Smart City our rajamahendravaram news

22/03/2022

నిన్న మా ఫిల్మ్ స్కూల్ పిల్లలకు డైరెక్టర్ మణిరత్నం సర్ మాస్టర్ క్లాస్ పెట్టాను. ఆయన గురించి తెలుసుకున్నంత సేపు పిల్లలు excite అవుతూనే ఉన్నారు. పోయిన ఏడాది నాయకుడు సినిమా, అలాగే దళపతి సినిమా స్క్రీనింగ్ అయినప్పుడు ఆ క్లాసిక్స్ చూసి అంతే కనెక్టడ్ గా చాలా productive discussion చేశారు వాళ్ళు.

ఇవ్వాళ మణిరత్నం గారి మాస్టర్ క్లాస్ తర్వాత " బొంబాయి "సినిమా స్క్రీన్ చేసాను.

సినిమాకి ఎంత లైఫ్ ఉంటుంది.? అది కాలాన్ని బట్టి సామాజిక రాజకీయ భౌగోళిక ఆర్ధిక స్థితిగతులు పరిస్థితులను బట్టి ఆ సినిమా ఎస్సెన్స్ తగ్గకుండా బ్రతికి ఉండొచ్చని చెప్పొచ్చు. కాలం మారినా ఆ భావోద్వేగాలు అంతే సజీవంగా ఎంత కాలమైనా ప్రేక్షకుణ్ణి అవే భావోద్వేగాలకిలోనుచేస్తాయని చెప్పొచ్చు.

1995 లో వచ్చిన బొంబాయి సినిమా చూసి ఇప్పుడు పదవ తరగతి చదువుతున్న విద్యార్థులు పూర్తిగా involve అయ్యి సినిమా చూడటమే కాదు. కన్నీళ్లు పెట్టుకుని మరీ ఆ పాత్రలను own చేసుకోవటం చూస్తే ఒక ప్రయోజనాత్మక సినిమా irespective of age ఎలా ప్రేక్షకులను ఆకట్టుకుంటుందో చెప్పటానికి "బొంబాయి" సినిమా ఉదాహరణ.

No Doubt , మణిరత్నం మాస్టర్ ఇన్ ఫిల్మ్ మేకింగ్. మా పిల్లలు సినిమా చూసి అయిపోయాక నిలబడి మరీ స్టాండింగ్ ఓవేషన్ ఇచ్చారు సినిమాకి చస్పట్లు కొడుతూ తమ భావోద్వేగాలని కంట్రోల్ చేసుకోలేక పోయారంటే ఆ సినిమా ఎంత కదిలించిందో అర్ధం చేసుకోవచ్చు.

హిందూ ముస్లింల మధ్య చిచ్చు పెట్టి గొడవలు రేపాలని చూసే రాజకీయ శక్తుల పైశాచికత్వాన్ని ఉన్నది ఉన్నట్టు చూపించిన సినిమా "బొంబాయి" . ఇప్పటి జనరేషన్ పిల్లలలకి మణిరత్నం లాంటి ఫిల్మ్ మేకర్ అవసరం ఎంతుందో అనిపించింది. సామాజిక అంశాలను ఎత్తుకోవటమే కాదు వాటిని కథలా ఎలా మలిచారు అన్నది చూస్తే ఫిల్మ్ మేకర్స్ కూడా చాలా నేర్చుకోవచ్చు.

ఈ తరం పిల్లలకి ఉపాధ్యాయులు కచ్చితంగా చూపించాల్సిన సినిమా "బొంబాయి". ఆ సినిమాలో వేసే ప్రశ్నలకి సమాధానాలు అప్పుడూ దొరకలేదు ఇప్పుడూ దొరుకుతాయో లేదో తెలీదు.

సినిమా ఒక POWERFUL MEDIUM. ఎంతో మందిని కదిలించగలదు. COMMUNICATE చేయగలదు. నిజాలను ఆలోచించేలా చేయగలదు. తమిళ్ హిందీ తెలుగుల్లో విడుదలైన ఈ సినిమా మూడు భాషల్లో విజయం సాధించింది. అప్పుడు హృదయ పూర్తిగా ఈ సినిమాని హత్తుకున్న వాళ్ళు ఏ కల్మషం లేని వాళ్ళు. మరి యిప్పుడు జరుగుతున్న మత మౌఢ్యం తాలూకు ఘర్షణలను తిప్పికొట్టే మనుషుల లెక్క పెరుగుతున్నట్టా తగ్గుతున్నట్టా అన్నది ఆలోచిస్తే అర్ధం అయ్యే అంశమే. మతాలని దాటి మానవత్వమే తమ అభిమతంగా ఎదిగాల్సిన పిల్లలకి ఈ సినిమా చూపించటం ఇప్పటి అవసరం కూడా.

ప్రత్యామ్నాయం లేని చోట కనపడని చోట మనమే ప్రత్యామ్నాయం వెతుక్కోవాలి. ఇలాంటి సినిమాని మళ్లీ ఈ తరం వాట్సాఫ్ యూనివర్సిటీ విద్యార్థులైపోయిన వాళ్ళకి కూడా తెలివి వచ్చేలా ప్రదర్శన చేయించాలి.

****
Rj Ganesh

23/02/2022

#చిన్నప్పుడు ఊరు పోయినప్పుడల్లా నేనైతే ఇట్టాంటి షాపులోకెళ్ళి ప్రపంచంలోని రకరకాల టాపిక్కుల మీద డిస్కషన్ పెట్టి మరీ డిప్పకటింగ్ చేయించుకునేవాడిని
ఈ ఫోటో చూసాక
మీక్కూడా ఏమన్నా గుర్తుకొస్తే చెప్పండి!చిన్నప్పుడు కటింగ్ చేస్తుంటే చాలా నిద్ర వచ్చేది. 😜ఇప్పుడు షాప్ లో కొత్త లుక్ లో ఉన్న నిద్ర మాత్రం చిన్నప్పుడు లానే 🤣.. కాలేజీ కుర్రోళ్లు ఈ షాప్ లో దూవేనా తో ఓసీ గా దువ్వుకోవాటం, స్టైల్ గా 👏 ఆ రోజు లు అబ్బో

13/02/2022

#సబ్జా_గింజలు..

ఇవి చిన్నగా ఉన్నా కూడా ఆరోగ్యానికి మాత్రం ఎంతో మేలు చేస్తాయి. మూడు గ్రాముల సబ్జా గింజలు తీసుకొని 10 నిముషాలు నీటిలో నానబెట్టాలి. ఇలా నానబెట్టిన తర్వాత అవి జెల్ రూపంలో అవుతాయి. జెల్ రూపంలో ఉన్నా వీటిని డైరెక్ట్ గా తినొచ్చు లేదా వీటిని ఫ్రూట్ సలాడ్, ఫ్రూట్ జ్యూస్, మజ్జిగలో కలిపి తీసుకొచ్చు. ఎలా తీసుకున్న కూడా ఇది ఆరోగ్యానికి చాల మంచిది. సంజా గింజలతో నయమయ్యే సమస్యలేంటో చూద్దాం.

అధిక బరువు:
అధిక బరువుతో బాధపడేవారికి ఇది దివ్యౌషధం. ఎందుకంటే ఈ గింజలను తింటే మీకు కడుపు నిండుగా ఉండి ఆకలి వేయదు. దీంతో ఈజీ గా బరువు తగ్గుతారు.

శ్వాసకోశ సమస్యలు:
శ్వాసకోశ సమస్యలు ఉన్నవారు గోరు వెచ్చటి నీటిలో కొంచం తేనె, అల్లం రసం, అందులో ఈ సబ్జా గింజలను వేసి తాగాలి.
ఇలా చేస్తే దగ్గు, జలుబు వంటి శ్వాసకోశ సమస్యలకు చెక్ పెట్టవచ్చు.

జీర్ణ సమస్యలు:
సబ్జా గింజలతో జీర్ణ సమస్యలకు చెక్ పెట్టవోచ్చు. సబ్జా గింజలను నీటిలో వేసుకుని తింటే మీరు తీసుకున్న ఆహారం సరిగ్గా జీర్ణమయ్యి జీర్ణ సంబంధ సమస్యలు కూడా పోతాయి. ఇందులో ఎక్కువగా ఉండే డైటరీ ఫైబర్ వల్ల మలబద్దకం మిమ్మల్ని ఇబ్బంది పెట్టదు. గ్యాస్‌, అసిడిటీ సమస్యలు కూడా చాల వరకు తగ్గిపోతాయి.

గాయాలకు ఇది గొప్ప మందు:
సబ్జా గింజలను తీసుకొని పొడి చేసి, ఆ పొడిని గాయాలపైనా వేసి కట్టు కట్టాలి. దీంతో గాయాలు త్వరగా మానుతాయి. అంతేకాకుండా ఇన్ఫెక్షన్లు కూడా దగ్గరకు రావు.

తలనొప్పి:
తల నొప్పి ఉన్నవారు ఈ సబ్జా గింజలను నీటిలో వేసుకొని తింటే తల నొప్పి ఇట్టే తగ్గిపోతుంది. మైగ్రేన్ వంటి సమస్యలకు కూడా ఇది గొప్ప ఔషధంలా పని చేస్తుంది. ఈ సబ్జా గింజలతో రక్త సరఫరా మెరుగుపడి బీపీ కూడా కంట్రోల్ లో ఉంటుంది.

ఆర్థరైటిస్‌:
కీళ్ల నొప్పులతో బాధపడే వారికీ ఇది మంచి ఫలితాన్ని దక్కిస్తుంది. అలాంటివారు సబ్జా గింజలను తింటే కీళ్ల నొప్పుల నుంచి ఉపశమనం దక్కుతుంది.

అలర్జీ:
యాంటీ బయోటిక్‌, యాంటీ వైరల్‌, యాంటీ ఫంగల్ గుణాలు సబ్జా గింజల్లో పుష్కలంగా ఉంటాయి కాబట్టి ఎలాంటి ఇన్ఫెక్షనైనా, అలర్జీనైనా తరిమికొటొచ్చు. ఇవి అలర్జీలు, ఇన్‌ఫెక్షన్ల నుంచి మనల్ని రక్షిస్తాయి.

డిప్రెషన్:
సబ్జా గింజలను నీళ్లలో నానబెట్టి తినడం వల్ల ఒత్తిడికి, అలసటకు దూరమయ్యి డిప్రెషన్లోకి వెళ్లకుండా ఉండేందుకు ఇది సహాయపడుతుంది. ఈ అంశం పై పలువురు సైంటిస్టులు కూడా ప్రయోగాలు చేసి నిరూపించారు.

మధుమేహం సమస్యలు:
చక్కెర వేయకుండా అలాగే సబ్జా గింజల నీటిని తాగితే మధుమేహం అదుపులోకి వస్తుంది. రక్తంలోని గ్లూకోజ్ స్థాయిలు తగ్గుతాయి. నానబెట్టిన సబ్జా గింజలను గ్లాసు పచ్చిపాలలో వేసుకొని, కొన్ని చుక్కల వెనిలా కలిపి తాగితే టైప్2 మధుమేహంతో బాధపడే వారికి ఉపశమనం కలుగుతుంది.

చలవైన సబ్జా గింజలు:
అంతేకాకుండా సబ్జా గింజలు నానబెట్టిన నీటిని తాగితే మాడు పగిలిపోయే వేసవి కాలంలో ఇది చలవ చేస్తుంది. ఎండాకాలంలో మనం తాగే అన్ని పానీయాల కంటే ఇది చాల మేలు చేస్తాయి.

12/02/2022

అబ్రహం లింకన్ #జయంతి నేడు..💐💐 అబ్రహం లింకన్ కోసం మన స్కూల్ డేస్ లో చాలా చదువుకున్నాం. అసలు అమెరికా ప్రెసిడెంట్ ఎలా అయ్యాడు

సహనానికి శాంపిల్ కథ:

ఎన్నో కష్టాల తర్వాత అమెరికా దేశాధ్యక్షుడైన అబ్రహం లింకన్ తొలిసారి సభలో ప్రసంగానికి సిద్దమవుతున్నపుడు ఓర్వలేని ఒక ఐశ్వర్యవంతుడు అతన్ని ఎలాగైనా అవమానించాలని అనుకోని తన కాలికున్న బూటుని విప్పి లింకన్ కి చూపిస్తూ ఇది మీ తండ్రి కుట్టిన బూటు.. చెప్పులు కుట్టే వాడి కొడుకైన నీవు ఈ రోజు మా లాంటి పెద్దవాళ్ళను ఉద్దేశించి ప్రసంగిస్తున్నావా అంటూ తన ఆక్రోశాన్ని, అసూయని వెళ్లగక్కాడు. వాస్తవానికి లింకన్ తానున్న ఉన్నతమైన స్థితిలో అలాంటి మాటలు అన్న వ్యక్తిని వెంటనే పోలీసులను పిలిపించి అరెస్ట్ చేయించవచ్చు. కానీ లింకన్ అలా చేయలేదు. వెంటనే అతనికి సెల్యూట్ చేసి ఇంత మంది పెద్దల సభలో తన తండ్రిని గుర్తు చేస్తున్నందుకు నేను మీకు రుణపడి ఉంటాను. ఈ సభలో మీ బూట్లే కాదు ఎంతో మంది బూట్లను నా తండ్రి కుట్టి ఉండవచ్చు. నా తండ్రి వృత్తినే దైవంగా భావించాడు. అలాంటి తండ్రికి కొడుకుగా పుట్టినందుకు గర్వపడుతున్నానని చెప్పాడు. ఒకవేళ నా తండ్రి కుట్టిన బూట్లలో ఏమైనా తేడా ఉంటె చెప్పండి. నా తండ్రి నాకు బూట్లు కుట్టడం నేర్పాడు. వాటిని మీ ఇంటికి వచ్చి నేను సరి చేస్తాను ఎందుకంటే నా తండ్రికి అప్రతిష్ట రావటం నాకిష్టం లేదని చెప్పి ఆనందభాష్పాలతో తన ప్రసంగాన్ని ఆరంభించాడు. అంతే అవమానపరుద్దామని అనుకున్న ఆ ఐశ్వర్యవంతుడు సిగ్గుతో తలదించుకున్నాడు. ఎలాంటి పరిస్థితుల్లో అయినా సహనం మనకు సరైన మార్గం చూపిస్తుంది.

11/02/2022

శ్రీ లక్ష్మీ నరసింహ స్వామి వారి ఆలయం - అంతర్వేది , సఖినేటిపల్లి మండలం , తూ. గో. జిల్లా

ఈ ఆలయం చాలా పురాతనమైనది స్పష్టంగా వినిపించే సముద్రహోరు, గోదావరి సముద్రంలో కలిసే చోటు కన్నులారా చూడవచ్చు ఇక్కడ. సముద్రపు నీరు, గోదావరి నీరు రెండు విడివిడిగా పారుతు ఇక్కడ కలుస్తాయి. ఆ ప్రదేశాన్నే అన్నా చెల్లెళుల గట్టు అంటారు. పశిష్ఠగోదావరి సంద్రంలో కలిసే సాగరసంగమస్థలం ఉవ్వెత్తున ఎగసిపడే కెరటాల వేద ఘోష చుట్టూ పచ్చగా తలలూపుతూ కనిపించే కొబ్బరిచెట్ల నడుమ కొలువైన నరసింహ క్షేత్రం అంతర్వేది లక్ష్మీనరసింహస్వామి ఆలయం.

అంతర్వేది క్షేత్రం గురించి కొన్ని విశేషాలు తెలుసుకుందాం. త్రేతాయుగంలో రావణబ్రహ్మను సంహరించిన శ్రీరాముడు బ్రహ్మహత్యా పాతకం నుంచి విముక్తి పొందడానికి దర్శించుకున్న క్షేత్రం ద్వాపరయుగంలో అర్జునుడు తీర్థయాత్రకు వెళ్తూ ఆగిన తీర్థం మన అంతర్వేది క్షేత్రం. వశిష్ఠ మహర్షి కోరికపై శ్రీమహావిష్ణువు ధర్మపత్నీ సమేతంగా వెలసిన పుణ్యస్థలం. ఆలయనిర్మాణం చూస్తే పూర్వం మందపాటి కేశవదాసు అనే పశువుల కాపరి అంతర్వేది ప్రాంతంలో గొడ్లు కాసుకుంటుంటే ఒక ఆవు అక్కడ పుట్టలో పాలధారలు విటవటం చూసి భయపడ్డాడట. ఆ రోజు రాత్రి నరసింహస్వామి అతని కలలో కనిపించే తానుండే ప్రదేశం గురించి చెప్పడంతో అతను గ్రామస్థుల్ని కూడగట్టుకుని పుట్టను తవ్విచూడగా విగ్రహం లభ్యమైందని. అప్పుడు కేశవదాసు స్వామికి చెక్కలు, కర్రలతో మందిరం నిర్మించాడట అనంతర కాలంలో సప్తసాగర యాత్రకు వచ్చిన రెడ్డిరాజులు జాతి దారువుతో ఆలయాన్ని నిర్మించారని తెలుస్తోంది. ఇక ప్రస్తుతం ఉన్న ఆలయాన్ని బెండమార్లంకకు చెందిన కొపనాతి ఆదినారాయణ కుమారుడు కృష్ణమ్మ క్రీ.శ.1823లో నిర్మించి నట్లు శాసనాలు చెబుతున్నాయి. తొలుత పెద్దాపురం సంస్థా నాధీశుల అధీనంలో ఉన్న ఆలయం తర్వాత మొగల్తూరు రాజుల అజమాయిషీలోకి వచ్చింది. ఏటా మాఘమాసంలో అంతర్వేది నృసింహ స్వామి కల్యాణం అయిన తర్వాతనే స్థానికంగా పెళ్లిళ్లు జరుగు తుంటాయి. మాఘ మాసంలో స్వామివారి కల్యాణానికి ముందు ఎంత మంచి ముహూ ర్తం ఉన్నా పెట్టుకోరు. ఇది అనాదిగా సంప్రదాయంగా వస్తోంది.

స్థానిక పల్లిపాలెం గ్రామంలో అయితే 80 శాతానికిపైగా నృసింహ నామ ధేయులే కనిపించడం విశేషం. స్వామివారి కటాక్షం ఉన్నంతవరకూ ఏ ఉపద్రవాలూ తమ దరిచేరవని స్థానికుల నమ్మకం. ప్రపంచ వాస్తంగా సునామీ బీభత్సం చేసిన సమయంలోనూ ఈ ప్రాంతమంతా ప్రశాంతంగా ఉండటానికి నరసింహుడి దయే కారణమంటారు.

ఈ క్షేత్రంలో కనిపించే మరో విశేషం. ఏటా మాఘమాసంలో కొద్దిరోజులపాటు సూర్యాస్తమయ సమయంలో కిరణాలు గర్భ గుడిలోని స్వామి వారి పాదాలను తాకుతాయి. ఆ దృశ్యాన్ని చూసి భక్తులు పులకించిపోతారు.

ఇదండీ ఆలయ విశేషం వీలుంటే కాకుండా వీలు చూసుకొని ఒకసారి వెళ్ళండి చాలా మంచిది అలాగే పక్కనే బీచ్ ఉంటుంది కాసేపు సరదాగా గడపొచ్చు అన్నట్టు ఇక్కడ ఎర్ర పితలు ఉంటాయి భలే ఉంటాయి 😊😊

నేడు స్వామి వారి కళ్యాణమహోత్సవం ., స్వామి వారి రధోత్సవం కార్యక్రమం.

03/02/2022