26/01/2024
Talofa te EKT Suva, Te taipola a Fono, te kau faigaluega, vasega mo kau ke oko loa ki te Itu pa o Matua, io me ko te Komiti a Fafine EKT Suva;
Tulouna te o 'tou malu, te page tenei ne fakatoka ke mafai ei ne tatou, o maua a sose polokalame, a te Ekalesia i te vaia*o masina mo te tausaga katoa a te EKT Suva.
Polokalame konei e aofia ei te EKT Suva i ana Vasega, Kau, Akoga a*o Tapu, Komiti Fafine, pela foki a*o malolo o Fenua o te Atu-Fenua pela mo te fakatonuga a te Kalena a te Ekalesia.
FAKAMATALAGA TOETOE: 'TOE GAFA SE AGA'
Pati Tuvalu konei 'Gafa' mo te 'aga', a pati konei e fakauiga katoa ki te pati Peletaina 'measurement' tela se 'Fua fakatautau', io me se aofaki o te loa, lauefa, poko mo te maluga o se mea. A laua konei e se pau la tuku aofaki, me i te 'GAFA' e loa atu i te AGA', te la vasia. Te GAFA se aofaki o ou lima e lua ma fola, te AGA, se aofaki o te mao o tou maikao matua, ki tou maikao lua foliki.
A laua konei GAFA mo te AGA, e se faipati fua, ki te mao o fuuaga me ko measurement konei, kae e fakaaoga foki ki te laulauga o te takapili, ko faiga, uiga mo amio o te tagata me ko te fafine Tuvalu i te olaga kausaki; olaga fai tusaga mo te olaga Tautua o te tagata Tuvalu, i tena kaiga, i tena Fenua mo tena Ekalesia.
Tusaga ki te tagata Tuvalu, e taaua ki; me ne vaega e se lavea o te o tena loto e alofa, fakamaoni kae fai mea mafai mo tena Kaiga, ko tena Fenua mo tena Ekalesia, mea nei ko fakaasiga o ana galuega fakatino, kola e fai mo molimau mata ki nisi, me i a ia se tagata o Kaiga, se tagata o fenua kae se tagata foki o te Atua.
Tuvalu e fakaigoa ne latou a fafine mo tagata penei: mene tagata mo fafine o kaiga, Fenua mo Ekalesia. Ko POU TAKI, NE FUAMANU MO KANAMATA, E sama kae apo i sose mea fai, i sose koga mo sose taimi.
Muna Toeaina ko Iakopo i te Tusi Tapu: Iakopo 2: 17 e pena foki te fakatuanaki, e mate manafai e seai ne galuega alofa e fai ne tatou.
monument
