Հայաստանում իր տեսակի մեջ միակ “Creative photo” ֆոտոկրպակը տեղակայված է Երեւան Մոլում: Այն գործում է առանց մարդկային գործոնի` հատուկ ծրագրի միջոցով: Ֆոտոկրպակի այցելուն կարող է սենսորային էկրանով նշել, թե լուսանկարի որ տարբերակն է նախընտրում` creative photo (սև ու սպիտակ լուսանկար), fun photo (զվարճալի լուսանկար) կամ passport photo (անձագրի լուսանկար):
Լուսանկարի ապագա “հերոսը” կարող է տեսնել ու
գնահատել իր պատկերի արտացոլանքն էկրանին: Երբ ազդարարվում է “GO” հրահանգը, տեսախցիկը մեկ վայրկյան տևող ընդմիջումներով վեց լուսանկար է անում:
Վերջնական արդյունքը` լուսանկարը ընդամենը 40-45 վայրկյան հետո արտատպվում և դուրս է գալիս սենսորային էկրանի ներքևում տեղակայված համապատասխան սարքից:
Ցանկության դեպքում լուսանկարները տպվում են այցելուի ընտրած ֆոնի վրա: Ֆոտոկրպակի պատին փակցված է “քայլերի ուղեցույց”, որտեղ նշված են հարկ եղած լուսանկարը ստանալու համար պահանջվող գործողությունները: Այստեղ կարելի է գտնել նաև սպասարկող անձնակազմի հեռախոսահամարները: Վերջիններիս կարելի է զանգահարել ու դիմել ֆոտոկրպակում որևէ խնդիր առաջանալու դեպքում:
Այցելուների հարմարավետության ու ժամանակի խնայողության համար այստեղ յուրաքանչյուր գործողություն առավելագույնս պարզեցված է, ինչն ինքնստինքյան բացառում է դժվարությունները` ժամանակակից տեխնոլոգիաների հետ “շփման” գործում:
