19/08/2022
#فكر 😊
التعزيز 2
ايه الفرق بين التعزيز السلبى والعقاب ؟ 🤔
العقاب هو تحقيق الشعور بالالم عند الطفل سواء كان من الدرجة الاولى او الثانية بدنى او نفسى حرمانه من حاجة حلوة ومحببة له
مثلا يعنى زى الطفل مش عايز يذاكر فهو طالما مذاكرش يبقى مش هيتفرج على التليفزيون ده عقاب اما بقى لو الطفل مش عايز يذاكر فهو طالما مذاكرش يبقى هينضف غرفته يعنى عززته بس بالسالب وحطيته حاجة غير محببة حافز له لتقليل السوك السلبى اما العقاب هتحرمه من حاجة من غير متزود عليه او تعززه بالسلب وده بيتوقف على حسب الحالة وادراكها
ايه الفرق بين التعزيز الايجابى والرشوه ؟ 🤔
هنا بقى الموضوع مختلف التعزيز بيكون بعد انتهاء الطفل من المهمة المطلوبة منه يعنى فى الاخر اخر المهمة
اما الرشوه دى بقى سوء استعمال التعزيز وانك تديها للطفل علشان يتحرك ويعمل المهمة فى البداية ممكن تكون فى البداية لتحفيز الطفل لكن لو تكرر يبقى تتحول رشوه وممكن كمان ده يساعد فى ظهور سلوكيات اخرى مثل العند انه مش هيشتغل غير لما ياخد ده
ازاى اعرف المعزز الاقوى تاثيرا والفعال عند الطفل عن غيره من باقى المعززات الاخرى ؟🤔
طبعا فى البداية هنجرب علشان تعرف المعزز وهطلعه من خلال العلاقة المحتملة بين الاستجابة والتعزيز من خلال سرعة اداء الطفل وتفاعله وتبدا تعمل قائمة بكذا معزز من الاقوى تاثير فى سرعة الاستجابة الى غيره الاقل ولازم يبقى فى تنويع المعززات للطفل وتوفير المعززات بكميات ملائمة ومناسبة للمهمة المطلوبة وكمان لسن الطفل وادراكه
دمتم طيبين
#
