Contact information, map and directions, contact form, opening hours, services, ratings, photos, videos and announcements from Chirath Wedding Planner, Event Planner, .
ඔයත් කැමතිද ඔයාගෙ wedding එක ලස්සන වෙනස්ම විදියකට කරගන්න. වියදම් අඩුවෙන් ප්‍රශ්න නැතුව ලස්සන විදියකට wedding එක plan කරගන්න. අපි සූදානම් ඔයාගෙ ලස්සනම දවස තවත් ලස්සන කරන්න. කතා කරන්න "චිරාත් wedding planner" අපිට.
Call or Whatsapp - 0719760199
0719254545
නිවැරැදිව ඉටුකළ යුතු විවාහ චාරිත්‍ර !
සිංහල සංස්කෘතිය හා බැඳුණු අපේ විවාහ චාරිත්‍ර රාශියකි. හෙළ බෞද්ධයාගේ දෙවන උපත ලෙස සැලකෙන විවාහයේදී මේ චාරිත්‍ර ඉටු කිරීම ඉතා අගනේය.
* පොරොන්දම් බැලීම
විවාහ යෝජනාවකදී පැරැන්නෝ ප්‍රථමයෙන්ම සිදු කළේ ස්ත්‍රි පුරුෂ දෙදෙනාගේ පොරොන්දම් පිළිබඳ බැලීමයි. ඉන් පසු දෙපාර්ශ්වයේම තම අයගේ පවුලේ දෛවඥයා හෝ දෛවඥයින් ලවා පොරොන්දම් බැලීම සිදුකරයි. දෙපාර්ශ්වයේම පොරොන්දම් ගැළපීම සෑහීමකට පත් වන්නේ නම් දෙවන පියවර වන්නේ පවුල බලන්නට යාම හෙවත් “බත බුලත් කෑම”යි.
* පවුල බලන්නට යාම (බත බුලත් කෑම)
පළමුවෙන් ම මනමාලයාගේ පාර්ශ්වයෙන් මනාලියගේ නිවෙසට පැමිණීම සිදු කරයි. මනාලිය මනා ලෙස සැරසී බුලත් හෙප්පුවක් රැගෙන මනාලයා ප්‍රමුඛ මනමාල පාර්ශ්වයේ ඥාතීන් හමුවට පැමිණ ආචාර කරයි. මනාලිය විසින් බුලත් හෙප්පුව මනාලයා වෙත පිළිගන්වයි. අනතුරුව සිදු කරන්නේ මනාලියගේ පාර්ශ්වයෙන් මනාලයාගේ පවුල බලන්නට යාමයි. මෙහිදී මනාලිය ඵම ගමනට සහභාගි නොවේ.
* නැකැත් සෑදීම
මනාල මනාලිය දෙදෙනාගේ වයස රූපය තත්ත්වය අදහස් ගැළපීම මෙන්ම දෙපාර්ශ්වයේම තත්ත්වය (ආගම කුලය ධනය බලය ඥාතීන් හැකියාව ආදිය ) ගැළපේ නම් ඊළඟ කටයුත්ත විවාහයට නැකැත් සකස් කිරීමයි. සාම්ප්‍රදායික ලෙස නැකැත් සෑදීම කරන්නේ මනමාලයාගේ පාර්ශ්වයෙන්ය. මනමාලයාගේ පාර්ශ්වයෙන් ඵම නැකැත් පත්‍රය මනාලියගේ පාර්ශ්වයට භාර දෙන අතර ඵම නැකැත්වල දෝෂ අඩුපාඩු ඇත්නම් මනාලියගේ පාර්ශ්වයෙන් පරීක්ෂා කර බලයි.
* විවාහයේදී විශේෂයෙන් සලකා බලන නැකැත්
පූර්ව මංගල නැකැත්
මනමාලයාගේ පාර්ශ්වයෙන් සකස් කළ නැකැත් පත්‍රය මනාලියගේ පාර්ශ්වයට භාර දීම .
දෙපාර්ශ්වයේ අය තම තමන්ගේ පාර්ශ්වයේ ඥාතීන්ට පළමුවෙන් මංගල දිනයට ආරාධනා කිරීම(බුලත් දීම).
තෙල් වළං ළිප තැබීම.
මංගල දිනයේ නැකැත්
මනාල මහතා නිවසින් පිටත් වීම.
මනාලියට තැල්ල බැඳීම(වේල් ඵක බැඳීම).
මනාලයාගේ පැමිණීම.
මංගල පෝරුවට නංවා චාරිත්‍ර ඉටු කිරීම (සළු පැලඳවීම ආදිය).
පෝරුවෙන් බැසීම.
පොතේ විවාහය සිදු කිරීම(විවාහය ලියාපදිංචි කිරීම).
මඟුල් මඩු ඉඳුල් කිරීම.
යුවළ පිටත් වීම.
පසු නැකැත්
ජෝඩුව පසු ගමන් පිටත් වීම.
මනාල යුවළ නිවෙසට ගොඩ වැඳීම.
මනමාලයාගේ පාර්ශ්වයෙන් සකස් කළ නැකැත් පත්‍රය මනාලියගේ පාර්ශ්වයට භාර දීම.
ඈත අතීතයේ සිංහලයන් ඉතා ඕනෑකමින් සිදු කළ චාරිත්‍රයකි සෙත්කවි ශ්ලෝක ආදියෙන් විචිත්‍රවත්ව සකස් කරන ලද නැකැත් පත්‍රය මනාලියගේ පාර්ශ්වය ඉදිරියේ කියවීමද විශේෂතත්ත්වයකි. කවි කතාවලින් වර්ණවත් වූ විවාදාත්මක ස්වරූපයක් ගත් මෙය මනා සුහඳ හමුවක් වැනිය.
දෙපාර්ශ්වයේ අය තම තමන්ගේ පාර්ශ්වයේ ඥාතීන්ට පළමුවෙන් මංගල දිනයට ආරාධනා කිරීම(බුලත් දීම).
මෙයද සුවිශේෂී චාරිත්‍රයකි. මේ සඳහා තෝරා ගන්නේ තමන්ට ඉතා හිතවත් විශ්වාසදායී සමීප පවුලේ ඥාතියකුය. බුලත් දීම සිදු කරන තුරු මංගල දිනය අනෙක් අයට දැනුම් නොදීම ඉපැරැණි ක්‍රමයක් වුවත් වර්තමානයේ මංගල උත්සව හෝටල්වල ගැනීම ආදී විසිතුරු වැඩ නිසාම අන්දන කෙනාට ෆොටෝ ගසන්නාට සැමට පෙර මඟුල් දිනය දැන්වීමට සිදු වේ. ඵනමුත් බුලත් දී චාරිත්‍රානුකූලව කෙරෙන කාර්යයට ඉන් පීඩාවක් නැත.
තෙල් වලං ළිප තැබීම
නැකැත් දිනය ආසන්න වන විට දෙපාර්ශ්වයේම අය මංගල්‍යයට කැවිලි සෑදීම සඳහා නැකැතට තෙල් වළං ළිප තබයි.
මනාල මහතා නිවසින් පිටත් වීම
මංගල දිනයේදී මනාල මහතා මනාලියගේ නිවසට යාමට තම නිවෙසින් පිටත් වෙන්නේ සුබ නැකැතටය. මනාලයාගේ මව වතුර වීදුරුවකට සුදු මල් දමා පෙර මඟට පැමිණේ.
මලින් සරසන ලද මංගල රථයට මනාලයා සමඟ දෙවන මනාලයාද ගොඩවන අතර අනෙක් ඥාතීන් වෙනත් වාහනවලින් මංගල රථයේ පසුපසින් පැමිණේ.
සමහර මනාලයින් නිවසින් පිටවීමට නැකැතක් නොබලයි. නමුත් මනාලයාට මේ අවස්ථාව ඉතාමත් වැදගත් අවස්ථාවක් බැවින් ඵ් සඳහා නැකැතක් බැලීම අත්‍යවශ්‍යය. සමහර අවස්ථාවලදී මනාලයා නිවෙසින් පිටවී යන නැකැත ඵළඹෙන අවස්ථාවේ මනාලයාගේ පවුලේ අය පෙනී නොසිටියි. සමහර විට මනාලයා නිවෙසින් පිටවීමේ නැකැත හා මංගල උත්සවය පැවැත්වෙන ස්ථානයට ළඟා විය යුතු වේලාව අතර සෑහෙන පරතරයක් පවතී. මේ අවස්ථා 2කම නිසා සිදු වන්නේ මනාලයා නිවසින් පිටවීමේ නැකැතට නිවෙසින් මිදුලට පැමිණ පැය ගණනක් බලා සිටීමය.
සිදු විය යුත්තේ මෙය නොවේ, මෙම නැකැත පිළිපැද්දා යැයි පවසා සිත සනසා ගැනීමට දරන උත්සහයකි. නැකැත ඇත්තේ පවුලේ සියලු දෙනා සමඟින් නිවෙසින් පිටවී යාම මිස නිවෙසේ ප්‍රධාන දොරටුවෙන් පිටවීමට නොවේ. මෙයින් මනාලයා කළකිරීමට පත් වීම හා වෙහෙසට පත් වීම ආදියද සිදුවේ. ඵමෙන්ම වර්තමානයේ බොහෝ මංගල උත්සව මනාලියගේ නිවසේ නොගෙන හෝටල්වල ගන්නා නිසා මනාලිය පිටවීමේ නැකතක්ද නැකත් පද්ධතියට ඵකතු වී ඇත.
( ඡ්‍යොතිෂවේදී, වාස්තු විද්‍යා උපදේශක, පුවත්පත් ලේඛක,
බණ්ඩාරගම, සම්පත් එස් කල්පගේ )
Happy New Year !!! 2023
🟢එළිමහනේ, ස්වභාවික පරිසරයේ විවාහ මංගල්‍යයක් පැවැත්වීමට ආසාවක් තියෙනවා නම්, මේ උපදෙස් ඔබ වෙනුවෙන්මයි
✳️විවාහ මංගලෝත්සවයන් සඳහා අවශ්‍ය සේවාවන් කියන්නේ මේ වෙනකොට අති දැවැන්ත ක්ෂේත්‍රයක්. දැන් කාලේ සාමාන්‍ය වෙඩින් එකකට වුණත් ලක්ෂ දහයක් පහළොවක් වියදම් වෙනවා කියන කාරණාවත් එක්ක, මේ හෝටල්, මල් සැරසිලි, වෙඩින් ෆොටෝග්‍රැෆි, රූපලාවණ්‍ය හා කොණ්ඩා මෝස්තර හා මනමාලියන් ඇන්දවීම, මංගල ඇඳුම්, සංගීත කණ්ඩායම්, කේටරින් සහ තවත් විවිධ සේවාවන් වලට තමන්ගේ මංගල දිනයේදී මොන වගේ මුදලක් වියදම් කෙරෙනවද කියන එක ගැන අදහසක් ලබාගන්න පුළුවන්.
ඉතින් මේ වගේ විශාල ක්ෂේත්‍රයක අලුත් අලුත් දේවල් කරන්න තමයි ගොඩක් අය උත්සාහ කරන්නෙත්. උදාහරණයක් විදියට මංගලෝත්සවයක් පවත්වන්න යොදාගන්න තේමාවන් අලුත් කරන්න උත්සාහ කරන වෙඩින ප්ලෑනර්ස්ලා, අළුත් අළුත් විධි වලට, අළුත් අළුත් ලොකේෂන් වල ෆොටෝෂූට් කරන්න උත්සාහ කරන වෙඩින් ෆොටෝග්‍රැෆර්ස්ලා ගන්න පුළුවන්. ඉතින් මේ අලුත් වෙඩින්ග් ට්‍රෙන්ඩ්ස් වලින් එකක් තමයි නේචර් වෙඩින්ග් කියන්නේ. ඉතින් අපි බලමු එළිමහනේ, ස්වභාවික පරිසරයේ විවාහ මංගලෝත්සවයක් කරනවා නං මොනවගේ උපදෙස්ද ඒකට වැදගත් වෙන්නේ කියලා.
✅1. කන්දෙන්ද මුහුදෙන්ද කැලයෙන්ද?
පළවෙනියටම හිතමු ටිකක් ඇඩ්වෙන්චර් සීන් එකක්. ඒ කියන්නේ අපිට බැරිවෙයිද වෙඩින් එක ගන්න නියමම ස්වභාවික පරිසරයක් හොයාගන්න? ඒ කියන්නේ ෆයිනස් කැලයක් වෙන්න පුළුවන්, කඳුපාමුලක සුන්දර තැන්නක් වෙන්න පුළුවන්, කන්දක් මුදුනක සුන්දර තැන්නක් වෙන්න පුළුවන්, සුන්දර වෙරළ තීරයක් වෙන්න පුළුවන්. අමතක කරන්න එපා, ලංකාවේ කොයි තරම් සුන්දර ස්වභාවික තැන් තියෙනවද කියන එක.
හැබැයි මෙතනදී එකක් මතක තියාගන්න ඕන. අපිට ඕන ඕන විදියට ලස්සන කැලයක් ගාවට ගිහින් වෙඩිමක් ගන්න බෑ. සමහර තැන් පුද්ගලික අයිතියට තියෙන්නේ. සමහර තැන් රජයට අයිතියි. ඉතින් ඒ නිසා කොතන තෝරගත්තත්, මුලින්ම හොයලා බලලා අදාළ තැන් වලින් අවසර ගන්න වෙනවා.
✅2. බූටික් හොටෙල් එකක්?
උඩින් කියපු තරමට ඇඩ්වෙන්චර් සීන් කරන්න අකමැති නම් අපිට ලේසියෙන්ම, සුන්දර ස්වභාවික පරිසරයක පිහිටි ලස්සන බූටික් හොටෙල් එකක් තෝරගන්න පුළුවන්. ඉතින් කොයි තරම් සුන්දර පරිසරයක තිබුණත්, බූටික් හොටෙල් එකක නේචර් වෙඩින් එකක් අරන් වැඩක් තියෙනවද? ඇත්තටම හොටෙල් එක බුක් කළාට අපි වෙඩින් එක ගන්නේ එළිමහනේ. එතකොට අපිට පහසුවෙන්ම මුහුද අද්දර හොටෙල් එකක් බුක් කළොත්, ඒ හොටෙල් එකට අයිති වෙරළ තීරය අපේ වෙඩින් එකට යොදාගන්න පුළුවන්. කන්දක් මුදුනේ ලස්සන තැන්නක තියෙන හොටෙල් එකක් බුක් කළොත්, වෙඩින් එක එළිමහනේ පවත්වගන්න පුළුවන්.
මෙහෙම වෙඩින් එකක් ඩිසයින් කරන එකේ ප්‍රධානතම වාසිය වෙන්නේ, ලඟම හොටෙල් එකත් තියෙන නිසා, වැඩේ ගොඩක් පහසුයි.
✅3. වත්ත පිටිපස්සේ?
මෙන්න මේකත් නේචර් වෙඩින් එකක් ගන්න ඉතාම හොඳ, පහසු විදියක්. දැන් සමහර ගෙවල් තියෙන්නේ හොඳට ඉඩ තියෙන උද්‍යානයක් එහෙම එක්ක. ආන්න ඒ වගේ ගෙයක් තියෙන කෙනෙක්ට නම් ඔය කොහේවත් යන්නෙ නැතුව ගෙදරම වෙඩිම ගන්න පුළුවන්, හා නැද්ද? කොයි තරම් ලේසිද වැඩේ එහෙම වුණහම, වියදමත් සෑහෙන්න ඉතුරු කරගන්න පුළුවන්. එහෙම ගෙයක් සහ වත්තක් නැතිනම් ඉතින් එහෙම තියෙන යාලුවෙක්ගෙන් ඉල්ලගන්නත් බැරි වෙන්නෙ නෑ. හැබැයි එකක්, එහෙම ගාර්ඩ්න් වෙඩින් එකක් ගන්නවා නං, එහෙං මෙහෙං වැවුණු ඉපල් අනං මනං, කොළ වැටිලා හැඩි වුණු බිම, අපිළිවෙලට වැවුණු පඳුරු එක්ක ඉඩමක් නං හරියන එකක් නෑ. පොඩ්ඩක් හෝටිකල්චර් පාරක් දාලා, ලස්සනට හදපු ගාර්ඩ්න් එකක් වෙන්න ඕන.
✅4. ට්‍රාන්ස්පෝර්ට්?
දැන් අපි සාමාන්‍යයෙන් වෙඩින් එකක් තියෙන විදිය ගත්තොත්, කෙනෙක් තමන්ගේ වෙඩින් එකට හොටෙල් එකක් තෝරගන්නේ එක්කෝ කොළඹින්, එහෙම නැතිනම් තමන් ඉන්න ප්‍රදේශයට කිට්ටුව පාතින්. එහෙම නේද. අන්න එතකොට පොදුවේ ගත්තහම වෙඩිම කරන එවුන්ට වගේම, වෙඩිමට එන එවුන්ටත් යන්න එන්න ලොකු අමාරුවක් නෑ.
හැබැයි ඉතින් නේචර් වෙඩින් එකක් ගන්නකොට ලොකේෂන් එක තියෙන්නේ නුවර එළියේ කන්දක් මුදුනේ වෙන්නත් පුළුවන්, බණ්ඩාරවෙල ෆයිනස් කැලේක වෙන්නත් පුළුවන්, මිරිස්සේ බීච් එකක වෙන්නත් පුළුවන්. අන්න එතකොට නම් ඔය ට්‍රාන්ස්පෝට් වැඩේ පොඩ්ඩක් කේස්. දැන් අපි කියමු වෙඩිමට එන එවුන්ව කොහොම හරි ගෙන්නගත්තා කියලා. වෙඩිමේ අනික් දේවල් වලට ට්‍රාන්ස්පෝට්? එව්වට අපි අතින් එපැයි මල්ලි ගෙවන්න. ආන්න ඒ නිසා ඒ පැත්තත් පොඩ්ඩක් හිතුවොත් හොඳයි.
✅5. එකෝ ෆ්‍රෙන්ඩ්ලි
නේචර් වෙඩින් එකක් කරනවා නම්, නේචර් එකත් එක්කම යන එකෝ ෆ්‍රෙන්ඩ්ලි තීම් එකකට යන තරම් නැචුරල් දෙයක් තවත් තියෙනවද? එකෝ ෆ්‍රෙන්ඩ්ලි වෙඩින් එකක් කරන එක අමාරු නෑ. උදාහරණයක් විදියට ගත්තොත්, මල් සැරසිලි ඔක්කොම ඇත්ත මල් වලින් කරන්න පුළුවන්. කොළඹ ඉඳන් කේටරින්, ඩිසයිනින් ගෙන්නනවට වඩා, අහළ පහළ ඉන්න හොඳ අය හොයලා භාර දෙන්න පුළුවන්. ප්ලාස්ටික් කප් අනං මනං වෙඩිමට ගන්නෙ නැතුවම ඉන්න පුළුවන්. ඔය වගේ පරිසර හිතකාමී වෙන්න පුළුවන් පොඩි පොඩි කරුණු කාරණා දහසකුත් එකක් තියෙනවා.
✅6. ලිමිට්ස් මතක තියාගමු
දැන් අපි කන්දක හරි කැලේක හරි මුහුදු වෙරළක හරි අපේ නේචර් තීම් වෙඩින් එක තියන්න ලකලැහැස්ති වෙනවා කියමුකෝ. අපිට තේරුම් ගන්න වෙනවා මේ වගේ තැනක අපිට සාමාන්‍ය සාම්ප්‍රදායික වෙඩිමක් ගන්න බැහැයි කියන එකත්. ඒ කියන්නේ යම් යම් සීමාවන් තියෙනවා. සරල උදාහරණයක් ගත්තොත්, තණකොළ ගොල්ලක හරි මුහුදු වෙරළක හරි ඩාන්ස් කරන්න බෑ. එතකොට ඩාන්ස් සීන් එකක් ඕනම නම්, ඒකට ප්ලැට්ෆෝම් එකක් ලී වලින් හරි නිර්මාණය කරන්න වෙනවා. එතකොට අපි සම්පූර්ණයෙන්ම ස්වභාවික පරිසරේක අපේ නේචර් වෙඩින් එක ගන්නවා නං, අපේ නෑදෑයෝ යාලු මිත්තරයෝ හාරසීයකට විතර වෙඩිම කියන්න බෑ. සහරා ෆ්ලෑෂ් ගෙනැල්ලා දාගෙන කැලේ දෙදරන්න සිංදු දාන්නත් බෑ. බීලා වැටෙන්නත් බෑ. අන්න ඒ නිසා අපි නේචර් වෙඩින් එකක් ගන්නවා නම්, සෑහෙන සීමාවන්ට යටත් වෙන්නත් සිද්ධ වෙනවා.
✅7. කරන්ට් එකත් ඕන වෙයිද?
මේකත් ඇත්තටම උඩ කියපු කාරණාව එක්කම තමයි බැඳිලා තියෙන්නේ. ඇත්තටම නේචර් වෙඩින් එකකට කරන්ට් එක ඕනැද? සමහර වෙලාවට කෙනෙක්ට, මේක හවස් යාමේ ගන්න වෙඩින් එකක් නම් එතන පසුබිම බල්බ් දාලා අලංකාර කරලා ගන්න වුවමනා වෙන්න පුළුවන්. අර අපි උඩින් කියපු විදියට හොටෙල් එකක් එක්ක තියෙන ලොකේෂන් එකක් නම්, ගාර්ඩ්න් වෙඩින් එකක් ගන්න ලොකේෂන් එකක් නම් ගැටළුවක් නෑ. හැබැයි එහෙම නැතුව කැලේක, කන්දක, මුහුදු වෙරළක ගන්න වෙඩිමක් නම්, විදුලි බලය අමතක කරලා දාන්න වෙනවා.
✅8. වෙනස්ම ඩිසයින් එකක්
නේචර් වෙඩින් එකක් ගන්න එකේ ඇත්තටම වාසි තියෙනවා. ඒකෙන් ප්‍රධානතම වාසියක් තමයි, වෙඩින් වලට මෙහෙම තමයි වෙන්න ඕන කියලා වෙඩින් ෆීල්ඩ් එකේ පෙන්නන සාම්ප්‍රදායික ඩිසයින් වලින් මිදිලා, අවශ්‍ය නම් තමන්ටම ආවේණික විදියේ වෙඩින් එකක් ඩිසයින් කරන්න නිදහස තිබීම. උදාහරණයක් ගමු. සාමාන්‍යයෙන් පෝරුවක් කියලා කිව්වහම එක එක විදියේ පෝරු ඩිසයින් තිබ්බට, ඇත්තටම ඒවා ඔක්කොම ලොකු වෙනසක් නෑ. අපේ වෙඩිමට විතරක් විශේෂත්වයකුත් නෑ. හැබැයි කොහොමද කැලේ ෆයිනස් ගහක නිර්මාණය කරපු සරල බැක්ඩ්‍රොප් එකක් පෝරුවට ගත්තොත්? එහෙම නැතිනම් මුහුදු වෙරළේ හදපු සරල ලී තට්ටුවක් සහ මල් ආරුක්කුවක් පෝරුවට ගත්තොත්?
✅9. පරිසරය සුරකිමු
මේක ඉතින් අමුතුවෙන් කියන්න ඕන නැහැනේ. නේචර් වෙඩින් එකක් ගන්න එකේ ප්‍රධාන අරමුණක් වෙන්න ඕන ෆොටෝ ෂූට් එකට අමුතු ස්වභාවික ලස්සනක් තියෙන ලොකේෂන් එකක් හොයාගැනීමම නෙවෙයි. ඊට වඩා පරිසරයත් එක්ක බැඳුණු අපූරු විවාහ මංගලෝත්සවයක් ගැනීම තමයි ප්‍රධාන අරමුණ වෙන්න ඕන. එතකොට පරිසරය සුරැකීමත් ඒකේ ප්‍රධාන කොටසක්. අන්න ඒ නිසා, උඩින් කියපු විදියට හැකිතාක් පරිසර හිතකාමී විදියට වෙඩින් එක ගැනීම, ස්වභාවික පරිසරයට හැකිතාක් අවම බාධාවක් වීම සහ ස්වභාවික පරිසරයේ නොතිබුණු කිසිම දෙයක් දාලා නොඒම වගේ දේවල් හිතට ගැනීම වැදගත්.
එහෙමනම් අපි මේ උපදෙස් ඔළුවේ තියාගෙන බලමුද අපිටම අපේ වෙඩින් එක ප්ලෑන් කරගන්න පුළුවන් වෙයිද කියලා?
( උපුටා ගැනීම - lifie.lk)
Happy New Year 2022 😊
#2022
උඩරට මුල් ඇඳුම....
===============
උඩරට මුල් ඇඳුම පළඳින්නට උරුම කරුවන් විදියට 1.රදලවරුන්
2. නිලමේවරුන්
3.බණ්ඩාරවරුන් හැඳින්වේ . මෙම ප්‍රමුඛ පිරිස් රාජකාරි කටයුතු වල නිරතව සිටි නිසාවේනි. රාජාණ්ඩු වලට අයත් රාජකාරි කටයුතු වලට මෙම මුල් ඇඳුම ඔහුන්ට පමනක් පළඳින්නට උරුමකරුවන් විය .
උඩරට මුල් ඇඳුම නිර්මාණය කර ඇති ආකාරය ගත්කළ . මෙය අලුත් නුවර දැඩිමුණ්ඩ දේවතා බණ්ඩාර දෙවියන්ගේ වස්ත්‍රාභරණ වන අතර. දෙවියන්ගේ වරම් රැගෙනයි නිර්මාණය කර ඇත්තේය. එම නිසා මෙම මුල් ඇඳුම පන්සිල් වලට දේව සංකල්පය වලට අනුව. පුදපූජා, සිරිත් විරිත්, වලට මුල්තැනක් දීම සිදුවන අතර සියලු සත්වයන් හට ගරු සරු, උදව් උපකාර, . කරුණා. මුදිතා. උපේක්ෂා වලින් පොහොසත් සුගතිගමි පිළිවේත් අනුගමනය කිරි සිදුකළ යුතුයි . මෙම මුල් ඇඳුම් දරාගත කෙනෙකු නිර්මාන්ශ වන අතර අකුසල් කර්ම වලින් වැළකීය යුතුයි .
උඩරට පරම්පරාවට අයත් මුල් ඇඳුම් දරාගත ප්‍රබුද්ධත්වයට පත් පිරිස් මෙම ක්‍රියාවලිය අනුගතව රාජකාරි කටයුතු වල නිරතව සිටිහ . තිරිසන්,පෙරේත,අසුර,නිරය, යන සතර අපයට නොවටි රජු විසින් පවරාදෙන රාජකාරි කටයුතු වලට සාර්ථකව නිම කිරීමෙන් පසු ,ගරු සරු, නම්බු නම, සහිත ඉඩකඩම් දේපොළ පිරිනමන ලදී .
පසුව සාමාන්‍ය ජනතාව උදෙසා වෙහෙර විහාරය දේවාල ඉදිකර සඟසතුව ඉඩකඩම් දේපොළ පූජා කරන ලදි. මෙම ප්‍රබුද්ධත්වයට පිරිස් සාමාන්‍ය ජනතාව උදෙසා ඉඩකඩම් නිවාස ගොවිතැන කිරීමට ඉඩකඩම් ආම්පන්න දන්දීමේන් . රට. ජතියට සමාජ තලවල "වලව්වේ හාමුදුරුවෝ"ගරු සරු නම්බු නම වලින් පිදුම් ලැබූහ .එමනිසා මෙම පිරිස් දේවත්වයට පත්වන අවස්ථා ද තිබේ ..
උඩරට පරම්පරාවට අයත් මුල් ඇඳුම නිර්මාණය කර ඇත්තේ .ඉහත සඳහන් කරපු දැඩිමුණ්ඩ දේවතාබණ්ඩාර දෙවියන්ගේ වස්ත්‍රාභරණයෙන් වන නිසා . මෙම පරිහරණය කළයුතු වන්නේ නිසි ක්‍රමවේදයක් ඔස්සේ අති පිරිසිදුවනි .එසේ නොමැති නම් වස් දෝෂ ඉක්මනින් පැමිණෙන නිසා පිරිත් දෙශනා කොට නිසි වේලාවට පළඳිය යුතුයි .
ගිහිගේය අතහැර පැවිදි දිවිය වැළඳගත් ස්වාමීන් වහන්සේලා සියලු දෙනාම. අවසන් වරට මුල් ඇඳුම පැළඳ සිරිත් විරිත් වලට අනුව සසර අවසන් කිරීමෙ මඟට පියමං කරයි.
1.මුළු හතරේ තොප්පියක්
2.තොප්පියේ මල් ගස්
3.ශරිරයේ උඩු කොටස හැට්ටය
4. බද පටිය
5.පපු පටිය
6.පේරුස් මුද්ද
7.මාලය
8.පිහිය
9.මිරිවැඩි සඟල
10.සුදු පටිය 2
11.කවනිය
12.රතු රෙද
13.රුලි කකුල් සහිත කලිසම ... අංගයන්ගෙන් නිර්මාණය කර ඇත.
වර්තමානයේ පරිහරණය කළයුතු ආකාරයට නොවෙයි පරිහරණය කරන්නේ මෙම උඩරට පරම්පරාවට අයත් මුල් ඇඳුම ගුණාත්මක භාවයන් කිලිටි කරමින් . පන්සිල් වලින් තොරව මත් වතුර මස්මාංශවල නියැලී නිසි කුලවංශ පිරිස් වලින් තොරව පරිහරණය කිරීමෙන් වටිනාකම නැතිව ගොසිනි .
දළදා සමිදු පිහිටායි .....
දෙහිගම අදිකාරම්ලාගේ රසික අසංක
=========================
👇👇👇
මේ මාතර තෙලිජ්ජවිල ❤️✌️
ලංකාවෙ තියෙන අංක එකේ Restaurant එකක් 🍕🍟🍲
📍Matara (Telijjawila- Weligama Rd)
▪️Birthday party
▪️Batch Party
▪️Private Events
▪️Family Function
🔸All Events & Small Outdoor Wedding Function
ෆොටෝස් ගන්නම කැමති කට්ටියට නං ෆොටෝස් වලටම ගැලපෙන වටපිටාවක් තියෙනවා. සේවාවත් උපරිමයි.
❤️✌️🙋🙋♀️
Half of Diamond Restaurant 💎 ❤️
Wedding day of Darshi ❤ Chanaka
Wedding planner - Life Design Events (0719760199)
Dressed by - Anu bridle
Photography - The album
Wedding location - Hotel Blue Sky
✅ Open එක ළඟදීම
❣️ මාතර Blue Beach villa
👰 💒
✅ The Barn House පානදුර
✔️සති අන්තයේ යහලුවන් සමඟ විනෝද වෙන්න
✔️මංගල උත්සව ගන්න
✔️උපන් දින සමරන්න , කියාපු තැන.
අගහරුවාදා මධ්‍යම රාත්‍රියේ සිට නැවත දැනුම් දෙන තුරු විවාහ මංගල උත්සව තහනම් ❗❗❗🚫
📸 ලස්සනට photos ගන්න පුලුවන් කුරුණෑගල අවට
හොඳ location
වයඹ පලාතේ තියෙන ඉතාම ප්‍රසිද්ධ වගේම සුන්දර නගරය තමයි කුරුණෑගල කියන්නෙ. ඇවිදින්න, නිදහසේ ඉන්න කුරුනෑගල නගරය අවට ඉන්න ඕනෙම කෙනෙක් යන තැනක් තමයි කුරුණෑගල වැව රවුම. මේ තැනට එක පාරක් ගිය කෙනෙක්නම් අනිවාර්යයෙන් ආයෙ යනවමයි. ඒ නිදහස් වගේම photo ගන්න අයටනම් ගොඩක්ම ලස්සන location එකක් නිසයි. Wedding එකක් ගන්න කෙනෙක්ට වගේම photo shoot එකක් කරන කෙනෙක්ට ගොඩක්ම ගැලපෙනව මේ කුරුණෑගල වැව රවුම.
කුරුනෑගල තියෙන තවත් ලස්සන වගේම ගොඩක් වැදගත් වගේම කුරුනෑගල ප්‍රසිද්ධම දෙයක් තමයි ඇතුගල.
මේ ඇතුගලනෙ ඉතිං කුරුණෑගල කියපු ගමන් මතක් වෙන්නෙ. Photos ගන්න වගේම බෞද්ධයන්ට ගොඩක් වැදගත් මේ ඇතුගල. ඇතුගලට ගිහින් තියෙන අයනම් දන්නව සුන්දරත්වය.
යාපහුව ගැනත් ගොඩක් අය අහල ඇතිනෙ. Traditional theme එකෙන් wedding එක කරන කෙනෙක්ට නම් ගොඩක්ම ගැලපෙනවා යාපහුව.
සාරගම වැවනම් ගොඩක් අය දන්නෙ නැතුව ඇති. නමුත් කුරුනෑගල ප්‍රදේශයේ සුන්දරත්වය විදින්න වගේම photo shoot එකකටත් ගොඩක්ම ලස්සන තැනත් තමයි සාරගම වැව.
✅ ඉතිං මේ කුරුණෑගල location විතරක් නෙමෙයි, ලංකාවේ සුන්දරත්වය විඳින්න වගේම photos ගන්න location වලට යන ඔයාල හැමෝටම දෙන පණිවිඩයක් තමයි පරිසරයේ සුන්දරත්වය සුරකින්න කියන දේ.
- Life Design Events Planning -
📸 Pc - studio red & studio natural
Dilanka ❤ Ishan
Wedding planner - Life Design Events (0719760199)
Photography by - Derana Wedding Studio
Dressed by - Salon Udani
Traditional Attire - කැටපත්පවුර
කොළඹ හවසකට යන්න සුපිරිම තැනක් තමයි මේ.කාලා බීලා නටලා චිල් එකේ ඉඳල එන්න යාලුවෝ සෙට් එකත් එක්ක මරුම place එක.❤
Honey Beach Club - Colombo
විවාහ උත්සවයකට theme එකක් අවශ්‍ය බව ඔබ දන්නවා ද?
තේමාවක් නැත්නම් theme එකක් කියන්නෙ මොකක්ද?
Theme එකක් කියන්නෙ විවාහ උත්සවය ලස්සනට පිළිවෙලට වගේම මුලු උත්සවයම එකම ගැලපීමකටයි. ලංකාවේ විවාහ උත්සව වල විවිධ තේමාවන් දක්නට ලැබෙනවා.
✅Traditional theme(සාම්ප්‍රදායික තේමාව)
✅Indian theme (ඉන්දියානු තේමාව) වගේ ගොඩක් දක්නට ලැබෙනවා. නමුත් ලංකාවෙනම් බහුලවම අපිට දකින්න ලැබෙන්නෙ traditional theme (සාම්ප්‍රදායික තේමාව)යි.
ඉතිං තේමාවකට විවිධ වර්ණ තෝරාගැනීමෙනුත් ඉතාම නිර්මාණාත්මක මෙන්ම අලංකාර උත්සවයක් සැලසුම් කිරීමට හැකිවේ.
තේමාවකට විවාහ උත්සවයක් සැලසුම් කරනවා කියන්නෙ ලේසි පහසු කටයුත්තක් නෙමෙයි. ගොඩක් දේවල් තේමාවක් තෝරාගැනීමේදී අයිති වෙනව.
✔️මනාලියගේ සහ මනාලයාගේ ඇදුම් තෝරා ගැනීම
✔️විවාහය සඳහා සුදුසු ස්ථානයක් තෝරා ගැනීම
විශේෂයෙන්ම සැරසිලි කිරීමේදී වගේ ගොඩක් කරුණු ගැන සැලකිලිමත් වෙන්න ඕනේ.
කොහොම උනත් තේමාව(theme) තෝරාගන්න ඕනෙ විවාහ වන ඔබගේ කැමත්ත අනුවයි.
විශේෂයෙන්ම මේ පිළිබඳව දැනුමක් ඇති කෙනෙක්ගෙන් උපදෙස් ලබා ගැනීමෙන් අවශ්‍ය තේමාව හරි ආකාරව මෙන්ම ඉතාමත් ලස්සනට කරගන්න පුලුවන්.
ඉතිං තේමාවකට ඔබේ විවාහ උත්සවය සැලසුම් කළොත් ඔබටත් ලස්සන විවාහයක මතකයන් ඉතිරි කර ගැනීමට හැකිවේවි.
හැරී පෝටර්ගේ ලෝකෙදී කසාද බඳිමුද ?
හැරී පෝටර් කියන්නේ ඉතින් ලොකු කුඩා ,අපි කවුරුත් දන්න හැමෝම වගේ නරඹලා තියන ජේ.කේ රෝලින්ග් ලේඛිකාව විසින් රචිත ෆැන්ටසි ගණයේ චිත්‍රපට 8 කින් සමන්විත කතා මාලාවක්.ඉතින් මුළු මහත් ලෝකයක් පුරාම ප්‍රචලිත ,ලොකු උන්මාදයක් ඇතිවුනු මේ මායා ලෝකය තවමත් බාල මහලු කොයි කවුරුත් ආදරය කරන අපූරු සිතිවිලි ගෙත්තමක්..
ඉතින් මේ හැරී පෝටර් සහ මායා ලෝකය යොදාගෙන ලෝකයේ බොහෝ තරුණ පිරිස් තමන්ගේ ජීවිතයේ ලස්සනම දවස තවත් ලස්සන කරගන්නවා.ඉතින් එයාලට ඒ මායා ලෝකය තව දුරටත් මනක්කල්පිත දෙයක් නම් නෙවෙයි.ඉතින් තමන්ගේ ජීවිතේ ලස්සනම දවස මේ වගේ ප්‍රසිද්ධ මනක්කල්පිත ප්‍රබන්ධයකින් ලස්සන කරනවා කියන්නේ තමන්ට වගේම සහභාගී වෙන අනික් අයටත් ඒක මුලු ජීවිත කාලෙටම අමතක නොවෙන අත්දැකීමක් වෙයි.
සරලවම කියනවනම් ඔයාලට පුලුවන් මේ Harry potter මායා ලෝකය ඔයාලගේ වෙඩින් තීම් එක විදියට යොදා ගන්න.
✅ මංගල යුවලගේ ඇදුම් සහ සහභාගී වෙන සමීපතමයන්ගේ ඇදුම්
✅ වෙඩින් කාඩ් එක.
✅ වෙඩින් කේක් එක
✅ සැරසිලි හා සෙටි බැක් එක
✅ වෙඩින් හෝල් එක හා සැරසිලි
✅ මංගල මුදු හා අනෙකුත් ආභරණ
✅ මංගල භෝජන සංග්‍රහය
✅ බුෆේ මේසය
මේ සඳහන් කරලා තියන ප්‍රධාන දේවල් හැරී පෝටර් තීම් එකට ගැලපෙන විදියට ඔයාලට පාවිච්චි කරන්න පුලුවන්.ලංකාවේ නම් මේ වගේ වෙඩින් එකක් කලාතුරකින් දකින්නට ලැබෙන හින්දා ඔයාලටත් පුලුවන් මේ වගේ ජනප්‍රිය වගේම ප්‍රසිද්ධ වෙඩින් තීම් එකක් පාවිච්චි කරලා හැමෝම පුදුමයට වගේම විනෝදයටත් පත් කරන්න. ඒත් එක්කම ඔයාලට වගේම සහභාගී වෙන අනික් අයටත් මේ වෙඩින් එක කවදාවත් අමතක නොවෙන සුන්දර වෙඩින් එකක් වෙයි.
ඉතින් මේ සදහන් කරලා තියන දේවල් එක්ක තවත් බොහෝ දේවල් තියනවා හැරී පෝටර් තීම් එකට එකතු කරගන්න.
ඉතින් මේ පහල තියෙන්නේ විදෙස් රටවල් වල Harry potter wizard world තීම් එකට සිදුකෙරුනු විවාහා උත්සව කිහිපයක ජායාරූප.
- Life Design Events-
✅ විවාහ මංගල උත්සවයක් සැලසුම් කිරීමේදී අනිවාර්යයෙන්ම සැලකිලිමත් විය යුතු කරුණු.
විවාහ මංගල උත්සවයක් සැලසුම් කරනව කියන්නෙ ලේසි පහසු දෙයක් නෙවෙයි. හිතන්න තමන්ගෙ ජීවිතයේ ලස්සනම වගේම වැදගත්ම දවස ලස්සනට සැලසුම් කරගන්න බැරි උනොත් මුලු උත්සවයම අපිලිවෙළක් වගේම සිත් තැවුලක් ඉතුරු වෙන්න පුලුවන්. විශේෂයෙන්ම ඒ පිළිබදව දැනුමක් වගේම පලපුරුද්දක් තිබීමත් ඉතාම වැදගත්.
සල්ලි වියදම් කරල බලාපොරොත්තු ගොන්නක් හිතේ තියාගෙන ඉඳල අවසානයේ ප්‍රතිඵලය අමිහිරි අත්දැකීමක් වෙනව දකින්න කවුද කැමති?
✔️මංගල උත්සවයක් සැලසුම් කිරීමේදී පලමුවෙන්ම කළ යුත්තේ තමන්ට හැකි පමණින් අතේ ඇති මුදලට සැලසුම් කිරීමයි.
Photography වලට ගොඩක් අය ලොකු මුදලක් වියදම් කරනවා. Photos කියන්නෙ තමන්ගෙ ජීවිතයේ වැදගත්ම අවස්තාවන් වල මතකයන්ටයි. ඒ දේ ගැනනම් ගොඩක් සැලකිලිමත් වෙන්න ඕනෙ. ඒ වගේම අතේ ඇති මුදල ගැනත් සැලකිලිමත් වෙන්න ඕනෙ. හොඳ photographer කෙනෙක් අවශ්‍යම වෙනවා.
✔️ඒ වගේම ගොඩක් අය ඇඳුම් ගැනත් ඕනවට වඩා වද වෙනව. මනමාලියක්, මනමාලයෙක් උනාම ලස්සන ඉතාම වැදගත්. ඒ වගේම තමන්ගේ හමේ පැහැය වගේම තමන්ගේ ශරීරයේ උස මහත පිළිබඳවත් ඇඳුම් තෝරා ගැනීමේදී සැලකිලිමත් විය යුතුයි.
රන් ආභරණ නම් අතේ ඇති මුදලට වටිනාකමින් වැඩි ආභරණ තෝරාගත්තාට මුදල් අපතේ යෑමක් වෙන්නෙ නෑ. රන් ආභරණ කියන්නෙ තමන්ටම ආයෝජනයක්.
මෙහිදී ගොඩක්ම වැදගත් වන්නේ නෑදෑයෝ යාලුවෝ සතුටු කරනවාට වඩා තමන්ට අතේ ඇති මුදලට ජීවිතයේ ලස්සනම වගේම වැදගත්ම දවස සැලසුම් කරගැනීමයි.
Be the first to know and let us send you an email when Chirath Wedding Planner posts news and promotions. Your email address will not be used for any other purpose, and you can unsubscribe at any time.
Send a message to Chirath Wedding Planner:
Want your business to be the top-listed Event Planning Service?
