Ikram 31

03/09/2023

🔴 #موقف بالبول 😂😂😂
كي كنت نقرا في ليسي طحت ورجلي تنفخت توجع بزاف مقدرتش نمشي عليها قالي لمراقب اعطيني نميرو تاع باباك ولا خوك نعيطلو يجي يديك وحنا معندناش طوموبيل وبابا خدام بعيد مديتلو نميرو تاع خويا لكبير وهاذا خويا مرنك والله معلابالو خلاص خرجت عند الباب تاع الليسي نلقاه يستنا فيا وجاب معاه برويطة ومفرشها ببساط رحت لعندو قالي اركبي قتلو لالا منركبش كيفاش نركب في برويطة قالي اركبي لنصرفقك انا نخمم عليك وجيت باش نديك ونتي تتكسلي ركبني تاع بالسيف وديمارى وصحاباتي يمشو من وراه ويغنو مولاي السلطان راو زاهي فرحان وخويا يسوق في لبرويطة ويشطح وانا الدمعة ومقدرتش نهبطها الغاشي كامل تفرج فيا 🤣🤣🤣🤣
تعيش ياك قريت موقف تاعي منسمحلكش تروح هاكك حط هاها 😂

01/09/2023

قتلو راني زعفانة
قالي شحال من حيط عندك
قلتلو ربعة وراني نحكي مع الخامس
المهم قصفتو قبل ما يقصفني الزريعة المرة🙂💔

30/08/2023

Aya khoty ha tfa3lo bach nhot jdid

26/07/2023

إقرأ وشد كرشك مليييح 🙂 🇸🇦/🇩🇿
Ｊｅ Ｔ'ａｉｍｅ

🇸🇦: ثمنه غالي
🇩🇿: مالا قتلي تبقاو فاتحين لليل؟

🇸🇦: فلنذهب ربما هم نائمون
🇩🇿: ارفد حجرة وطبطب بيها بالاك يكونوا راڨدين🙂

🇸🇦: رائحة العطر
🇩🇿: ريحة الريحة🐸

🇸🇦: لقد أضعنا الطريق
🇩🇿: طفي علينا جد الغنا هذا😐

🇸🇦: سوف نخرج في نزهة ولا نريد أن تذهب معنا
🇩🇿: ماناش عارفين بلاك نروحوا بلاك مانروحوش 🙃

🇸🇦: آسف لقد تأخرت
🇩🇿: ڨتلك خمس دقايق ونكون عندك متبقاش كل نص ساعة تعيطلي 😐

🇸🇦: موفق حبيبي
🇩🇿: طريق السد لي تدي ما ترد😎

🇸🇦: تريد أن أعيرك دراجتي حسنا
🇩🇿: تفوت رمبوى نڨعرك😌

🇸🇦: الجو بارد
🇩🇿: ليوم نضربها طبسي لوبيا🙂

🇸🇦: إنها تمطر
🇩🇿: اجري القش القش🏃

🇸🇦: إنه مغلق
🇩🇿: طبطب تشو راه لداخل الحلوف🙂

🇸🇦: كان حفل الزفاف رائع
🇩🇿: المقروط يابس، الشربة باردة، ماحطوليش، اللحم... لوكان غير مارحتش خير🙄

🇸🇦: تشبه أخاه كثيراً
🇩🇿: تقول جعفر داير خيمار🐸

🇸🇦: اخفض صوت الموسيقى قليلا
🇩🇿: عرس امك وقيلا😠

🇸🇦: أخفض الصوت
🇩🇿: زيد نقص شوية 😑

🇸🇦: أنفك كبير
🇩🇿: أخويا بلعقل على الاكسجين رانا نشروا فيه بالدراهم🙂

🇸🇦: تبا أنا لا أهتم لكلامهم
🇩🇿: نتوما هادرين هادرين موتووو😌

🇸🇦: نفذت البطارية
🇩🇿: عضها دوك تخدم😐

🇸🇦: يتمتع بصحة جيدة
🇩🇿: قد البغل يضرب حيط يبركوا💁‍♀️

🇸🇦: انها فاكهة فاسدة
🇩🇿: كول برك راهي طايبة مليح🙃

🇸🇦: لقد أصبح نحيفا
🇩🇿: بقاو فيه غير وذنيه😐

🇸🇦: أخفض سرعتك رجاءً
🇩🇿: ياسمير يهديك ربي 🐸

🇸🇦: إنه مريض
🇩🇿: ربي راه يخلص فيه😌

🇸🇦: انضر انه كلب
🇩🇿: شوف راو جاي خوك🙂🐸

08/06/2023

راح نذبح كبش للقروب كل واحد يدي حاجة على حساب شهر ميلادو.
جانفي✔ بوزلوف.😄
فيفري ✔ الصوف.😂
مارس ✔ الكرعين. 🤣
افريل ✔ الدوارة. 😊
ماي ✔ المخ.🙂
جوان ✔ القلب😁
جويلية ✔ الكبدة.😍
اوت ✔ الهيدورا.😆
سبتمبر ✔ فخض.🥰
اكتوبر ✔ العام الجاي.🤪
نوفمبر ✔ الرقبة.😊
ديسمبر ✔ يشوف بعينيه.🤭

08/06/2023

جبدو روحهم باش نتوحشوهم نسيناهم
🙂💔

08/06/2023

جداتي دارت الحنة لشعرها وطلقاتو جدي: حي عليا ومانبراش كي نطيح منصحاش🙂💔🤦‍♂️
😆

08/06/2023

ڤـلبي 🫀

خصه 🥹

مليااار🤲🏻🙂💰

07/06/2023

قالك وحدة قالها راجلها نوضي ديرنا كعكة ناكلوها مع القهوة ايا هي ماتعرفش😔 دخلت ليوتوب شافت وحدة ساهلة 😍 دارتها ودخلتها للفرن وراحت قعدت بحداه شوية ناضت تشوفهاا وفتحت عليها 😱 تفشت ايا سقسات لبنات فالفايسبوك قالولها بيسك فتحتي عليها نورمالمو متفتحيش غير تراقبيها من زجاج😮 ايا مالقات ما دير وحشمت من راجلها راحت قعدت بحداه قالها طابت!؟😬قالتلو لا ✋ مزال ايا زادت شوية وقالتلو روح طل عليها طابت ولالا انا عيييت 😖😶 مشى يطل عليها قالها ارواحي تشوفي راها مفشوشة ؟قالتلو فتحت عليها ؟ قالها وي 😐
قالتلو هبلت 🐸 أنت ولا كيفاه 😤ناس يطلو عليها غير من زجاج درك فسدتلي كلشي وانا من صباح واقفة 😌 قالها خلاص معليش انا نخرج نجيبها من برا درك 😁😁 قالك إبليس يضرب في ولده ويقوله أتعلم😂😂😂٠

07/06/2023

الذل❌
علابالگ بيه خادعگ ومزالگ معه ✅

07/06/2023

مقودة 😏 تتكبر عليا🤨ونتا ماماك 😊متفرقش بين سروالك🙃 وسروال ختك

04/06/2023

انا نخلي دار بابا لي ناكل فيها باطل🙂

ونلبس بـاطل🙂

ولي يهدر معايا نضربو
نرقد براحتي ونوض وقت ما نحب🙂

باش نتزوج واحد منعرفوش🙂
لالا وزيد فوقها نطيبلو ونبقى نستنى فيه باش ناکلو کیف کیف 🙂
ونغسل الماعن كل يوم🙂
ونوض صباح بكري نحوسلو على فردة تقاشر الكحلة تاعو لي راحت🙂

ونديرلو الحليب والقهوة كل صباح 🙂 ونجیب دراری منعرفهمش واش انا مهبولة🙂

04/06/2023

خزرت في زهري قالي : نتي بالذات مداصرنيش🙂💔...!!

25/06/2022