12/26/2024
ԹՄՄ-եան ԵՐԱԺՇՏԱԿԱՆ ԴՊՐՈՑԻ ԱՄԱՎԵՐՋԻ ՀԱՄԵՐԳ
Հովանաւորութեամբ՝ ԹՄՄ-եանի եւ կազմակերպութեամբ՝ ԿՈՄԻՏԱՍ Երաժշտական Դպրոցի տնօրէնութեան, տեղի ունեցաւ "Կոմիտաս" Երաժշտական Դպրոցի ամավերջի համերգը՝ Կիրակի,
22 Դեկտեմբեր 2024_ի երեկոյեան
ժամը 18։00_ին։
Բացման խօսքով հանդէս եկաւ տիկ. Շարիս Մալիանս ,որ բոլորին բարի գալուստ մաղթելէ եւ համերգի մասնակիցներուն բարեմաղթութիւններ փոխանցելէ ետք՝ հրաւիրեց երաժշտանոցի տնօրէնուհի՝ օրդ. Լուսին ժամկոչեանը օրուայ գեղարուեստական յայտագիրը ղեկավարելու ։
Երաժշտական սոյն յայտագիրը կ՛ընդգրկէր դաշնամուր, երգեհոն, ջութակ, կիթառ , շեփոր ու հարուածային երաժշտական գործիքներով երաժշտութիւններ։
Երաժշտասէր մեր սիրելի ծնողներն ու բոլոր ունկնդիրները մեծ ուրախութեամբ ու խանդավառութեամբ ունկնդրեցին հայկական ու միջազգային համաշխարհային զանազան գեղեցիկ երաժշտութիւններ։
Հալէպի "Բարսեղ Կանաչեան" երաժշտանոցէն աւարտած օրդ. Լուսինին աշակերտներէն՝ երգեհոնահար ու կիթառահար Սագօ եւ իր եղբայրը հարուածային գործիք եւ պաս կիթառ նուագող՝ Գէորգ Ջուլճեաններ, որոնք նախապէս մաս կազմած էին նաեւ Հալէպի սկաուտական "Պանծալի" նուագախումբէն ներս , որ դարձեալ օրդ. Լուսին Ժամկոչեանի ղեկավարութեամբ էր , ձեռնարկի աւարտին այս եղբայրները իրենց աննման ու վաստակաշատ երաժիշտ թմբկահար հօր հետ կազմեցին սքանչելի "Ջուլճեան" եռեակ մը, եւ միատեղ ունկնդիրներուն ներկայացուցին փունջ մը գեղեցիկ նուագներ արժանանալով բոլորին գնահատանքին։
Սիրելիներս.
Աշխատանքը կեանքի պայմանն է, իսկ արդիւնքը՝ անոր պտուղը, իսկ ես անշուշտ Աստուծոյ նախախնամութեամբ միշտ քաղած եմ այդ պտուղը տեսնելով ու վայելելով իմ սիրելի աշակերտներուս բարձր դիրքերը երաժշտական գետնի վրայ.հետեւաբար խորին շնորհակալութիւն կը յայտնեմ ձեզի ազնիւ ծնողներ, որ կատարեալ վստահութեամբ կը մղէք ձեր զաւակները՝ անդամակցելու
" Կոմիտաս" երաժշտական դպրոցը եւ վստահ եմ , որ ձեր այս կեցուածքով խթան պիտի հանդիսանաք շատ մը ծնողներու զաւակներուն անդամակցութեան։ Ինչպէս նաեւ
Նոր Տարուայ սեմին կ՛ուզեմ իմ մաղթանքներս փոխանցել , որ 2025 թուականը ըլլայ նորանոր, հաճելի ու դրական նուաճումներով լի տարի մը բոլորիս համար։
Յաջողութեան լաւագոյն
մաղթանքներով՝
Օրդ. Լուսին Ժամկոչեան
End-of-Year Concert of the "Komitas" Music School
Under the patronage of the Tekeyan Cultural Association and organized by the administration of the "Komitas" Music School, the end-of-year concert of the "Komitas" Music School took place on Sunday, December 22, 2024, at 6:00 PM.
The opening speech was delivered by Mrs. Sharis Malians, who welcomed everyone and extended her best wishes to the participants of the concert. She then invited the director of the music school, Ms. Lousin Jamgochian, to conduct the artistic program of the evening.
This musical program included performances on piano, organ, violin, guitar, trumpet, and drums.
Our dear music-loving parents and all the listeners joyfully and enthusiastically enjoyed various beautiful pieces of both Armenian and international music.
Sako and his brother Kevork Chouljian, former students of Ms. Lousin Jamgochian at the "Parsegh Kanachian" music school in Aleppo, played the organ and guitar, and percussion and bass guitar, respectively. They had previously been part of the Aleppo Scouts’ “Bandzali” orchestra, which was also conducted by Ms. Lousin Jamgochian. At the end of the concert, the Chouljian brothers, alongside their remarkable and accomplished musician father, who is a renowned drummer, formed a wonderful "Chouljian" trio. Together, they presented a beautiful set of performances that earned the admiration of all the audience.
As we stand on the threshold of the New Year, may 2025 be a year filled with new, pleasant, and positive achievements for all of us.
With the best wishes for success and with hopes of meeting again,
Ms. Lousin Jamgochian
