03/07/2024
يوما ما سنقول فعلناها رغم الظروف ❤️
_______________________________
photographe 🎥 Shooting/🎉fête 📸 Anniversaire🎂défilé🎞mariage . soutenance
N°: 06 96 84 49 92
(1)
يوما ما سنقول فعلناها رغم الظروف ❤️
_______________________________
نقدم لكم البعض من أعمال الماشطة غادة
- فنانة الطفلة هذي وحسن المعاملة مانحكيلكمش سقسيو لي خدمتلهم أعراسهم.
- لي تحب تتعامل معاها فايسبوها تلڨاوه في اول تعليق
- و ماننساوش تحية لصانع الديكور (kader) و صاحب قاعة الحفلات ( ناجي مجاز الصفا )
_______________________________
هذا منشور خاص بمصوري الأفراح والحفلات في ولاية ڨالمة..
- بما أنو الصيف و بداو لعراس ديجا و كل المصورين يواجههم مشكل واحد ولي هو المونتاج تع ليفيديو.. و مايلڨاش واحد محترف فالمونتاج يعاونو .. اليوم جبنالك الحل
-لي يحب نخدمولو مونتاج إحترافي تع لعراس تاعو بسومة معقولة و فالمتناول ..... لي يشوكيكم ماشي لاصوم علابالي الكل مشكلتكم فالوقت 😂😂
-الوقت جد قياسي أجدك في 4 جور تلڨى اومورك واجدين إنشاءالله.
( تنويه هام و خطير أشيخ😁 : ليفلاشديسك جيب معاك .. راني طايح مونك ديجا 😂😂 ليفلاشديسك فالوقت هذا كي لحليب تع الشكارة 😂 )
_________________________________
أحلى DJ-Lion فالعالم أشيخ و يعاون الزواولة و كلش جيست اتصلوا بيه و ڨلولو جيناك من عند الباشا راح يريڨلكم ماتخمووش..( نساء و رجال) .. والفايسبوك تلڨاوه فالكومونتار.
_______________________________
حرر روحك و من بعد ساهل صاحبي 😂🤣
🤣😂🤣😂🤣
_______________________________
خاوتي و خياتي..
عيدكم مبارك و كل عام و أنتم بخير يا أحلى متابعين.
حبيت نطلب منكم طلب تع خير في هذا اليوم المبارك.
كاين عائلة ماعيدوش لكان كاش واحد يتبرعلهم بشوية من الأضحية تاعو خلي يفرحو لولاد الصغار الله يستركم.
اتصلوا بيا فالصفحة ولا في رقمي نوصلكم ليهم.
_______________________
_ تم جمع المبلغ المطلوب ل 4 عائلات و فرحو بيهم ماليهم..
شكرا لكم جميعا ولكل من ساهم و نشالله يكونوا الناس الكل معيدين بخير..
و تصبحوا على خير
________________________________
خاوتي ناس الخير..
_ المنشور لي فات جبنا بيه 3 أعياد الله يبارك..
_ بصح مزال واحد برك راه خارج بلا عيد مام هو
خاوتي واش عندك مد حتى عشرالاف مقبولة نورمال ونشالله تتحسب في ميزان حسناتكم.
_ و شكرا للناس لي ساهموا الكل حتى بالپارتاج.
_______________________________
خلللليييي 😂 هم يضحك و هم يبكي.
__________________________
خاوتي ناس الخير كاين واحد..
خرج بلا عيد.. ماعندوش باش يشري.
لي يحب يعاون يتصل بيا أنا
الرقم في أول تعليق
مااا تتمسخرش أولدي نوض ماشي وقت العب أجدك 🥺
________________________
كلشي بيد ربي أشيخ!!
____________________________
احذر ثم احذر ثم ردبالك أشيخ ثم حل عينك تلڨى صحفي هاز ميكروفون ويڨلك أرواح نسقسيك وتروح أنت تجاوب كي لبغل حاشاكم ..
وين تشوفو الصحافة تاع لخرا ويڨلك أرواح..
جااست راااان.... أهرب يالطاااهر وماتتلفتش وراك..
لأنهم: دايرين الشعب و أولاد الشعب مادة للإستهزاء ورفع التفاعل في حساباتهم.. ثكلتهم إيتيافسيهم.. تفو عليكم ينعل بو الزريعة تاعكم نشاااااااااالله أسيدي
أهبط للكو_مونتار تشووو 👇🏼👇🏼👇🏼👇🏼
____________________________
ماذا لو عاد معتذرااا ومعه كبش🙂💔
🤣😂
________________________
جاهد نفسك من أجل هذه الحظة لكي تصبح رجل وتتحمل المسؤولية وتبتعد عن الحرام في زمن ساهل فيه الحرام وصعيب فيه الحلال .. بصح يدوم غير الصح وبنت الحلال👩❤️👨 تاع نقل حضاري يضيعولك حياتك أشيخ 👱♀️😁
_____________________________
رايح ولا جاي؟ 😂🤣
______________________________
رسائلكم....
_________________________
تصميم غلاف رواية: الكهل
اقتباس من الرواية:
"أبنائنا راهم مقبلين على إمتحان مصيري.. وزيد نتوما الشباب مزال مشي واعيين باش تعرفوا قيمة حجب الشبكة العنكبوتية.. و زيد سمانة هذا مكان! ومن بعد نرجعولكم الشبكة العنكبوتية -التي جعلت من العالم قرية صغيرة- تلعبو بيها كيما بغيتو.. روحو ولادي اقراو مجلات تثقيفية ولا ادخلو لألعاب الحاسوب."
⚠️ تنويه:
يُمنع نشر هذه الرواية رقميا، قل لا للرقمنة وكـن عضوا فـي التعاضدية.
___________________________________
الشاب وهاب لكريستال
سهرة.. بوشڨوف
صباحكم خير و بركة.
والله يوفق كل الممتحنين في شهادة التعليم المتوسط
هذا المنشور خاص بالرجال و برك أهبط تشووا أهبط أشيخ ..
ماعليش و أنتِ وين راكي هابطة يالقرعاجة يا لاجورج ؟
يا النشناشة روحي يارحم والديك راح نبدا نهدرلك بالأنجليزية تع دزاية 😂 .
المهم:
شوف صحيبي راح نهدرو من أخ لأخ من صديق لصديقه ماتقلق مني مايغيضك الحال ماوالوا أشيخ ..
بيناتنا خويا ماتحس بوالو كي نهار كامل و أنت تدور فلي كمونتار وين تشوف ريحة الأنثى تبعثلها؟.. ماتغيضكش عمرك وتحس روحك ذليت نفسك؟ من جانب الدين خلينا مانهدروش راك علبالك بلا مانقلك أشيخ ..
بصح من جانب نفسك روحك ماتسمعش صوت داخلك هكا يصيح: ياو ويييو يالخروووف قيم روحك أبغل قيم روحك !!
نهار كامل تلهط من كمونتار لكمونتار وتعصر في مخك باش زعما تلڨى قالب تدخل بيه" كوكو معليش نسقسيك؟.. أنت ماشي فلانة؟ عجبني كمونتار تاعك وتباني بنت فاميليا؟ ... هاهاها بنت فاميليا يالسلحوفات أه!! أنت وهي و أنا وكل الضمائر علبالنا واش راك حاب أشيخ .. بصح لهاته الدرجة؟ إذا قادر على الزواز تزوج.. إذا مكش قادر أدعي ربي يرزقك.. أفضل من الهوان لي راك فيه.. نص بنات الفيسبوك بلوكاوك والنص لوخر خلاوك معلڨ فلاليست داطونت مع الخرفان لي كيما أنت!!
اهتم بنفسك صديقي.. صلي.. تثقف.. دير الرياضة.. طور مهاراتك.. تعلم حرفة جديدة.. لغة جديدة.. لقطة جديدة .. وعزز نفسك يالوووخر راك راجل أشيخ .. و أهبط لي كمونتار نكملك لحكاية يا فرار..
ماعليش و أنتي يالقرعاجة علاش هابطة ثاني؟
________________________________________
أحلى DJ-Lion فالعالم أشيخ و يعاون الزواولة و كلش جيست اتصلوا بيه و ڨلولو جيناك من عند الباشا راه يريڨلكم ماتخمووش .. والفايسبوك تلڨاوه فالكومونتار.
_______________________________
ليفوطوڨراف كيما يخلصو في ليلة العرس بعد 🤣😂
_________________________
ولدك الصغير... تلڨاه يدخل صبعو في التريسيتي يطيش روحو من الطابق الألف عادي جدا يدخل راسو فالبرمة السخونة... علاه؟
لأن مفهوم الخوف عندو لم يتطور بعد مايعرفش واش هو الخوف أصلا أشيخ ؟
و عدم التطور هذا هو لي يساعدوا على المشي .. لأنوا لو حدث وتطور مفهوم الخوف قبل مايمشي .. ولدك راح تفض عليه يمرد (يحبي) طول حياتوا ..
الزواز يشبه ذلك .. عليك أن تتزوج قبل مايتطورلك مفهوم الخوف .. فكلما تأخرت اتسعت مساحة الخوف وتفض عليك عازب + بائس+ خايف+كاره حياتك + ملعبز +الدور على النية.... لخ.(باير و مقلة و عرت لماعن 🤣 )
________________________________
سورتو جماعت 95 هرمنا و ناض الشيب على شيب ها جدكم.
___________________________
المثلجات ( لاكرام، الفلاش سوسات ڨلاسي) بالنسبه للنساء يؤكل فالدار ماشي البرى يا أختي
- بما انو صيف لحڨ والناس بدات تشࢪي في مثلجات حبيت نڨول للأخوات انو المثلجات متتكلش فشارع اااااا شيخ .... لأنو كي تخرجي لسانك وتاكلي ڨدام الناس يفقدك العفة و الفطرة و الأنوثة و الحشمة و ياسر أومور بلاك ماتعرفيهاش... (مانحكيوش على الدين لأنه بينك بين مولاك )
- من الاحسن يا اختي تاكلي في دارك كاين خوك ولا باباك يشريلك ولكان ماكاش تقدري تشري وتطلعي لداركم وتاكليه في غرضك و بالڨوسطو و تمايلي و ديري لي يعجبك.. مشي تبقاي تتعوجي البرى مع لاكرام والسوسات ڨلاسي.
- (و هذا رأي شخصي و برك) و شكرا على حسن الإصغاء والمتابعة كيما يڨولو تع الراديو إذاعة ڨالمة.. 🤣
__________________________________
صناعة الأفلام ليست من أجل الصناعة و فقط، بل يبعثون فيها رسائل مشفرة غير مباشرة تهاجم العقل الباطن دون أن تدري.. من بين هذه الأفكار هي التشهير لشرب الخمر يا الشيييخ..
يصورونه بطرق محددة ترسخ في العقل الباطن أنه ممتع و مثير و فاخر و يزيل الهموم.
يركز المصور على طريقة فتح القارورة التي تكون بشكل راق، وكيف يفتحه بطريقة تفتح النفس داخل تلك الكؤوس الزجاجية الجذابة.
نشفى بكري كانت تعجبني هذيك الطريقة.. و كل ما اشترى لنا والدي مشروب بذوق التفاح أو لفراز الذي يملك نفس لون الخمر.. نروح نجري إلى خزانة الأواني العجيبة التي تحتفظ بها أمي للزينة.. (تعلقنا في المشنقة ان رأتنا لمسناها 🤣😂) .. نسرق كأس كالذي رأيته في الأفلام و أشرب فيه العصير بنفس طريقة الأفلام..
لهذا عليكم أن تنتبهوا لهاته الأشياء و تراقبوا ما يتابعه أبنائكم فقد يؤثر على عقلهم الباطن و يؤدي بهم إلى الهلاك.
عطيتكم مثال واحد برك.. لأنه الرسائل المشفرة التي تحتويها الأفلام.. مانقدرش نشرحها في منشور واحد..
يجب شرحها على المدى البعيد.
________________________________
حي الناظور
Guelma
2324
Soyez le premier à savoir et laissez-nous vous envoyer un courriel lorsque Bacha Photographe publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.
Envoyer un message à Bacha Photographe:
نقدم لكم البعض من أعمال الماشطة غادة - فنانة الطفلة هذي وحسن المعاملة مانحكيلكمش سقسيو لي خدمتلهم أعراسهم. - لي تحب تتعامل معاها فايسبوها تلڨاوه في اول تعليق - و ماننساوش تحية لصانع الديكور (kader) و صاحب قاعة الحفلات ( ناجي مجاز الصفا ) _______________________________ #bacha_photographe
كلنا أسامة... - فيديو موجه للجميع لي يقدر يعاون مرحبا بيه.. عاون بلي تقدر عليه.. ولي مايقدرش يعاون يپارتاجي الفيديو إلى أوسع نطاق خلي يوصل صوت هذي الأم المحروڨة على ولدها ولكم الأجر إنشاء الله. - للمزيد من الإستفسار اتص_لوا على ال_رق_م: ( في أول تعليق) _____"_______________________________ #bacha_photographe
و هذي التبديلة الثانية تع الماشطة غادة و مزالو 3 خلاف راح نلحڨوهم نشالله 😉😁 __________________________ #bacha_photographe