Rose Wedding

បើលោកអ្នកធ្វើដំណើរលើបណ្តោយមហាវិថីសហព័ន្ធរុស្ស៊ី នោះអ្នកប្រាកដជាប្រទះភ្នែកនឹងអគារសម្អាងការមួយដ៏ ទាក់ទាញ ដែល បង្ហាញ ខ្លួនយ៉ាងឡូយឆាយស្ថិតនៅចំពីមុខវិទ្យាស្ថានបច្ចេកវិទ្យាកម្ពុជា(តិចណូ)។ ក្រោយពីការចាប់អារម្មណ៍ជាមួយអគារដែលតុបតែងយ៉ាងស្អាតប្លែកនោះ លោកអ្នកក៏នឹងបានឃើញស្លាកយីហោមួយ ដែលមានឈ្មោះថា រ៉ូស នៅលើអគារនោះយ៉ាងច្បាស់។ មិនថាអ្នកណាៗដែលឆ្លងកាត់ទីនោះពិតជាមិនអាចមើលរំលងអគារមួយនេះបានទេជាពិសេសសម្រាប់អ្នកកំពុងត្

រៀមខ្លួនរៀបការ ត្បិតថាភាពស្រស់ស្អាតត្រូវបានបង្ហាញយ៉ាងទាក់ចិត្ត នៃទ្វារកញ្ចក់ដែលបង្ហាញឲ្យឃើញនូវឈុតកូនកំលោះក្រមុំ ដ៏ស្រស់ ស្អាត។

សម្រាប់អ្នកនិយមតាមដានវិស័យ Fashion រ៉ូស មិនមែនជាយីហោថ្មីនោះទេ ផ្ទុយទីវិញគឺជា ឈ្មោះនៃហាងកាត់ដេរមួយ ដែលមានភាពល្បីល្បាញ ១៥ឆ្នាំមកហើយនៅរាជធានីភ្នំពេញ។ ប៉ុន្តែគេនឹងមានការចាប់អារម្មណ៍ខ្លាំងឡើងនៅពេលដែលដឹងថា យីហោដ៏ល្បីល្បាញនៃហាងកាត់ដេរមួយនេះ បាននិងកំពុងវិវត្តខ្លួនមកជាសម្អាងការដ៏ធំមួយនាដើមឆ្នាំ២០១៣។ ត្រឹមតែរយៈពេលដ៏ខ្លីប៉ុណ្ណោះ សម្អាងការរ៉ូស ដែលជាបងប្អូនបង្កើតរបស់ហាងកាត់ដេររ៉ូស បានស្រូបយកអតិថិជនបានយ៉ាងច្រើន។ អ្វីដែលជាភាពជោគជ័យយ៉ាងឆាប់រហ័សបែបនេះ ក៏ដោយសារតែការជឿជាក់ទៅលើស្នាដៃនៃការច្នៃម៉ូតរបស់ម្ចាស់ហាង ដែលអ្នកនិយមការលេងម៉ូតសម្លៀកបំពាក់ស្គាល់ច្បាស់ថា ជាស្ត្រីដែលពោរពេញដោយភាពច្នៃប្រឌិតទៅលើម៉ូត។ អ្នកស្រី ស្រីអូន ដែលបានធំដឹងក្តីឡើងជាមួយការលេងម៉ូតសម្លៀកបំពាក់ ហើយបានសិក្សាទៅលើវិស័យម៉ូត រហូតបានក្លាយខ្លួនជាជាងកាត់ដេរ និងអ្នកច្នៃម៉ូតតាំងពីវ័យ១៥ឆ្នាំ។ ហើយដោយសារ តែជាមនុស្សស្រីមានចំណូលចិត្ត និងស្រឡាញ់ផ្កាកុលាប អ្នកស្រីក៏បានបើកហាងកាត់ដេរមួយដោយប្រើយីហោ រ៉ូស ដែលបានពង្រីកខ្លួនពីតូចរហូតដល់ធំដូចសព្ថថ្ងៃ។

ជាមនុស្សស្រីម្នាក់ដែលធ្លាប់ឆ្លងកាត់ថ្ងៃពិសេស និងសំខាន់ក្នុងជីវិត អ្នកស្រីពិតជាយល់ច្បាស់ ពីទឹកចិត្តរបស់កូនក្រមុំគ្រប់រូប…
បន្ទាប់ពីភាពជោគជ័យលើវិស័យកាត់ដេរអស់រយៈពេល១៥ឆ្នាំ ហើយក៏ជាមនុស្សស្រីម្នាក់ដែលបានឆ្លងកាត់ការរៀបការត្រឹមត្រូវតាមប្រពៃណីជាមួយស្វាមី អ្នកស្រីក៏ចាប់ផ្តើមយល់ពីអារម្មណ៍ និងទឹកចិត្ត ជាពិសេសគឺអ្វីដែលកូនក្រមុំគ្រប់រូបប្រាថ្នាចង់បាន។ ក្រោយពីការគិតដ៏ល្អិតល្អន់ អ្នកស្រីយល់ឃើញថា ថ្ងៃរៀបអាពាហ៍ពិពាហ៍គឺជាថ្ងៃដ៏សំខាន់ក្នុងជីវិតមនុស្សស្រី ហើយគ្រប់គ្នា តែងតែរំពឹងចង់ឲ្យខ្លួនស្អាតបំផុតក្នុងថ្ងៃនោះ។ ដោយយល់ឃើញបែបនេះហើយទើបអ្នកស្រីសម្រេចចិត្តបើកសម្អាងការមួយទៀត ដែលមានឈ្មោះ រ៉ូស ដូចគ្នាទៅនឹងហាងកាត់ដេរ។ អ្វីដែលជាការទំនុកចិត្ត គឺអ្នកស្រីជឿជាក់ថាខ្លួនពិតជាអាចផ្តល់នូវភាពស្រស់ស្អាតគ្មានពីរដល់ កូនក្រមុំបានតាមរយៈគំនិត និងស្នាដៃនៃការច្នៃម៉ូតសម្លៀកបំពាក់អាពាហ៍ពិពាហ៍ទាំងបុរាណ និងសម័យ ដែលថ្មីជានិច្ច។ ជាពិសេសអ្នកស្រីនឹងច្នៃជូននូវរ៉ូបកាត់នំសម្រាប់កូនក្រមុំ ដែលថ្មីប្លែក ដោយពួកគេមិនចាំបាច់ចំណាយទៅលើថ្លៃកាត់បន្ថែមនោះឡើយ។ អ្នកស្រីយល់ឃើញថា បច្ចុប្បន្នមានកូនក្រមុំជាច្រើនបានចំណាយលុយទៅលើសម្អាងការមួយផ្នែក និងការកាត់ រ៉ូបសម្រាប់កម្មវិធីពេលរាត្រីមួយផ្នែកផ្សេងទៀត ដែលជាហេតុធ្វើឲ្យចំណាយកាន់តែកើន ឡើង។ ដូច្នេះហើយទើបអ្នកស្រីផ្តល់ភាពស្រស់ស្អាត តែមិនចាំបាច់បន្ថែមចំណាយបាន ដោយសារតែ រ៉ូស សម្អាងការ មានហាងកាត់ដេរផ្ទាល់។ អ្នកស្រីជឿជាក់ថានេះគឺជាលក្ខណៈពិសេសមួយ ដែលមិនមានសម្អាងការណាធ្លាប់មាន ។

បន្ថែមពីនេះ មុននឹងធ្វើការបើកសម្ពោធសម្អាងការ អ្នកស្រីបានស្វែងយល់លើការងារមួយនេះយ៉ាងល្អិតល្អន់ ដោយបានជម្រើសមនុស្សមានស្នាដៃ និងបទពិសោធន៍លើវិស័យសម្អាងការមករួមការងារ ដើម្បីផ្តល់សេវាកម្មមួយល្អឥតខ្ចោះដល់ម្ចាស់កម្មវិធី ព្រោះថាគោលបំណងធំរបស់អ្នកស្រីគឺ ធ្វើយ៉ាងណាឲ្យកូនកំលោះ កូនក្រមុំក្លាយជាទេវបុត្រ និងទេពធីតា ដែលស្រស់ស្អាតបំផុត ដើម្បីស័ក្តិសមទៅនឹងកិត្តិយស កិត្តិនាមរបស់ពិធី។ ការបញ្ជាក់ប្រកបដោយស្នាមញញឹម និងភាពជឿជាក់ ជាលើកចុងក្រោយរបស់អ្នកស្រី ស្រីអូន គឺ អ្នកស្រីពិតជាពេញចិត្ត និងរង់ចាំជួបពិភាក្សាដោយភាពកក់ក្តៅជាមួយកូនក្រមុំគ្រប់រូប និងធានាផ្តល់ជូននូវអ្វីដែលពួកគេចង់បានសម្រាប់ថ្ងៃពិសេសក្នុងជីវិត។