07/07/2024
علاقات تستحق البتر 💐
(النرجسي) هو الشخص قليل الأدب والمتسلط في العلاقة
وهو عامل نفسو عارف اي شي عن الضحية وبخش في اي شي بخصها من لباساتا لي صحباتا.
عندو رأي في اي شي بخصو او ما بخصو.
متهمجك وواصل ابعد من درجة فروعون القال انا ربكم الاعلي.
الشخصية دي مسمة وبتسحب حرفيا كل هرمونات السعادة والتفاؤل وببدل لي بي هرون انا الجاقدا مافي زول بعرف اكتر مني ولي ح يوصل مرحلتي مهما ارتقي في كل مراحل الحياة.
بديك احساس انك انت/انتي مجرد رقم في الكورة الارضية ويفهمك انك لو اتخليت عنو ما ح يكون عندك قيمة.
والادهي انو بكون جاهل حتي كل الشهادت العندو والآنفة الفّي دماغو شي ما ذاد ولا يزيد بي زخيرتو اللغوية واو اسلوبو بي شئ.
والحمي الشديدة بتجي من الما متعلمين فيهم بشوفو الزول المعاهم ده لو مستوي العلمي اعلي منو ولو بي درجة ده عبارة عن تحدي ليهو ولي مقدراتو.
لو شريكك بالاوصاف دي اتأكد انو نرجسي 💔.
إذا قررت انك تفصلا منو وبالذات المتزوجين بالطلاق، ح يفجر في مخاصمتك ومعاملتك وح يحاول بي قدر ما يقدر يشوه صورتك في المجتمع ويبعد كل الناس منك وبركذ علي الناس المشتركين بيناتكم عشان ما يكتشفو طيبتك وطهر قلبك ومحاسنك الكان بعمل جهدى ويخفيها عشان ما تظهر ليهم.
وللاسف لو ظليت في حياتو ح تمرض نفسيا ولو فارقتو ح تحتاج علاج نفسي مكثف جدا عشان تقدر تستعيد ثقتك بي نفسك وتبدا من الصفر وتنضف عقلك من السموم.
It’s never too late!
الحق نفسك عشان ما تفقدا بي سرعة الصوت
بقلم #ملاح ويكة
