27/01/2023
معنى المثل الشعبي : اطلقوا العجل وشدوا بوشعيب
قديما في البادية، أسرة كانت تتناول العشاء وفجأة دخل عليهم ثور ( عجل ) كان مربوط في الكوري خلف بيتهم..
الأب تخلع وقال لولدو الكبير نوض أ بوشعيب بزربة ربط العجل راه غادي يشتف علينا كلنا..
ناض بوشعيب وهو مزروب ومخلوع جا فالشمعة المضوية عليهم طفاها ولات دار كلها ظلام..
وهو غادي تايجري ورك على جنب الطبسيل ديال المرقة قلب الماكلة سخونة على رجلين اخوته ورجليه
حرقو البلول نقز باش مايعسف عليه تاني
نقز ماجات رجلو ليمنية فوق كرش باه ورجل ليسرية حطها ليه في وجهو حتى عطبو ومن بعد تعكل وطاح على خوه صغير هرسو من دراعو وهو يغوت الأب على ولادو وقال ليهم..
خليو العجل وشدو بوشعيب دعيتو لله .
العبرة هي شحال من واحد كيدير فيها مصلح وهو في الحقيقة اكبر مخرب و أكثر من بوشعيب واحذر من دعاوي الناس.
