MXhosa SA

Name: MXhosa SA
Address: 45 Masole Street, Welkom, 9463, ZA
Telephone: +27655296769
Price range: Not applicable

Home
South Africa
Welkom
MXhosa SA

🛖 🪔 🌾

Professional Poet 🎤 & Writer ✍️

03/11/2024

Yanga Chief ft ZUKO SA - Xa Ukhona

"Ngoku bendimane ndizamazama, amathuba bewavula Vala, bayafun ukbona uphumelela, kodwa hayi ngaphezu kwabo. Ngoba wena ungundlela azaziwa, sendizbona sendiphumelela, ngoba wena ungundlela azaziwa, AMAPHUPHA AFEZEKA XA UKHONA"❤️🙏❤️

03/11/2024

Hlonipha inina

ngoba xa sele lincame Yonke into lixolela ukujinga iliso

Yiva lisithi lona lihluthi xa ukutya kungonelanga lonke usapho loxa kunge njalo

Mbone umzali ekhala kuqala xa usana lwakhe lugcuma zintlungu

Sele ezele injubaqa lomntu ehamba ingabuyi ithi ukubuya kwayo athi thatha yonke imigodlo yakho uphindele aph'ubusuka khona.
uthi wakukwenza oko aphinde kwayena akuxhaye athi "hlala pha phantsi ugqibelisile namhlanje".

Ahh Gqiyazana Ahh Mbokodo❤️❤️

02/11/2024

Nyawozam Undenzisile izinto.
Nyawo Zam Undihlanganisile Naboni
Nyawo Zam Undilahlekisile
Namhlanje Ndazana Nalo NaLowa.
Namhlanje Ndihlukanisa Ingcuka Nofele Lwegusha.

Nyawo Zam Ndiyabulela
Nyawo Zam Ndithi Enkosilll

02/11/2024

Uluvo lwam luvakala gabalala.
Kugqabhuke inyongo kukrakre okwekhala.
kunxila noo soze kulobhekile ekhiwe kweyam ifatyi.
Xandi tshayile elam icuba kungabikho mntu unqwenelela ukudiza nam.

Ndiyihombo kwaXhosa ndibize iskhakha komama.
Ihombo yakwaXhosa ndibize isinxiba mxhaka kotata.
Ndiyohombo yokwenene ndibize ikhukho lomtshakazi.
Ndiyihombo yokwenene ndibize ikhakha kwixesha lamadabi anzima imfazwe eziqhum'uthuli zincenceshelwe ngempalalo gazi.
Ndibize umkhotho wokuhlasela utshaba.

Utshaba lwam kukulala ndingafundisanga esizweni ndikhuthaze ngezimnini kunye nezafobe.
Ulala njani ebusuku xakanti walahla imbo yakho ngophoyiyana?
Ndingumthuthuzeli othi akulahlwa mbeleko ngakufelwa mzi wakowethu!

Ndazalelwa ukufundisa isizwe sakowethu esilahlekileyo.
Ndazalelwa ukukhokhela abazali bethu silwe neziyobisi ezitshabalalisa ulutsha zimshiye umntu evuza izincwe.
Ndazalelwa ukulwa nobundlobongela ndingajonganga nzuzo.

02/11/2024

Ndiyakuthanda Tshaba lwam ngoba uyandomeleza 💯

01/11/2024

Mholo sdala

Oko wathi wathwala impahlana
Wafulathela
Intanda entliziywen zavuleka
Unxunguphalo lwandityelela
Ulonwabo lwandishiya ndintyilontyiloza ndodwa okwentshontsho lufelwe ngunina
Ndabubon'ubumi bunzulu singekho nesizathu sokuphila

Nikhumbula ndibhuda ndisithi wena uzakuba ngokamama umolokazana
Owasekhaya umfazana
Uzakundizalela abahle abantwana
Abaka tata abazukulwana
suke ndashiyeka ndodwa kulo moya ndithwala amahlahla
Inene uthando ludala lune mpandla
umngxuma usentliziyweni yam awunakungcitywa
Ndithe ndisarhabula kule bhekile yothando kwathiwaa hamba bhekile suk*ma ndawonye
wandishiya ka njalo ke...... 😭

01/11/2024

Oqhimgqoshe ka chwenene
Amamenemene
Aza nencwadi erhono rhono zizibhalo ekuthiwa zingcwele
Kanti kuxelwa elibukhali ikrele

Isishiye size kambi
Yasohluthela isidima sethu
Amasiko nezithethe

Yasiphathela intlupheko
Ngomyalelo nomthendeleko
Kwayekwa neembeleko

Kanti ke olungakhaliyo luvamise ukufela embelekweni
Mna soze ndilibeke olwam unyawo ecaweni
Andifun kwamntu ozokundibeka emithandazweni

Kudala sigqushalaza endlaleni
Kanti lenkosi yenu ithuleleni

Izifo ziliwaka azinyangeki
Iimfazwe namadabi kuthe ndii akungqandeki
Imikhwa yolutsha ayukholeleki
Izilonda namanxeba eluntwini azibopheki

Uthuleleni lo Somandla wenu

Ncedani Torho ndiyekeni mna ndiifele enkanini
Ecaweni olwam unyawo asoze ndilubeke ndishiyeni
Elam igama lilibaleni
Intsomi ayenziwa emini
Ngoko ke ndizakudla ngondebe ndala andizuzikhohlisa ngeencwadi zabumini

Impepho isekhona
Umhlonyane usekhona

Ncedani torho khanindiyeke ngale cawa👎

EEveryone

01/11/2024

Phakama Dutywa eMunyu koMkhulu
Nanku unyana wenu uyosimela ..Please umfundisi makathandaze, igqirha lixilonge, ixhwele linyange, igqwirha lithakathe, imbongi ibonge. Lubeyimpumelelo olohambo izolala eDutywa lo award hamba kwedini ubuye nodumo 💯Lolo mixed farminggg❤️

01/11/2024

Impilo yimpilo
Sonke siyalingana akekho ongcono kunomnye
Sonke siyafana qha umzabalazo wethu wehlukile kodwa kuzode kulunge
Mz'ontsundu

01/11/2024

✍🏻

Isende lendlela
Manintsi amatye angaka guqulwa
Itasi ezingeka gqogqwa
Inyani engeka thethwa

Izifo ezingeka nyangwa
Imizimba ingeka funyanwa
Izidlwengu ezingeka banjwa..

31/10/2024

Mandixolise

Ndamhluk*meza
Ndandimbetha
Ndandimkhaba
Ndisiva kamnandi xa ekhala

Ndandingamyeki zingekaphumi inyembezi
Ndingaxoli ndingekaliboni igazi
Ndimngqube ngentloko kutsitse umongozi
Ebeligubu lam k*m eyimbombozi..

31/10/2024

Wandishiya ndisafuna ukufunda lukhulu
Kuye
Ndisancwase ukuncanca ulwazi kuye
Ndandiziva ndikhuselekile kuye

Kufa wena ulutshaba

🚶‍♂️⚰️🚶‍♂️

26/10/2024

Ndatsala nzima
Ekukhuleni kwam

Ndikhule ndilamba😤
Ndikhule ndiyintlekisa😵
Ndikhule ndidlakazela😨

Ndikhule bungekho ubucwebe ekhaya
Ndikhule ndingenazo zonke izinto ontanga babenazo❤️

Ndiyayazi intsokolo
Ndim unontsokolo
Lo benga jongelw ntweni ekuhlaleni
Lo ebengenzi mdla k*ma bhingqa
Bendingathunywa n**i tishala esikolweni
Bendingacacelwanga nangabazali ekuhlaleni.

Ndikhule ngwandzilili
Ndlongo ndlongo
Ndikhule gadalala
Ndikhule njeeee

Yandinceda yonke lo nto
Yandiqinisa lonto
Yandenza obukhali umkhonto
Ndaqiqa na nge ngqondo

Ndim ke lowo❤️

26/10/2024

Enkosi Ntliziyo yam

Kudala umfamekiswa
Akhange uphanyake
Kudala ukhohliswa
Akhange ukholelwe

Kudala udlalwa
Khangee udinwe
Kudala utyumzwa
Akhange ugqabhuke

Kudala usenziwa intlekisa
Azange ukhathazeke
Kudala ungcungcuthekiswa
Akhange unikezele

Zange wandiqhubela
Nakwisigqibo sokuthatha ubomi ezamathando zakukuxaka

Enkosi Ntliziyo yam

25/10/2024

Zange ndikhale
mhla Kwabikwa ukuba itshoba
Lulel'umbethe
Zange ndikholelwe
Ukuba uyikhabile ibhekile

Namhlanje ndinesingqala
Ngoba ndondzakala
Kuba ngaphakathi ndakhala
Emoyeni ndaa dangala

24/10/2024

Ubulolo
Ubukheswa
Mna nabo sindawonye
Okwesali nomkhweli we hashi

Uthando
Imfudumalo
Ulonwabo

Azindazi nokuba ndingubani
Nanje ngoko zinditshikilele

Umhla nezolo mna ndiyakhala
Ubusuku nemini ndiyalila
Ndihleli nje ndinesingqala

Rhoqo ndiyazibuza
Kwakutheni na ze mama nawe
Tata nindishiye

Le impilo iyakrakra
Lomhlaba lutshaba
😭😭😭😭😭

23/10/2024

Uthando❤️

Mna lulo ndondzakele
Ngaphakathi nangaphandle
Dyubhu lulo ndibolile

Luphinde uthando luthi zama
Uluve lusithi mthembe lona
Wehlukile kwabanye

Nge nxa yothando
Imfumba elel ngandletyana nye
Esibhedlele ngezifo ezize ngothando

Bambi base mkhenkceni
Ngokohlulwa lu thando
Bambi base madlakeni
Bebulawelwa ukuthanda

Ndikuncamile mna wena thando😭😭😭

21/10/2024

Ubomi Buntlangothi Mbini

Bangehlekisa ngemeko yakho
Namhlanje
Bangahlekisa nge ntlupheko yakho
Namhlanje
Bangahlekisa ngee mpazamo zakho
Namhlanje
Bangahlekisa ngengulo yakho
Namhlanje

Ude nawe uphelelwe lithemba
Uthathe intambo ufune ukuzibulala
Uzibone Ungena ndawo emhlabeni
Ufuna ukuyokuphumla emadlakeni

Uhletyiwe
Uhlukunyeziwe
Ugezelwe
Udlaliwe

Ungcatshiwe
Nazizihlobo ujikelwe
Unxunguphalo lukutyelele
Ulonwabo lukutyeshele

Khumbula eso ayiyosiphelo
Isiswenye sijinga emsini
Sijinga kunye nomle
Kodwa sibalulekile

Sichutywe sibe yimbewu
Sihlwayelwe singcwatywe
Kube nga kuphelile ngaso
Silityalwe

Sintshule sithandwe
Sihlakulelwe sihoywe
Kunethe sihombe
Okwamatakane sidlobe

Indawo okuyo ayisosiphelo
Nyamezela ezonxwaleko
Nyamezela lo ntlupheko
Ngoba wena ungonyuliweyo

Bangahlekisa ngawe namhlanje
Kodwa kusasa bokunqwelela
Ukufana nawe

Ubomi buntlangothi mbini
Okwe krele
Bumnandi bukrakra okwechiza
Bungamahla ndenyuka okwe nciba
Bumnyama namhlophe okwe qwarhashe

Ungali lahli ithemba
Ubomi ngumzamo

Ubomi buntlangothi mbini 📝

20/10/2024

Zange azikhethele ukuba yinkedama
Ndicela ungamxhaphazi sumenza ikhoboka
Mthande nje ngomtwana wakho
Makazive ekhuselekile phantsi kophahla lwakho

19/10/2024

Noba silala emibhobheni
Noba sitya emgqomeni
Noba asinampahla zokunxiba esiqwini
Noba sibabi ebusweni

Asinabahlobo ekuhlaleni
Asizihlobo ekhayeni
Asifunwa nase skolweni
Sithukwa nase caweni

Nathi singabantu
Nathi seza estalatweni ngezi zathu
Nathi siyabudinga ubuntu
Niyeke ukusiphatha ndlathu-ndlathu

Nathi singabantu ✍🏾

19/10/2024

Utata yintsika yekhaya
UMama ngumgangatho isisekelo salo ntsika❤️

19/10/2024

Usuku olumyoli kuni nonke bahlobo bam

19/10/2024

Qamata Thixo wokhokho khawuphendule
Siyakhala silulutsha nanje ngoko Sizelelwe kulomhlaba uzele ingqumbo
Besiba sakuthi sivula amehlo namhlanje siyibone inguquko
Kodwa akukabikho mehluko
Nanjengoko uhlungu lungeka hlumi uhlaza
Ingaba luloyiko ngenxa yokuba isityeba mva sinqola intaba

Qamata sigaxelekile ezingozini
Sibambekile eziyobisini
Singene dyumbu etywaleni
Sixinekile ekoneni
Asinako noku nyakaza esabatheni.

18/10/2024

Ndandi ngenje

Nam ndandinamaphupha
Abazali ndingazange ndaba hlupha
Kodwa onke abhubha
Nasekhaya bandi khupha

Ndandihlonipha
Kosweleyo endinako ndisipha
Amanxeba ndiwabopha
Ndinqande nokopha

Ndandinombono wam
Sele ndithwele isidanga
Ndine sam isithuthi
Owam umfazi
Nothi mna umzi

Ndandi nomnqweno
Isakhono sam sasiqhuba kakuhle
Nak*maziko ezemfundo
Ndandiqhuba kakuhle

Onke lo maphupha atshabalala
Ndiyimpula kalu jaca xaku namhla
Ndingumpha ochutywe walahlwa
Nawe uba ungandibona ungahleka

ndandinawo amaphupha🙇‍♂️

Address

45 Masole Street
Welkom
9463

Telephone

+27655296769

Website

http://www.Idyani.co.za/

Alerts

Be the first to know and let us send you an email when MXhosa SA posts news and promotions. Your email address will not be used for any other purpose, and you can unsubscribe at any time.