InvAngel Events

  • Home
  • InvAngel Events

InvAngel Events Contact information, map and directions, contact form, opening hours, services, ratings, photos, videos and announcements from InvAngel Events, Event Planner, .

الانطلاقة الاولي بورشنا في عالم التطوير المهني.للمهتمين بمجال الاعلام وصناعة المحتوي.ياتيكم السيد الزبير الشايب بورشة اس...
19/10/2022

الانطلاقة الاولي بورشنا في عالم التطوير المهني.
للمهتمين بمجال الاعلام وصناعة المحتوي.

ياتيكم السيد الزبير الشايب بورشة اساسيات صناعة المحتوي الدفعة الاول ايام 23 و 24 و 25و 26 من شهر اكتوبر بمعدل ٣ ساعات باليوم اي مجموع 12 ساعة من التدريب المتواصل.
الورشة ستقام بمقر مؤسسة سديم الخيرية - شارع السيد عبدالرحمن / جنوب بنك العمال الوطني قرع السوق العربي / الطابق التاني.

تخفيض هائل بقيمة الورشة مع المدوب الزبير الشايب حيث تكلفة هذه الورشة هي 7 الف للمقعد تدفع عبر حساب
2352365 باسم محمدالمصطفي عبدالعال شريف فرع الواحة.

ثم يتم تعبئة الفورم الاتية للتسجيل رسميا بالورشة وارفاق اشعار بنكك بالفورم ادناه

https://docs.google.com/forms/d/e/1FAIpQLSciUV0w1lFyxK9kihOf18J5Lp5xEsHg_2Q0geI7495qzS2lgQ/viewform?usp=sf_link


#الاعلام

تتوقعوا القادم شنو؟ 🔥🔥🔥بنجهز في حاجة ضخمة ❤️🔥ففي البوست ده عايزنكم تورونا السلبيات اللقيتوها في أي ايفنت مشيتوه🙏🏽الناس م...
25/06/2022

تتوقعوا القادم شنو؟ 🔥🔥🔥
بنجهز في حاجة ضخمة ❤️🔥
ففي البوست ده عايزنكم تورونا السلبيات اللقيتوها في أي ايفنت مشيتوه🙏🏽
الناس ما تتحمس يا جماعة عايزنكم رايقين عشان الخلعة تجي شديدة🤣🤣🤣🤣🔥

-لا ثواني كيف يعني غيرت العالم؟ 🤔=عديل كده ده😹💔-الكلام ده ما خاشي لي دماغي 🙇🏾‍♂️=طيب يا عزيزي واحدة واحدة 🙏🏽 حأبدا ليك ب...
24/06/2022

-لا ثواني كيف يعني غيرت العالم؟ 🤔

=عديل كده ده😹💔

-الكلام ده ما خاشي لي دماغي 🙇🏾‍♂️

=طيب يا عزيزي واحدة واحدة 🙏🏽 حأبدا ليك بنطاق محلي وحنصل لنطاق عالمي زيتون؟

-زيتون

=طيب قبل كده قلت ليك إنو الإيفنت هو حدث بيستدعي تسليط الضوء عليه لتحقيق غاية صاح؟

-ايوا فعلا ده لمن وقفنا إحتراماً للإيفنتات السودانية 😹💔

=ياخ تقيف فيك حيطة ركز معاي وبطل انصرافية 😹💔

-خلاص اها كمل😹💔

=طيب لو جينا قارنا التعريف ده على نطاق وطني الحبيب حنلقى إنو في ايفنتات كان ليها أثر في تغيير السودان التغيير ده قد يكون إيجابي مثلا زي الإستقلال هو حدث إستوجب تنظيم وتسليط ضوء على نطاق عالمي وللأسف في إيفنتات او أحداث كان ليها أثر سلبي زي إتفاقية نيفاشا وإنفصال جنوب السودان 💔

-انا ما اتخيلت إنو كلمة إيفنت دي بتحمل جواها كمية من المعاني زي دي💔 طول حياتي اتوقعت الإيفنت ده ناس بتلم ناس عشان يحضروا حاجة ماف زول حيفهمها ويكون في حفلة والناس تنبسط وتتصور وترجع بيوتها🙇🏾‍♂️💔

=للأسف حاصل الكلام ده بس زي ما قلت ليك قبل كده المهم ما بعد الكلام ده هل الإيفنت حيكون عندو تأثير وإستمرارية لحاجة معينة؟ لو الجواب نعم فده معناه إنو الإيفنت ده عندو اثر وحيصنع تغيير🔥

- طيب اها عالمياً كدي أبهرني 😹💔

=ابهرك واملحك واقدمك طبق رئيسي زاتو😹💔...

-والله انا نفسي أعرف إنت بتجيب الخارجيات دي من وين 😹💔

=مرحباً بك في السودان 😹، المهم عالمياً كان في أحداث كتيرة غيرت العالم وصنعت تغيرات عملاقة فلو سألتني عن اكبر تغيير كان شنو حأقول ليك تأسيس الأمم المتحدة البسببها العالم اتغير لدرجة كبيرة شديد، ياخ اديك درعة 😹 كأس العالم زاتو ايفنت غيّر العالم🔥 صاح هي كورة بس برضو عندك تنظيم وهدف ورسالة فيبقى كأس العالم واحد من اكبر الإيفنتات على مر التاريخ 🔥

-لكن انت من قبيل بتتكلم عن جهات واحداث ما وصلت على مستوى فردي كل الأحداث دي استهدفت عرق او جماعة او مثلاً كل العالم.

=ياخ والله إنت بعيد ما شاء الله عليك، يلا في إيفنتات بتشتغل على جوانب الفرد مثلا زي تطوير الذات او الإلهام عشان يقدر يواجه اي شي في حياتو وبطريقة زي دي صنعت تيديكس لنفسها إسم وتاريخ في كل العالم 🔥

-تيدكس الواحدة دي؟

=ايوا تيديكس العالمية طبعا🌚

-الموضوع ده كبير وزابط شديد والله🔥 ياخ بتمنى إنو نصل مرحلة نغير السودان وحتى العالم ❤️

=إن شاء الله ده حلم ليس ببعيد❤️

-يلا انا ماشي نتلاقى في وقت تاني 👋🏽

=ثواني تعال هاك الكيس ده شيل فيه الإسم بتاعنا لو لسا تقيل😹💔

-انا زاتي ما عارف البجيبني ليك شنو ياخ ياريت الكرسي ينقلب بيك انت وكيسك ده

=الريدة غلابة ياخ 😹💔

Stay tuned

-شنو يا حبيبنا شايف أمس مولعين السوشيال ميديا وكمان عندكم رأي في الإيفنتات حقت البلد 🤣💔 طيب ما تجي وتحكي لينا إنتو منو؟=...
23/06/2022

-شنو يا حبيبنا شايف أمس مولعين السوشيال ميديا وكمان عندكم رأي في الإيفنتات حقت البلد 🤣💔 طيب ما تجي وتحكي لينا إنتو منو؟

= 🤣🤣🤣🤣🤣💔 طيب يا عزيزي إنفانجل إيفنتس هي واحدة من شركات مجموعة إنفانجل.

-مجموعة عديل كده؟ 🤯

=يا زول هوي لو قمنا صعبين..... أسامة داود اقعد تحت 🤣🤣🤣🤣🤣💔
المهم بكل بساطة إنفانجل ايفنتس هي شركة مختصة في تنظيم وإقامة الإيفنتات بصورة إحترافية.

-جميل شديد 🔥 طيب ياخ هدف الشركة دي شنو؟

= طيب بكل بساطة الهدف إنو نعمل نقلة في المجال ده 🔥 عشان يكون أي ايفنت يتعمل في البلد دي هو بداية لتطور عظيم 🔥🔥🔥 والحاجة دي بتحصل بالإستهداف الصاح 🙏🏽

-كلامك ده أنا حاسي بيه وراه كمية من المعلومات لكن كدي ما وقتها 🤣💔 يلا عندكم رسالتنا وكده🤣💔؟

=ما عندنا رسالتكم عندنا رسالتنا نحن 😹😹😹😹😹💔

-لا انت مشكلتك معاي شنو ؟🙂

=بريدك والله 😹😹😹😹💔 المهم رسالتنا هي مجتمع يهتم بالتطور وإيجاد الفرص وتسليط الضوء على إنجازات مختلف الفئات.

-طيب رؤيتكم شنو؟ 😏

=لا نبيه ماشاء الله 😹🔥 طيب رؤيتنا هي تنظيم وإقامة إيفنتات محلية وعالمية تساعد على نقل إنجازات فئات المجتمع السوداني وإمكانياته❤️🔥

-والله يا مان جميل شديد 🙏🏽🔥 إنت لي ما كتبت لي الكلام ده في صورة من نحن واهدافنا و..... الخ ؟

= لأنك عندي كل الخير وجيهك فرحة الدنيا 🎶 🤣💔

-والله اقوم وما إتخارج بس بجيب معاي طوبة وبجيك راجع.

=خلاص بطلت 🤣🤣💔 طيب حصل يوم لقيت جهة معينة كاتبة من نحن وأهدافها ورسالتها وقريت الكلام ده للأخير؟ 🤣💔

-بصراحة لا دايما باكل لي كم سطر كده وبعمل فيها إنو قريت 🤣💔

=أها شفت يلا لأنك عندي كل الخير بالجد أنا عايزك تفهمني بأبسط طريقة🤣🔥🔥🔥

- حبيبي والله بس لسا مُصر إنو إسمكم تقيل 🙇🏾‍♂️

= وأنا لسا مُصر إنو تشيلو بيدينك الاتنين 😹😹😹😹💔

-والله يا أخوي بتمنى نشوف إنجازاتكم قريب 🙏🏽🔥

=اصبر بس في غمضة عين حتشوف الإنجازات 🔥🔥🔥🔥🔥

Stay tuned

-ممكن سؤال يا عزيزي؟=اتفضل أكيد ✨-كلمة إيفنت دي يعني شنو؟=يعني إنفانجل دي ما أكلت معاك جمبة وداير تعرف معنى إيفنت؟ 🤣💔-ما...
22/06/2022

-ممكن سؤال يا عزيزي؟

=اتفضل أكيد ✨

-كلمة إيفنت دي يعني شنو؟

=يعني إنفانجل دي ما أكلت معاك جمبة وداير تعرف معنى إيفنت؟ 🤣💔

-ما شنو العافية درجات😂💔

=طيب يا عزيزي كلمة إيفنت معناه واقعة او حدث ✨

-لا بالله😒

=مالك😂💔 ؟

-انا ما داير كلام جوجل ده انا داير إجابة منك إنت ويكون ليها علاقة بالواقع الأسا .

=بس كده ؟ من العين دي️ 👁️قبل العين دي️👁️
طيب يا عزيزي إيفنت بتعني إقامة حدث في الحاضر يعبر عن حدث أو واقعة حصلت في الماضي ، أو يعبر عن تطور أو فكرة هادفة مستقبلاً.
وده طبعا 10٪ من إستخدام المصطلح حاليا بس ديل بالنسبة لي أهم حاجات لكن أكيد التعريف الشامل حيكون أي واقعة أو حدث إستدعى تسليط الضوء عليه لتحقيق غاية معينة.

-حاتعبك معاي عندي سؤال تاني ‍🙇🏾‍♂️

=اتفضل طوالي انا الليلة زاتي قاعد ليك بس؟

-حبيبي والله❤️ طيب الإيفنتات في السودان مالها كتيرة كده والخلل فيها شنو؟

=طيب أول حاجة نتفق إنو كثرة الإيفنتات دي معناها إنو في كمية من المحاولات الجادة لصنع تغير ولو بسيط في جانب معين ودي حاجة جميلة شديد وتستاهل الوقوف إحتراماً أما من ناحية ال......... إنت مالك وقفت؟

-ما قلت يستاهلوا الوقوف إحتراما فقمت وقفت 🤣💔

=يا زول زابط صفق ليهم برضو يستاهلو المهم بالنسبة للخلل الفيها شنو؟..... في كثير من الإيفنتات بتكون حاجة لحظية ماعندها رؤية مستقبلية يعني بدل الإيفنت يكون بداية أو إنطلاقة أو حتى شرارة لحاجة معينة بينتهي فقط ويموت في محلو في حين إنو بيكون لامي طاقات ومواهب خيالية والأهم من كده لامي ناس شغوفين بس للأسف ما حيفضل منو إلا الصور والذكريات الجميلة بس ماف مستقبل💔
عندك سؤال تاني؟

-آخر سؤال، إنفانجل دي يعني شنو ؟

=لا ده موضوع تاني خالص عايز ليه قعدة براه

-لكن يا مان الإسم ده تقيل ‍🙇🏾‍♂️

=شيلو بيدينك الاتنين😂💔

-دي شنو الظرافة دي🙂

=على أساس وقفت إحتراماً قبل شوية تأثراً منك🤣💔

- والله انت الزول ما يتغاتت معاك نهائي😂😂😂😂😂😂💔 حنتلاقى متين تاني🙏🏽❤️؟

= إن شاء الله قريب شديد لسا في حاجات زابطة حأوريك ليها وفي مفاجأت درعة

Stay tuned

Address


Website

Alerts

Be the first to know and let us send you an email when InvAngel Events posts news and promotions. Your email address will not be used for any other purpose, and you can unsubscribe at any time.

Shortcuts

  • Address
  • Alerts
  • Claim ownership or report listing

  • Want your business to be the top-listed Event Planning Service?

Share