Adventures With Dahab

Adventures With Dahab صفحة للسفر والضحك والهزار والمزيكا .. الجادون يمتنعون

16/10/2024

معايا اخر مكانين في سافاري غطس 4 ايام مرسي علم

19/09/2024

ايفنتات الصفحة متوقفة من سنة تقريبا بسبب الغلاء الفاحش اللي حاصل.
كنا بنعمل رحلات غطس فقط طول الفترة دي عشان استكشاف مصر بقي غالي قوي مش زي الاول 😅.

احنا هنرجع نعمل حاجات خفيفة الاول... باربيكيو عالروف بتاع كل سنة، و بعدها بفكر نخصص يوم جمعة او سبت كل اسبوع للأطفال.. اقتراحاتكو ايه الاماكن اللي الاطفال تحبها و تلعب فيها بدون قلق و لا تعرض لشاشات ولا اي حاجة ؟ وفي نفس الوقت الامهات يفصلو شوية و يهيصو؟

سفاجا و جمال سفاجا.اخر رحلات الصيف ، هنبدأ رحلات الشتا بقيتابعونا
01/10/2023

سفاجا و جمال سفاجا.
اخر رحلات الصيف ، هنبدأ رحلات الشتا بقي
تابعونا

24/09/2023

فاضل اخر مكان في رحلة سفاجا يوم ٢٧ سبتمبر ، هنسافر الاربع العصر و نغطس خميس جمعة و سبت ، غطستين في اليوم من على احلي مركب في سفاجا ، و نرجع القاهرة يوم السبت بالليل. السعر ٤٢٠٠ شامل الإقامة في الاوتيل بالفطار و الغطس من المركب بالغدا.
غير شامل العشا و ايجار العدة.
مكان واحد فقط لغطاس ذكر في غرفة دوبل

07/09/2023

هي الفكرة كلها إني كان نفسي نلف مصر كلها ونستكشفها بأقل تكلفة
يعني عملنا ايفنتات للفيوم ب 600 جنيه بالاكل والانتقالات والمبيت والسافاري، و عملنا ايفنتات لكاترين ب 2000 بنفس التفاصيل برضه، و مستحيل انسي ايفنت راس محمد وشرم ب 500 جنيه بالانتقالات والمبيت والاكل، واغلي ايفنت في تاريخ الصفحة دي كان طابا ب 3200 عشان كان مبيت في بانجلوز مكيفة عالبحر بالاكل ورحلات اليخت وقلعة صلاح الدين و كاسل زمان وطبعا بالانتقالات برضه... وغيرها كتير علي مدار سنين من 2018 لحد السنة اللي فاتت.
بعدها مش قادرة اعمل ايفنت بالاسعار الجديدة دي عشان اي حاجة اقل من 4000 جنيه هتبقي مستحيلة.
انا موقفة انشطة الصفحة فعلا عشان حرام نعمل رحلة بالمبالغ دي لإن الوضع العام لكل الناس حاليا اننا مفلسين، حتي ايفنتات القاهرة بتاعة العاب المقطم غليت.
حبيت اشارككم بس، مش عارفة اعمل ايه، اجرب حظي في رحلة جديدة ونحاول ننبسط؟ ولا اعمل رحلات بالتقسيط طيب ولا ايه.

02/07/2023

للغطاسين فقط
الفنستون في اخر يوليو.
التفاصيل جاية في السكة

02/07/2023

محتاجين نحوش فلوس الفترة الجاية عشان معانا 3 رحلات هيحتاجو فلوس😄.

اول حاجة رحلة وديان كاترين و تسلق جبل كاترين، دي رحلة للي غاوي طبيعة و طاقة إيجابية.. مستوي اللياقة متوسط. دي هتكون معانا في شهر اكتوبر ومدتها 3 ايام.. والتفاصيل لاحقا.

تاني رحلة هتكون مرسي مطروح وسيوة، دي محتاجة الناس الرايقة بس، و هناخدلها اجازة اسبوع من الشغل عشان يادوب اسبوع يكفي, دي هتكون من الخميس بالليل ولمدة 7 ليالي و هنرجع الجمعة اللي بعدها.

تالت رحلة في ديسمبر و دي رحلة راس السنة.. هتبقي نايل كروز الاقصر واسوان 4 ايام وبعدها يومين في النوبة.
متاح طيران للي حابب و برضه تفاصيلها لاحقا.

المهم اننا محتاجين نحوش فلوس عشان الرحلات دي مش هتكون رخيصة زي ماتعودتو معانا 😄، بس هننبسط جدا ووعد محدش هينسي التجارب دي ابدا

05/06/2023

طالعين سفاجا في العيد
استنو التفاصيل قريبا 😄😄

20/05/2023

اخر 3 اماكن في طلعة غطس في الرخيص
هنغطس في القصير و متاح كورسات بخصم 20٪
اخر 3 اماكن يا هانم، اخر 3 اماكن يا بيه 😂😂

16/05/2023

نظرا لنجاح سلسة طلعات في الرخيص بنعلن عن رحلتنا رقم 5 الي القصير ، حنسافر يوم الأربعاء 31 مايو بعد الشغل و نوصل على 11 بليل. الشباب حنعقد في شقق نظيفة و البنات حيعقدوا في فندق. حنغطس تلات أيام (خميس و جمعة و سبت ) و حنتحرك الي القاهرة على الساعة أربعة. الغطسات كلها شور (زريب ، أبو السواطير ، معيلج). الجديد في الطالعة ديه انه متوافر كورسات غطس بنسبة خصم 20% . للمزيد من الاستفسار ارسل مسج
السعر للغطاسين 2500
للسنوركل : 1900
السعر لا يشمل المواصلات من و الي القصير و لا الوجبات

عقبال كل رحلة ❤️❤️❤️
30/04/2023

عقبال كل رحلة ❤️❤️❤️

04/04/2023

طلعة غطس في الرخيص (تيران-راس محمد)

ان شاء الله هنسافر يوم الأربعاء 26 ابريل خمسة الصبح هنوصل محمية راس محمد على 10 هننزل نبلبط في المية و نقضي اليوم هناك ( متاح استخدام حمام وشاور في كامب هناك) و هنكون جايبين سناكس و اكل معانا من القاهرة لليوم ده. هنخلص يومنا هناك و نتحرك على الفندق في شاركس باي. يوم الخميس والجمعة غطس من على مركب (راس محمد و تيران). يوم السبت انتخة في الفندق و نزول مية و نتحرك على الساعة اتنين للقاهرة.
السعر : 3500 شامل تيكيت المحمية واستخدام المرافق في كامب في المحمية والإقامة 3 ليالي بالفطار و الغطس يومين بالغدا على المركب.
غير شامل الانتقالات و تاجير عدد الغطس
ملحوظة : يمكن غطس يوم السبت و لكن بتكلفة زيادة.
للحجز ابعت مسج وهنبعت رقم الحساب.

09/01/2023

لو قلنا سيوة في اجازة 25 يناير حد جاي ولا ايه الكلام 😄
طالعين نستجم و نبلبط في البحيرات شوية

20/12/2022

حد عندي هنا عنده عروض كويسة ل سيوة؟

Address

New Cairo
Cairo

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Sunday 9am - 5pm

Website

Alerts

Be the first to know and let us send you an email when Adventures With Dahab posts news and promotions. Your email address will not be used for any other purpose, and you can unsubscribe at any time.

Shortcuts

Share

Category