როგორც ამბობენ (და თუ არ ამბობენ, აბა, ეგ რა სადარდებელია?!), ჯადოსნური თავგადასავლები პაწაწინა ნაბიჯების გადადგმით იწყება ხოლმე. ჰოდა, ესეც სწორედ ეგეთი ამბავია.
უნდა გაგიმხილო, რომ დედაჩემს მცენარეები თავისი შვილებივით უყვარს. აჰა! სწორედ ისე ელაპარაკება, უვლის და ეალერსება, როგორც - მე და ჩემს და-ძმას, როცა პატარები ვიყავით.
ამ ალერსსა და ღუღუნში ყველა ყლორტიდან ისე გაიზარდნენ და გამრავლდნენ
დედას მცენარეები, რომ მთელი სახლი, აივანი და ეზო ერთ შრიალა ოაზისად გადააქციეს. ამიტომაც, მე და დედამ ჩვენი პატარა ოცნება ავიხდინეთ და მაღაზიის გახსნა გადავწყვიტეთ. ჯერ ონლაინ, ქუთაისსა და თბილისს მივწვდებით, შემდეგ კი, ვინ იცის, იქნებ ისეთი ადგილიც ავაშენოთ, შენ რომ ყველაზე მეტად გეყვარება და გაგიხარდება.