم 💕
💛 Draw team 💛

23/10/2021

ليه أغلبيه الوقت بنجبر أولادنا علي اللي إحنا عايزينه ؟
و ليه دايما كلمة : هو كده.
أو كلمة : لو مش عجبك...... ( و إحنا عارفين الباقي.
لمجرد إن إبنك أو بنتك إختلفوا معاك في الرأي أو الرغبه ؟
إبنك و بنتك ليهم حريه الإراده زيك بالظبط.
نميها فيهم. طالما إنها مش هتضر.
خليهم يطلعوا أصحاب قرار و عندهم روح الحكمه و الإفراز.
طول ما هم مجبرين علي كل إختيارتنا هيطلعوا مذبذبين- مشاعرهم متلغبطه و خايفين منكم لا تكون إرادتهم عكس إرادتكم.
بلاش كله " لأ" لمجرد إنك مش عايز تعمل ده.
هو ليه رؤيه غيرك.
إسمعه و شجعه. ما تحسسهوش دايما بالكلمه ديه : إنت صغير..... إنت إيه خبرتك في الحياه..... إنت تيجي إيه جنب اللي أنا عشته.... أنت عيل غبي و ما بتفهمش. و ألفاظ كتيره تكسر نفسيتهم.
سيبه ياخد خبرته من صغره إيه المشكله؟ وأنت دورك تتابع و تفهم و تعلم.

⬅️ بلاش نكسل في إننا نعيش مع أولادنا سنهم و حياتهم. مش لازم هم بس اللي يعيشوا سننا و حياتنا.
💛Draw team💛

21/10/2021

Fun day 21 / 10 / 2021 🤸🏻‍♀️♥️
Draw team where we can find love 😍😍

21/10/2021

كل سنه و حضراتكم طيبين 🙏

06/10/2021

لكل حضانة ومدرسة.
الاعلان دة ليكم💪لو شوفت اعلاننا دة تبقي انت عاوزة ترسم البهجة والفرحة والمتعة والاثارة علي وشوش اطفالكم 😁
فرصه مع بدايه سنه دراسيه جديده.
احنا 💛Draw Team💛 فريق متخصص للالعاب الهادفة والمسابقات الجماعية هدفنا اسعاد اولادكم وخلق روح المنافسة بكل الحب بينهم واللي هينبسطوا بيها قوي لانها من خلال العاب ومسابقات وجري ونط وضحك 🤩.....
👀وهنعلمهم كمان يتفاعلوا ويعملوا حاجات جديدة من خلال ألعاب بافكار جديدة ومختلفة وتعليمية في نفس الوقت هتثير فضولهم🙃💪💪💪
بادر بالحجز.........
يلا
مستنين إيه؟

05/10/2021

لما نربي أولادنا علي مبدأ " اللي يشتمك إشتمه. و اللي يضربك إضربه.... خليك راجل.... أوعي حد يمد إيده عليك. و لو حد كبير أنا هاجي و أمسح بكرامته الأرض " بهدف الحفاظ علي كرامتهم. هل ده مفهوم التربيه؟
و نيجي إحنا نشتم أولادنا و نمد إيدينا عليهم و نهين فيهم؟؟؟
يبقي فين الكرامه اللي بنبيها فيهم؟
لما ييجوا يطبقوا تعاليمنا و يردوا علينا و يعترضوا بنهيج عليهم و نتهمهم بقلة التربيه.
و لما يكونوا علي حق و إحنا عارفين ده و نصمم ناخدهم بالصوت علشان ما نطلعش إحنا اللي غلطانين. ده يبقي إيه ؟
زي ما أولانا ليهم كرامه مع الناس بره ليهم كرامه معانا.
ما ينفعش نحطهم في صراع بين اللي بنغرزه فيهم و بين الواقع العملي اللي بنعمله معاهم.
فماتستغربوش إن إبنكم او بنتكم مع الوقت بيتطاولوا عليكم مع إنكم مربينهم أحسن تربيه.
لكن الصراع النفسي و كتر الضغط بيولد الإنفجار و أول إنفجار هيكون فيكم. لأن مشكلتهم مش مع الناس بره
مشكلتهم معاكم إنتم.
إفتكروها دايما أولادكم ليهم كرامه جوه البيت زي بره البيت.
علموهم لما يغلطوا يعتذروا مش نظام خدوهم بالصوت زي ما بنعمل معاهم.
علموهم يتحملوا نتيجه غلطتهم و مواجهتها و الإعتراف بيها لأن كلنا بنغلط.
علموهم : أسف- حقك عليا - ما كانش قصدي.
و علموهم يتقبلوا أسف غيرهم بهدوء.
❤️ التربيه مش سهله بس حقيقي ممتعه. ❤️
💛DARW TEAM💛

27/09/2021

25/09/2021

"النقد المستمر يميت لذه الشئ"
تعالوا نحط قدامنا هدف صغير :
إننا نستمتع بأبسط الأشياء.
بأبسط لمسات الحب اللي بتتقدم لنا من اللي حوالينا.
نستمتع بقيمه الوقت اللي بنقضيه في ضحكه و فرحه من القلب.
حتي لو كانت دقائق قليله و لكنها تساوي زمانا كثيرا.
دوروا علي اللي يفرح قلوبكم و قلوب اولادكم و علموهم يدوروا علي الحلو وسط الظلام.
هتفضل دايما عيونهم عليه مهما عدوا من آلام و صعاب.
من غير ما نهين و لا نتعدي علي حد.

💛 DRAW TEAM 💛

30/08/2021

29/08/2021

Fun day 29/8 🤸🏻‍♀️♥️♥️
العبور ترحب بنا 😍😍
Draw team Is not about a team .. It's a life 🤩🤩
DRAW TEAM 🥳♥️