MANNA咁多事工中籃球可能係最多青少年嘅一項, 持續嘅運動睇住佢地大過其實真心感恩, 由矮過自己半個頭到高過自己, 把聲同身型慢慢變化, 由次次都係成班仔獨來獨往到佢地同埋女朋友出現, 突然會有種唔捨得佢地大得咁快嘅感覺, 或者時間其實先係事奉俾我地最大嘅禮物, 因為入邊總係充滿住美好嘅回憶。
.
.
#IfYouCare
#香港會越黎越好manna都會越黎越好
#新一代總係勁有盼望
#唔係我地老只係佢地後生
#佢地開始識講黃色笑話
#又去到第二個同行位啦
深水埗鋪最後一晚社關活動, 之後就要準備清場還鋪啦, 雖然仲未可以100%肯定下一站係邊, 因為仲未有新鋪合約係手, 都唔夠錢去搬, 但係我地由同工到咁多位朋友, 清潔工, 長者受惠人, 都好相信我地個天父一定有好安排, 請大家係未來幾日都為我地禱告 =)
.
.
#ifYouCare
#看見就動身
#雲柱火柱行緊啦我地跟就岩啦
#雖然唔知實際點行
#但係呢個咪就係MANNA日常
#當初點會諗到做餐飲會做到咁
#影片嘅樣都問哂佢地可以出鏡
餐廳晚上唔開, 令到更多野有可能發生, 大家坐埋傾計好咩都好, 香港呢D大城市到, 美麗嘅野, 可能就係唔使太複雜安排太多嘅簡單野。
.
.
#ifYouCare
攪活動資源唔夠就用創意搭救, 結果班長者運動細胞好似仲好過班同工同實習生
.
.
#IfYouCare
同工做完餐廳工作後, 個個星期走去同班小朋友打波, 而佢地又肯咁樣個個星期見我地見左足足成年, 球技有無好到真係唔知, 但係班友仔應該真係唔經唔覺friend左都成場都係傻笑聲。運動真係令好多關係都變得簡單左。
.
.
#ifyoucare
#令餐廳超越餐廳
#聚埋做左先算
呢個夜晚, 所有媽咪都將佢地家鄉嘅野食準備好同大家分享, 係MANNA到攪左個東南亞之夜, 申請緊難民身份嘅佢地, 唔知到幾時需要離開, 但係只要係MANNA到, 佢地都會微笑住, 有時反而叫我地唔使擔心, 有時仲會同我地禱告分憂, 即使信仰唔同, 但係出自真心嘅愛, 係呢到都仲係可以搵到共嗚。
.
.
#IfYouCare
#餐廳本應係提供食物
#但係有時會由家人提供返食物俾我地
#餐廳變屋企源於關係
或者我地都唔專業都係咩叻嘅人, 但係我地總係不經不覺越黎越多人。我地開始都定義唔到自己係咩, 餐廳?機構?教會? 不如你親自黎睇下感受下, 再話俾我地知MANNA其實係D咩黎。
.
.
#IfYouCare
呢班朋友住緊嘅地方, 因為俾人買左發展, 所以全部幾百人被迫搬到去一個滿佈垃圾嘅地方。同工去到嘅時候去到48度, 熱天氣加上垃圾令到空氣到充滿住飛虫, 全身都不斷有昆蟲衝擊。呢到平均一個家庭會有10個在生嘅小朋友, 要用到在生係因為經常會因為資源唔夠同無人照顧, 令到好多小朋友因為好小事就返天家。衛生問題, 犯罪活動, 飢餓營養不均同埋班無責任心嘅父母, 平來經已令到班小朋友好難生存, 現時根據當地人講, 仲多埋器官販賣。
.
.
我地現時會協助增加當地派飯事工, 同時目標盡快開設小朋友庇護所。
.
.
#IfYouCare
#MANNA可能係香港最不務正業嘅餐廳
#香港人成立嘅NGO
#將愛心由香港開始傳出去
#去到貧窮之中
連白雪公主都試左我地個早餐
.
.
健康好重要, 我地個早餐用左無味精低糖鹽方法整左個可以飲埋嘅雞湯, 配個日本烏冬, 係時候用一個好味方法告別無益公仔面早餐 (雖然我地都可以配公仔面)。靚湯烏冬連雜菌, 配兩款自選配餸, 今次公主就選擇左雞蛋同雞翼, 成件事為一個美好早晨增添滿滿元氣。
.
.
#IfYouCare
#感謝公主成為代言人
吸毒多年嘅無家者信左耶穌戒埋毒, MANNA同工當然鼓舞, 連佢阿爸同老婆都見到佢呢個改變, 知道除左神蹟之外唔會有其他原因可以令到呢個浪子回頭, 最後佢一家一個一個慢慢透過佢親身感受更多更大嘅愛。
.
.
#IfYouCare
#當日受惠人
#他日宣教仕
將MANNA由鋪頭搬出去, 將我地最寶貴嘅野送埋出去, 個個星期4晚通州街公園, 無花巧技巧無特別活動無特別野派, 只係去到, 同在。
.
.
#IfYouCare
同工個個星期係通州街公園探人, 其中一個婆婆都幾肯傾計, 之後發現佢幾鐘意學英文, 仲會自己抄底一個個咁背左佢, 慢慢教英文同學英文成為佢兩個嘅恆常小約會。
.
.
#IfYouCare
#未必改變到D咩
#但係份關係就慢慢成長緊
