Land of joy
01/02/2025
3 مفاجأت غيرت خطة محمد لخطوبته في آخر لحظة ♥️
يوم 14 يناير، وصلتنا رسالة من محمد عبد العزيز على إنستجرام. كان بيسأل عن عرض الـ150 فرد، وبعدها على طول سأل: "24 يناير متاح؟"—يوم الجمعة. (يعني قبل خطوبته بأيام قليلة)
المفاجأة، رغم سؤاله قبلها بوقت قليل وقلقه إنه يكون محجوز
لكنه المفاجأة إنه متاح. في اللحظة دي، كنا متوقعين إنه استقر على اليوم وخلاص… لكن لأ، محمد كان عنده شوية تساؤلات، والوقت كان ضيق جدًا، فكان محتاج ياخد قرار بسرعة.
بدأ يسأل عن تفاصيل المكان: مغطى ولا مفتوح؟ فوضحناله إن القاعة كلها أوبن إير لكن المكان اللي بيسأل عنه مغطى. وبعدها سأل: لو ينفع نعمل الخطوبة بالنهار؟ 🤔
كل حاجة كانت ماشية تمام زي ما هو مخطط، لكن المفاجأة الثانية، لما محمد جه القاعة واتكلم معانا أكتر، غير خطته تمامًا، وبدل ما يحجز يوم 24، اختار يوم 31 يناير ، الجمعة اللي بعدها علطول.
والمفاجأة الثالثة بقى، بالرغم من إنه سأل على عرض الـ 150 فرد على حمام السباحة واللي هو كان مكان صغير لكن كان مناسب جداً للخطوبة وأي مناسبة صغيرة عامة، بعد ما شاف القاعة اختار في النهاية إن الخطوبة هتكون في القاعة كلها.🎊
وده دليل إن مش كل حاجة لازم تخططلها من بدري، أحيانًا اللحظات اللي بتيجي فجأة بتكون أحلى بكتير من خطتك.✨
مبروك يا محمد، ومبسوطين جداً إننا كنا جزء من فرحتك في
يوم مهم زي ده، ومتخليش بقى ضغط الشغل ينسيك تيجي تاخد الفلاشة.😂❤️
وأنت؟ مش شرط تخطط شهور عشان تاخد قرار… ممكن
تسأل دلوقتي وتلاقي يومك متاح بمفاجأت أحلى زي ما حصل
مع محمد بالظبط.😉
