26/09/2024
اسعد الله يومكم 🌺
البوست دا مهم جدا لكل عملائنا الكرام👌🏽👌🏽👌🏽
ناس كتير بتسألني عن الشغل وليه قصرنا وليه مش بنفتح كتير زي الاول وان المكان معظم الوقت مقفول..
الموضوع ببساطة فيه كام نقطه.....
-1 مش كتير يعرف اني بعمل كل حاجه لوحدي
تصميم وتنفيذ وتقفيل وتسليم وغصب عني زي اي بني ادم بتعم وب ارهق غير اني عندي مشكله صحيه ومش بقدر اشتغل كتير دلوقتي ف لما بتطلب مني شغل واتخر بسبب تعب مرضي متجيش تحاسبني عالتقصير لانه مش بأيدي وغصب عني تحسسني اني برفض الرزق وتقطع شغل كانك انت اللي بتشغلني وانت اللي متحكم ف رزقي...
-2 حضرتكم عارفين ان كل حاجه بتغلي مره واتنين وتلاته وعشره كمان ومع ذالك ببيع بالاسعار القديمه مع احتماليه اني ارف السعر ف القطعه 5ج مثلا وحضرتك بتيجي تطلب مني شغل اي كان العدد بتفضل تفاصل وتقلل السعر اللي هو اصلا سعر قديم لدرجه بتخليني انا مش عاوز اشتغل...
-3 ليه دايما تيجي تقارني بالشغل بتاع الناس التانيه واسعارها حضرتك عارفني وعارف شغلي وعارف اسعاري
انا مليش دعوه بواحد بيبيع مثلا درع ب 10ج وهو عندي ب 25 ج كل واحد عارف بيسعر ازاي وبيعمل هو واحد بيضرب سعر او بيحرق شغل ومش حاسب حاجات كتيره ف متجيش تقارني بيه هو عاجبك روحلو ع طول وانت اولي بفرق السعر...
-4 عيب اووووي لما تتفق معايا علي شغل بسعر معين واشتغله واتعب فيه وتيجي وقت الاستلام والدفع تقولي اصل في حد قالي انا اعمله بسعر اقل ف انا هاخده بالسعر القليل يا كدا يا مش عاوزه معلش هو كدا انت شاطر يعني وبتعرف ربنا
-5 انا زي ما بشتغل ليك بشتغل لغيرك يعني وقتي كله مش ليك ليه تضغطني وتقولي لا انا مستعجل اوي ومضطر ما هو برضو اللي قبلك مستعجل ومضر ولومردتش ابقي انا الشخص السئ
اسف لو طولت عليكم بس ديما الشخص بيكمل ب دعم الناس ليه واستحاله حد يكمل طول ماهو شايف الناس بتحطه ف مكان مش مكانه وطبعا الكلام ده مش علي كل الناس لان فيكم ناس محترمه جدا وبتقدر كل حاجه وبتقدر تعبي ومجهودي وشغلي وعارفين الفرق بيني وبين غيري
