16/05/2024
مطار القاهره
صاله ١ المطار الجديد
مطار القاهرة و ازاى أعرف مبني كام.. ✈️✈️⚠️
وصلتني هذه المعلومة وترجمتها لكم في شكل بياني توضيحي ليسهل استيعابها
احنا عندنا مشكلة
اننا لما بنسأل بنقول صالة ٣ مثلا..
بس لأن السؤال بيبقي غلط ❓❓
بناخد اجابة غلط..
فيه ناس طيارة بتفوتها بسبب انها تاهت في المطار راحت مبنى غلط..
أو علي الأقل اتوترت ووقت بيضيع وجرى هنا و هنا..😏
⬅️ لما بتيجى تسأل في المطار المفروض بنسأل علي ال Terminal
يعنى المبني او باسم شركة الطيران..
حتى بنقول كلمة صالة علي Arrival Hall مثلا..
لما بنسأل علي مصر للطيران مثلا
بقوله روح Terminal 3✔ مش Hall 3❌
لأنه مبني فيه كذا صالة مش مجرد صالة
وصول او سفر بس..
⬇️ خلينا نشوف مثلا مبانى مطار القاهرة
مطار القاهرة عبارة عن ٤ مبانى
(مباني مش صالات)
مبني ١،
مبنى ٢.
مبني ٣،
مبني المواسم
مبني ركاب بيتقسم لصالات: ⬇️
1️⃣ مبنى ١ المطار القديم:
صالة ١،
صالة ٢،
صالة ٣
و كل صالة فيهم بتتقسم
لسفر🛫 و وصول 🛬
2️⃣ مبنى ٢ اجدد مبني:
صالة سفر، صالة وصول
3️⃣ مبنى ٣ (بيطلق عليه المطار الجديد) او مصر للطيران:
صالة سفر، صالة وصول
4️
⃣ مبني المواسم:
صالة سفر، صالة وصول للرحلات الموسمية
زى رحلات مصر للطيران للحج و العمرة لجدة
و المدينة مثلا
🚫 الناس لما تيجي تسأل في المطار بتقول صالة بدل مبني و ده غلط لانه بيخلي الرد علي السؤال من الموظف برضوا غلط بيوجهه لصالة ٣ مثلا اللي في مبنى ١ القديم بدل مبني ٣ و ده بعيد جدا عن ده
🚫 الاحسن منسألش علي المطار القديم أو الجديد نسأل برقم المبني لأن مع الوقت الإنشاءات بتتغير لكن بيثبت رقم المبانى
مثلا كنا بنقول علي مبنى ٣ الجديد
دلوقتى اتبنى بعده مبنى ٢
و من حيث الإنشاءات هو الأجدد
عشان كده الاحسن نسأل برقم المبنى
↙️ شركات الطيران مبني ١ او Terminal 1 او Terminal Building 1 او T1 او TB1 بيشمل صالة١،٢،٣🛫🛬 :
TarcoAir تاركو
Air Algerie الجزائرية
Eritrean Airlines الإرترية
Airarabia العربية للطيران
Iraqi Airways العراقية
Air Italy اير ايطالي
Yemenia Airways اليمنية
Badr Airlines بدر للطيران
Royal wings الأجنحة الملكية
Nesma Airlines نسما للطيران
Nile Air النيل للطيران
Jordan Aviation جوردان افيشن
Syrian air السورية
Sudan Airways السودانية
Air Cairo اير كايرو
Tunis Air التونسية
Almasria Universal Airlines المصرية العالمية للطيران
Fly nas فلاى ناس
↙️ شركات طيران مبنى ٢ او Terminal 2 او Terminal Building 2 او T2 او TB2 يشمل صالة سفر🛫، صالة وصول 🛬:
Air France الفرنسية
Royal Air Maroc الملكية المغربية
Alitalia الإيطالية
British Airways البريطانية
Emirates الإماراتية
Etihad Airways الإتحاد
Gulf Air طيران الخليج
Jazeera طيران الجزيرة
Kuwait Airways الكويتية
Middle East طيران الشرق الأوسط
Ukraine International Airways الأوكرانية
Royal Jordanian الملكية الأردنية
Aeroflot الروسية
Saudia السعودية
Oman Air العمانية
↙️ شركات طيران مبني 3 او Terminal 3 او Terminal Building 3 او T3 او TB3 يشمل صالة سفر🛫، صالة وصول🛬 :
Aegean ايجين اليونانية
Ethiopian الاثيوبية
Lufthansa الألمانية
Swiss السويسرية
Austrian النمساوية
Turkish Airlines التركية
Egypt Air مصر للطيران
Air Sinai اير سينا
↙️ رحلات مبنى المواسم أو الموسمية او Seasonal Terminalيشمل صالة سفر🛫، صالة وصول🛬:
رحلات مصر للطيران سفر و وصول إلي أو من جدة و المدينة
⚠️ ↙️ رحلات مصر للطيران المتجهة إلي(سفر فقط) 🛫:
كوبنهاجن
بروكسل
برلين
فرانكفورت
برشلونة
مدريد
جنيف
امستردام
ميونخ
تونس
⬅️ أتمنى يكون ده توضيح كافي للفرق بين انى أقول مبنى وصالة وشركات الطيران في كل مبنى..
مع تمنياتي لكم برحله ممتعه
وكل التحية والتقدير من شركة ليموزين بني سويف
