CookEasy 煮餸易

01/04/2025

Amazing Nails Art for Girls | Best Pretty Nails Art Design & Tutorial❤

07/03/2025

照護食發展愈來愈蓬勃，可以點樣做得更好呢？為咗學習照護食最新趨勢，早前CookEasy同iBakery團隊去咗✈️日本東京考察，參觀Medí Care Food Show之餘，仲參觀同認識咗好多照護食工場、院舍、社企等，驚嘆日本食品製造行業如此成熟，而且見到營養師積極參與，有專門崗位「管理榮養士」負責設計餐單、廚房同食物採購，文化同做法同香港都好唔同，獲得滿滿靈感💡有興趣想知多啲可以睇吓以下呢篇文呢✨

如果未試過照護食又想試吓，可以去我哋姊妹社企餐廳 iBakery 愛烘焙麵包工房 預約照護食餐：

📆 2025年3月29日 (星期六)
🕒 下午3時半
📍 iBakery Gallery Cafe (bit.ly/3iQh1tY)

立即預訂啦👉bit.ly/3Z3Jm65

#家滋味照護食 #東華三院 #照護食 #軟餐 #同桌同食 #社企 #照護食種子餐廳

驚為天人的日本照護食（上）

文: Florence Chan（東華三院CookEasy負責人）

如果「食得」真的是福，香港人有福嗎？
營養師這專業在香港也算是普及，但到目前為止，我有機會接觸又曾經深入傾談過的營養師，卻全是日本人，話題都是關於如何在人生最後階段，繼續吃得好。

香港人要做好一件事，可以很有效率，像給 #吞嚥有困難 的人做 #照護食 ，由零開始，到現在雖未算成行成市，但大眾有相當認知，市場上出現了幾家本地生產商，有供有求的市場成型，都只不過是短短幾年間的事。

兩年前去日本考察照護食，驚為天人大發現似的，竟然有這樣那樣做的食物，五花八門，價錢相宜，這種食品的展銷會差不多全年都會在日本不同地區輪流舉辦，反映需求和競爭之大。當時想，香港不知什麼時候才能追上。

上星期再去日本，依然有各式各樣的照護食產品，目不暇給。展覽會入口最當眼處，是日本介護食品非常入屋的KOL金谷節子教授的攤位，展示她各式各樣現成產品及節目特別餐盒。吉野家牛肉飯和即將推出市場的獲獎鰻魚飯，也有人龍排隊拿試食。而像伊藤園的茶品牌也推出增稠綠茶、焙茶、玄米茶，好飲解渴，沒有一般增稠飲品的怪味；也有即沖朱古力布甸粉，silky程度比美五星酒店餅廚出品如雲朵般的panna cotta，試吃的人一杯接一杯，一般人也一定會愛上；有幾可亂真的食物打印技術，提升食物造型吸引力，令生產食物的人可以專注在味道上。

今次，我們沒有大呼小叫，而是倒抽一口涼氣，因為越來越明白能夠令人「 #食得好 」這件事，不單單是生產食物的人努力就可以做到。

當然，日本的食品製造業實在發展太完善，由原材料的選擇、食材採購，以致廚房設施、物流配套，都不是香港一時三刻能夠趕上的。但他們在介護食品整個行業的供應操作中，最特別的地方，是營養師的高度參與，而在一些餐膳做得特別出色的安老設施，都是由資深「管理栄養士」，亦即是一般營養師需要再考取的專業資格持有人，去管理餐單、廚房和食物採購。

咩叫「管理栄養士」？ 下星期再續。

#大銀 #日本照顧食 #食得是福

26/02/2025

大家食咗春茗未呢？早前我哋趁住元宵佳節，同埋國泰君安國際控股有限公司企業義工去到屯門小欖，同一班東華三院小欖峻庭嚴重智障人士日間活動中心暨宿舍、東華三院小欖峻庭嚴重殘疾人士護理院院友聚首一堂，除咗玩遊戲同埋睇表演，當然唔少得春茗🧧！CookEasy一班同事落力籌備，就係為咗院友們可以食到熱辣辣嘅盤菜軟餐🥘！院友們見到鮑魚、海參、蓮藕都相當興奮，加埋瑤柱蠔汁香氣撲鼻，在場義工都覺得好吸引😋，有院友趁開飯前「手機食先」，甚至忍唔住偷食幾啖先呢。

為咗準備今次春茗，CookEasy同事們計劃得好仔細，除咗事先預計份量、翻熱軟餐同出餐時間⏰，為咗令軟餐保持吸賣相，由廚房運送到去禮堂過程都相當小心，遇到凸起嘅觸覺引路帶時，同事們合作力搬起保溫箱💪🏻，就係為保住軟餐「靚仔」，等上菜時院友食到熱騰騰、賣相吸引嘅盤菜軟餐，過一個美滿嘅元宵佳節呢~

國泰君安國際 Guotai Junan International

#春茗 #盤菜 #家滋味照護食 #軟餐 #照護食

06/02/2025

🙌🏻連繫安老及復康業界 參觀CookEasy照護食工場 全面認識照護食🫕🥕

為咗令安老及復康同業更了解照護食，CookEasy一月舉行咗兩場團隊參觀及交流會，反應熱烈，吸引超過40位來自安老、復康、醫療、房屋等業界代表。

活動包括參觀CookEasy最新嘅家滋味照護食生產及培訓中心，等同業了解照護食製作過程，並試食多款精緻軟餐，包括符合國際吞嚥障礙飲食標準（IDDSI）等級4嘅🧧新春盤菜、砵仔糕、等級3嘅南瓜湯，以及自家品牌即沖增稠☕️港式奶茶。96%參觀者都表示非常滿意及滿意CookEasy食品嘅味道、賣相呢😋。

席間有CookEasy代表同埋言語治療師分享製作軟餐同吞嚥知識，參觀者亦積極提問交流。活動反應正面，CookEasy作為業界一份子，計劃持續連繫同業，希望一齊積極推動院舍應用照護食，提升長者及殘疾人士膳食及生活質素💪🏻。

想認識更多CookEasy 「家滋味照護食」，可以睇網頁：
https://cookeasy.tungwahcsd.org/softmeal

#家滋味照護食 #軟餐 #照護食

30/12/2024

【CookEasy伴你一起過蛇年🐍】過年又點少得各式各樣嘅賀年糕點？CookEasy與往年一樣，為大家準備咗兩款賀年食品：香港製造蘿蔔糕 及 傳統蔗糖年糕。我哋嘅蘿蔔糕採用清甜多汁的日本大根配上香濃臘腸與蝦米，蒸或煎都一樣香口惹味；年糕則保留傳統口味，由清甜香口的蔗糖製成，粉漿與糖比例完美，質感軟糯香滑😋

我哋另有推出用料十足嘅手工精製XO醬，將原粒瑤柱切成絲條，再加入金華火腿、蝦米、乾蔥、指天椒等落鑊炒香，香辣惹味，同CookEasy蘿蔔糕簡直是經典絕配👍

以上食品都由我哋不同能力嘅同事用心手工製作，款款都係限量供應，無論送禮或自用都同樣適合！

💰 凡於2025年1月3日 (五)或之前訂購，即可享早鳥優惠價
🛍️ 網店訂購滿$500可享免運費

歡迎查詢訂購
☎️ 2562 5900
✉️ [email protected]
🔗 https://cookeasy.tungwahcsd.org/cny2025

#賀年食品 #中式糕點 #東華三院 #社會企業 #殘疾人士就業

20/12/2024

【香港社企員工嘉許計劃2024暨十周年慶典】2024社企嘉許計劃喺2024年12月11日圓滿結束啦🥳🥳我哋旗下社企總共有9位同事獲得嘉許，而CookEasy團隊有3位同事獲得嘉許，實在係令人欣喜❤恭喜晒咁多位得獎嘅同事！🫶🥰

過去一年，同事們喺崗位上都好落力，遇到咩挑戰都勇敢面對💪仲好有團隊精神，一齊努力做好每一件事☺️☺️佢哋嘅付出唔單止為團隊帶嚟成績，仲為我哋嘅社企注入咗好多正能量🫰

喺度感謝幾位同事嘅辛勤付出，未來大家喺團隊上繼續一齊努力💪💪

最具合作精神獎 黃杏朋 支援服務助理

傑出社企員工 李富文 廚師 I

傑出社企員工 馮婉華 廚師 II

其他傑出社企員工得獎名單：
iBakery - 劉𨥈筠、何麗儀、潘肖茵、梁美儀
賞味軒 - 劉志雄
自在軒 - 梁美貞

#香港社企員工嘉許計劃2024暨十周年慶典 #社企嘉許禮 #殘疾人士就業 #社企 #東華三院

30/11/2024

【聖誕想嗌到會未諗到嗌咩好？】原來仲有一個月多啲就到聖誕節喇，最近熟廚房嘅廚師們都陸續收到唔同嘅到會訂單，努力製作緊多盤到會美食🧑‍🍳

蜜糖燒雞中翼同埋泰式燒豬頸肉就係其中最受歡迎嘅美食嚟，雞翼隻隻都呈現金黃色，豬頸肉嫩滑又香口，個個食過都讚好味道！😋

聖誕聚餐仲未諗到嗌咩野食？咁快啲訂購CookEasy嘅美食到會啦！

到會訂購及查詢
☎️ 2562 5900
✉️ [email protected]
🔗 https://cookeasy.tungwahcsd.org/start/catering

#美食到會 #到會 #到會服務 #外賣到會 #聖誕到會
#東華三院 #社會企業 #殘疾人士就業

28/11/2024

【即沖增稠飲品—照護食奶茶】啱啱完結嘅樂齡科展技覽上我哋攤位亦推出咗照護食奶茶試飲，好多人一聞到就已經話「好香奶茶味喎！😆」，試過嘅人好多都話「真係好似飲緊茶餐廳嘅奶茶咁！」、「奶同茶嘅比例啱啱好！」

其實好多老友記去到茶餐廳都必定要嗌返杯熱奶茶，自從有吞嚥問題開始就未能品嚐返呢種熟悉嘅味道🙁但而家CookEasy推出嘅即沖增稠飲品—照護食奶茶只需加入熱水，就可以沖調至飲品IDDSI等級3嘅港式奶茶，令到老友記可以喚返起懷舊嘅感覺🥰

💰 零售價：$68/盒 (內有5包)
☕ 可沖調至IDDSI等級3質感
🇯🇵 日本製造，成份安全，不含色素、乳化劑及奶精

院舍機構仲可尊享優惠價，歡迎聯絡我哋傾傾🤙🏻

訂購及查詢
☎️ 2562 5900
✉️ [email protected]
🔗 https://cookeasy.tungwahcsd.org/start?category=74

#照護食奶茶