03/02/2024
اليوم جيت نحكيلكم على مشكل صرالي كان عندي عرس فى مدينة بكرت على ربي كي العادة وصلت لصالة بالمناسبة لاصال لي على الخرجة على الجهة اليمني لي كان فيها غسل السيارات أهل ماجينو راهم يعرفوها هبطت دوزاني وبديت نطلع أهل العرس قالولي تريسيتي مكانش هوما كانو دايرين كاش مشكل كهربائي بعدين ضهر أنو مول لاصال هو لي كوباها عليهم لا علينا خدمت خدمتي وأنا قريب نكمل كنت فى الروتوشات الأخيرة جات بنت مول لاصال بدات فى نقاشات مع أهل العرس فى الأول ملحتش بالي من بعد فهمت بلي بنت مول لاصال راهي تقول ديكور تاعي يتنحى وفارض عليهم ديكور تاعو ولي تزيد دوخك لاصال هاذي خدمت فيها معندهاش وحد شهر وزيادة ومكان حتى مشكل كملت الخدمة خرجت من لاصال وبقيت نستني واش راح يكون بداو أهل العرس رجال يتناقشو مع وليد مول لاصال كان خارج الصالة كانت مشادات لفظية ونقاشات وكان مصمم على رايو أهل العرس قالولو خلينا الديكور تاعي كيما راه وديكورك ميخدمش ونخلصوك فيه هكذاك ورفض يعني ديكوري يخرج من الصالة وفعلا نحيت ديكور تاعي منحكيلكمش الحالة لي كنت فيها ولكن الحمد لله على كل حال حتى أهل العرس كانو فى حالة انا لي غاضتني مول لاصال صمم على رايو كان قادر يتنازل شوي ينضر للحالة تاعي والتعب وطراجي بغض النظر على الماديات وينظر لأهل العرس انا والله غير تأسفت مهم الإنسان يكون تعاملوا باليين ماشي بتعصب وينظر هل كاين ناس راح يضرهم بقرارو حتى وعندك حق مقال هذا ضيف عدنا نكرموه اليوم والخطرة الجاية ميدورش جهتنا خلاصة القول موالف نخدم مع أهل ماجينو ماشاء الله ناس فى القمة أول مرة نطيح فى موقف كيما هذا المهم ربي يهدينا ومراح ندو والو من هذي الدنيا أخوكم Riadeco
