17/11/2024
“သာသနာ့ဘောင်ဝင်လိုက်ပြီ”
ဒီစကားလေးကို ကြားလိုက်တာနဲ့ အဲသူဟာ လောကီရဲ့ တပ်မက်မှုတွေ အားလုံးကို စွန့်လွှတ်လိုက်တယ်ဆိုတာ လူတိုင်းနားလည်ကြတယ်။ ဒီလို စွန့်လွှတ်ကြတဲ့အထဲ မိမိတို့ရဲ့ ရာဂစိတ်ကိုပါ စွန့်လွှတ်လိုက်ကြရတာပါပဲ။
ဒါတွေဟာ အစ္စလာမ်ဘာသာဝင်မဟုတ်တဲ့ အခြားသော ဘာသာဝင်တွေရဲ့ လုပ်ဆောင်ချက် ဖြစ်ပါတယ်။
အစ္စလာမ်ဘာသာဝင်များအဖို့ သီးသန့်အချိန်ကာလ သတ်မှတ်၍ သာသနာ့ဘောင်ဝင်ရတာမျိုးမဟုတ်။
یٰۤاَیُّہَا الَّذِیۡنَ اٰمَنُوا ادۡخُلُوۡا فِی السِّلۡمِ کَآفَّۃً ۪ وَ لَا تَتَّبِعُوۡا خُطُوٰتِ الشَّیۡطٰنِ ؕ اِنَّہٗ لَکُمۡ عَدُوٌّ مُّبِیۡنٌ ﴿
۲۰۸﴾
ကုရ်အာန် (၂:၂၀၈)
အို- အီမာန်ယုံကြည်သူအပေါင်းတို့၊ အသင်တို့သည် အစ္စလာမ်ထဲသို့ လုံးလုံးလျားလျား ဝင်ရောက်ကြပါ၊ ထို့ပြင် ရှိုင်သွာန်၏လျှောက်လှမ်းမှုများနောက်ကို ဖဝါးခြေထပ် မလိုက်ကြနှင့်၊ အမှန်စင်စစ် ထိုရှိုင်သွာန်သည် အသင်တို့အတွက် ထင်ရှားသည့်ရန်သူဖြစ်သည်။*
-- ဆရာ ဟာရှင်မ်(ခ)တင်မြင့်
လောကီအလုပ်တွေကို အစ္စလာမ်က ပြသထားတဲ့ နည်းစနစ် ဥပဒေနဲ့အညီ ကျင့်ကြံလုပ်ကိုင်နေထိုင်ခြင်းဟာလည်း သာသနာ့ဘောင်အတွင်း နေထိုင်ခြင်းပါပဲ။
အစ္စလာမ်ဘာသာဝင်များအနေနဲ့ စီးပွားရေးမှာ ဖြစ်စေ၊ အိမ်၌ ဖြစ်စေ၊ မည်သည့်နေရာမှာမဆို သာသနာက ပြသထားတဲ့ ဘောင်အတွင်း မဖြစ်မနေ နေထိုင်ကို နေထိုင်ကြရမဲ့ တာဝန်ဝတ္တရားရှိပါတယ်။
အချိန်ကန့်သတ်ချက်မရှိ၊ သီးသန့်အချိန်ရယ်မရှိ မိမိတို့ရဲ့ နေ့စဥ်လှုပ်ရှားလုပ်ဆောင်နေတဲ့ ကိစ္စရပ်တိုင်းဟာ အစ္စလာမ့်သာသနာ့ဘောင်အတွင်းထဲကပင် နေထိုင်ရ လုပ်ဆောင်ရတယ် မဟုတ်ပါလား။
အစ္စလာမ့် အမျိုးသား အမျိုးသမီးတို့ရေ
နိကာဟ်ပြုလုပ်ရန် မိမိမှာ ရှိသင့်ရှိအပ်တဲ့ အရည်အချင်းတွေ ပိုင်ဆိုင်နေလျက် သာသနာကို ခုတုံးလုပ်ပြီး နိကာဟ်မလုပ်တော့ပါဘူးလေလို့ မပြောလိုက်ပါနဲ့နော်။
စအဒ်ဗင်န်အဗီဝက္ကာဆွ် (ရသွေ့) ထံက ဆင့်ပြန်လာရှိတယ်။ အလ္လာဟ်ရစူလ် (ဆွ) ဟာ အုဆ်မာန်ဗင်န်မဇွ်အူန် ( ရသွေ့) အပေါ် ( အိဗာဒသ်မှာ မွေ့လျော်မယ်ဆိုတဲ့ ရည်ရွယ်ချက်နဲ့ ) အိမ်ထောင်မပြုဘဲနေခြင်းကို လက်မခံဘဲ ပယ်ချတော်မူခဲ့တယ်။
( ဗုခါရီကျမ်း - နံပါတ် ၅၀၇၃ )
Ref; စွဟီးဟ် ဗုခါရီကျမ်း၊ အကျဥ◌်းချုပ်၊ နိကာဟ်ထိမ်းမြားခြင်း ကဏ္ဍ ၊ အမှတ်စဥ◌် ၁၈၂၉
မှန်ကန်သော လမ်းကြောင်းပေါ် လျှောက်လှမ်းနေသော အိမ်ထောင်ဖက်များ ရရှိပိုင်ဆိုင်နိုင်ကြပါစေလို့
ဆုတောင်းဒုအာအ်ပြုလျက်
✍ NuuR
