01/07/2024
Comunicado do desenrolo do trámite administrativo nas Festas de A Abella, O castiñeiro.
Dende Asociación de Veciños Nova Abella, e como organizadores das festas patronais na honra a San Antonio, e despois dos desafortunados acontecementos que se sucederon no desenrolo das festas, e os posteriores comunicados realizados por parte do Tenente Alcalde D. Ruben Arroxo, tomamos a determinación de redactar este comunicado, co sosego e a tranquilidade que dá un tempo necesario para ter a suficiente calma mental e levar a cabo unha redacción obxectiva da situación vivida no fin de semana das festas, e por suposto non incorrer en imprecisións tal e como fixo nos comunicados levados acabo polo Señor Arroxo.
O primeiro que cremos que debemos facer é agradecer o barrio de a Abella o apoio de todos estes anos para organizar as festas, coas aportacións económicas, loxísticas e emocionais que non faltaron, e que sen ese apoio sería imposible levar a cabo todo o traballo desenrolado nestes últimos anos. Por suposto o apoio agora, nos momentos difíciles, que soamente hai que ver os comentarios nas redes sociais para decatarnos que en ningún momento poñen dubida a nosa honorabilidade e o traballo levado a cabo nos festexos do 2024, e precisamente para que non exista nin a mais mínima dubida redactamos este documento onde se tratará de describir todo o procedemento administrativo levado a cabo no mes anterior a data das festas.
O procedemento e sinxelo pero o mesmo tempo complexo xa que implica a colaboración de moita xente a parte da comisión de festas: orquestras, bares, postos de venda, barraquistas, etc.
O proceso comeza coa parte que corresponde en exclusiva a comisión de festas, a solicitude, entregada neste caso con un mes de antelación, tal e como establece o departamento de Mobilidade do Concello de Lugo, competencia do señor Arroxo, xunto a solicitude incorporouse o resto de documentos que dependen en exclusiva da comisión de festas e que non dependen de terceiros, que neste caso foi un Plan de Seguridade, o estudio do Son e o Plan de Tráfico, ademais de unha Memoria na cal se axuntan dous planos de distribución das parcelas, un da zoa de festa, o cal xa ía o definitivo, e o da zoa das barracas que se incorporou a distribución das barracas do ano anterior, que serve de orientación para a súa valoración pendente de dispoñer de todos os titulares e a distribución definitiva, que realmente so afecta as barracas que se incorporan de novo, pois soen respectar a ubicación de un ano para o outro, en calquera caso sendo fiel en un 80 %.
Unha segunda e terceira entrega de documentación levase a cabo o día 15-16/05 de unha parte da documentación de terceiros, bares e 7 postos que nos aportaron a documentación no prazo que a comisión de festas lles “impuxo” como data límite (que realmente non é a comisión que de impoñer nada legalmente), mentres se seguía a espera que resto de participantes na festa aportasen as súas respectivas documentacións.
O 24 de maio recíbese notificación do Departamento de Mobilidade para que se subsanen certas deficiencias nesa documentación, como pode ser ausencia de algún recibo ou algún certificado anual de algúns dos feirantes, non como precisa de xeito incorrecto o señor Arroxo, que ante a ausencia de documentación algunha lle envían un requirimento a comisión de festas, case como se de un “favor” se tratase, cando a realidade é que o procedemento ordinario de calquera tramite administrativo, dando un prazo máximo para entregar a documentación de 10 días, que si se contan dende o 24 de maio remataría o día 7 de xuño, dato moi importante como se verá en sucesivas líenas deste documento.
O 29/05 contestase parte do requirimento, aportando a documentación que faltaba, aportada polos barraquistas, labremos que case todos xa participaran en festas anteriores noutros barrios de Lugo, e a maiores, ese mesmo día aportase a documentación de outros 5 postos novos que non se puideron aportara antes xa que os interesados aínda non llos deran a comisión.
O 31/05, veres da semana anterior a festa, lévanse a cabo tres entregas, a primeira co resto da documentación requirida por parte do concello, a segunda con documentación de 10 postos de diferentes barracas e a última con outra barraca.
O día 3/06 realízanse 5 entregas, a primeira con 7 barracas, a segunda cos planos definitivos dos postos, a terceira coa documentación pendente do requirimento de unha barraca, a cuarta documentación de un posto e a quinta a documentación de outro posto.
O día 4/06 aportase o certificado de montaxe do bar, que non se pode aportar ata que está montado.
Por último o día 6/06, onde segundo o señor Arroxo se entregou toda a documentación que non lles deu tempo a informar, soamente se aportou a documentación de un posto, que por razóns persoais de ese barraquista, non puido entregar antes.
Para que unha persoa que non está acostumada a este tipo de procedementos consideramos que é importante describir en que consiste a revisión da documentación dos barraquistas por parte do concello.
Poñeremos como exemplo unha das barracas mai complexas, con elementos móbiles e mecánicos como poden ser tiovivos ou carruseis de coches, pois un posto de patitos sería moitísimo mais sinxelo.
A documentación consiste en:
• Un proxecto técnico da barraca redactado no día da fabricación da mesma por un técnico competente, corresponde ó concello revisar que se corresponde coa atracción e que realmente está firmado por un técnico.
• Certificado anual da atracción, firmada por técnico competente, é unha folla onde hai que mirar a firma e a data.
• Certificado da instalación eléctrica, unha folla selada polo electricista que inspeccionou a instalación e outra selada pola Xunta de Galicia.
• Póliza do seguro de responsabilidade civil, mirar a cuantia, titular e as coberturas.
• Recibo do seguro de responsabilidade civil, que estea vixente.
• Copia do DNI.
• Alta en actividades económicas.
• Último recibo de Autónomos.
• Se fose necesario o uso de gas, certificado da instalación de gas, sería similar ó da instalación eléctrica.
En case tódolos casos eses documentos xa foron entregados e revisados polo concello en mais de unha ocasión en festas anteriores en este mesmo ano, así que non son descoñecidos o que facilita a súa inspección.
Toda esta documentación, e tendo en conta que unha boa parte xa estaba inspeccionada pois fora aportada na primeira entrega de documentación das barracas non sería complexo revisala en unha xornada laboral de un funcionario acostumado a facer este tramite, e ben coñecedor de todas as barracas e os barraquistas, de feito esta comisión de festas, coas nosas propias limitacións administrativas de carecer da formación que tería un funcionario publico ou o persoal laboral que fai ese traballo, fomos capaces de revisar toda a documentación na tarde do martes, para así asegurarnos de que o que fora entregado era o correcto.
Se nos fixamos o venres día 31 de maio entregáronse 10 postos, que perfectamente podían ser revisados o luns, e ese mesmo luns entregáronse outros 10 postos, que podía levarse a cabo a revisión o martes.
Aínda que se obviara todo o entregado posteriormente ó luns día 3 de xuño, soamente quedaría fora unha atracción, o problema está que o departamento de mobilidade non tivo a ben revisar a documentación entregada, apesares da boa vontade da que fala o señor Arroxo.
Dende a comisión poderíamos entender que se revisada esa documentación houbese carencias nela que non demostrase a seguridade, que fixeran un recurso coas carencias e que non as deixasen montar, pero o caso foi ben distinto, nin sequera tiveron a ben facer a revisión da documentación.
Cando o señor Arroxo alega que non se deu permiso por razóns de seguridade e que non lle gustaría que Lugo fose famoso por un accidente en unha barraca, non parece outra cousa que demagoxia, realmente a esta comisión tamén lle pode preocupar esa fama para o barrio, aínda que en ningún momento habería ningún interese por parte da asociación de que a seguridade non fose a adecuada, non por razóns de fama, nin moito menos económicas , senón porque cando alguén se esforza en facer un traballo de xeito altruísta co único benéfico de que a xente do barrio desfrute de unhas festas, o último que quere e ver a veciños coa lousa de que un cativo do barrio ou de fora sufra un accidente, a realidade é que o departamento de mobilidade non tivo a ben levar a cabo a revisión da documentación entregada na semana das festas, é mais, nin sequera tivo a ben revisar a documentación que se aportou das barracas que entregaron na semana do 15 de maio e que tiña algunha deficiencia, documentación entregada antes do prazo de 10 días que daba como límite o propio recurso, cousas tan simples como revisar un recibo ou un DNI que faltaba, por eso creemos que foi deixadez, ou quizais preferiron adicar o tempo a festas que consideran de maior importancia que estaban a punto de organizar o propio concello.
En todo caso segundo a Lei de Espectáculos de Galicia establece que a documentación para unha festa se pode entregar ata as 14 horas de mesmo día do comezo do evento, que entendemos que eso sería una gran dificultade para que o concello puidese levar a cabo os informes administrativos, de aí que dende a comisión se lle puxo data límite para a entrega da documentación ós barraquista o día 10 de maio, documentación que estes últimos tardaron en aportar, pero tamén consideramos que en dous dias tería tempo dabondo o concello para levar a cabo a revisión de toda a documentación, e emitir un recurso se fose o caso, da documentación que non era correcta, que de non ser aportada en tempo, esta comisión, non tería queixa algunha por non permitir a montaxe das atraccións que nun cumprisen os requisitos.
Con todo isto observamos unha certa desidia cara os barrios por parte do Tenente Alcalde, parece que non lle importa moito todo o que estea fora de murallas, se ben o concello xa leva toda a inversión de festexos dentro de murallas, e son as xentes dos barrios, quen de xeito altruísta teñen que organizar os seus propios festexos, o final observamos que todo son trabas, que as comisións non pretenden quitar beneficio, soamente aportar uns día de lecer e desfrute para os veciños e algo de movemento económico para os negocios dos barrios, deses que tanto se fala pero polos que nada se fai por parte das administración públicas.
Por outro lado tamén observamos que cando veñen as festas organizadas polo propio concello se alongan as horas de cerre ata as 4 da mañá, tal e como sucedeu neste Arde Lucus, mentres que segundo as novas directrices establecidas polo señor Arroxo hai que rematar os eventos a unha da madrugada os días que non son véspera de festivos e as tres o resto, cando a normativa da Xunta establece as 4 e 4:30, valores moi por debaixo da normativa da comunidade autónoma, que limita moito a rendibilidade de traer unha boa orquestra.
Por se fora pouco neste ano impúxose por parte do concello unha fianza de 5000 €, e non a todas as festas que ocupan vía pública lles foi imposta, cónstanos que fomos os únicos que abonamos dita fianza baixo ameaza de que senón se facía non se permitían levar a cabo os eventos. Calquera comisión de festas no é capaz de asumir a disposición deses 5000 € para depositalos no concello a modo de fianza, que tampouco consideramos que sexa necesaria xa que a propia comisión está obrigada a aportar un seguro de responsabilidade civil de uns 2 millóns de Euros que cubrirían esas continxencias, aparte de que os posibles desperfectos que puidese ocasionar un carrusel, temen estaría cuberto polo seguro de responsabilidade civil que xa están obrigados a presentar na documentación, realmente logo parece que esta fianza está para exixirlla a uns e venderlle o favor a outros, pois carece de efectividade cando xa hai seguros para esas continxencias, e tamén moi raro que a uns lla pidan e a outros non, sendo probable que de impoñérllela a todas as comisión, haxa poucas ou mais ben ningunha que leve a cabo festexos derivado de falta de efectivo.
Dende a comisión, e moitos veciños, chegados este punto, hai desconfianza de que eses 5000 € de fianza nunca sexan devoltos alegando desperfectos, desperfectos que vendo a reportaxe fotográfica levado a cabo, queda ben claro que xa existían, de feito hai desperfectos que a herba que os cubre ben mantiña unha ovella, e non é de entrañar a existencia deses desperfectos, xa que nos últimos anos non hai un mantemento das infraestruturas urbanas na zona, esperemos que eses 5000 € non rematen no arranxo do abandono das infraestruturas, ou o que sería peor, o arranxo en outros barrios, e estamos a espera da pronta devolución dos mesmos para sufragar os gastos que as orquestras están dispostas a esperar.
Sentimos dende os barrios unha dobre vara de medir, que xa pase que non se lembren de nos ata os días previos as eleccións, pero polo menos que non poñan trabas irracionais, que sexa certo o que din, que facilitan os tramites, aínda que fose necesario quitarlle un 2% do presuposto as festas organizadas polo concello, seira moi importante para os barrios que toda esa burocracia sexa atendida de xeito áxil e eficaz, a fin de contas que a administración desempeñe o seu traballo.
Tamén creemos que os cargos electos deben se accesibles a poboación civil, e en casos deste tipo escoitar e dialogar para tratar de chegar a un consenso, pois esta comisión estaba barallando a posibilidade de trasladar as festas a outra data consensuada, e así minimizar os dano social e económico que se produciu cos feitos acontecidos.
Dita reunión consensuouse con persoal da oficina de señor Arroxo as 13 horas do día 6 de xuño, que manifestou que o Tenente Alcalde estaba ocupado en ese momento, de feito os da comisión vimos que estaba na oficina traballando, emprazándonos a volver as 15:00 que xa contaba ter rematado o que estaba a facer. Foi grande a nosa sorpresa cando as 14:45 volvemos e o señor Arroxo xa marchara e así evitar falar con nos.
Queremos destacar que esta comisión fixo a devolución a todos os carruseis que non abriron a súa atracción nos días de festa.
