مشتل جاردينيا

13/05/2024

سلام عليكم
اللي طلب شبك تظليل النهارده هيتم الشحن يوم الخميس ان شاء الله لاننا كنترول امتحانات
وغالبا المشتل مقفول الثلاثاء والاربعاء القادم

09/05/2024

سلام عليكم
تراديسكانيتا خضره بوت 8سنتي ب 25جنيه

07/05/2024

سلام عليكم
السماد النيتروجيني .(اليوريا .النترات .سبله الدجاج والحمام .السباخ او فضلات الابقار )
كل ده عباره عن عنصر النيتروجين وممنوع تماما التسميد بالحجات دي فتره التزهير سواء خضار او فاكهه ..هيوقع الزهر .
السماد النيتروجيني مهم للنمو الخضري (الاوراق )
السماد المناسب للتزهير وعقد الثمار .سماد npk
وافضل سماد والزهر موجود بالفعل الكالسيوم .
وافضل سماد لتحجيم الثمار .البوتاسيوم والفسفور .
طبعا ممنوع استخدام اليوريا والنترات للنبات المزروع فأصيص
سبلة الحمام لو كتير هتحرق الورق لان فيها نيتروجين عالي
فضلات الابقار لو مش متحلله مش حلوه للزرع .

06/05/2024

سلام عليكم
كتير مننا بيسأل نفسه السؤال ده .ليه النبات فالشارع عايش زي الفل وهو تحت الشمس المباشره ولا شبك تظليل ولا اي شيء .ونفس النبات لو مزروع في اصيص الشمس المباشره سهل تموتوا .
الحقيقه ان الشمس مش بتأذي النبات نفسه .الشمس بتسخن التربه فالاصيص وتحرق الجذور .يعني لو حطينا كوبايه ميه صغيره فالشمس .الميه هتسخن .لكن لو نهر او بحر الميه مش هتسخن .ودا يوضح الفرق بين درجة حراره تربه الاصيص ودرجة حراره الارض .
طبعا اول طريق للعلاج هو معرفة السبب .
والعلاج
استخدام اصيص لونه فاتح
نضم الاصيص جنب بعضه
نخفف الشمس سواء بشبك تظليل او اي وسيله متاحه .
مفيش ادينيوم فالمشتل واللي فالصوره ادينيوم عندي فالبيت 🫣

02/05/2024

السماد للنبات
السماد عباره عن اكله دسمه تقيله جدا عالمعده
*مينفعش عيل صغير ياكلها .مينفعش نبات حديث الانبات يتسمد سواء من بذره او عقله
*مينفعش نقعد فالشمس والجو نار وناكلها .مينفعش نسمد والشمس طالعه
*مينفعش حد مريض ياكلها .مينفعش نسمد نبات حالته مش تمام وبيعاني
*مينفعش تكون عطشان جدا وتاكلها. التسميد بعد الري بيوم او يومين
*مينفعش نكون لسه واصلين من سفر مرهق وناكلها .مينفعش التسميد بعد نقل النبات او بعد الشراء .عالاقل نسمد بعد اسبوعين
التسميد بيكون فترة النشاط مش السكون يعني العصاريات تتسمد فالشتا والشوكيات تتسمد فالصيف
*مينفعش ناكلها كل يوم .التسميد علي فترات كل عشر ايام او اسبوعين

01/05/2024

30/04/2024

سلام عليكم
نوعين مختلفين من الهوراثيا بوت مقاس ٨سنتي
اللي عالشمال ب ١٥
اللي عاليمين ب ٣٠

28/04/2024

شاري اصيص نعناع وطالع احطه عالسطوح عادي
الحج 👇

27/04/2024

قاعدين قاعده عائلية والكلام سكت فجأه
ست الكل 👇

27/04/2024

سلام عليكم
الوي بوت مقاس ٨سنتي ب ٣٠جنيه

26/04/2024

سلام عليكم
عملنا لحضراتكم فيديوا يوضح طريقه لتركيب شبك التظليل عالسطوح

25/04/2024

لما تدخل البيت وانتا شاري زرع جديد

25/04/2024

سلام عليكم
اللي عاليمين ثمرة التوت البري ابو شوك .واللي عالشمال التوت البري اللي منغير شوك .
والثمرتين في شتلتين اكيد حد هيشتريهم .ف انا بستأذن صاحب الشتلتين المستقبلي انا هاكل التوت ده 😁
بلاك بيري ب شوك ب ٧٥جنيه
بلاك بيري منغير شوك ب ١٠٠جنيه
المشتل كفر شكر طريق بنها ميت غمر

23/04/2024

سلام عليكم
الحمد لله كل اللي استلم شبك التظليل بيشكر فالخامة بتاعته
ودا لاننا بنبيع شبك تظيل من نفس اللي بنجيبه للمشتل بتاعنا .خامه تقيله وطبعا بولي ايثيلين يعني سبع سنين فالشمس المباشره صيف شتا .
وطبعا حابين نعرفكم ان في خامات شبك تظليل بنص السعر اللي بنبيع به بس احنا مش بنشتغل فالخامات المضروبه .
القطع المتوفره مقاس ٣متر ×٦متر .ب ٢٥٠ جنيه
وفي شحن لاي مكان فمصر. .مصاريف الشحن لمعظم المحافظات ٧٥جنيه .
للطلب واتس 1002362689

20/04/2024

استريديا .عصاري نشاطه صيف .متدلي .
بوت مقاس 8سنتي ب 15جنيه

19/04/2024

سلام عليكم
متاح توت بري طارح .بلاك بيري بدون شوك
يصلح لزراعة الاسطح والبلكونات
100جنيه

18/04/2024

سلام عليكم
متوفر ثيران (شبك تظليل )٦٣٪خامه ممتازه مقاس القطعه ٣متر ×٦متر .سعر القطعه ٢٥٠جنيه +مصاريف الشحن .
يوجد شحن لاي مكان في مصر
للطلب واتس ٠١٠٠٢٣٦٢٦٨٩ او علي رسايل البيدج .

09/04/2024

سلام عليكم
كل سنه وحضراتكم بخير وصحه يارب .
الصوره ده من سطح البيت مش من المشتل .والبذور من قرن فلفل من التلاجه .
تحبوا نعمل مجموعة بوستات تعليميه عن زراعة الخضروات قالمنزل وببذور من المنزل ؟

29/03/2024

عَنْ أَبِي هُرَيْرَةَ رَضِيَ اللَّهُ عَنْهُ: أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ يَوْمًا يُحَدِّثُ، وَعِنْدَهُ رَجُلٌ مِنْ أَهْلِ البَادِيَةِ: "أَنَّ رَجُلًا مِنْ أَهْلِ الجَنَّةِ اسْتَأْذَنَ رَبَّهُ فِي الزَّرْعِ، فَقَالَ لَهُ: أَلَسْتَ فِيمَا شِئْتَ؟ قَالَ: بَلَى، وَلَكِنِّي أُحِبُّ أَنْ أَزْرَعَ، قَالَ: فَبَذَرَ، فَبَادَرَ الطَّرْفَ نَبَاتُهُ وَاسْتِوَاؤُهُ وَاسْتِحْصَادُهُ، فَكَانَ أَمْثَالَ الجِبَالِ، فَيَقُولُ اللَّهُ: دُونَكَ يَا ابْنَ آدَمَ، فَإِنَّهُ لاَ يُشْبِعُكَ شَيْءٌ"، فَقَالَ الأَعْرَابِيُّ: وَاللَّهِ لاَ تَجِدُهُ إِلَّا قُرَشِيًّا، أَوْ أَنْصَارِيًّا، فَإِنَّهُمْ أَصْحَابُ زَرْعٍ، وَأَمَّا نَحْنُ فَلَسْنَا بِأَصْحَابِ زَرْعٍ، فَضَحِكَ النَّبِيُّ صَلَّى اللهُ عَلَيْهِ وَسَلَّمَ

27/03/2024

سلام عليكم
من اجمل الطفرات اللي بتحصل فالنوع ده من السنيسيو .
تحسه كده جبنه رومي

26/03/2024

سلام عليكم
مستنينها تجيلنا بعد العيد ان شاء الله .
استنوها معانا
العصاريات حلويات لكن كائنات حيه

20/03/2024

سلام عليكم
اجاف فريجاتا كومبكت بوت مقاس ١٤سنتي ب ٥٠جنيه

10/03/2024

سلام عليكم
كل سنه وحضراتكم بكل خير وصحة .رمضان كريم
الصوره من عالسطوح عندي لمجموعه من العصاريات .
حابب اقولكم علي نصيحه بخصوص تربيه النباتات فالبيت .
٥٠٪من جمال النبات فجمال الاصيص اللي النبات مزروع فيه .
حاول تربي نباتك ف اصيص جميل .

09/03/2024

جوافه فرنساوي ١٠٠

09/03/2024

لوز مطعوم و عين جمل مطعوم طول متر ونص ب ١٠٠

09/03/2024

ليمون كافيار ب ١٠٠

09/03/2024

باشون فروت احمر ب ٣٠

09/03/2024

مكادميا مكسرات طول ٤٠سنتي ب ١٠٠

09/03/2024

توت بري بلاك بيري متسلق ب شوك ب ٧٥جنيه

09/03/2024

سلام عليكم
افوكاتو مطعوم طول متر .ب ١٠٠