https://www.facebook.com/152123114643057/

The Nikkāh Project

Name: The Nikkāh Project
Address: Dubai, AE
Telephone: +66952363933
Rating: 0

Home
United Arab Emirates
Dubai
The Nikkāh Project

A shariah-compliant Matrimonial platform and insights into Islamic marriage wisdom.

Missions

- မြန်မာမွတ်စ်လင်မ်လူငယ်များ၊ မိဘများနှင့် လူကြီးသူမများအား အစ္စလာမ့်တရားတော်နှင့်အညီလက်ထပ်ထိမ်းမြားခြင်း၏ အရေးကြီးပုံကို ပိုမိုသိရှိလာစေရန် အသိပညာမျှဝေခြင်း။

- မြန်မာမွတ်စ်လင်မ်လူငယ်များကြားတွင် Halal Relationship ပိုမိုအားကောင်းလာစေရန်နှင့် Haram Relationship များ လျော့နည်းသွားစေရန် အသိပညာဖြန့်ဝေခြင်း။

- To empower and educate Myanmar Muslim youth, parents, and elders worldwide about

the significance of Islamic marriage.

- To spread the knowledge to strengthen Halal Relationships and decrease Haram Relationships among Burmese Muslim youth. Visions

- အစ္စလာမ့်တရားတော်နှင့်အညီလက်ထပ်ထိမ်းမြားခြင်း၏ သဘောသဘာဝကို ပိုမိုနားလည်သဘောပေါက်လာနိုင်စေရန် အထောက်အပံ့ပေးနိုင်သည့် ပလက်ဖောင်းတစ်ခုဖြစ်ပေါ်လာစေခြင်း။

- အစ္စလာမ့်တရားတော်နှင့်အညီ အိမ်ထောင်ဖက်ရှာဖွေရာတွင် မိဘများနှင့် လူကြီးသူမများ၏ အားပေးထောက်ခံမှုနှင့်တကွ မြန်မာမွတ်စ်လင်မ်လူငယ်များ ခိုင်လုံသည့်ဆုံးဖြတ်ချက်ကောင်းများ ပြုလုပ်နိုင်ရန် ခွန်အား‌‌‌ပေးခြင်း။

- အစ္စလာမ့်တရားတော်နှင့်အညီ ကမ္ဘာတစ်ဝန်းလုံးရှိ မြန်မာမွတ်စ်လင်မ်များ အိမ်ထောင်ဖက်ရှာဖွေရာတွင် ပါဝင်ကူညီအားဖြည့်ပြီး အသိပညာမျှဝေမှု၊ ဆွေးနွေးမှုစကားဝိုင်းများမှတစ်ဆင့် မြန်မာမွတ်စ်လင်မ်အချင်းချင်း ရင်းနှီးချစ်ခင်အားကိုးစားမှု ပိုမိုခိုင်မာလာစေရန် ရည်ရွယ်ခြင်း။

- Our vision is to create a global platform of knowledge and guidance for Myanmar Muslims of all ages, fostering a culture where the importance of Islamic marriage is widely understood and embraced.

- We envision a community where youth are empowered with the wisdom and tools needed to make informed decisions about marriage, supported by the guidance and encouragement of their parents and elders.

- Through the power of education and open dialogue, we aspire to strengthen the foundations of Islamic marriages, thereby contributing to the overall well-being and harmony of the Myanmar Muslims.

11/01/2025

Social Media ပေါ်က လူငယ်များဆက်ဆံရေး

ဒီနေ့ကျွန်မတို့ ရင်ဆိုင်နေရတဲ့ ခေတ်ကြီးဟာ အရမ်းကို ပြောင်းလဲနေပါပြီ။ ကျွန်မတို့တွေဟာ အထူးသဖြင့်လူငယ်များ Facebook၊ Instagram၊ TikTok တို့နဲ့ ဘယ်လောက်တောင် အချိန်ကုန်နေကြလဲ စဉ်းစားကြည့်ပါ။ တစ်ချိန်က မိဘတွေ အရမ်းစိုးရိမ်ခဲ့ရတဲ့ ယောက်ျားလေး မိန်းကလေး အပြင်မှာ တွေ့တာမျိုးထက် အခုချိန်မှာ Chat box လေးတွေထဲကနေ ပိုပြီး လွယ်လွယ်ကူကူ ဆက်သွယ်လို့ရနေပါပြီ။

ဒီလိုအခွင့်အလမ်းတွေ များလာတာနဲ့အမျှ အန္တရာယ်တွေကလည်း ပို၍ပို၍ များလာနေပါတယ်။ ကျွန်မတို့ရဲ့ အစ္စလာမ်သာသနာတော်က ဘယ်လိုသတိပေးချက်တွေရှိနေသလဲ။

"အမှန်စင်စစ် ဘာသာတရားတိုင်းတွင် ၎င်း၏ထင်ရှားသော လက္ခဏာရှိပြီး၊ အစ္စလာမ်၏ လက္ခဏာမှာ သိက္ခာရှိခြင်းဖြစ်သည်" (အီဗ်နီမာဂျာမှ ယုံကြည်စိတ်ချရသော ဆင့်ပွားပြန်ကြားသူများမှတဆင့်)

ဒီဟဒီးဆ်တော်ကဘာကို ဆိုလိုသလဲဆိုရင် မကောင်းတဲ့စကား၊ ညစ်ညမ်းတဲ့စကားတွေကို မပြောဆိုသင့်ပါဘူး။ ဒါ့အပြင် ယောကျာ်းလေးတွေနဲ့ မိန်းကလေးတွေ အတူတူ စုပြီး ရယ်မောပြောဆိုတာတွေကိုလည်း ရှောင်ရှားသင့်ပါတယ်။ ဘာကြောင့်လဲဆိုတော့ ရှိုင်တွာန်ဟာ လူတွေ အဲဒီလို အတူတူစုပြီး ပြောဆိုရယ်မောနေတဲ့အချိန်မှာ သူတို့ရဲ့ နှလုံးသားနဲ့ အနီးဆုံးရောက်နေလို့ပဲ ဖြစ်ပါတယ်။

ခေတ်ကြီးက ဒီလောက်တောင် ပြောင်းလဲနေပြီဆိုတော့ ကျွန်မတို့ ဘယ်လို သတိထားပြီး နေထိုင်သင့်လဲ။ အောက်မှာ လက်တွေ့ကျကျ လိုက်နာနိုင်မယ့် အချက်လေးတွေကို ပြောပြပေးချင်ပါတယ်။

၁။ Social Media ပေါ်က ဆက်ဆံရေး

▪ Social Media ပေါ်တွင် မလိုအပ်ဘဲ စကားပြောခြင်း၊ နောက်ပြောင်ခြင်းများကို ရှောင်ကြဉ်ပါ။
▪ Communication တိုင်းဟာ လိုအပ်၍သာ ဖြစ်စေရပါမယ်။
▪ မဟ်ရမ် မဟုတ်သူများနှင့် private chatting တွေကိုရှောင်ကြဉ်ပါ။
▪ Group chat များတွင် မလိုအပ်သော စကားများ ရှောင်ကြဉ်ပါ။
▪ တခြားသူများ၏ ပုဂ္ဂိုလ်ရေးကို comment များရေးရာတွင် ဂရုပြုပါ။
▪ မိမိ၏ profile ဓာတ်ပုံနှင့် story များကို သတိထားတင်ပါ။

ဥပမာ - Facebook messenger မှာ opposite gender နဲ့ အချိန်မဟုတ် chat ခြင်း၊ မလိုအပ်ဘဲ ဓာတ်ပုံများ ပို့ခြင်း၊ video call ခေါ်ခြင်းများကို ရှောင်ကြဉ်ပါ။ ❗

၂။ နေ့စဉ်ဘဝ ဆက်ဆံရေး

▪ ကျောင်း/တက္ကသိုလ်များတွင် opposite gender နှင့် လိုအပ်မှသာ ပြောဆိုဆက်ဆံပါ။
Public place များတွင် သိက္ခာရှိစွာ ပြုမူနေထိုင်ပါ။
▪ အမျိုးသား(များ) နှင့် အမျိုးသမီး တစ်ဦးတည်း တွေ့ဆုံခြင်းကို လုံးဝရှောင်ကြဉ်ပါ။
▪ မိဘ၊ ဆရာသမားများ၏ အကြံပြုချက်များကို လိုက်နာပါ။

ဥပမာ - စာအုပ်စာတမ်း၊ assignment များ လုပ်ရာတွင် group လိုက်သာ လုပ်ဆောင်ပါ။ တစ်ဦးချင်း study partner အဖြစ် အမျိုးသားနှင့် အမျိုးသမီးတွဲ၍ မလုပ်ဆောင်ပါနှင့်။

အထူးသတိပြုရန်များ ❗

▪ "ရိုးရိုးလေး ပြောတာပါ" ဆိုသည့် စကားများမှ ရင်းနှီးမှုများ ဖြစ်လာတတ်သည်။
▪ group အတွင်း joke လုပ်ရာမှ တစ်ဦးချင်း chat များ ဖြစ်လာတတ်သည်။
▪ "friend အနေနဲ့ပါ" ဆိုသည့် ဆင်ခြေပေး၍ မဟ်ရမ်မဟုတ်သူနှင့် နီးကပ်စွာဆက်ဆံခြင်းကို ရှောင်ကြဉ်ပါ။
▪ အပြစ်သေးမှ အပြစ်ကြီးသို့ ဦးတည်သွားတတ်သည်ကို သတိပြုပါ။

🤲🏼 အိုအလ္လာဟ်အရှင်မြတ်၊ ကျွန်မတို့ရဲ့ လူငယ်များကို တည့်မတ်သောလမ်းသို့ ပို့ဆောင်တော်မူပါ။ အာမီန်း။

💠 အလ္လာဟ်အရှင်မြတ်ရဲ့ ကရုဏာတော်မှာ အလွန်ကျယ်ဝန်းပါတယ်။ အမှားအယွင်းဖြစ်မိပါက အလ္လာဟ်အရှင်မြတ်ထံ ပြန်လှည့်လာပါ။ အမှန်စင်စစ် အရှင်မြတ်သည် နောင်တရသူများကို ခွင့်လွှတ်တော်မူတဲ့ အရှင်ဖြစ်ပါတယ်။

✍🏼Dr Rashida

10/01/2025

အသက်အရွယ်ကို အကြောင်းပြကာ နိကာဟ်(ထိမ်းမြားခြင်း) တတ်စွမ်းနိုင်ပါလျက် (သို့) ကြုံကြိုက်လာပါလျက် တွန့်ဆုတ်နေတုန်းလား။

မိမိကိုယ်တိုင်အတွက်သော်လည်းကောင်း၊ မိမိ၏သားသမီးအတွက်သော်လည်း‌ကောင်း အသက်ငယ်သေးသည်ဖြစ်၍ အိမ်ထောင်မပြုသေးပါ၊ လာရောက်၍ ‌‌နိကာဟ်ပြုရန် ကမ်းလှမ်းသည်ကိုလည်း လက်မခံသေးပါဟု ဆိုလျှင် ကိုယ်တော်မြတ် (ﷺ)နှင့် အာအေရှာ ( رضي الله عنها ) သခင်မတို့ဧ။်နိကာဟ်(ထိမ်းမြားခြင်း) ကိုကြည့်ပါ။

အသက်အရွယ် အလွန်ကြီးနေသည်ဟုဆိုကာ အိမ်ထောင်ပြုရန် ရှက်ကြောက်နေသူသည်လည်း ခဒီဂျာ (رضي الله عنها) သခင်မကြီး နှင့် ကိုယ်တော်မြတ် (ﷺ) တို့ဧ။် ထိမ်းမြားခြင်းကို ကြည့်ပါ။

ထို့ကြောင့် မိုအ်မင်န်တို့လည်း နိကာဟ် (ထိမ်းမြားခြင်း) ကိုတတ်စွမ်းနိုင်ပါလျက် (သို့) ကြုံကြိုက်လာပါလျက် အသက်အရွယ်ကြောင့်ဟု အကြောင်းမပြဘဲ သင့်လျော်သည်ဆိုပါက နေကာဟ်ပြုသင့်ပေသည်။

✍ فاطمة

07/01/2025

💍 အစ္စလာမ်ဘာသာမှာ အလ္လာဟ်အရှင်မြတ်က နိကာဟ်ထိမ်းမြားခြင်းကို အင်မတန် လွယ်ကူအောင် ပြုလုပ်ပေးထားပါတယ်။ တခြားကိစ္စတွေတောင် ဒီလောက်မလွယ်ကူတာ အများကြီးပါ။ နိကာဟ်မှာ ဖတ်တဲ့ ခွသ်ဗဟ်သည်ပင် မဖတ်မနေရ မဟုတ်ပါဘူး။ (တမန်တော်မြတ်သင်ပေးထားတဲ့ စွန္နဟ်တော်တစ်ခုအနေနဲ့ ရှိတာပါ။)

🎯 အစ္စလာမ့်ရှရီအသ်ဥပဒေအရ နိကာဟ်ဆိုတာ သက်သေနှစ်ဦး (ယောက်ျားနှစ်ဦး သို့မဟုတ် ယောက်ျားတစ်ဦးနဲ့ မိန်းမနှစ်ဦး) ရဲ့ရှေ့မှောက်မှာ အမျိုးသားရဲ့ (အီဂျာဘ်)တောင်းဆိုမှုနဲ့ အမျိုးသမီးရဲ့ (ကဗူလ်)လက်ခံအတည်ပြုမှုကို နှစ်ဖက်စလုံးက အတိအလင်း ကြေညာလိုက်ခြင်းအားဖြင့် နေကာဟ် အထမြောက်သွားပါပြီ။ တစ်ယောက်နဲ့ တစ်ယောက် ဟလာလ်ဖြစ်သွားပါပြီ။ ဘာစာချုပ်စာတမ်းမှ မပါလဲ သူတို့နှစ်ဦးဟာ အကြင်လင်မယား ဖြစ်သွားပါပြီ။ အိမ်ထောင်တစ်ခု ထူထောင်လိုက်ပါပြီ။ စေ့စပ်ပွဲတွေ၊ ဒန်းတင်ပွဲတွေ၊ မန်ဂနီတွေ၊ ဘာပွဲ ညာပွဲတွေ ဘာမှ အရေးမကြီးပါဘူး။
အဲ့လောက် ရိုးရှင်းလွယ်ကူပါတယ်။

👨 အမျိုးသားဟာ ~

1️⃣ ဒီအိမ်ထောင်ရဲ့ ဦးစီးအမီရ်ဖြစ်သွားပါပြီ။
2️⃣ အမျိုးသမီးကို မင်္ဂလာဦးလက်ဆောင် မဟရ်ပေးဖို့ တာဝန်ရှိသွားပါပြီ။
3️⃣ ဇနီးသည်အမျိုးသမီးနဲ့တကွ မွေးဖွားလာမယ့် သားသမီးတွေရဲ့ စားဝတ်နေရေး အခြေခံလိုအပ်ချက်တွေကို ဖြည့်ဆည်းပေးဖို့ တာဝန်ရှိသွားပါပြီ။
4️⃣ ဇနီးသည်အမျိုးသမီးကို ထိန်းသိမ်းကာကွယ်စောင့်ရှောက်ဖို့ တာဝန်ရှိသွားပါပြီ။
5️⃣ အစ္စလာမ့်ဥပဒေဘောင်အတွင်းက ပေးအပ်ထားတဲ့ အခွင့်အာဏာကို အမျိုးသမီးအပေါ် အသုံးပြုခွင့် ရှိသွားပါပြီ။

👩 အမျိုးသမီးဟာ ~

1️⃣ အမျိုးသားရဲ့ ပိုင်ဆိုင်မှုတွေကို ထိန်းသိမ်းစောင့်ရှောက်ရပါပြီ။
2️⃣ မိမိနဲ့ ခင်ပွန်းသည်အမျိုးသားရဲ့ ဂုဏ်သိက္ခာတွေကို ကာကွယ်ထိန်းသိမ်းရပါပြီ။
3️⃣ အမျိုးသားရဲ့ လျှို့ဝှက်ချက်တွေကို ထိန်းသိမ်းရပါပြီ။
4️⃣ ခင်ပွန်းသည်ရဲ့ အစ္စလာမ့်ဥပဒေဘောင်အတွင်းက တောင်းဆိုမှုတွေကို လိုက်နာရပါပြီ။

💬 တမန်တော်မြတ်မုဟမ္မဒ် (ﷺ) က မိန့်တော်မူခဲ့တယ်။ "အသုံးစရိတ် အနည်းဆုံးသုံးတဲ့ နိကာဟ်ဟာ ဗရ်ကသ်(ကောင်းချီးမင်္ဂလာ) အများဆုံးရှိတယ်" (Mishkat al-Masabih 3097)

🌟 အစ္စလာမ်က ရိုးရှင်းမှုကို သင်ကြားနေပေမဲ့ ကျွန်တော်တို့ကတော့ ခေတ်ကာလက ဘယ်လောက်ပဲ ကျပ်တည်းနေပါစေ ခက်ခဲအောင် လုပ်နေမြဲပါပဲ။ ဝန်ထုပ်ဝန်ပိုး တစ်ခုဖြစ်လာတဲ့အထိပါပဲ။

📜 တမန်တော်မြတ်မုဟမ္မဒ် (ﷺ) လက်ထက်က ဖြစ်ရပ်တစ်ခုကို ကြည့်ကြည့်ရအောင်ပါ။ ဆွဟီးဟ်ဗုခါရီကျမ်းရဲ့ ဟဒီးဆ်နံပါတ် (၅၁၅၃) မှာ လာရှိထားတာ ဖြစ်ပါတယ်။

အဗ်ဒွရ်ရဟ်မန် အစ်ဗ်နေ အောင်ဖ် ؓ သခင်ဟာ တမန်တော်မြတ်နဲ့ အင်မတန်ရင်းနှီးတဲ့ ဆွဟာဗာသာဝကကြီးတစ်ပါးဖြစ်ပြီး ဒီလောကမှာတင် ဂျန္နဟ်သုခဘုံ ချီးမြှင့်ခံရမယ်လို့ သတင်းကောင်းပေးခြင်းခံရတဲ့ ဆွဟာဗာဆယ်ပါးထဲက တစ်ပါးဖြစ်ပါတယ်။

တစ်ခါတုန်းက သူဟာ တမန်တော်မြတ်ရဲ့ထိုင်ဝိုင်းကို ဝင်လာတဲ့အခါ တမန်တော်မြတ်က သူ့မျက်နှာပေါ်မှာ မင်္ဂလာဆောင်ရဲ့ လက္ခဏာတွေကို တွေ့ပါတယ်။ ပျော်ရွှင်မှုနဲ့ ဝမ်းသာမှုတွေက သူ့မျက်နှာပေါ်နဲ့ အဝတ်အစားတွေပေါ်မှာ အတိုင်းသား ထင်ရှားနေခဲ့ပါတယ်။

ဒါကြောင့် မေးမြန်းတော်မူလိုက်တဲ့အခါ အဗ်ဒွရ်ရဟ်မန် အစ်ဗ်နေ အောင်ဖ်က "အို...အလ္လာဟ့်တမန်တော်! ကျွန်တော် နိကာဟ်ထိမ်းမြားခဲ့ပါတယ်။ နီကာဟ်ကြောင့် မွှေးရနံ့သင်းထုံနေတာပါ... အဲဒီရနံ့ရဲ့ အစွန်းအထင်းတွေက ကျွန်တော်မျိုးအဝတ်တွေမှာ ပေါ်နေတာပါ" လို့ ပြန်ဖြေခဲ့ပါတယ်။

တမန်တော်မြတ်က "မဟရ်(မင်္ဂလာဦးလက်ဆောင်)ကို ဘယ်လိုပေးခဲ့သလဲ" လို့ မေးတော့ ဆွဟာဗာကြီးက "စွန်ပလွံစေ့အိတ်တစ်လုံးစာနဲ့ညီမျှတဲ့ ရွှေသား ပေးခဲ့ပါတယ်" လို့ ပြန်ဖြေခဲ့ပါတယ်။ တမန်တော်မြတ်က "ဒါဆိုရင် ဝလီမာဧည့်ခံပွဲလေး လုပ်လိုက်ပါ။ သိုးတစ်ကောင်စာလောက်ပဲ ဖြစ်ဖြစ်ပါ" လို့ အကြံပေးခဲ့ပါတယ်။

✌️ကျွန်တော်တို့လည်း ဒီလိုရိုးရှင်းမှုနဲ့ ပကာသနကင်းမဲ့မှုကို လိုက်နာသင့်ပါတယ်။

💭 စဉ်းစားကြည့်ပါ၊ တမန်တော်မြတ်ရဲ့ အနီးကပ် လက်ရွေးစင် ဆွဟာဗာတစ်ပါးက တမန်တော်မြတ်ကိုတောင် မဖိတ်ကြား အကြောင်းမကြားဘဲ နိကာဟ်လုပ်ခဲ့တာပါ။ ဒါ့အပြင် တမန်တော်မြတ်က မကျေနပ်မှု အနည်းငယ်တောင် မပြဘဲ ဒိုအာဆုတောင်းပြုပေးပြီး ဝလီမာ စီစဉ်ဖို့ အကြံပေးခဲ့ပါတယ်။ အဲ့လောက်တောင် ရိုးရှင်းပြီး ပကာသနကင်းစင်ပါတယ်။

🔥 ဒီနေ့ခေတ်မှာ တစ်ယောက်ယောက်က ဒီလိုပြုမူရင် သူ့ဆွေမျိုးတွေ ဘယ်လိုတုံ့ပြန်မလဲ စဉ်းစားကြည့်ပါ။ နဗီနဲ့ ဆွဟာဗာတွေရဲ့ အပြုအမူနဲ့ နှိုင်းယှဉ်ကြည့်ပါ။ သူတို့က အလ္လာဟ်အရှင်မြတ် ချီးမြှင့်ထားတဲ့ နိကာဟ်ရဲ့ ရိုးရှင်းမှုကို ထိန်းသိမ်းထားခဲ့ကြပါတယ်။ အရိုးရှင်းဆုံးနဲ့ အကောင်းဆုံး ဗရ်ကသ်မင်္ဂလာကို ရယူခဲ့ကြပါတယ်။ အကောင်းမွန်ဆုံး မျိုးဆက်တွေကို မွေးထုတ်ပေးခဲ့ပါတယ်။

👉 ဒီလိုဆိုလို့ ကိုယ့်ရဲ့ လူကြီးတွေနဲ့ ဆွေမျိုးတွေကို ဖိတ်ကြားတာ ဟရာမ်(တားမြစ်ချက်) လို့ ဆိုလိုနေတာ မဟုတ်ပါဘူး။ ဘာကြောင့်လဲဆိုတော့ တမန်တော့်သမီးတော် ဖာတီမာ ؓ သခင်မရဲ့ နိကာဟ်မှာ တမန်တော်မြတ်က အဘူဘကရ် ؓ သခင်၊ အုမရ် ؓ သခင်နဲ့ တခြားရင်းနှီးသူတွေကို ဖိတ်ခေါ်ခဲ့ပါတယ်။ ဒါကြောင့် ဖိတ်ကြားတာ ခွင့်ပြုချက်ရှိပါတယ်။

🎯 ဒါပေမဲ့ နိကာဟ်ကို ဟန့်တား/ကြန့်ကြာစေလောက်တဲ့ထိ လူလုပ် စည်းကမ်းချက်တွေနဲ့ ဓလေ့ထုံးတမ်းတွေကို အတင်းအကြပ် မလုပ်မနေရလို သတ်မှတ်တာကတော့ အစ္စလာမ့်ဥပဒေအရ ခွင့်မပြုပါဘူး။

💵 ယနေ့ခေတ်မှာ လပေါင်းများစွာကြာညောင်း၊ ငွေသိန်းသန်းပေါင်းများစွာ မသုံးရမချင်း အိမ်ထောင်တစ်ခု မဖြစ်နိုင်တဲ့ အခြေအနေကို ကျရောက်နေပါတယ်။ ရိုးရှင်းလွယ်ကူတဲ့ ဟလာလ်ကိစ္စတစ်ခု အထမြောက်ဖို့ကို ခက်ခဲကြန့်ကြာအောင် ကိုယ်တိုင် လုပ်လိုက်ကြပြီး ဟရာမ်တွေကို လွယ်ကူအောင် တွန်းပို့လိုက်ကြပါပြီ။

↩️ ဒီလိုနဲ့ပဲ Haram Relationship တွေဟာ လွယ်ကူတဲ့နေရာကို အစားထိုးဝင်ယူလိုက်ပါပြီ။ တကယ်တမ်း လွယ်ကူတဲ့နေရာမှာ Halal Relationship က ရှိထားပြီးသားပါ။ လူတွေက Halal ကိုတော့ "ပေါ့ပျက်ပျက်လုပ်လို့မရဘူး" ခေါင်းစဉ်တပ်ပြီး Haram ကိုတော့ နိစ္စဓူဝ ပေါ့ပျက်ပျက် ကျူးလွန်နေကြပါတယ်။ ဒီလိုနဲ့ပဲ လူ့အဖွဲ့အစည်းထဲမှာ ဟရာမ်မကောင်းမှုတွေ၊ မငြိမ်မသက်မှုတွေနဲ့ ပဋိပက္ခတွေဟာ မှိုလိုပေါက်လာပါတော့တယ်။

ကိုးကား။ ။

1. "Ashraf's Blessings of Marriage" by Ashraf's Amānat, p97-98
2. လာနာအဗူဗက့်ရ်အာဇာဒ်ဟုစိုက်ယ်နီ (လှည်းကူးမြို့) ပြုစုသည့် "အစ္စလာမ့်နည်းကျအိမ်ထောင်သည်ဘဝ" စာအုပ်၊ စာမျက်နှာ ၁၃၂-၁၃၃

ရဲမျိုးဇော်
✍🏻Content Contributor, TNP

04/01/2025

ယနေ့ခေတ်မှာ လူငယ်တွေကြား Dating ဆိုတဲ့ ချစ်သူရည်းစားထားတဲ့ ယဉ်ကျေးမှုက တွင်ကျယ်နေပါတယ်။ ဒီအပေါ်မှာ ကျွန်မတို့ မွတ်စ်လင်မ်လူငယ်တွေအနေနဲ့ ဘယ်လို သဘောထားရမလဲ၊ ဘာကြောင့် သတိထားရမလဲ။

❓ Dating ဆိုတာ ဘာလဲ။ တကယ်တော့ တစ်ယောက်နဲ့တစ်ယောက် စမ်းသပ်နေတဲ့ ကာလတစ်ခုပဲ မဟုတ်လား။ ဒီလိုနဲ့ပဲ လူငယ်တွေဟာ တစ်ယောက်ပြီးတစ်ယောက် ပြောင်းလဲစမ်းသပ်ကြတယ်။ စိတ်ဝင်စားမှုတွေ ကုန်ဆုံးသွားရင် အလွယ်တကူ စွန့်ပစ်ကြတယ်။

အထူးသဖြင့် ညီမငယ်များကို သတိပေးချင်ပါတယ်။ တစ်ချို့ယောက်ျားလေးတွေဟာ ချစ်ခြင်းမေတ္တာဆိုတဲ့ အမည်နဲ့ သင့်ရဲ့ အပျိုစင်ဘဝကို ဖျက်ဆီးချင်ကြပါတယ်။ သူတို့ရဲ့ လိင်ပိုင်းဆိုင်ရာ တောင့်တမှုတွေအတွက် အသုံးချပြီး နောက်ပိုင်း စွန့်ပစ်တတ်ကြပါတယ်။ ဒီလိုဖြစ်ရပ်တွေကြောင့် စိတ်ဒဏ်ရာရပြီး ဘဝတစ်သက်တာ နာကြည်းမှုတွေနဲ့ နေရတဲ့ မိန်းကလေးတွေ အများကြီးပါပဲ။

အလ္လာဟ်အရှင်မြတ်က ကျွန်မတို့ကို ကုရ်အာန်ကျမ်းတော်မြတ်ထဲမှာ ဒီလိုမိန့်တော်မူထားပါတယ်။

وَلَا تَقْرَبُوا۟ ٱلزِّنَىٰٓ ۖ إِنَّهُۥ كَانَ فَـٰحِشَةًۭ وَسَآءَ سَبِيلًۭا

📖 "ထို့ပြင် အသင်တို့ သည် တရားမဝင်သော ကာမလိုက်စားပြုကျင့်မှု အနားကိုပင် မကပ်ကြနှင့်။ o ထို့ပြင် ထိုအရာသည် အလွန်စက်ဆုပ် ရွံရှာဖွယ်ရာဖြစ်သည့်အပြင် အလွန်ဆိုးဝါးသောလမ်းစဉ်လည်းဖြစ်သည်။" (surah A-Isra 32)

🤷 ယနေ့ခေတ်မှာ ကျွန်မတို့ မွတ်စလင်လူငယ်တွေထဲမှာတောင် Dating ကို ပုံမှန်ကိစ္စတစ်ခုလို သဘောထားလာကြပါတယ်။ "ခေတ်က ပြောင်းသွားပြီ"၊ "ခုခေတ်မှာ ဒါတွေက မရှောင်သာဘူး" စတဲ့ အကြောင်းပြချက်တွေနဲ့ မိမိတို့ရဲ့ မသင့်တော်တဲ့ အပြုအမူတွေကို ဖုံးကွယ်နေကြပါတယ်။

အစ္စလာမ့်သာသနာတော်ဟာ ကာလအားလုံးအတွက် အကျုံးဝင်တဲ့ ဘဝလမ်းညွှန်ချက်တွေ ဖြစ်ပါတယ်။ သင့်ရဲ့ Nafs (နဖ်စ်) တပ်မက်မှုတွေကို ထိန်းချုပ်ဖို့ အလ္လာဟ်အရှင်က လမ်းစဉ်တွေကို ချမှတ်ပေးထားတာပါ။ Dating ကနေ ဖြစ်ပေါ်လာမယ့် စိတ်ဒဏ်ရာတွေ၊ မိသားစုပြဿနာတွေ၊ လူမှုရေးပြဿနာတွေကို ကာကွယ်ဖို့ အစ္စလာမ်က သင့်ကို စောင့်ရှောက်နေတာပါ။ ခေတ်ပြောင်းလို့ အမှားကို အမှန်လို့ မှတ်ယူလို့ မရပါဘူး။ မှားယွင်းတဲ့ လမ်းကြောင်းပေါ် လိုက်ပါနေတဲ့ လူအများစုကို တွေ့နေရလို့ အဲ့ဒီလမ်းက မှန်တယ်လို့ မယူဆလိုက်ပါနဲ့။ ❌

ကျွန်မတို့ရဲ့ အစ္စလာမ်ဘာသာက ဒီထက်ပိုပြီး လှပတဲ့၊ မြင့်မြတ်တဲ့ နည်းလမ်းတစ်ခုကို ပြထားပါတယ်။ အဲ့ဒါက အားလုံးသိတဲ့ “နီကာဟ်”။ ❤️

▪️အိမ်ထောင်ပြုရန် ရည်ရွယ်ချက်ဖြင့် စတင်ဆက်ဆံခြင်း
▪️လေးစားမှုအပြည့်ဖြင့် တစ်ဦးနဲ့တစ်ဦး သိကျွမ်းအောင် ပြုလုပ်ခြင်း
▪️တစ်ဦးချင်းစီရဲ့ အတွေးအခေါ်၊ ပန်းတိုင်၊ စိတ်သဘောထားတွေကို လေ့လာခြင်း
▪️နှစ်ဦးနှစ်ဖက် သဘောတူညီမှုရရင် တိုက်ရိုက် လက်ထပ်ထိမ်းမြားခြင်း

အိမ်ထောင်ပြုဖို့ အဆင်သင့်မဖြစ်သေးဘူးလား။ ကိစ္စမရှိပါဘူး။ ဒါပေမယ့် တခြားသူတွေရဲ့ စိတ်ခံစားချက်တွေနဲ့ မကစားပါနဲ့။ အချိန်ရှိတုန်း ကိုယ့်ကိုယ်ကို ပိုမိုကောင်းမွန်အောင် တည်ဆောက်ပါ။ ပညာရှာပါ။ အလုပ်အကိုင် ရှာဖွေပါ။ မိသားစုတစ်ခုကို တာဝန်ယူနိုင်တဲ့အထိ ကြိုးစားပါ။

Dating ဆိုတဲ့ အလေ့အထဟာ ကျွန်မတို့ရဲ့ ယဉ်ကျေးမှု၊ ဘာသာတရားနဲ့ လုံးဝ မကိုက်ညီပါဘူး။ တစ်ခါတစ်ရံ လူငယ်တွေဟာ အချစ်စစ်လို့ ထင်မှတ်ပြီး လမ်းမှားရောက်သွားတတ်ကြပါတယ်။ ဒါကြောင့် သတိရှိကြပါ။ မိမိရဲ့ ဂုဏ်သိက္ခာကို စောင့်ထိန်းကြပါ။ အလ္လာဟ်အရှင်က ပြထားတဲ့ မှန်ကန်တဲ့လမ်းကို လိုက်ကြပါ။ မိဘတွေရဲ့ ဆုံးမစကားကို နားထောင်ကြပါ။

02/01/2025

🤍 မွန်မြတ်သော အိမ်ထောင်ရေးဆီသို့

အိမ်ထောင်ပြုခြင်းဟာ ကျွန်မတို့ ဘဝတစ်လျှောက်လုံးအတွက် အရေးအကြီးဆုံး ဆုံးဖြတ်ချက်တစ်ခု ဖြစ်ပါတယ်။ မွတ်စ်လင်မ်လူငယ်များအတွက် အစ္စလာမ်သာသနာတော်ရဲ့ လမ်းညွှန်ချက်တွေကို အောက်ပါအတိုင်း တင်ပြလိုက်ပါတယ်။

🔳 သင့်တော်သောအိမ်ထောင်ဖက် ရွေးချယ်ခြင်း

တမန်တော်မြတ် (ﷺ) မှ မိန့်တော်မူခဲ့ပါတယ်။
“အိမ်ထောင်ဖက်ရွေးချယ်ရာမှာ ချမ်းသာကြွယ်ဝမှု၊ လူမှုအဆင့်အတန်း၊ အလှအပ၊ မျိုးရိုးဇာတိတွေကို စဉ်းစားကြပေမဲ့ အရေးအကြီးဆုံးအရာကတော့ သာသနာအပေါ် သစ္စာရှိမှုနဲ့ ကောင်းမွန်တဲ့ စရိုက်လက္ခဏာပဲ ဖြစ်ပါတယ်။” ဒီလိုအချက်တွေက အိမ်ထောင်ဖက်အချင်းချင်းဆက်ဆံရေးကို တည်မြဲစေမဲ့ ကျင့်ဝတ်ပိုင်းဆိုင်ရာ အပြုအမှုတွေ၊ အတွေးအခေါ်တွေ မျှဝေနိုင်ဖို့ အခြေခံကျတဲ့အချက်ဖြစ်တယ်ဆိုတာကို သေချာစေပါတယ်။

🔳 မိတ်ဆက်ခြင်းနည်းလမ်းများ

အစ္စလာမ်သာသနာတော်က မိသားစုဝင်များ ပါဝင်တဲ့ လေးစားဖွယ်ရာ မိတ်ဆက်ခြင်းတွေကို အလေးပေးပါတယ်။ စိတ်ခံစားမှုတွေက ဆုံးဖြတ်ချက်ကို မမှုန်ဝါးစေခင်မှာ နှစ်ဦးနှစ်ဖက်ကို အကာအကွယ်ပေးပြီး ကိုက်ညီမှုရှိမရှိကို လက်တွေ့ကျကျ အကဲဖြတ်နိုင်စေဖို့ပါ။ အချစ်ဟာ လှပပေမဲ့ တစ်ခါတစ်ရံ ဆုံးဖြတ်ချက်ကို ဝေဝါးစေတတ်ပါတယ်။

🔳 အားကောင်းတဲ့ အိမ်ထောင်ရေး တည်ဆောက်ခြင်း

အောင်မြင်တဲ့ အိမ်ထောင်ရေးဟာ အပင်တစ်ပင်ကို စိုက်ပျိုးပြုစုရသလိုပါပဲ။ အရေးကြီးတဲ့အချက်တွေကတော့ -

▪️ အကြင်လင်မယားအချင်းချင်း လေးလေးစားစား၊ ကြင်ကြင်နာနာ ပြောဆိုဆက်ဆံခြင်း
▪️ အိမ်ပြင်ပမှာတင်မဟုတ်ဘဲ အိမ်တွင်းမှာလည်း အကောင်းဆုံးဖြစ်အောင် ကြိုးစားခြင်း
▪️ အလုပ်နဲ့ တခြားကိစ္စတွေထက် မိသားစုအတွက် အချိန်ပေးခြင်း
▪️ သေးငယ်တဲ့အရာလေးတွေကနေ အသိအမှတ်ပြုတတ်ခြင်း
▪️ အကြံပြုချက်တွေကို လက်ခံတတ်ခြင်း
▪️ အငြင်းပွားမှုတွေမှာ ခြိမ်းခြောက်မှုနဲ့ ရုန့်ရင်းတဲ့စကားတွေ ရှောင်ကြဉ်ခြင်း
▪️ အခြားလူမှုရေးကိစ္စတွေထက် အိမ်ထောင်ဖက်နဲ့ ကလေးတွေကို ဦးစားပေးခြင်း

တမန်တော်မြတ် (ﷺ) မိန့်ကြားခဲ့သလိုပဲ မိသားစုကို အကောင်းဆုံးဆက်ဆံသူဟာ အကောင်းမွန်ဆုံးသူတွေပဲ ဖြစ်ပါတယ်။ ပျော်ရွှင်တဲ့ အိမ်ထောင်ရေးဟာ အလိုလို ဖြစ်မလာပါဘူး။ နေ့စဉ် ကြင်နာမှု၊ လေးစားမှုနဲ့ ဆက်ဆံရေး ထိန်းသိမ်းဖို့ သတိရှိရှိ ကြိုးစားမှုတွေကနေ တည်ဆောက်ရတာ ဖြစ်ပါတယ်။ အိမ်ထောင်ပြုဖို့ စဉ်းစားနေတဲ့ မွတ်စ်လင်မ်လူငယ်တွေအနေနဲ့ ချမ်းသာကြွယ်ဝမှု၊ ရုပ်ရည်အသွင်အပြင်လို ယာယီအကြောင်းအရာတွေထက် အိမ်ထောင်ဖက်ကောင်းတစ်ယောက်နဲ့ မိဘကောင်းတစ်ယောက် ဖြစ်လာစေမဲ့ စရိုက်လက္ခဏာနဲ့ သာသနာအပေါ် သစ္စာရှိမှုကို အဓိကထား ရှာဖွေသင့်ပါတယ်။

01/01/2025

👦🏼 ဒီလောကရှိ လူသားတိုင်း ငယ်ရွယ်စဥ်က စလို့ စာသင်ကျောင်းတွေ တက်ရောက်ကြရတယ်။ စာသင်ကျောင်းက သတ်မှတ်ထားတဲ့ မူဝါဒတွေကို လိုက်နာဆောင်ရွက်ကြရတယ်။ ဒီအပေါ်မှာ ဘယ်သူမှ စောဒက မတက်ကြပါဘူး။ ဘာဖြစ်လို့လဲဆိုရင် ဒီစာသင်ကျောင်းက မူဝါဒတွေဟာ မိမိတို့ကို အန္တရာယ်ဖြစ်စေမှာ မဟုတ်ဘဲ အောင်မြင်တဲ့ ဘဝတစ်ခုကို ရစေနိုင်တယ်လို့ လူတိုင်း လက်ခံ ယုံကြည်ထားလို့ပါပဲ။

🏫 ကျောင်းက ဝတ်စုံသတ်မှတ်ထားတယ်။ လူတိုင်း ချမ်းသာ၊ ဆင်းရဲမရွေး လိုက်နာကြတယ်။ ကျောင်းသား၊ ကျောင်းသူဆိုတဲ့ အမည်နဲ့အညီ ဝတ်စုံလေးတွေ တူညီစွာ ဝတ်ဆင်ကြရတယ်။ ဘယ်ကျောင်းမှ လျှပ်ပေါ် လော်လီတဲ့ ဝတ်စုံတွေကို ခွင့်မပြုထားဘူး၊ ဒီလို သတ်မှတ်ချက်တွေကို ကျောင်းမစခင်ကတည်းက သိထားပြီးသား ဖြစ်ကြတယ်။ ဒီအပေါ်မှာလည်း ဘယ်သူမှ စောဒကမတက်ကြဘူး။

👩🏼‍🎓 မိမိတို့ တက်ရောက်တဲ့ အတန်းမှ သင်ခန်းစာများ အမှန်တကယ် တတ်မြောက်ခြင်းရှိ၊ မရှိ စာမေးပွဲတွေ ဖြေဆိုကြရတယ်။ ဒီစာမေးပွဲတွေမှာလည်း သတ်မှတ်ချက် မူဝါဒတွေကို ကျောင်းသားတိုင်း လက်ခံကြရတယ်။ သွေဖည်တဲ့သူအတွက်ကတော့ ထုတ်ပယ်ခြင်း ဆိုတဲ့ ပြစ်ဒဏ်ခံကြရမယ်ဆိုတာလည်း ကြေငြာထားပြီးသား၊ ထိုကြေငြာချက်ကိုလည်း အားလုံးက သဘောတူ လက်ခံလျက် စာမေးပွဲခန်းထဲ ဝင်ကြရတာပါပဲ။

❓ ဘာလို့လဲ ဒီအတန်းထက် ပိုမြင့်တဲ့ နေရာကို သွားချင်လို့ပဲ မဟုတ်လား။

☪️ အစ္စလာမ်ဆိုတဲ့ စာသင်ကျောင်းထဲကို ဝင်လာကြပြီဆိုရင် အစ္စလာမ်က သတ်မှတ်ထားတဲ့ ဥပဒေတွေကို သိအောင် လုပ်ကြရပါမယ်။ သိရှိပြီးရင် လိုက်နာကြရမယ်။ မိမိတို့ရဲ့ စာမေးပွဲခန်းကြီး ဖြစ်တဲ့ ဒီဒွန္နယာဟာ မိမိတို့ သိတတ်စကနေစပြီး သေဆုံးကွယ်လွန်ရမယ့်အချိန်ထိ စာမေးပွဲရဲ့ နည်းဥပဒေတွေကို လိုက်နာရင်း ဖြေဆိုကြရမယ် မဟုတ်လား။ စောဒကတက်၊ သွေဖည်ရင်တော့ ရလဒ်က ကျရှုံးခြင်းဖြစ်ပြီး ပိုင်ဆိုင်သူ အလ္လာဟ်အရှင်မြတ်ရဲ့ အစ္စလာမ်ကျောင်းတော်ကြီးကနေ ရာသက်ပန် ထုတ်ပယ်ခြင်း(ကာဖိရ်အဖြစ်)နှင့် အရေးနိမ့်ကြရမယ်ဆိုတာ လူတိုင်း လက်ခံထားပြီးသား၊ သိထားပြီးသား၊ သတိပေးခံထားရပြီးသားပါပဲ။

يَٰٓأَيُّهَا ٱلَّذِينَ ءَامَنُوا۟ ٱدْخُلُوا۟ فِى ٱلسِّلْمِ كَآفَّةً وَلَا تَتَّبِعُوا۟ خُطُوَٰتِ ٱلشَّيْطَٰنِ ۚ إِنَّهُۥ لَكُمْ عَدُوٌّ مُّبِينٌ

📜 ကုရ်အာန် (၂:၂၀၈)
2|208|အို- အီမာန်ယုံကြည်သူအပေါင်းတို့၊ အသင်တို့သည် အစ္စလာမ်ထဲသို့ လုံးလုံးလျားလျား ဝင်ရောက်ကြပါ၊ ထို့ပြင် ရှိုင်သွာန်၏လျှောက်လှမ်းမှုများနောက်ကို ဖဝါးခြေထပ် မလိုက်ကြနှင့်၊ အမှန်စင်စစ် ထိုရှိုင်သွာန်သည် အသင်တို့အတွက် ထင်ရှားသည့်ရန်သူဖြစ်သည်။*
ဆရာ ဟာရှင်မ်(ခ)တင်မြင့်

🤲🏼 ဇေနာဟ်ကင်းစင်၍ အရှင့်အမိန့်များအပေါ် စောဒကမတက်ဘဲ မမှိတ်မသုန် လိုက်နာကျင့်ကြံနိုင်တဲ့ သောင်ဖီးက် စွမ်းအားရရှိကြပါစေလို့ ဆုမွန်ဒုအာပြုလျက်။

✍🏼 NuuR

Content Contributor, TNP

24/12/2024

📜 ထို့ပြင် အသင်တို့သည် (အသင်တို့၏)ဇနီးမိန်းမများအား သူတို့၏(ထိမ်းမြားရန် သဘောတူထားသော)မဟရ်ကို ကြည်ဖြူစွာပေးကြပါ။... ကုရ်အာန် (၄:၄)

🚫 မဟရ်ဟာ အမျိုးသမီးတွေကို အရောင်းအဝယ်ပစ္စည်းတစ်ခုလို သတ်မှတ်တာ မဟုတ်ပါဘူး။

⭕ ဂုဏ်သိက္ခာနဲ့ လေးစားမှုရဲ့ သင်္ကေတတစ်ခု ဖြစ်ပြီး၊ ခင်ပွန်းသည်က သူ့ရဲ့တာဝန်ဝတ္တရားတွေကို ထမ်းဆောင်ဖို့ အသင့်ရှိကြောင်း ပြသတဲ့ အမှတ်လက္ခဏာတစ်ခု ဖြစ်ပါတယ်။

💰မဟရ်ဟာ ကြွားဝါပြစားပြိုင်ဆိုင်ရမယ့် ဥစ္စာဓနရဲ့ သင်္ကေတမဟုတ်ပါဘူး။

🙆 မဟရ်ဟာ ဇနီးသည်တစ်ဦးတည်းရဲ့ သီးသန့်ကိုယ်ပိုင်ရပိုင်ခွင့်သက်သက် ဖြစ်ပါတယ်။

🚫 မဟရ်ဟာ နိကာဟ်ပြုထိမ်းမြားမှုရဲ့ အဟန့်အတား မဖြစ်စေရပါဘူး။

⚠️ မဟရ်ဟာ အစ္စလာမ့်ဥပဒေအရ သတို့သားက သတို့သမီးအား (နှစ်ဦးသဘောတူ)မဖြစ်မနေပေးရတဲ့ မင်္ဂလာဦးလက်ဆောင်တစ်ခုခုဆို ရ၏။ ခန်းဝင်ကြေးလည်း မဟုတ်၊ ကညာကြေးလည်းမဟုတ်။ အရပ်အခေါ် မဟာရွှေလည်း မဟုတ်။ ရွှေပဲ ဖြစ်ရမယ်လို့ သတ်မှတ်ချက်လည်း လုံးဝမရှိပါ။

💬 တမန်တော်မြတ် (ﷺ) မိန့်တော်မူခဲ့ပါတယ်။
"အကြင်သူသည် အမျိုးသမီးတစ်ဦးကို လက်ထပ်ရာတွင် မဟရ်ကို နည်းသည်ဖြစ်စေ၊ များသည်ဖြစ်စေ အမှန်တကယ် မပေးဖို့ ရည်ရွယ်ချက်နဲ့ လက်ထပ်ခဲ့ပါက ကိယာမတ်ကမ္ဘာ့တရားခွင်နေ့တွင် ၎င်းကို မတရားကာမစပ်ယှက်သူအဖြစ် အလ္လာဟ်အရှင့်ရှေ့တော်တင်သွင်းခြင်းခံရမည်။"
(Ma'ariful Hadeeth, Vol. 7, p.24)

💬 "အကြင်သူဟာ ဇနီးသည်အား မဟရ်မပေးရသေးဘဲ သေဆုံးသွားပါက အကြွေးဆက်တင်နေမှာဖြစ်ပြီး သူ့ရဲ့ သားသမီးများက ဆပ်ပေးဖို့ တာဝန်ဆက်ရှိပါတယ်။"
(Fatawa Darul Uloom Deoband p.336 v.8)

💬 "အကောင်းဆုံး ထိမ်းမြားလက်ထပ်ခြင်းဟာ အလွယ်ကူဆုံး လုပ်ဆောင်တဲ့ လက်ထပ်ထိမ်းမြားခြင်း ဖြစ်တယ်။"
(Narrated by Ibn Hibban, classed as authentic by Al-Albani in Sahih Al-Jami`, 3300)

💬 "အကောင်းဆုံး မဟရ်ကတော့ အရိုးရှင်းဆုံး (သို့မဟုတ် အတတ်နိုင်ဆုံး) မဟရ် ဖြစ်တယ်။"
(Narrated by Al-Hakim and Al-Bayhaqi, classed as authentic by Al-Albani in Sahih Al-Jami`, 3279)

💬မော်လာနာအရှ်ရဖ်အလီထာနဝီ (رَحْ) က အမိန့်ရှိခဲ့ပါတယ်။ "မဟရ်ဟာ ဝါဂျစ်မပေးမနေရ ဖြစ်ပါတယ်။ နိကာဟ်ပြုတဲ့အခါ မဟရ်ကို ပြောသည်ဖြစ်စေ၊ မပြောသည်ဖြစ်စေ နိကာဟ်က တရားဝင်ပါတယ်။ ဒါပေမဲ့ မဟရ်ကတော့ မဖြစ်မနေ ပေးရမှာပါ။"

🪙 ဟနဖီပညာရှင်များရဲ့အဆိုအရ အနည်းဆုံး မဟရ်ပမာဏက ဒရ်ဟမ် ၁၀ (ငွေထည် ၃၀.၆ ဂရမ်) ဖြစ်ပါတယ်။ အများဆုံးပမာဏ သတ်မှတ်ချက်မရှိပေမဲ့ အလွန်အမင်း များပြားတဲ့ပမာဏကို မသတ်မှတ်သင့်ပါဘူး။

📝ဥပမာ တွက်ပြရရင် 18-12-2024 ပေါက်ဈေးအရ silver 1 g = 0.98 USD ရှိတဲ့အတွက် 30.6 g ဆို မြန်မာငွေ တစ်သိန်းသုံးသောင်းဝန်းကျင် ရှိပါတယ်။

အဖန်ဆင်းခံအားလုံးတွင် အမွန်မြတ်ဆုံးသော တမန်တော်မြတ် (ﷺ)က အွမ္မသ်၏ မိခင်မွန်များဖြစ်သော ဇနီးတော်တို့အား ပေးခဲ့သည့် မဟရ်

••••••••••••••••••••••••••••••••

🪙 အဘူ စလမဟ် အစ်ဗ်နု အဗ်ဒူရ်ရဟ်မာန်သခင်က ဆင့်ပြန်ခဲ့သည်~
"ကျွန်တော်က တမန်တော်မြတ် (ﷺ) ရဲ့ ဇနီးတော် အာအိရှဟ် ؓ သခင်မကို တမန်တော်မြတ်ပေးတော်မူခဲ့တဲ့ မဟရ်အကြောင်း မေးမြန်းခဲ့ပါတယ်။

သခင်မက ဒီလိုဖြေကြားခဲ့ပါတယ် - 'တမန်တော်မြတ်က မိမိဇနီးတော်တွေကို ပေးခဲ့တဲ့ မဟရ်က 12 Uqiyah နဲ့ 1 Nashsh ဖြစ်ပါတယ်'

သူက 'Nashsh ဆိုတာ ဘာလဲ' လို့ မေးတော့၊ သခင်မက Nashsh ဆိုတာ Uqiyah ရဲ့ တစ်ဝက် ဖြစ်တယ်လို့ ဖြေခဲ့ပါတယ်။ အဲဒါဟာ ဒရ်ဟမ် ၅၀၀ ဖြစ်ပါတယ်။ ဒါဟာ တမန်တော်မြတ် (ﷺ)က ဇနီးတော်တွေကို ပေးခဲ့တဲ့ မဟရ် ဖြစ်ပါတယ်။"
(Sahih Muslim:1426)

📝အဆိုပါ ဒရ်ဟမ် ၅၀၀ ကို အစ္စလာမ့်ပညာရှင်များရဲ့ အိဂျ်မာတညီတညွတ်တည်းတွက်ချက်ဆုံးဖြတ်ချက် (Al-Muqaddimah, p. 263) အရ~

1 dirham = 2.975 grams of silver

500 dirham = 1487.5 grams of silver

ဒါကြောင့် တမန်တော်မြတ် ဇနီးသည်တွေကို ပေးခဲ့တဲ့ မဟရ်ဟာ ငွေထည် 1487.5 grams လို့ ဆိုနိုင်ပါတယ်။

📝ဥပမာ တွက်ပြရရင် 18-12-2024 ပေါက်ဈေးအရ silver 1 g = 0.98 USD ရှိတဲ့အတွက် 1487.5 g ဆို 1 USD = 4300 MMK နဲ့တွက်မယ်ဆိုရင် မြန်မာ ငွေ 6,396,250 ကျပ် ရှိပါတယ်။ လက်ရှိ ၁၆ပဲရည် ရွှေတစ်ကျပ်သားဈေးစွန်းစွန်းပဲ ရှိပါတယ်။

မဟရ် ဖာတီမီ

••••••••••••

☀️ ဒါက တမန်တော်မြတ်ရဲ့ သမက်တော်အလီ ؓ သခင်က သမီးတော်ဖာတီမာ ؓ သခင်မနဲ့ နိကာဟ်ပြုစဉ် ပေးခဲ့တဲ့ မဟရ်ပမာဏ ဖြစ်ပါတယ်။

💬 ရှိက်ခ် မစီဟူလ္လာခန်းက ယူကေမှာ နိကာဟ်တစ်ခု ဖတ်ပေးရင်း ဒီလိုမှတ်ချက်ပြုခဲ့ပါတယ်။

"ဒီမဟရ်ဖာတီမီဟာ ကောင်းချီးမင်္ဂလာများစေတဲ့ လုံလောက်တဲ့ပမာဏ ဖြစ်ပါတယ်။ မဟရ်ဟာ သတို့သမီးရဲ့ ဂုဏ်သိက္ခာနဲ့ အဆင့်အတန်းကို ထင်ဟပ်စေတဲ့ သင့်တော်တဲ့ပမာဏ ဖြစ်သင့်ပါတယ်။"

မဟရ်ဖာတီမီရဲ့ တိကျတဲ့ပမာဏနဲ့ပတ်သက်ပြီး အဆိုကွဲလွဲမှုတွေ ရှိနေပေမဲ့ ရှိက်ခ် မွဖ်တီ အဗ်ဒွရ်ရဟီမ် လာဂျ်ပူရီရဲ့ အဆိုအရ

🪙 "ပိုပြီးသင့်တော်ပြီး သတိထားသင့်တဲ့အမြင်ကတော့ မဟရ် ဖာတီမီကို ငွေ တိုလာ ၁၅၀ (၁၇၅၀ ဂရမ် သို့မဟုတ် ၆၂ အောင်စ) နဲ့ တွက်ချက်သင့်ပါတယ်။"
(Fataawa Raheemiya Vol.6, p445)

📝 ဥပမာ တွက်ပြရရင် 18-12-2024 ပေါက်ဈေးအရ silver 1 g = 0.98 USD ရှိတဲ့အတွက် 1750 g ဆို 1 USD = 4300 MMK နဲ့တွက်မယ်ဆိုရင် မြန်မာ ငွေ 7,525,000 ကျပ် ရှိပါတယ်။ ဒါလဲ လက်ရှိ ၁၆ပဲရည် ရွှေတစ်ကျပ်သားနဲ့ တစ်မတ်ဈေးဝန်းကျင်ပဲ ရှိပါတယ်။

💬တမန်တော်မြတ်ရဲ့ မိန့်မှာချက်ကို သိရ်မီဇီကျမ်းမှာ ဆင့်ပြန်ထားပါတယ်~
"အမျိုးသမီးတွေရဲ့ မဟရ်ကို တန်ဖိုးကြီးအောင် မသတ်မှတ်ကြနှင့်။ အကယ်၍ မဟရ်တန်ဖိုးကြီးမားခြင်းဟာ ဒီလောကမှာ ဂုဏ်သိက္ခာရဲ့ လက္ခဏာ (သို့မဟုတ်) အလ္လာဟ့်ရှေ့တော်မှောက်မှာ လွတ်ငြိမ်းချမ်းသာခွင့်ရရှိမှုရဲ့ အရင်းအမြစ် ဖြစ်မယ်ဆိုရင်၊ သင်တို့ရဲ့ တမန်တော်မြတ် (ﷺ)က အဲဒါနဲ့ ပိုပြီး ထိုက်တန်သူ ဖြစ်ရမှာပါ။"

👉ဒါကြောင့် တစ်လောကလုံးရဲ့ အမွန်မြတ်ဆုံးတမန်တော်နဲ့ တမန်တော့်ဇနီးတော်တွေ၊ လောကမှာတည်းက ဂျန္နသ်ရဲ့ သတင်းကောင်း ကြိုပေးခံထားရတဲ့ တမန်တော့်သမက်တော်နဲ့ သမီးတော်တို့ထက် တစ်မူးမသာချင်ဘဲ တမန်တော့်မိန့်မှာချက်အတိုင်း အရိုးရှင်း အလွယ်ကူဆုံးနဲ့ နိကာဟ်တွေ ဖြစ်အောင် ကြိုးစားကြရင်း ဇေနာများကို ရှောင်ရှားကာ တိမ်ကောနေတဲ့ စွန္နဟ်တော်တစ်ရပ်ကို အကောင်အထည်ဖော်ကြစို့လားခင်ဗျား...

🌟မိမိတို့ကို အလ္လာဟ်အရှင်ချီးမြှင့်ထားတဲ့ ကြွယ်ဝချမ်းသာမှုများကို အပြိုင်အဆိုင် ပြစားဂုဏ်မောက်လိုစိတ်နဲ့ မဟရ်များစွာသတ်မှတ်၊ ပကာသနများတွင် ဖြုန်းတီးခြင်းထက် မရှိဆင်းရဲသားများ၊ မိဘမဲ့ကလေးများ၊ စစ်ဘေးရှောင်များ၊ သဘာဝဘေးသင့်သူများ အစရှိတဲ့ အလိုအပ်ဆုံးနေရာများတွင် သုံးစွဲလိုက်ခြင်း၊ မိမိဇနီးသည်နှင့် တိုးပွားလာမည့်မိသားစု အရေးကိစ္စလိုအပ်ချက်များတွင် သုံးစွဲလိုက်ခြင်းဖြင့် အချိုပေါ် သကာလောင်းသကဲ့သို့ ကုသိုလ်အကျိုးရော၊ ဒိုအာများ၊ ဘရ်ကသ်မင်္ဂလာများပါ ဝေဆာမသွားပေဘူးလားခင်ဗျား...

References;

1. "Ashraf's Blessings of Marriage" by Ashraf's Amānat, p84
2. https://islamqa.org/?p=19717
3. https://islamqa.info/en/3119
4. https://islamqa.info/en/10525

ရဲမျိုးဇော်
✍🏻Content Contributor, TNP

22/12/2024

" إذا لم تستحي ، فاصنع ما شئت "

'If you do not feel ashamed, do whatever you like.”

အရှက်မရှိတော့ရင် အသင်ကြိုက်ရာ လုပ်ပေတော့။

Grade : Sahih ( Al- Bukhari Hadith, 3484

တရားတကာ့ တရားထဲမှာ ထိန်းသိမ်းရအခက်ဆုံး၊ ဟောပြောဖို့ လွယ်သလောက် လက်တွေ့ကျင့်ကြံဖို့ အခက်ခဲဆုံး တရားဟာ **အရှက်တရား**။

ဘာလို့ လဲ

ခေတ်ရေစီးကြောင်းက တစ်ချို့သော အရှက်တရားကင်းမဲ့ခြင်းတွေကို လူသားတွေနဲ့ တစ်သားတည်း ဖြစ်လာအောင် လှုံ့ဆော်ပေးနေတယ်။ မိမိတို့ကလည်း စိတ်ရဲ့ အလိုကို လိုက်တာ မျောပါနေကြတယ်လေ။

၁၉၀၀ အစောပိုင်းကာလတွေမှာ ရေကူးဝတ်စုံဝတ်ထားတဲ့ ဇာတ်လမ်း၊ ဗီဒီယို၊ ကားချပ်တွေကို မိသားစုနဲ့ အတူ မကြည့်ရဲခဲ့ကြဘူး။ ကလေးတွေရှေ့ ဒီလို ကားချပ်၊ ဗီဒီယိုတွေဆို မကြည့်ဖို့ တိုက်တွန်းလေ့ရှိကြတယ်၊ အဲဒီလိုပဲ သရုပ်ပျက် အကအခုန်တွေရောပေါ့။ ဒါဟာ မွတ်စ်လင်မ်ဖြစ်သူရော မွတ်စ်လင်မ် မဟုတ်သူရော ကျင့်ကြံခဲ့ကြတဲ့ အမူအကျင့်တစ်ခုပါပဲ။

ခုခေတ်မှာတော့ မိသားစု နဲ့အတူ Miss ခေါင်းစဥ◌်ကို အမျိုးမျိုးတပ်ကာ မိန်းမငယ်လေးတွေရဲ့ ခန္ဓာကိုယ်ကောက်ကြောင်းအလှတွေကို တဝကြီး တစ်ပျော်ကြီး ထိုင်ကြည့်နေကြတယ်။ မျက်စိမရှက်တတ်ကြတော့ဘူး။

ဒီလိုပါပဲ ရည်းစားထားတာက ဟရာမ်ပါလို့ သတ်မှတ်ထားတယ်။ ဒါပေမဲ့လည်း ဒီအရာဟာ ပြုပိုင်သယောင်နဲ့ အရေးကြီးတယ်ဆိုတာ အလေးမထားတော့တဲ့အပြင် ရည်းစားထားခြင်း ဟရာမ်ပါလို့ ရေးတဲ့သူ ပြောတဲ့သူကိုပါ လှောင်ပြောင်သရော်လာကြတာကို ဝမ်းနည်းဖွယ် တွေ့မြင်နေရပြီ။ မိမိတို့ အသိပညာနည်းပါးခြင်းအပေါ်မှာ မရှက်တတ်ကြတော့ဘူး။

အပေါ်မှာ ဖော်ပြထားတဲ့ ဟဒီးဆ်လေးက အသင်တို့ အရှက်မရှိရင် လုပ်ချင်ရာ လုပ်ပေတော့ လို့ မိန့်ထားတယ်။ ဒါကို ခေတ်စကားနဲ့ ပြောရရင် လူကြီးတွေက“မပြောသေးဘူးနော် ၊ ငါစောင့်ကြည့်နေတယ်”ဆိုတဲ့ သတိပေးစကားလိုပေါ့။ ဒီလို သတိပေးခံလိုက်ရပြီဆိုရင် ပျော်ပျော်ကြီး ကိုယ်စိတ်ကြိုက် လုပ်ချင်တာလုပ်၊ ဒါပေမဲ့ ကိုယ်လုပ်ခဲ့သမျှအတွက် အရိုက်ခံရတော့မယ်ဆိုတာ ကောင်းကောင်းကြီး နားလည်ထားကြတယ် မဟုတ်လား။

အလ္လာဟ်က အမြဲစောင့်ကြည့်နေသလို မိမိတို့ရဲ့ နေ့စဥ◌် မှတ်တမ်းကိုလည်း ဖရစ်ရှ်သဟ်တွေက အလ္လာဟ်ထံတော်သို့ စက္ကန့်မလတ် ပို့ပေးနေတာနော်။

ဇေနာဟ်ဆိုတဲ့ ပြစ်မှုကို ရှက်ရကောင်းမှန်းမသိတော့တာ၊ မိမိတို့ရဲ့ အလှကို သူစိမ်းအမျိုးသားတွေရှေ့ ပြသခြင်းကို ပြုပိုင်သယောင် လူ့အခွင့်အရေးလို့ ထင်မြင်လာကြတော့တာ ဒါတွေဟာ ယနေ့ခေတ်ရဲ့ သမရိုးကျ လုပ်ဆောင်ချက်တွေ လိုပါပဲ။ အရှင်မြတ်ရဲ့ သတ်မှတ်ပြဌာန်းချက်ဖြစ်တဲ့ ဟလာလ်၊ ဟရာမ်ကို မေ့လိုက်ကြတော့တယ်။ အလ္လာဟ်ကိုပါ သူတို့ ရှက်ဖို့ မေ့လိုက်ကြတော့တယ်။

အလ္လာဟ်အရှင်မြတ်ဟာ အလွန်တရာ အရှက်ကြီးတော်မူသော အရှင်ဖြစ်ပါတယ်။

အရှက်တရားကင်းမဲ့ခြင်းရဲ့ မူလအစ၊ သင်ပြပေးခဲ့တဲ့ ဆရာကတော့ ရှိုင်သွာန်ပေါ့။ သူဟာ အလ္လာဟ့်အမိန့် မနာခံခြင်းအပေါ် ရှက်ရကောင်းမှန်းမသိခဲ့ဘူး။ သူမှန်သယောင်နဲ့ အရှက်မရှိ ကိယာမသ်ထိ ရှင်သန်နေထိုင်နေမဲ့သူ တစ်ယောက်ပဲမဟုတ်လား။ ဒီလို အရှက်မရှိ ဂုဏ်ပုဒ်ရဲ့ ပိုင်ရှင်ကတော့ သူ့team ရဲ့ အဖွဲ့ဝင်အရေအတွက် တိုးပွားဖို့အရေး ကိယာမသ်နေ့ထိ ကြံစည်နေမှာပဲလေ။

إِنَّمَا يَأْمُرُكُم بِٱلسُّوٓءِ وَٱلْفَحْشَآءِ وَأَن تَقُولُوا۟ عَلَى ٱللَّهِ مَا لَا تَعْلَمُونَ

ကုရ်အာန် (၂:၁၆၉)
2|169|(အဘယ့်ကြောင့်ဆိုသော်)သူ(ရှိုင်သွာန်)သည် အသင်တို့အား မကောင်းမှုများနှင့် စက်ဆုပ်ဖွယ်ရာကိစ္စများဖြင့်လည်းကောင်း၊ အသင်တို့သည် အသင်တို့မသိသည့်ကိစ္စရပ်များကို အလ္လာဟ်အရှင်မြတ်အပေါ်တွင် လိမ်လည်ပြစ်တင်ပြောဆိုရန်အတွက်လည်းကောင်း* အမိန့်ပေး လှုံ့ဆော်နေသူသာဖြစ်သည်။
-- ဆရာ ဟာရှင်မ်(ခ)တင်မြင့်

တမန်တော်အာဒမ်(အ)နဲ့ ရှိုင်သွာန်ရဲ့ ကွာခြားချက်က လူသားဟာ အမှားကိုသိပြီး ဒီအမှားကို နောင်တရ၊ ရှက်စိတ်ဝင်ကာ အရှင့်ဖက် ပြန်လှည့်လာခြင်းပါပဲ။

***အရှက်တရားရှိသူသာလျှင် မိမိတို့ ပြုမူပြောဆိုမိတဲ့ အမှား၊ ဂုနာဟ်တွေပေါ် နောင်တရကြမှာပါ။***

**اَلنَّدْمُ تَوْبَةٌ**

**နောင်တရှိခြင်းသည်ပင်လျှင် သောင်ဝ်ဗဟ်အမှား ဝန်ခံခြင်းဖြစ်သည်။**

Grade ( Sahih ) Sunan Ibn Majah 4252

အချိန်မလွန်ခင် နောင်တရလို့ အလ္လာဟ်အရှင်မြတ်ဖက်တော်သို့ ပြန်လှည့်နိုင်ကြပါစေ

✍ NuuR

16/12/2024

အလ္လာဟ်အရှင်မြတ် အမိန့်ရှိတော်မူသည်မှာ_

“ ထို့ပြင် အသင်တို့သည် အသင်တို့ထဲမှ ဇနီးခင်ပွန်း မရှိသော ယောကျာ်း၊ မိန်းမများကိုလည်းကောင်း အသင်တို့၏ ကျွန်၊ ကျွန်မများထဲမှ (ထိမ်းမြားရန်) အရည်အချင်းရှိသော ကျွန်၊ ကျွန်မ များကို လည်းကောင်း ထိမ်းမြားပေးကြပါ။ အကယ်၍ သူတို့သည် ဆင်းရဲသားများဖြစ်ကြလျှင် အလ္လာဟ်အရှင်မြတ်သည် သူတို့ကို အရှင်မြတ်၏ ကျေးဇူးတော်နှင့် ချမ်းသာစေတော်မူမည်။ ထို့ပြင် အလ္လာဟ်အရှင်မြတ်သည် အလွန်ကျယ်ဝန်းစွာ ပေးသနားတော်မူသောအရှင်၊ အကြွင်းမဲ့သိတော်မူသော အရှင်ဖြစ်တော်မူသည်။ “ (စူရဟ်နူးရ် : ၃၂)

မိမိတို့၏ အိမ်ထောင်မရှိသေးသော ညီနောင်များအား မသိကျေးကျွန် မပြုဘဲ တတ်စွမ်းနိုင်သမျှ ကူညီသင့်ပေကြောင်း ဤအာယသ်မှ ထောက်ပြနေသည်။ ထို့ပြင် နောက်ဆက်တွဲ ထိုသူတို့၏ ဘဝခရီးမှာ အရှင့်လက်တော်၌သာ ရှိကြောင်းလည်း နားလည်နိုင်ပေသည်။ ထို့ကြောင့် မိမိတို့၏ညီနောင်များအတွက် ကောင်းမွန်သော အိမ်ထောင်ဘက်တွေ့ပါလျှင် ထိုသူတို့ ရှေ့ဆက်ရမည့် ဘဝခရီးလမ်းအတွက် လွန်စွာ စိုးရိမ်မှုမပြုဘဲ အရှင့်ကို ယုံပုံအပ်ကာ တတ်စွမ်းနိုင်သမျှ ပါဝင်စီစဉ်ပေးသင့်သည်။

✍️ فاطمة

14/12/2024

ထိမ်းမြားလက်ထပ်ရန်အတွက် မွတ်စ်လင်မ်ညီနောင်တစ်ဦး တစ်ယောက် စကားကြောင်းလမ်းနေသောနေရာတွင် မိမိအတွက်သော်လည်းကောင်း၊ မိမိ၏ သားချင်းအတွက်သော်လည်းကောင်း၊ သို့မဟုတ် အခြားတစ်ဦးဦးအတွက်သော်လည်းကောင်း၊ စေ့စပ်ကြောင်းလမ်းခြင်း မပြုသင့်ပေ။ ဟဒီးဆ်တော်မြတ်၌ ပိတ်ပင်တားမြစ်ချက်လာရှိပေသည်။

တမန်တော်မြတ်မုဟမ္မဒ်(ﷺ) က မိန့်ကြားတော်မူခဲ့သည်။

“အသင်တို့၏ ညီနောင်တစ်ဦးတစ်ယောက် နိကာဟ်ပြု ထိမ်းမြားရန်အတွက် စကားကမ်းလှမ်းထားသောနေရာတွင် အသင်တို့အနက် တစ်ဦးတစ်ယောက်က နိကာဟ်ပြုရန် ကမ်းလှမ်းခြင်း မပြုရ။ အကယ်၍ ပထမလူက မိမိ၏ ကမ်းလှမ်းချက်ကို ပြန်လည်ရုပ်သိမ်းလျှင် သို့မဟုတ် ခွင့်ပြုလျှင် ကမ်းလှမ်းလိုက ကမ်းလှမ်းနိုင်သည်။"

"မွတ်စ်လင်မ်တို့သည် အချင်းချင်း ညီနောင်များဖြစ်ကြသည်။ မွတ်စ်လင်မ်သည် မိမိ၏ ညီနောင် တစ်ဦးတစ်ယောက် နိကာဟ်ပြုရန် စကားကြောင်းလမ်းနေသည့်အပေါ်တွင် မိမိဘက်မှလည်း စကားကမ်းလှမ်းခြင်းမပြုရ။ ပထမလူက မိမိ၏ ကမ်းလှမ်းချက်ကို ပြန်လည်ရုပ်သိမ်းလျှင် (သို့မဟုတ်) မိန်းကလေးရှင်များဘက်မှ ပထမလူ၏ကမ်းလှမ်းချက်ကို လက်မခံဖယ်ရှားလျှင် မိမိဘက်မှကမ်းလှမ်းလိုက ကမ်းလှမ်းနိုင်သည်။ အလားတူပင် မွတ်စ်လင်မ်ညီနောင် တစ်ဦးတစ်ယောက် ပစ္စည်းတစ်စုံတစ်ရာ ဝယ်ယူရန် ဈေးစကားပြောဆိုနေသည့်အပေါ်တွင် မိမိဘက်မှလည်း ဝင်ရောက် ဈေးစကားပြောဆိုခြင်းမပြုရ။ ပထမလူ နောက်ဆုတ်သွားလျှင် မိမိဘက်မှ အပေးအယူပြုလုပ်လိုက ပြုလုပ်နိုင်သည်။" (မွတ်စ်လင်မ်ကျမ်း)

ကိုးကား။ ။ မော်လာနာအဗူဗက့်ရ်အာဇာဒ်ဟုစိုက်ယ်နီ (လှည်းကူးမြို့) ပြုစုသည့် "အစ္စလာမ့်နည်းကျအိမ်ထောင်သည်ဘဝ" စာအုပ်

ရဲမျိုးဇော်
✍🏻Content Contributor, TNP

08/12/2024

အစ္စလာမ့်သမိုင်းထဲမှ ကြည်နူးဖွယ်အချစ်သာဓကလေးများ ❣️

✍🏼 Ye Myo Zaw

06/12/2024

ခံစားချက်တွေကို မြေမြုပ်၊ မာနတွေ ခဝါချထားရတဲ့ ထောင်၊

တုန်လှုပ်ခြောက်ခြားစရာ၊ စိတ်ဖိစီးစရာတွေပဲ ပြည့်နှက်နေတဲ့ ထောင်၊

ကိုယ်ပင်ပန်းရသလောက်၊ ထိုက်ထိုက်တန်တန် ပြန်မရနိုင်တဲ့ ထောင်၊

အရိပ်ကဲ ကြည့်၊ ထွက်‌ပေါက်မရှိတဲ့ထောင်၊

နှလုံးသားမသိ၊ အသပြာပဲ ကြည့်တဲ့ ထောင်၊

အနာဂတ်မရှိ၊ ပစ္စပ္ပန်မှာပဲ အမြဲပိတ်မိနေတဲ့ ထောင်

သမီးတွေရဲ့ မျက်နှာ မြင်ယောင်ရင်း၊ လွတ်ရက်မရှိခဲ့တဲ့ ‌ထောင်၊

***မိသားစု ပြန်လည်အဆင်‌ ပြေရေး လုံးပန်းရင်း***

***သောကတို့ ဖိစီးလို့၊ အရှင့်ထံ အပြီးပြန်သွားလိုက်ရတဲ့***

***အစ်ကို့အား လွမ်းဆွတ်တမ်းတလျက်***

NuuR
✍🏼 Content Contributor, TNP

29/11/2024

နေရာတစ်ခုကိုရောက်သွားတဲ့အခါမှာ

အဲ့နေရာရဲ့ တည်ရှိပုံ နဲ့ အလင်းရောင်ပေါ်မှုတည်ပြီး

စိတ်ခံစားချက် ကောင်းတာလည်းဖြစ်နိုင်သလို

မကောင်းတာလည်းဖြစ်နိုင်တယ်ဟုတ်???

ဒါဆိုရင် မိမိတို့ရဲ့ အိမ်ကပေးတဲ့

စိတ်ခံစားချက်ကရော??

တစ်ယောက်ပေါ်တစ်ယောက် ပံ့ပိုးကူညီတာတွေ၊

အဆင်မပြေမှုတွေ၊ မိသားစုဝင်တွေရဲ့

ဆက်ဆံရေးက

မိမိရဲ့ စိတ်ကျန်းမာရေးအပေါ်သက်ရောက်မှုရှိတယ်ဆိုတာကိုလက်ခံကြမယ်ထင်ပါတယ်။

Research တွေအရ သဘောထားကွဲလွဲမှုတွေနဲ့

နွေးထွေးမှုမရှိတဲ့ အိမ်ထောင်စုက သားသမီးတွေအပေါ် စိုးရိမ်ပူပန်မှုဖြစ်စေပြီး Depression ဖြစ်စေနိုင်ပါတယ်။

Yaqeen Institute ကပြုလုပ်ခဲ့တဲ့ စစ်တမ်းကတော့

မွစ်လင်မ် အမေရိကန် အိမ်ထောင်စုတွေရဲ့ ဆက်ဆံရေးအပေါ် နားလည်လွယ်ကူစေခဲ့ပါတယ်။

ဒီစစ်တမ်းမှာတော့ အိမ်ထောင်စုတစ်ခုကို

ရူ့ထောင့် ၃ခုကနေ ကြည့်ပါတယ်:

🏷️စည်းလုံးမှု - မိသားစုဝင် အချင်းချင်းကူညီပံ့ပိုးတာ

🏷️ထုတ်ဖော်ပြမှု- မိသားစုဝင် အချင်းချင်း ယုံကြည့်စွာတဲ့ စိတ်ခံစားချက် မျှဝေမှုရှိတာ

🏷️ကွဲလွဲမှု- သဘောထားမတိုက်ဆိုင်တာတွေဖြေရှင်းတာ

ဒီအချက်တွေ တစ်ခုချင်းစီက ဘာကြောင့် အရှေ့မှာပြောခဲ့တဲ့

စိုးရိမ်ပူပန်မှုဖြစ်စေတယ်၊Depressionဖြစ်စေတယ်ဆိုတာကို လေ့လာခဲ့ပြီး Positive ဆန်တဲ့ အိမ်ထောင်စု၊မိသားစု တစ်ခုဖြစ်အောင် ဖန်တီးနိုင်မယ့် နည်းလမ်းတွေကြည့်ရအောင်…..

🏷️စည်းလုံးမှုရှိလာဖို့ဆိုရင်တော့

🔻အပတ်စဥ် မိသားစုဝင်တိုင်းပါဝင်ပြီးစုစုစည်းစည်းနဲ့

ပြုလုပ်နိုင်မယ့်အရာ တစ်ခုဖန်တီးနိုင်ပါတယ်။

ဥပမာ- Family Night တို့ အီးဒ်တို့ပေါ့

🔻နမားဇ်တူတူဖတ်ကြတာ၊မုန့်တူတူထွက်စားတာတွေပြုလုပ်နိုင်ပါတယ်။(Quality Time တစ်ခုဖန်တီးခြင်းပေါ့)

Quality Time ဆိုတဲ့အတိုင်းပဲ မိသားစုဝင်အချင်းချင်း

တစ်ဦးနှင့်တစ်ဦး အတွေးတွေဖလယ်ရင်း

အပြန်လှန်ပြောဆို နားထောင်ပေးမှုလည်းရှိဖို့အရေးကြီးပါတယ်။

🔻မိသားစုဝင် တစ်ယောက်ချင်းစီတိုင်းကို တာဝန်ကိုယ်စီပေးပြီး စားဖွယ်ရာတွေပြင်ဆင်တာ၊

ခရီးတူတူထွပ်ဖို့ပြင်ဆင်တာတွေပြုလုပ်နိုင်ပါတယ်။

🔻မိမိရဲ့မိသားစုဝင်တွေကိုလည်း

ဖန်ဆင်းရှင်الله سبحانه وتعالىက အချင်းချင်းကူညီရိုင်းပင်းကူညီပြီးပြုလုပ်တဲ့အရာတွေမှာ ဗရာကဟ် ပေးတယ်ဆိုတာကိုပြောပြပါ။

🏷️စိတ်ခံစားချက်ကို ထုတ်ဖော်နိုင်ဖို့ဆိုရင်တော့

🔻တစ်ဖက်လူရဲ့ ခံစားချက်ကိုထုတ်ဖော်နိုင်အောင် မေးခွန်းတွေဖန်တီးမေးပါ။

ဥပမာ- "ဘာလို့ ဒီလိုမျိုးဖြစ်တယ်လို့ထင်လဲ?”

“ဒီလိုထင်ရတဲ့ အကြောင်းပြချက်ရောရှိလား”

ဆိုတဲ့ မေးခွန်းမျိုးပါ။

တစ်ချိန်တည်းမှာပဲ ကလေးတွေကို သူတို့ရဲ့

အတွေးတွေ၊အကြံဥာဏ်တွေကိုထုတ်ဖော်ပြနိုင်အောင်

အချိန်ပေးပြီး နားထောင်ပေးဖို့လိုအပ်ပါတယ်။

🔻ဒီလိုနားထောင်ပေးတဲ့အခါမှာလည်း ကလေးတွေဘက်ကပြောလာတဲ့

အကြောင်းအရာတွေကို

ချက်ချင်းတုံ့ပြန်လိုက်တာမျိုးကို ရှောင်ကျဥ်ပြီး

အဲ့ဒီအစား စိတ်ဝင်စားမှုပြပေးသင့်ပါတယ်။

🏷️သဘောထားမတိုင်ဆိုင်တဲ့အရာတွေကို

ညှိနှိုင်းဖြေရှင်းနိုင်ဖို့ဆိုရင်တော့

🔻စိတ်ခံစားချက်တွေက သဘာဝဖြစ်စဥ်ဆိုတာကို

သိအောင်ပြောပြပေးပါ။ဒါမှပဲ ကလေးတွေမှာ ပြင်းထန်ပြီး သက်တောင့်သက်သာမှုမရှိတဲ့

စိတ်ခံစားချက်ရှိလာတဲ့အခါ အဲ့ဒီခံစားချက်က ဘာလဲဆိုတာ သိနိုင်မှာဖြစ်ပါတယ်။

🔻မိသားစုအတွင်းမှာ Boundaries သတ်မှတ်ပေးပါ။

ဒေါသထွက်တယ်ဆိုတိုင်း ကြမ်းကြမ်းတမ်းတမ်းနဲ့ပြောဆို ပြုမှုတာတွေ

မပြုလုပ်သင့်ပါဘူး။

(ဒီစည်းကမ်းချက်တွေကို မိဘတွေအပါအဝင် တူတူလိုက်နာကျင့်သုံးသင့်ပါတယ်)

ကလေးတွေရဲ့ စိတ်ခံစားချက်တွေကို နည်းမှန်လမ်းမှန်နဲ့ ထုတ်ဖော်ပြနိုင်အောင် လမ်းပြပေးရမှာဖြစ်ပါတယ်။

🔻ပြသနာဖြေရှင်းနည်းသင်ပေးပါ။

ကလေးတွေက အမှားတစ်ခုကိုပြုလုပ်ပြီးတဲ့အခါမှာ

အဲ့ဒီအမှားကို တာဝန်ယူပြီး တောင်းပန်သင့်ရင် တောင်းပန်တာမျိုး ပြုလုပ်နိုင်အောင် သင်ကြားပေးရမှာဖြစ်ပါတယ်။

🎁အထက်ပါအချက်တွေကတော့

လွယ်ကူရိုးရှင်းတယ်ထင်ရပေမယ့် တစ်ကယ်လိုက်နာကျင့်သုံးတဲ့အခါမှာတော့

နွေးထွေးတဲ့ မိသားစုတည်ဆောက်နိုင်အောင် ကူညီပံ့ပို့ပေးနိုင်မယ်လို့ ယုံကြည်ပါတယ်။

Written By Dr.Madiha Tahseen,PhD and Issra Killawi,BA

Article From Yaqeen Institute

Translated by Aarifah✨

Address

Dubai

Telephone

+66952363933

Website

facebook.com

Alerts

Be the first to know and let us send you an email when The Nikkāh Project posts news and promotions. Your email address will not be used for any other purpose, and you can unsubscribe at any time.

Videos

ဒီအွမ္မသ်က ဘာ့ကြောင့်ဒီလောက်ခံစားနေရတာလဲ သိ လား။ အစ္စလာမ့်အဆုံးအမ နဲ့အညီလိုက်နာကျင့်သုံးနေထိုင် တဲ့ အမျိုးသားတွေ မရှိသလောက်နည်းလာလို့ပါပဲ။

ဒီအွမ္မသ်က ဘာ့ကြောင့်ဒီလောက်ခံစားနေရတာလဲ သိလား။ အစ္စလာမ့်အဆုံးအမ နဲ့အညီလိုက်နာကျင့်သုံးနေထိုင်တဲ့ အမျိုးသားတွေ မရှိသလောက်နည်းလာလို့ပါပဲ။