12/09/2023
𝐁𝐚𝐠𝐚 𝐁𝐚𝐫𝐚 𝐇𝐚𝐚𝐫𝐚𝐚 𝐍𝐚𝐠𝐚𝐚𝐧 𝐆𝐞𝐞𝐬𝐬𝐚𝐧!
Bara 2016 fuuldura keenyatti ilaalaa, bara 2015 dabarsine kana yeroo dhumaaf gaggeessuuf guyyaa hafte tokko kanarratti waggaa ajaa’ibaa fi dinqisiisaa biyyi keenyaa fi uummanni biyyattii dabarsine yaadannoof kaasuun barbaada.
Tarkaanfii kaaba biyyattiitti nagaa buusuuf afaan qawwee callisiisuu irraa hanga Ashaaraa Magariisaan seenaa haaraa galmeessisuutti, milkiiwwan nuti dirree waadaa itti seenne irratti agarsiisnerraa hanga sadarkaa idil addunyaatti beekamtii akka Koomiishinii Tuurizimii Oromiyaatti argachuutti; faajjiiwwan milkii gama atileetiksiitiin ol kaasnee mirmirsuu irraa hanga injifannoo qabxii Itoophiyaan garee BRICS’tti makamuudhaan galmeessistetti gammaduutti, kun hunduu ammoo hidhaan guddichi biyyittii yeroo 4ffaa fi xumuraaf guutamuu isaatiin kan simboo addaa uffachuudhaan waggaa xumuramedha. Waggaan darbe kun qorumsoota gurguddoon yeroo itti nu quunnaman ta’us injifannoowwan mamii tokko malee biyyittii onnachiisan waggaa itti argine ture.
Bara 2016 kanaaf, akka biyyaatti qorumsoota arginee fi dabarsine caalaa, qabxiiwwan milkii fi injifannoo galmeessisne akka lakkoofnun barbaada. Kunis ammoo, yeroo xiyyeeffannoon keenya Nagaa fi Badhaadhinarra ta’u, injifannoon gaaffii tokko malee akka harka keenya jiru ragaa kan ta’udha.
Koomiishinii Tuuriizimii Oromiyaatti, bulchiinsa paarkiiwwan 24 kan haaraa ijaaramanii fi bakkeewwan mandhee tuuriizimii gaggeessuun wantoota keessa nu dabarse waan muraasa kaasuun barbaachisaadha.
Yaada Kabajamoo Pirezidaantii Obbo Shimallis Abdiisaatiin kaka’umsa godhannee tarkaanfiin nuti fudhanne kun, qaamolee mootummaa fi miti mootummaa akkasumas qaamolee aadaa fi duudhaa biyya keenyaa itichuu fi nurra bulchu gargaaruuf fedhii qaban waliin hojjechuuf yeroo kamuu caalaa qophii akka taane carraa kanaan ibsuun barbaada.
Galatni koo, qaamolee Biiroo Koomishinii keenyaa wajjin hojjetanii fi nu hiixachiisanii kaayyoo keenya nu qaqqabsiisaniif haa qaqqabu jechaa, waggaa haaraa kanatti kan walitti dhufeenyi keenya jabaatee itti fufu akka ta’u hawwii kooti.
Akkasumas, kutannoo fi tokkummaa ajaa’ibaatiin kan dadhabe osoo hin jedhiin kaayyoo biiroo Koomiishinii Tuurizimii Oromiyaa wajjin tirachaa turan, garee fi hojjettoota Biiroo keenyaaf galatni koo guddaadha, akka seenaa Oromiyaa addunyaatti himuuf tattaafattan seenaa keessan kan Oromiyaan deebistee addunyaatti himtu haa ta’un jedha.
Yeroo Birraan bari’u kana, Xumura fulbaana kanaa irratti, biiroon keenya obboloota keenya biyyootan Afriikaa fi bakkeewwan adda addaarra walitti dhufan kaan sagantaa itti akka dibaabee tuuriizimiitti jalatti walitti qabamnu qopheessee jira. Sagantaan isin darbuu hin qabne kun, akka lakkoofsa biyya alaatti (September) 24 hanga 26tti Hoteela Guddicha Skylight’tti kan adeemsifamu ta’a.
Bara haaraa dhufaa jiru kanatti hawwiinkoo guddaan qilleensi nagaa Oromiyaakoorratti bu'ee yeroo mo'u arguudha.
Dachaawwan, dirreewwan, bosonoonnii fi gaarreewwan Oromiyaa sagalee sirba gammachiisaa shamarranii fi tapha ijoollee dhiiraatiin ala sagalee waldhabdee fi gaddaa nama hin gammachiifne akka dhaga'an hin hawwu. Lubbuun tokkoon tokkoon hunda keenyaa kennaa safara hin qabne waan ta'eef gatii akka argatun barbaada. Hafuurri nagaa fi hunda hammate Oromummaa fi obbolummaa hunda keenyaa akka tokkoomsun barbaada.
Waggaa itti gammachuu, badhaadhinnii fi nagaan qe’ee keenya hunda itti guutu nuuf haa ta’u.
Leellisee Dhugaa
Koomiishinara,
Koomiishinii Tuurizimii Oromiyaa
