BlumenButik Ins

17/09/2024

FLORISTEN-HÄNDE FÜR UNSERE BLUMEN GESUCHT!

Wir suchen Dich, wenn du..... ein EFZ als Florist/in hast.. einen Führerausweis besitzt.. im Seeland in der oder in Murten arbeiten möchtest.. du 40-60% (nach Vereinbarung) bei uns einsteigen willst.. dich kopfüber in ein neues Blumen-Abenteuer wagen willst.. gerne in einem jungen, engagierten Team arbeiten möchtest.. gerne selbstständig arbeitest und Verantwortung tragen möchtest.. du Blumen genau so liebst wie wir♡

Schick oder bring uns deine Bewerbung an:
✉ Blumenkeller Murten
Frau Janine Niederhauser
Hauptgasse 15, 3280 Murten

✉ BlumenButik Ins
Frau Janine Niederhauser
Dorfplatz 1, 3232 Ins

Du hast Fragen zu der Stelle oder möchtest uns zuerst etwas kennenlernen? Unser Team gibt dir gerne Auskunft unter:
☎️ 026/ 672 18 72 oder 032 338 18 18
📧 [email protected] & [email protected]

13/09/2024

Egau wi plötzlech er cho isch, mir si parat füre Herbst! Vo de Loubbletter, zum Chürbis über d Hagebutte zu de Saisonblueme i de lüchtigschte Farbe, vom chline fiine Gesteckli bis zum hautbaare Türchranz finsch j*z bi üs aus zum das Chaos-Wätter in wunderschöni Herbstatmosphäre verwandle...

30/08/2024

Wes am Morge scho langsam wider chli chüeler isch, me am Strasse-Rand scho di erste Chürbis-Ständ u villech oscho z erste gäub-orange Blatt find denn chunnt der Herbscht in grosse Schritte... U niene gseht me das schöner u farbefroher aus im Bluemelade, entdeck j*z bi üs di schönschte Saisonblueme vo der Region und wunderschöni Dekoratione für d Jahresziit wo d Natur nomau aui Farb-Register zückt!

13/08/2024

27/07/2024

Di letschti wuche vor üsne Summerferie isch für üs ganz klar im Zeiche vom Schleierchrutt gstande...mir hei äs wunderschöns, riisegrosses Hochziitsfest dörfe gstalte u si geng no völlig hin und wäg dervo, was fürne wunderschöni Arbeit das mir doch hei!♡
Mit fasch 2000 Stile vo däm luftig-verspilte Blüemli hei mer wunderschön eleganti Tischfries (ä Girlande-artigi Tischdekoration), Zeremoniedekoration u viles meh dörfe gstalte, wo mer öich gärn i de nächschte täg hie zeige!

Merci de tout coeur à nos jeunes-mariés pour nous choisir pour ce joli projet et tout le meilleur pour votre marriage!

21/07/2024

Mir si de mau wäg u gö ga d sunne sueche!

Üses Bluemebutik-Team macht SUMMER-FERIE

Mir si vo hütt, 20.7. bis und mit Mänti 12.8. i de Ferie!

Mir wünsche öich e Summer voll mit Sunne, Blueme u Fröid u si de am Ziischti 13.8. ab de 8:30 wider voll-tanket und mit de schönste Blueme ume zrugg!

Faus dir zwüsche drin ä Blueme-Wunsch heit, hiuft öich z Team vo üsere grosse Schwöschter z Murte gärn wiiter u für zwüschedüre findet dir o es schöns Sortiment vo üs im Landi Topshop z Ins!

Bis glii u gniesset der Summer!

11/07/2024

Für ds wunderschön farbefrohe Hochziit vo D&N im hei mer ganz viu schöni Saisonblüete chönne bruche - und nid nur das - vili vo dene chöme vo ganz nöch us der Region - nämlech direkt abem Mont Vully! Entdeck j*z o bi üs im Lade di schönschte Blueme vo hie für hie! Die Viufalt wo me hett mit de Saisonblueme isch eifach troumhaft!

26/06/2024

SUNNE-UNTERGANG-FARBE

Das isch z Farb-Thema und Konzept gsi für die wunderschöni Hochziitsfiir vo D&N vom vergange Friti im .
Farbefroh und voll mit saisionale Blüeteschönheite hei mer e wundervolle tropfeförmige Struss für üsi Brut dörfe gstaute...
Was mer süsch für wunderschöni Wärchstück für die Hochziit hei dörfe mache zum d Zeremonie, e Mustang und natürlech ds Aabeässe verzoubere zeigemer öich ou gli... was meinet dir zu dere volle Farbepower? Eifach der Hammer, oder?

18/06/2024

Mit däm riisige Summer-Troum-Struss wünsche mir öich e guete Start i die hoffentlich sunnegfüllti Wuche! Bi üs gits j*z die schönschte Früehsummerblüete und aus wo z Härz begehrt für d Sunne id Wohnig, uf d Terasse und is Läbe z hole!

05/06/2024

Lah dini Kreativität ou so wunderschön la ufblüehe wie die Traum-Pfingstrose! Chum zu üs i Summerworkshop und la dire Kreativität bluemig freie Louf...

Wenn:
Friti 7.Juni 17:00 - 19:00
Samschti 8.Juni 9:00 - 11:00
Friti 14.Juni 17:00 - 19:00
Samschti 15.Juni 9:00 - 11:00

Wer: jede wo Lust hett säuber kreativ z wärde

Koste: 75.- für Kurs und z Apero, plus z bruchte Material

Aamäudig: direkt i der Butik, via Telefon 032 338 1818 oder via Mail a [email protected]

01/06/2024

WORKSHOP I DER BUTIK

Chum j*z id Butik, mach mit bi üsem Workshop und gstalt für di säuber es stimmigsvous Windliecht mit früsche Blueme und ere schöne Cherze füre gmüetlech Summer-Aabe uf der Terasse!

Wenn:
Friti 7.Juni 17:00 - 19:00
Samschti 8.Juni 9:00 - 11:00
Friti 14.Juni 17:00 - 19:00
Samschti 15.Juni 9:00 - 11:00

Wer: jede wo Lust hett säuber kreativ z wärde

Koste: 75.- für Kurs und z Apero, plus z bruchte Material

Aamäudig: direkt i der Butik, via Telefon 032 338 1818 oder via Mail a [email protected]

11/05/2024

Wär hett no nid, wär wett nomau? Bi üs chasch hütt no bis 16:00 und morn vo 8:00 bis 14:00 di schönschte Gschänk für dis Mami entdecke! Sigs e Struss oder es Gesteck oder öppis wo mir dir ganz individuell us de Schnittblueme zämestelle -bi üs findsch sicher z richtige für a dem Muettertag d ouge vo dim Mami la z strahle!

10/05/2024

Merci Mami! ... isch genau das wo mir das Wucheendi wei säge! U bi üs findsch derzue aus wo z Härz begehrt, vo wunderschöne Schnittblueme, über Strüss und Gsteck bis hii zu haltbare Gschänkli wie däm Kränzli - aus ready zum dis Mami verzoubere!
Chum j*z verbii oder bstell dis Gschänk via Telefon oder Mail vor und bis vorbereitet für dä Muettertags-Sunnti ♡

10/05/2024

Ä richtigi Blueme-Viufaut isch hütt bi üs aacho! Voll mit de schönschte Saison-Blueme i aune erdänkleche Farbe isch üse Lade morn ab de 8:00 wider offe für öich! Mir fröie üs riisig für öich wunderschöni Wärchstück chönne zämezstelle und d Ouge vo öine Mamis la z strahle! Bstell j*z via mail oder Insta-Nachricht di Struss vor oder Bsuech üs ab Morn i der Butik zum z passende Gschänk finde!

08/05/2024

Säg Merci..... derfür das si immer da si... derfür das si üs bedingigslos lieb hei... für aus wo si für üs mache... für das si tagtäglech Heldetate vollbringe... derfür das si üsi Mamis si.

Und für genau das hei mir di schönschti Uswau a Blueme und Wärchstück parat. Chum j*z verbii und lis us was d ouge vo dim Mami laht la strahle!

Mir si hütt vo 8:00 - 16:00 für öichi Wünsch da...
Usserhaub vo üsne Öffnigsziite chöit dir üs gärn es Mail mache oder o hie uf Insta schribe, das mer für öichi Mamis chöi Troumstrüss parat mache...
NID VERGÄSSE: MUETTERTAGS-SUNNTI ISCH DER 12.5.2024 ♡

07/05/2024

Öb Blueme im XXL-Format oder o nur es ganz chlises Strüssli - mir hei für jedes Mami der passend Struss! Bsteu di Wunschstruss j*z bi üs vor und chum ne ganz bequem am Samschti oder Sunnti bi üs cho abhole - dür z Vorbstelle ohni Warteziite!

06/05/2024

Damit dir guet chöit plane wenn und wie der Troumstrauss zum Mami findet:

Mänti 6.Mai hei mir zue
Ziischti 7.Mai 8:30 - 12:15 / 14:00 - 18:30
Mittwuch 8.Mai 8:00 - 16:00
Donnschti 9.Mai isch Auffahrt u mir hei zue
Friitig 10.Mai 8:00 - 18:30 durchgehend offe
Samschti 11.Mai 8:00 - 16:00
MUETTERTAGS-SUNNTI 12.Mai 8:00 - 14:00

Lütt üs j*z ah, schrib üs es Mail oder chum bi üs im Lade verbii zum z' Traum-Geschenk fürs Mami usezläse oder vorzbstellä!
PS: a jedem Tag wo mir offe hei düe mir Blueme o bis vor d Huustüre (vom Mami) lifere ♡

04/05/2024

Wenn dis Härz genau so strahlt wenn du a dis Mami dänksch, wi üses Bluemehärz i der Mittagssunne de darfsch du uf kei fau vergässe das am Sunnti der 12.5. MUETERTAG isch!

Chum j*z verbii und entdeck wunderschöni Gschänkli für ds beste Mami überhoupt, oder bstell di Struss vor zur Abholig oder Liferig am Samschti oder Sunnti!
Mir hei aus zum em Mami säge wi wichtig si dir isch!

02/05/2024

Vor eire Wuche hei mer di erschte Brutstrüss vo dere Saison dörfe binde - ja grad 2 uf einisch, was fürne Uftakt i dä Hochziits-Summer!♡

Für üs isches geng e riise Fröid, wenn mir mit üsne Blueme öiches Hochziits-Outfit dörfe vervollständige und mit üsem Handwärch chöi öiche Tag verzoubere... So wi hie i däm ganz verspilt fiine Brutstruss mit wunderschöne apricot-farbige Pfingstrose u wilde Gresli u Chrütter finde mir für jedi Brut di passendi Kombination a Blueme und Farbe für genau ihre Stiu und Gschmack widerzspiegle u z unterstriiche...

Dir hüratet ono dä Summer oder villech im 2025?
Mäudet öich j*z bi üs für e Beratigstermin, mir fröie üs druf vo öichem Troumtag z ghöre!♡

26/04/2024

We mer d Sprütz-Channe bi däm Huddu-Wätter scho nid chöi zum Pflanze-Giesse bruche, de fülle mer se äbe mit Blueme!
Mit emne wunderschöne pastellfarbige Gsteck drinne, isch di Sprützchanne nid nur j*ze zum Verschänke e richtige Eye-Catcher sondern o für lengeri Ziit es richtig praktisches Gschänk!

Es fröit üs immer wenn mir für öich so kreativi Gschänk und Bluemedekoratione dörfe zämestelle! Danke viu mau für dä toll Uftrag!

11/04/2024

| WORKSHOP |

Es wird langsam geng wermer u es blibt geng lenger häu - da ziehts eim richtig use! U was gits besser aus es schön Dekorierts Lieblings-Plätzli im Garte? Oder ä schöne, säubergmachte Chranz a der Huustür?
Da juckts eim doch richtig i de Finger SÄUBER öppis z gstaute!
Genau das chasch bi üs im Workshop! Mir zeige dir aui coole Technike u viil schöni Projekt,wo du bi üs im Kurs chasch erarbeite, wi e Trocheblueme-Chranz für d Huustür, es bepflanzts Näscht wo sech super macht uf der Terrasse u no ganz viu meh- öire Kreativität wird bi üs ke Gränze gsetzt!

Mäud di j*z a und läb dini Kreativität us!

WENN: Friti 19.4. 17:00 - 19:00
Samschti 20.4. 10:00 - 12:00
Friti 26.4. 17:00 - 19:00
Samschti 27.4. 10:00 - 12:00

AMÄUDIG UND MEH INFOS:
Direkt bi üs i der Butik
☎️ 032 338 18 18 📧 [email protected]

03/04/2024

O wenns dusse so richtigs Apriu-Wätter git, bringe mir öichi Portion Früehlig, Sunne und Blueme gärn zu öich hei!

30/03/2024

Mir wünsche öich aune ganz schöni Ostere, viu Spass bim Eier sueche, tütsche und di freiä Täg gniesse!
Mir is o im Osterwucheändi aacho und hei üsi Butik ersch am Ziischti 2.4. 8:30 wider offe! Bis glii!

26/03/2024

So e schöni Rose! ♡ Die, und ganz viu schöni Sache für öichi Oster-Näschter und Tischdekoratione gits j*z bi üs z entdecke...
Und zwar über die Öffnigsziite über d Fiirtäg:
Di & Mi 26.&27.3. vo 8:00 - 12:15 / 14:00 - 18:30
Do 28.3. 8:00 - 16:00 durchgehend
KARFRITI 29.3. HEI MER ZUE
Sa 30.3. vo 8:00 - 16:00 durchgehend
OSTERSUNNTI UND OSTERMÄNTI ISCH ZUE
Ab Di 2.4. wider ganz normal offe

22/03/2024

Wi früsch vom Osterhaas!
Näschtli voll liebevolli Details für Gross und chlii si bi üs i de letschte Täg entstande... sigs aus chlises Mitbringsel zum Bsuech, härzigi Deko füre Stubetisch deheime oder o zum tatsächlech verstecke u la finde üsi Nester eigne sich wunderbar u stecke voller (feine) Überraschige! Chum verbi und entdeck z Perfekte für dii!

15/03/2024

Drü Jahr Blueme-Viufaut!
Am Samschti 16. März fiiret d Butik scho der dritti Geburtstag! Und zum fiire und Merci säge schänke mir öich a däm Samschti 10% Rabatt uf öich iichöif * !
Mir fröie üs öich i üsere Früehligs-Butik z

(*Gültig uf alli Ware wo a däm Tag bi üs im Lade gchouft wärde, usgno Workshops u Guetschiine und d Schmuckstück vo Goldess, Probon gits zu de übleche Konditione, ufe Priis nach Abzug vo de Prozent, der Rabatt isch nid Kummulierbar)

11/03/2024

Blueme verschänke isch doch eifach am Schönschte!

Am Samschtig der 16.3. sis scho DRÜ JAHR wo dir flissig chömet cho Blueme choufe bi üs - Grund gnue zum Fiire!
Därum isches Ziit das mer öich ganz es grosses MERCI säge und echli vo üsere Blueme-Fröid zrugg gäbe!
Am Samschti 16.3. gits därum bi üs 10% RABATT uf üses ganze Sortiment*!

(*Gültig uf alli Ware wo a däm Tag bi üs im Lade gchouft wärde, usgno Workshops u Guetschiine und d Schmuckstück vo Goldess, Probon gits zu de übleche Konditione, ufe Priis nach Abzug vo de Prozent, der Rabatt isch nid Kummulierbar)

23/02/2024

Mir si im Näschtli-Modus!
Mit riisige Schritte chunnt j*z der Früehlig derhär und mit ihm ou d Ostere mit härzige Hase, Eier, luftigliechte Fäderli und natürlech: Näschter!

Hetts di oscho packt mitem Dekoriere für die Ziit? Mäud di j*ze ah für üse Früehligs-Näscht - Workshop, zum bi üs cho dini individuelli Dekoration mache. Bi üs chasch so richtig kreativ wärde und mit Äscht und Niele, Fädere, trochene Blüete Zibeli und Pflänzli es Näscht oder e Chranz für dinne oder dusse Früehligsstimmig z zoubere, cho härstelle... la di kreativi Energie la fliesse und tob di bi üs so richtig i üsere Viilfalt us!

WENN:
Friiti 8.3. oder 15.3. 17:⁰⁰ - 19:⁰⁰
Samschti 9.3. oder 16.3. 10:⁰⁰ - 12:⁰⁰

FÜR WEN:
Aui wo fröid dran hei öppis kreativs füre Früehlig här z stelle

AAMÄUDIG:
Bi üs i der Butik, ☎️ 032 338 18 18 oder 📧 [email protected]